ပဋိစ္စသမုပ္ပါဒ်နားမလည်ရင် ဒိဋ္ဌိလဲဖြစ်တယ်၊ ၀ိစိကိစ္ဆာလဲဖြစ်တယ်။ ပဋိစ္စသမုပ္ပါဒ်နားလည်မှ ဒိဋ္ဌိ ၀ိစိကိစ္ဆာကွာတယ်။ ကွာပြီးမှ အနိစ္စ ဒုက္ခ အနတ္တ ဖြစ်ပျက်အားထုတ်ရမယ်။ ဒါကြောင့် အနိစ္စ ဒုက္ခ အနတ္တအားမထုတ်ခင် ပဋိစ္စသမုပ္ပါဒ်နားလည်အောင် အရင်လုပ်ထားရမယ်။ ပဋိစ္စသမုပ္ပါဒ်နားလည်မှ ကိုယ့်ခန္ဓာဖြစ်ကြောင်း ကိုယ့်ခန္ဓာ့ဖြစ်စဉ်ကိုသိမယ်။ နားမလည်ရင် မသိဘူး။ မသိတော့ ခန္ဓာအပေါ်မှာ သံသယ၀ိစိကိစ္ဆာတို့ ဒိဋ္ဌိတို့ ကပ်လာမယ်။ ကပ်လျက်သာ အားထုတ်မယ်ဆိုရင် အချီးအနှီးပဲဖြစ်လိမ့်မယ်။
ပဋိစ္စသမုပ္ပါဒ်ဆိုတာ ကိုယ့်ခန္ဓာဖြစ်ကြောင်းနဲ့ ကိုယ့်ခန္ဓာ့ဖြစ်စဉ်လို့မှတ်ထားလိုက်ပါ။ ဖြစ်ကြောင်းဆိုတာက အတိတ်ကအကြောင်း၊ ဖြစ်စဉ်ဆိုတာက ဒီအထဲမှာ ယောက်ျား မိန်းမမပါ၊ ရုပ်နာမ်တွေသာ တစ်ခုပြီးတစ်ခု အစဉ်တန်းပြီးတော့ ဖြစ်နေတာ။ ဘယ်သူ့ကြောင့် ခန္ဓာငါးပါးပေါ်လာရလဲဆိုတာကို သိရတဲ့အကြောင်းဟာ ဖြစ်ကြောင်းပါပဲ။ ဖြစ်စဉ်ဆိုတာက ကိုယ့်ခန္ဓာကြီးဟာ ယောက်ျားတွေ မိန်းမတွေဖြစ်နေတာမဟုတ်၊ ၀ိညာဏ် နာမ်ရုပ် သဠာယတန ဖဿ ဝေဒနာတွေဖြစ်နေတာလို့သိတော့ ဖြစ်စဉ်ကိုသိတယ်။ ဒါကြောင့် ဖြစ်ကြောင်းနဲ့ ဖြစ်စဉ် တစ်ခြားစီလို့ မှတ်လိုက်ပါ။ ဖြစ်ကြောင်းနဲ့ ဖြစ်စဉ်ကိုမသိဘဲ ဝေဒနာ အနိစ္စ၊ ရုပ်အနိစ္စ၊ စိတ်အနိစ္စလို့ သိနေသော်လဲ ရှုရင်းနဲ့ သံသယ၀ိစိကိစ္ဆာ ၀င်လာတယ်။ ရှုရင်းပဲ ဒိဋ္ဌိဝင်လာတယ်။ ဒိဋ္ဌိ ၀ိစိကိစ္ဆာဝင်လာကတည်းက မဂ်ဖိုလ်တားတဲ့တရား၊ အစဆုံးမဂ်ကို တားတဲ့တရားပဲ။ ပဋိစ္စသမုပ္ပါဒ်နားမလည်ရင်တော့ ဒိဋ္ဌိ၊ ၀ိစိကိစ္ဆာ လာတော့မှာသေချာတယ်။ ငါ ဘယ်ကလာခဲ့ပါလိမ့်မလဲဆိုတော့ ၀ိစိကိစ္ဆာ၊ အခုငါဟာ ဘယ်လိုငါပါလိမ့်မလဲဆိုတော့လဲ ၀ိစိကိစ္ဆာပဲ၊ ရှေ့ ငါ ဘာများဖြစ်ရဦးမလဲဆိုတော့လဲ ၀ိစိကိစ္ဆာပဲ။ ကိုယ့်ဟာကိုယ် ဆုံးဖြတ်ချက်မချနိုင်တာဟူသရွေ့ ၀ိစိကိစ္ဆာလို့မှတ်လိုက်။
ရုပ်တွေ နာမ်တွေပေါ်နေတာကိုပဲ ငါစားချင်တယ်၊ ငါဝတ်ချင်တယ်၊ ငါအိပ်ချင်တယ်၊ ငါသွားချင်တယ်၊ ငါလာချင်တယ်ဆိုပြီး ရုပ်နာမ်တွေကို ငါစွဲလုပ်လိုက်တော့ ပဋိစ္စသမုပ္ပါဒ်အစဉ်အပေါ်မှာ ဒိဋ္ဌိဝင်ကပ်တယ်။ ဒါဟာ ပဋိစ္စသမုပ္ပါဒ်အစဉ်ကို နားမလည်လို့ပဲ။ ပဋိစ္စသမုပ္ပါဒ်အကြောင်း ကိုယ့်ခန္ဓာဖြစ်ကြောင်းနားမလည်ရင် ၀ိစိကိစ္ဆာဝင်တယ်၊ ပဋိစ္စသမုပ္ပါဒ်အစဉ် ကိုယ့်ခန္ဓာ့ဖြစ်စဉ်ကို နားမလည်လို့ ပုဂ္ဂိုလ် သတ္တ၀ါ ငါသူတစ်ပါးထင်ရင် ဒိဋ္ဌိဝင်တယ်။
သာဝတ္ထိပြည်မှာ အရှင်သာရိပုတ္တရာမထေရ်မြတ်ကြီးက အရှင်မဟာကဿပမထေရ်မြတ်ကြီးကို မေးတာလေးတွေ ဒီမှာ ဆက်စပ်နေတယ်။ အရှင်သာရိပုတ္တရာက `အရှင်ဘုရား သတ္တ၀ါသေရင် ဖြစ်သေးသလား`တဲ့။ မေးတော့ အရှင်မဟာကဿမထေရ်က `ဒီအမေးမျိုးကို ဘုရားက မဖြေကောင်းဘူးလို့မိန့်တော်မူပါတယ်´လို့ ဖြေတော်မူတယ်။ သတ္တ၀ါသေရင် ဖြစ်သေးသလားဆိုတာ မဖြေကောင်းတဲ့အမေးပဲတဲ့။ ဖြေရင် ဖြေသလောက်လွဲမယ်။ ဘာဖြစ်လို့လဲဆိုတော့ သတ္တ၀ါမရှိလို့။ စက်ဝိုင်းမှာ အတိတ်က အ၀ိဇ္ဇာ သင်္ခါရနဲ့ ပြုခဲ့လို့ သေသည်၏အခြားမဲ့၌ ၀ိညာဏ် နာမ်ရုပ် သဠာယတန ဖဿ ဝေဒနာဆိုတဲ့ ခန္ဓာငါးပါးပေါ်တယ်။ သတ္တ၀ါဆိုတာ မပါဘူး။ ဒါဖြင့် အကြောင်းဘက်ကလဲ သတ္တ၀ါ သေတယ်ဆိုတာမရှိ၊ အ၀ိဇ္ဇာ သင်္ခါရပဲရှိတယ်။ အကျိုးဘက်ကလဲ သတ္တ၀ါဖြစ်စရာမရှိ၊ ၀ိညာဏ် နာမ်ရုပ် သဠာယတန ဖဿ ဝေဒနာပဲရှိတယ်။ အကြောင်းထဲမှာလဲ သတ္တ၀ါမပါ အကျိုးထဲမှာလဲ သတ္တ၀ါမပါလို့ မဖြေကောင်းတဲ့အမေးလို့မှတ်လိုက်။ လောကဝေါဟာရအရ သုံးနေကြပေမယ့် သတ္တ၀ါဆိုတာ မရှိ၊ ဘယ်သွားဖြစ်တယ်ဆိုတဲ့ ဖြစ်စရာနေရာလဲမရှိပါဘဲနဲ့ သတ္တ၀ါသေရင် ဖြစ်သေးတယ်ဆိုတာ သဿတဒိဋ္ဌိအယူပဲ။ ဒါကြောင့် သတ္တ၀ါသေရင် ဖြစ်သေးသလားဆိုရင် ပဋိစ္စသမုပ္ပါဒ်ဒေသနာတော်အရ ဖြေစရာမရှိဘူး။ ပဋိစ္စသမုပ္ပါဒ်သဘောပေါက်တော့ မမေးကောင်းတာ မေးလို့ ဖြေစရာမရှိဘူးဆိုတာ ရှင်းသွားတယ်။ ဒီနေရာမှာ အရှင်သာရိပုတ္တရာမထေရ်က မသိလို့ မေးတာမဟုတ်ဘူး၊ နောင်လာနောက်သားတွေ သိရအောင်လို့ သိလျက်နဲ့မေးတာ။ ဒီအမေးမျိုးကို မဖြေကောင်းဘူးလို့ ဘုရားကလဲ ဟောထားပြီးသား။ သတ္တ၀ါဆိုတာမရှိတော့ သေစရာလဲ မရှိ၊ ဖြစ်စရာလဲ မရှိဘူး။ ဒီဘက်က ရုပ်နာမ်ချုပ်သွားရင် ဒီဘက်မှာ ရုပ်နာမ်ပေါ်တယ်။ အတိတ်က ရုပ်နာမ်ချုပ်တော့ ပစ္စုပ္ပန်မှာ ရုပ်နာမ်ပေါ်တာပဲ။ ပစ္စုပ္ပန်ရုပ်နာမ်ချုပ်တော့လဲ အနာဂတ်ရုပ်နာမ်ပဲ ပေါ်မယ်၊ သတ္တ၀ါဆိုတာ ပါကိုမပါဘူး။ သေစရာသတ္တ၀ါလဲမရှိ သေတတ်တဲ့ သတ္တ၀ါလဲမရှိ ဖြစ်တတ်တဲ့ သတ္တ၀ါလဲမရှိဘူး။ အခုရုပ်နာမ်ချုပ်သွားတော့ နောက်ရုပ်နာမ်အသစ်ပေါ်တာပဲ ရှိတယ်။ ဇာတိ ဇရာမရဏဆိုတာ နာမ်ရုပ်တွေပါပဲ။ ဒါဖြင့် မဖြေကောင်းတဲ့ ပုစ္ဆာမှန်းလဲသိလို့ မဖြေဘဲသာနေရမယ်ဆိုတာလဲ သိပါပြီ။ မဖြေကောင်းတဲ့အမေးကို မဖြေခြင်းဟာ ပဋိစ္စသမုပ္ပါဒ်အပေါ်မှာလဲ အသိဉာဏ်ရှိ၊ ခန္ဓာ့ဖြစ်စဉ်အပေါ်မှာလဲ အသိဉာဏ်ရှိလို့။ ဒီလိုသိတဲ့အသိဉာဏ်သည် နာမ်ရုပ်သိတဲ့ နာမရူပပရိစ္ဆေဒဉာဏ်၊ အကြောင်းအကျိုးဆက်တာကိုသိတဲ့ ပစ္စယပရိဂ္ဂဟဉာဏ်။ ဒီဉာဏ်နှစ်ဉာဏ်ရသွားတယ်။ ပဋိစ္စသမုပ္ပါဒ်နားလည်ရင် ဒီဉာဏ်နှစ်ဉာဏ်ရတယ်။ မဂ်ဉာဏ်ရဲ့ အခြေခံဉာဏ်တွေ ရလိုက်တာပဲ။
ဒေါက်တာအရှင်ပါရမီ
No comments:
Post a Comment
Without insight meditation, it is incomplete to be a Buddhist.