သစ္စာသိရင် ဉာဏ်လာတယ်

ဒီဘ၀ပြီးရင် နောက်ဘ၀ လူပြန်ဖြစ်ချင်တယ်ဆိုရင် လူအစ ဇာတိ လာမယ်။ ဇာတိဟာ ဒုက္ခသစ္စာပဲ။ ဒါဖြင့် လူပြန်ဖြစ်ချင်တဲ့သူဟာ နောက်ဘ၀ ဇာတိ ဒုက္ခသစ္စာမသိလို့ပဲ။ ပဋိသန္ဓေနေချင်သေးလို့၊ အိုချင်သေးလို့၊ သေချင်သေးလို့၊ အပါယ်ရောက်ချင်သေးလို့ဆိုရင်လဲ မလွဲပါဘူး။ ဒါကြောင့် သစ္စာမသိရင် သံသရာရှည်တယ်လို့သာ မှတ်လိုက်စမ်းပါ။

ကုသိုလ်ပြုပြီး ဟိုဘ၀ဆုတောင်း ဒီဘ၀ဆုတောင်းနဲ့ တောင်းနေကြတာဟာ သစ္စာမသိသေးလို့ပါ။ သုခတွေတောင်းယူနေတာလား ဒုက္ခတွေတောင်းယူနေတာလားဆိုရင် ဒုက္ခတွေတောင်းယူနေတာပဲ။ သစ္စာမသိတဲ့သူဟာ ဇာတိ ဒုက္ခသစ္စာလို့ မသိတော့ ဇာတိချည်း တောင်းယူနေတယ်။ လူအကြိမ်ကြိမ်ဖြစ်ရပါလို၏၊ နတ်အကြိမ်ကြိမ်ဖြစ်ရပါလို၏ဆိုတော့ ဒုက္ခအကြိမ်ကြိမ်တွေ့ရပါလို၏ဆိုတာနဲ့ အတူတူပဲ။ ဒုက္ခဆိုတာ ရှောင်ကွင်းရမယ့်အလုပ်၊ တောင်းယူရမယ့်အလုပ်မဟုတ်ပါဘူး။ ရှောင်ကွင်းရမယ့်အလုပ်ကို တောင်းယူနေတာဟာ သစ္စာမသိမှုကြောင့်ပါပဲ။

သစ္စာမသိတဲ့ပုဂ္ဂိုလ်ဟာ အကန်း လမ်းသွားသလိုပါပဲတဲ့။ ကန်းလဲကန်း လမ်းလဲ သွားနေပြန်တယ်ဆိုတော့ မြွေတွေ့လဲ မမြင်ဘူး၊ နင်းမှာပဲ။ ခလုပ်တွေ့လဲ မမြင်တော့ တိုက်မှာပဲ။ ရန်သူတွေ့လဲ မမြင်တော့ တိုးမှာပဲ။ မမြင်ရတဲ့အခါကျတော့ အရမ်းသွား သွားတယ်။ သစ္စာမသိပြီဆိုမှဖြင့် ဒီအတိုင်းပါပဲ၊ အရမ်းသွား သွားတယ်။ သစ္စာမသိလို့ရှိရင် ပဋိသန္ဓေဒုက္ခသစ္စာလဲ သူယူမှာပဲ။ ဒုက္ခသစ္စာမှန်းမှ သူမသိဘဲ။ ပဋိသန္ဓေ ဒုက္ခသစ္စာယူမိပြီဆိုရင် အိုဘေးနာဘေးသေဘေး စိုးရိမ်သောက ဗျာပါဒဘေး အပါယ်ဘေးတွေ ပြေးလို့မလွတ်တော့ဘူး။ ဒါဟာ သစ္စာမသိသူရဲ့ ဖြစ်စဉ်ပဲ။

ဘုရားရှင်က ရဟန်းတစ်ပါး ခေါ်ပြီး တောင်ကြီးတစ်တောင်ပေါ်တက်သွားတယ်။ တောင်ထိပ်ရောက်လို့ အောက်လှည့်ကြည့်လိုက်တော့ တောင်က တစ်ခြမ်းပြိုနေတယ်။ ရဟန်းက အရှင်ဘုရား ဒီချောက်ကြီးက ကြောက်စရာကြီးဘုရား- လို့လျှောက်တယ်။ ဘုရားရှင်က `ရဟန်း- ဒီတောင်ပေါ်က ခြေချော်ကျလို့ သေရင် တစ်ခါပဲ သေရမှာ၊ မကြောက်ပါနဲ့။ သစ္စာမသိဘဲ သေရတဲ့အသေမျိုးကသာတော့ အကြိမ်ကြိမ်သေရမှာ။ အဲဒါကိုသာ ကြောက်စမ်းပါ´တဲ့။ သစ္စာမသိတဲ့အသေကသာလျှင် ကြောက်စရာကောင်းပါတယ်လို့ ဘုရားရှင်က ဟောတော်မူလိုက်တာပါပဲ။

ဒါကြောင့် သစ္စာသိအောင်လုပ်ရမယ်။ ကိုယ့်ဇာတ်ကိုယ် သိမ်းနိုင်အောင်လုပ်ရမယ်။ ကိုယ့်ဇာတ်ဆိုတာ ယခုရထားတဲ့ ခန္ဓာ ဒုက္ခသစ္စာ၊ နောင်ရမှာတွေကလဲ ဒုက္ခသစ္စာပဲ။ ဒီဇာတ်ကိုဖြင့် အသိတစ်လုံးပိုင်ရင် သိမ်းပါတယ်။ သစ္စာသိတဲ့အသိ။ သစ္စာသိတာနဲ့ တစ်ပြိုင်နက် နိဗ္ဗာန်ရောက်တာပဲ။ ဒါဖြင့် သစ္စာမသိသေးတဲ့အလုပ်ဟူသရွေ့ နိဗ္ဗာန်မရောက်ဘူးလို့သာ ဆုံးဖြတ်ချက်ချထားလိုက်။ သစ္စာသိဖို့အတွက် ပြောရမယ်ဆိုရင် ယခုရထားတဲ့ ခန္ဓာကြီးဟာ ဒုက္ခသစ္စာလို့မှတ်လိုက်။ ဒါ ခြုံပြောလိုက်တာ။ ခန္ဓာကြီးဟာ ဒုက္ခသစ္စာမို့ ခန္ဓာထဲက ဘာပဲ ပေါ်လာ ပေါ်လာ ဒုက္ခသစ္စာလို့ ဆုံးဖြတ်ချက်ချ။ ဝေဒနာပေါ်လဲ ဒုက္ခသစ္စာ၊ စိတ်ပေါ်လဲ ဒုက္ခသစ္စာ၊ ပူတဲ့အေးတဲ့ ရုပ်တွေပေါ်လဲ ဒုက္ခသစ္စာ။ ပင်ကို ခန္ဓာကြီးက ဒုက္ခသစ္စာမို့ ပေါ်ပေါက်လာတော့လဲ ဒုက္ခသစ္စာပဲ ပေါ်ပေါက်လာရတယ်။ ဒီလို အပေါင်း သိထားတာကို သစ္စဉာဏ်ခေါ်တယ်။

အစိတ်လေးတွေ ပေါ်လာတော့ ဥပမာ ဝေဒနာပေါ်တဲ့အခါ၊ စိတ်ပေါ်တဲ့အခါ ၀ိပဿနာရှုရင် ဉာဏ်ထဲမှာ ဖမ်းမိမယ်။ ခန္ဓာဒုက္ခသစ္စာလို့ အပေါ်င်းသိမဟုတ်ဘဲ အစိတ်သိ သိနေတာဖြစ်လို့ ဒီဒုက္ခသစ္စာလေးတွေက နှိပ်စက်နေတာပဲလို့ ကိစ္စကို သိရတယ်။ ဒါက ကိစ္စဉာဏ်။ အပေါင်းသိတာက သစ္စဉာဏ်၊ ဒီထဲက အစိတ်လေးတွေ သိတာက ကိစ္စဉာဏ်။ ခန္ဓာငါးပါး အပေါင်းကြီးက ဒုက္ခသစ္စာပဲလို့သိတာက သစ္စဉာဏ်။ ဒီအပေါင်းခန္ဓာထဲက ဝေဒနာလေးတွေ - သုခ ဒုက္ခ ဥပေက္ခာ ဝေဒနာလေးတွေ ပေါ်လာတာ၊ စိတ်လေးတွေ ပေါ်လာတာ။ ဒီတရားတွေ လာတိုင်းလာတိုင်း ဉာဏ်နဲ့ တည့်မိတာက သစ္စာသိတဲ့ ကိစ္စ။ ဒါကြောင့် သူတို့ကို ကိစ္စဉာဏ်လို့မှတ်လိုက်။ ဒီလို ပေါ်တိုင်း ပေါ်တိုင်း ဖြစ်ပျက်မှုကိုသိတာ ကိစ္စဉာဏ်။ ကတဉာဏ်ဆိုလို့ရှိရင် သောတာပန် တည်တော့တာပဲ။

ခန္ဓာငါးပါးအပေါင်းကို ဒုက္ခသစ္စာလို့ အပေါင်းသိထားတာက သစ္စဉာဏ်။ သတိပဋ္ဌာန်လေးပါးထဲက တစ်ပါးပါးကို ပေါ်တိုင်းပေါ်တိုင်း ဖြစ်ပျက်ရှုနေတာက ကိစ္စဉာဏ်။ စိတ်ရှုရင် စိတ်ဖြစ်ပျက်လေးတွေက နှိပ်စက်နေတာပဲလို့ သိနေတာ (ဒုက္ခဿ ပီဠနတ္ထော၊ သင်္ခတဋ္ဌော)။ ဒီဖြစ်ပျက်တွေ ဆုံးအောင်လိုက်လို့ ဆုံးသွားလို့ရှိရင် ကတဉာဏ်။ ဒီဖြစ်ပျက်တွေဟာ နှိပ်စက်တတ်တဲ့တရားတွေမို့ နှိပ်စက်နေတာပဲလို့ အမှန်အကန် သိသိသွားတော့ ဒီလို အနှိပ်စက်ခံ ခန္ဓာကြီးဖြင့် မလိုချင်တော့ပါဘူးဆိုတဲ့ဉာဏ်ဝင်လာတာနဲ့ ဖြစ်ပျက်တွေဟာ ဖျပ်ခနဲ့ ချုပ်သွားတယ်။ ချုပ်ပြီးမှ ပေါ်လာတဲ့ဉာဏ်ကို ကတဉာဏ်လို့ခေါ်တယ်။ ဒါ သောတာပန်တည်ပြီလို့ သိတဲ့ဉာဏ်ပဲ။ ဒါဖြင့် အပေါင်းသိတဲ့ဉာဏ်က သစ္စဉာဏ်၊ ဒီထဲက ဖြစ်ပျက်သိတဲ့ဉာဏ်က ကိစ္စဉာဏ်၊ ဖြစ်ပျက်အဆုံးကိုသိတဲ့ဉာဏ်က ကတဉာဏ်။ ဒီဉာဏ်သုံးဆင့်မှာ ကိစ္စဉာဏ်က အလုပ်လုပ်ရမယ့်ဉာဏ်။ သစ္စဉာဏ်က သိရမယ့်ဉာဏ်။ ကတဉာဏ်က ၀မ်းမြောက်ရမယ့်ဉာဏ်။ ကိစ္စပြီးပြီဟေ့လို့သိတော့ ၀မ်းမြောက်ရုံပဲရှိတော့တယ်။ ဒါဟာ ဓမ္မစကြာမှာလာတဲ့အတိုင်းပဲ။ အရှင်ကောဏ္ဍညနဲ့ နတ်ဗြဟ္မာပေါင်း ရှစ်သောင်းလေးထောင် ကျွတ်သွားတာ ဒီဉာဏ်သုံးဆင့်နဲ့ပဲလို့ မှတ်လိုက်ပါ။

ဒေါက်တာအရှင်ပါရမီ

သစ္စာသိနည်း လမ်းညွှန် (၂)

ကိုယ့်သန္တာန်မှာ ကြားစိတ်ကလေးပေါ်တယ်ဆိုရင် ဒုက္ခသစ္စာလေး ပေါ်တာပဲလို့ နားထဲ ဉာဏ်ထည့်ပြီး ရှုလိုက်ပါ။ ဒါဖြင့် ကြားစိတ်က ဒုက္ခသစ္စာ၊ သိတာက မဂ္ဂသစ္စာ။ ဒီမဂ္ဂသစ္စာမလာရင် တဏှာ ဥပါဒါန် ကံလာမယ်။ ကံလာရင် ဟိုဘက် ဇာတိ ဇရာမရဏလာမယ်။ တဏှာ ဥပါဒါန်က ကိလေသ ၀ဋ်၊ ကံက ကမ္မ၀ဋ်၊ ဇာတိ ဇရာမရဏတွေက ၀ိပါက၀ဋ်။ မဂ္ဂသစ္စာသာ လာမယ်ဆိုရင် ဒီဝဋ်သုံးပါးကျွတ်တယ်။ ဒီဝဋ်တွေက ကိုယ့်သန္တာန်မှာ ဖြစ်နေတာ။ ဘုရားထံသွားပြီး ဆုတောင်း ဘုရားကိုဖြတ်ပေးပါ ခိုင်းနေလို့ မရဘူး။ သစ္စာသိတဲ့ ကိုယ့်ဝိဇ္ဇာမဂ္ဂင်နဲ့ ကိုယ့်ဟာကိုယ် ဖြတ်မှ ပြတ်မယ်။ ကြားစိတ်လေးက ဒုက္ခသစ္စာ၊ သိတာလေးက မဂ္ဂသစ္စာ၊ ၀ိဇ္ဇာမဂ္ဂပဲ။ ၀ိဇ္ဇာဆိုလို့ရှိရင် အ၀ိဇ္ဇာနိရောဓာ သင်္ခါရနိရောဓောလဲဖြစ်၊ ၀ိညာဏနိရောဓောလဲဖြစ်၊ ဒုက္ခက္ခန္ဓဿနိရောဓောလဲ ဖြစ်တယ်။ ဒါဖြင့် ကိုယ့်ကို ကယ်တင်နိုင်တဲ့သူဟာ သစ္စာသိတဲ့ဉာဏ်ပဲဆိုတာ ကောက်ချက်ချလိုက်ပါ။ သစ္စာသိပြီဆိုရင်တော့ လာမယ့်ဒုက္ခတွေလဲ ချုပ်၊ ရှေးကမိုက်ထားတဲ့ မိုက်ကြွေးဒုက္ခတွေလဲ ချုပ်တယ်။ ရှေ့နောက်ဖြတ်တာ။ အတိတ်ကံတွေလဲ ဖြတ်၊ အနာဂတ်ကံတွေလဲ ဖြတ်တယ်။

ကြားစိတ်လေး ဖြစ်ပျက်မဂ်ကိုက်အောင်လုပ်လိုက်တော့ နောက်က တဏှာ ဥပါဒါန် ကံတွေ မလာတော့ဘူး။ ကံမလာတော့ အနာဂတ်ခန္ဓာတွေ မလာတော့ဘူး။ ကံမလာရင် ခန္ဓာမလာတဲ့အတွက် ခန္ဓာမပေါ်တော့တဲ့အတွက် အတိတ်ကံတွေ လိုက်အကျိုးပေးခွင့် မရှိတော့ဘူး။ အတိတ်ကံတွေက ခန္ဓာရှိမှ အကျိုးပေးလို့ရတာလေ။ ပစ္စုပ္ပန်ကံလဲ မပေါ်လို့ အနာဂတ်ခန္ဓာမလုပ်တော့ဘူး။ ခန္ဓာပေါ်မှ ကံကလိုက်အကျိုးပေးနိုင်တယ်၊ ခန္ဓာမပေါ်တော့ အကျိုးပေးလို့မရတော့ဘူး။ ဒါဖြင့် မဂ်သည် အတိတ်ကံတွေလဲ ဖြတ် ပစ္စုပ္ပန်ကံတွေလဲ ဖြတ်တယ်။ ဒီကံတွေက အကျိုးပေးရင်လဲ ဒုက္ခသစ္စာပဲလာမှာ။ ဒါဖြင့် သစ္စာသိတဲ့ ဉာဏ်က အတိတ်ကံကအကျိုးပေးမယ့် ဒုက္ခသစ္စာကိုလဲ ဖြတ်တယ်။ နောင်လာမယ့်ကံတွေလဲ သစ္စာသိရင် မပေါ်တော့ဘူး။ ယခုလို မဂ်ကဖြတ်လိုက်ပြီဆိုရင် အတိတ်ကံတွေလဲ ကြောက်စရာမလိုတော့သလို ယခုဘ၀ကံတွေကိုလဲ ကြောက်စရာမလိုတော့ဘူး။ ကံကြောင့် ခန္ဓာဖြစ်၊ ခန္ဓာရှိလို့ရတဲ့ ဒုက္ခသစ္စာတွေ အကုန်သိမ်းတယ်။ ဒါကြောင့် ဒုက္ခကုန်ချင်ရင် သစ္စာသိအောင်လုပ်မှုမှတစ်ပါး အခြားမရှိဘူး။ သစ္စာမသိရင် အ၀ိဇ္ဇာ၊ သစ္စာသိမှ ၀ိဇ္ဇာဖြစ်တယ်။ ကြားစိတ်ပေါ်လဲ သိ၊ ဒုက္ခသစ္စာလို့ရှု၊ ပွား။ နံစိတ်ပေါ်လဲ ဒုက္ခသစ္စာ၊ စားစိတ်ပေါ်လဲ ဒုက္ခသစ္စာ၊ ယားစိတ် ယံစိတ်ပေါ်လဲ ဒုက္ခသစ္စာလို့သာ ပွားနေလိုက်ပါ။ ပွားလိုက်တော့ မဂ်က အတိတ်ကံတွေကိုလဲ ဖြတ် ပစ္စုပ္ပန်ကံတွေကိုရော လာခွင့်မပေးတော့ဘူး။ အတိတ်ဝဋ်ကြွေးတွေလဲ ပြေ၊ ၀ဋ်သစ်တွေလဲ မလာတော့ဘူး။ ၀ဋ်ကျွတ်သွားတာ။ ကိုယ့်ပဋိစ္စသမုပ္ပါဒ်ကြောင့် ကိုယ့်ဝဋ်ဖြစ်နေတာ၊ ကိုယ့်ပဋိစ္စသမုပ္ပါဒ်ကိုမှ ကိုယ့်မဂ်ဉာဏ်နဲ့ မဖြတ်ဘဲနဲ့ ၀ဋ်က မကျွတ်ပါဘူး။ ဒါကြောင့် ၀ဋ်ကျွတ်ချင်ရင် နိဗ္ဗာန်ရောက်ချင်ရင် ကိုယ့်ပဋိစ္စသမုပ္ပါဒ်ကို ကိုယ်တိုင်ဖြတ်ရပါလိမ့်မယ်။ သစ္စာသိအောင် လုပ်ရမယ်။

ဒါဖြင့် ကိုယ့်သန္တာန် လာသမျှ စိတ်ကို ရှု။ ရှူစိတ်လေး လာလဲ ရှု၊ ရှိုက်စိတ်လေး လာလဲ ရှု၊ စားချင်စိတ်လေးလာလဲ ရှု၊ အိပ်ချင်စိတ်လေးလာလဲ ရှု။ လာသမျှစိတ် အကုန် ဒုက္ခသစ္စာချည်းပဲလို့သာ ရှုပေးလိုက်ပါ။ ရှုတိုင်း ရှုတိုင်း အရှုခံရတာက ဒုက္ခသစ္စာ၊ ရှုဉာဏ်က မဂ္ဂသစ္စာ။ ဒီလိုရှုလိုက်တော့ အတိတ်ကံတွေလဲ ပြတ်၊ ပစ္စုပ္ပန်ကံတွေလဲ မလာတော့ဘူး။ အတိတ်ကံပြတ်တာလဲ မဂ်ကြောင့်ပဲ။ ပစ္စုပ္ပန်ကံပြတ်တာလဲ မဂ်ကြောင့်ပါပဲ။ ဒါကြောင့် မဂ်သည်သာ အားကိုးအားထားရာအစစ် ဧကန်ဖြစ်တယ်လို့ မှတ်လိုက်ပါ။

ဒေါက်တာအရှင်ပါရမီ

သစ္စာသိနည်း လမ်းညွှန်

သစ္စာလို့ ခဏခဏ ပြောနေတော့ သစ္စာက ဘာပါလိမ့်မလဲလို့ တွေးမနေပါနဲ့၊ ခန္ဓာငါးပါး တစ်ပါးပါးသည် သစ္စာပဲ။ အဲဒါ ဒုက္ခသစ္စာ။ ခန္ဓာငါးပါး တစ်ပါးပါးကို ပိုင်ပိုင်နိုင်နိုင်သိလို့ရှိရင်၊ ခန္ဓာအကြောင်း ကောင်းကောင်းသိလို့ ရှိရင်၊ ခန္ဓာ့ဖြစ်ပုံ ကောင်းကောင်းသိလို့ရှိရင်၊ ခန္ဓအနေအထားကို ကောင်းကောင်းသိလို့ရှိရင် သစ္စာသိတာပါပဲ။ ယားတယ်ဆိုလို့ရှိရင် ယားလိုက်တာလို့သိတာက ဒုက္ခသစ္စာသိတာမဟုတ်ဘူး။ သိတော့လဲ ယားလိုက်တာ စိတ်ပျက်တာပဲဆိုတော့ ဒေါမနဿလိုက်နေတယ်။ ယားလို့ စိတ်ပျက်တာ။ ကိုယ့်ဆွေမျိုး ပေါက်ဖော်တွေကို သနားလို့ရှိရင် အခြားအမွေမပေးနဲ့၊ သစ္စာသိဖို့ အမွေကလေး တစ်လုံးသာပေးလိုက်၊ ဒါဆို သူတို့ ဒုက္ခကျွတ်သွားလိမ့်မယ်တဲ့၊ အရှင်အာနန္ဒာက မှာတော်မူတယ်။

သစ္စာရှာရတာကတော့ လွယ်ပါတယ်။ ဒါပေမယ့် စာကရေးတဲ့သစ္စာကို မလိုချင်ပါနဲ့၊ ခန္ဓာက အခုပေါ် အခုပြောတဲ့သစ္စာကိုသာလိုချင်ပါ။ စာမှာပါသားပဲဆိုရုံနဲ့ နိဗ္ဗာန်မရောက်ဘူး။ စာသိက သညာ၊ ကိုယ့်ခန္ဓာကိုယ်ထဲမှာ သိတာကမှ ပညာ။ သညာနဲ့ ပညာ ကွာခြားပါတယ်။ သညာက ပဋိစ္စသမုပ္ပါဒ်မပြတ်ဘူး၊ ပညာကမှ ပြတ်တယ်။ သညာက ဒုက္ခကိုမဖြတ်နိုင်ဘူး၊ ပညာကမှ ဖြတ်နိုင်တယ်။ ပဋိစ္စသမုပ္ပါဒ်ဆိုတာ ဒုက္ခပဲ။ စာကို တော်တော်မွှေနှောက်ထားတယ်လို့ ပြောသော်လဲ ခန္ဓာမှာ မွှေနှောက်တာမဟုတ်လို့ မှတ်တမ်းထဲမှာပဲ ရှာနေတယ်လို့မှတ်လိုက်ပါ။ မှတ်တမ်းထဲ ရှာလို့ရှိရင်ဖြင့် စာရင်းစာအုပ်ထဲမှာ ငွေမရှိသလိုပဲ၊ မတွေ့ဘူး။ ဒါကြောင့် စာသမားကိုလဲ အားကိုးလို့ မရသေးဘူး၊ ခန္ဓာဉာဏ်ရောက်ဖို့လိုသေးတယ်။ ခန္ဓာထဲမှာရှာမှ သစ္စာတွေ့မယ်။

နားထဲမှာ ကြားစိတ်ကလေးပေါ်တယ်။ ဒီကြားစိတ်ကလေးကို သိပြီး ကြည့်လိုက်ပါ။ ကြားစိတ်ကလေးကို ကိုယ့်ခန္ဓာပဲလို့မှတ်လိုက်၊ ၀ိညာဏက္ခန္ဓာပဲ။ ကြားတိုင်းကြားတိုင်း ကြားစိတ်ကလေးဟာ နားထဲမှာပေါ်တယ်။ ပေါ်တိုင်း ပေါ်တိုင်း ၀ိညာဏက္ခန္ဓာလို့မှတ်။ ဒီဝိညာဏက္ခန္ဓာက အခုကြားတဲ့ပုဂ္ဂိုလ်သန္တာန်မှာ ပေါ်တဲ့ ခန္ဓာ၊ အခြားပုဂ္ဂိုလ်သန္တာန်မှာ ပေါ်တာမဟုတ်ဘူး။ ဒီတော့ ဒီခန္ဓာလေးဟာ ကြားတဲ့ပုဂ္ဂိုလ်ရဲ့ ခန္ဓာပဲလို့ မှတ်လိုက်။ ဒီခန္ဓာ ဒုက္ခသစ္စာ။ ဒါဖြင့် ငါ့သန္တာန် ဒုက္ခသစ္စာလေး ပေါ်ပြီလို့ ဒီက စ သိလိုက်ပါ။ ဒီလိုပြောလိုက်တော့လဲ သစ္စာဆိုတာ အခုကြားတဲ့စိတ်ကလေး ခေါ်တာပါလားဆိုတာ လွယ်လွယ်နဲ့သိလိုက်ရတယ်။ ကြားတဲ့စိတ်လေးဟာ ကြားပြီးတော့ ချုပ်သွားတယ်။ သားလေးရဲ့ ခေါ်သံကြားလိုက်တော့ နောက်ထပ် ကြားစိတ်လေး ပြန်ပေါ်တယ်။ သူချုပ်သွားပြီးနောက် သားလေး ငိုသံကြားတော့ နောက်ကြားစိတ်တစ်ခု ပေါ်ပြန်တယ်။ ငိုသံကြားတော့ ကိုယ့်သားလေးငိုသံမို့ သားလေးခင်တဲ့စိတ်နဲ့ သွားချင်စိတ် ပေါ်လာတယ်။ ကြားစိတ်လေးမရှိတော့ဘူး၊ ခင်စိတ်လေး ဖြစ်လာတယ်။ ဒီခင်စိတ်လေးကလဲ ဘာသစ္စာတုန်းဆိုတော့ ဒုက္ခသစ္စာပဲ။ သူလဲ ကိုယ့်သန္တာန်မှာပေါ်တဲ့ ၀ိညာဏက္ခန္ဓာပဲ။ ဒုက္ခသစ္စာ။ ကြားနေတာလေးက ကြားရုံသက်သက်လေးလား စွဲစွဲလမ်းလမ်းလားဆိုတော့ စွဲစွဲလမ်းလမ်းဆိုတာ ဖြစ်လာတယ်။ တဏှာချုပ်ပြီး ဥပါဒါန် ရောက်တယ်။ သူလဲ ဒုက္ခသစ္စာပဲ။ ခင်တဲ့စိတ်ကလဲ ဒုက္ခသစ္စာ၊ စွဲလမ်းတဲ့စိတ်ကလဲ ဒုက္ခသစ္စာပဲ။ ဒါဖြင့် သွားဦးမှပဲဆိုပြီး နှုတ်ကပြောလိုက်တော့ စေတနာနဲ့ပြောလိုက်လို့ ၀စီကံ ကမ္မဘ၀ဖြစ်လာတယ်။ သူလဲ ဒုက္ခသစ္စာပဲ။ ဒုက္ခသစ္စာတွေချည်း တန်းနေတယ်ဆိုတာ သေချာနေပြီ။ ကြားစိတ်ကလဲ ဒုက္ခသစ္စာ။ ကြားလို့ခင်တာ၊ စွဲလမ်းတာ၊ နှုတ်နဲ့ပြောဆိုတာတွေကလဲ ဒုက္ခသစ္စာ။ ပဋိစ္စသမုပ္ပါဒ် နောက်ဆုံးသွားကြည့်လိုက်တော့ ဒုက္ခက္ခန္ဓဿ- ဒုက္ခအစုကြီးတဲ့။ ရှေ့ကဖြစ်ခဲ့တာတွေမှန်သမျှ ဒုက္ခအစုအဝေးကြီးပဲ။ ဒါတွေဟာ ဘုရားဟောလို့ သိရတယ်။ ရှိတာကတော့ ဒုက္ခသစ္စာပဲ။ ဘုရားက ဖော်ပြတာ၊ ရှိတာက ကိုယ့်သန္တာန်မှာ ရှိတာ။ ဘုရားက ဒုက္ခသစ္စာတွေ တစ်ပုံကြီးပဲလို့ ပြောပြတာ။ ဒါဖြင့် ဒုက္ခသစ္စာတွေဟာ ရှားရှားပါးပါး ရှိတာမဟုတ်ဘူး၊ အများအပြား တစ်ပုံတစ်ပင်ကြီး ရှိနေတာလို့ သဘောကျ။ ဒုက္ခသစ္စာတွေ ပေါများပြီးနေသော်လဲ မသိဘဲဖြစ်နေတယ်။ ခန္ဓာထဲမှာ သစ္စာတွေကတော့ အများကြီးရှိပါတယ်။ သစ္စာသိတဲ့ဉာဏ်ကနောက်က မလိုက်နိုင်တော့ တန်ဖိုးမရှိဘဲဖြစ်နေတာ။ ဒါဖြင့် သူ့ဟာသူ ဖြစ်နေတဲ့ ဒုက္ခသစ္စာတွေသာဖြစ်တယ်။ ကိုယ့်ဉာဏ်ဝရောက်တဲ့ ဒုက္ခသစ္စာ မဟုတ်ဘူး။

ရှေးက ဒုက္ခသစ္စာ သိခဲ့ဘူးသလားဆိုရင် မသိခဲ့ဘူးပါဘူး။ ခွေးကိုက်ခံရရင် နာတာသိတယ်၊ စားမကောင်းတာ သိတယ်၊ ဒါက ဒေါသသိသိတာ။ ဉာဏ်သိမဟုတ်ဘူး။ ဉာဏ်သိသိဖို့က အရေးကြီးတယ်။ ဉာဏ်သိကမှ ပဋိစ္စသမုပ္ပါဒ် ဖြတ်မှာ၊ ဒုက္ခဖြတ်မှာ။ ဒါဖြင့် ဉာဏ်သိနဲ့ ဒုက္ခဖြတ်နည်းပြောရမယ်ဆိုရင် သားလေးငိုသံကြားလိုက်တယ်ဆိုပါစို့။ ဒါဒုက္ခသစ္စာပဲ။ ကြားစိတ်ပေါ်ရင် ဒုက္ခသစ္စာလေးပေါ်တယ်လို့ နောက်က သိပေး။ ဒီကြားစိတ်လေးက အာရုံ ဒွါရတိုက်ဆိုင်လို့ ပေါ်တာ။ သူဟာ ပေါ်ပြီးတော့ ပျက်တာပဲ၊ မွေးပြီးတော့ သေတာပဲ၊ အသုဘပေါ်လာတယ်။ ဒုက္ခသစ္စာပဲ။ အစပျောက်သေသွားတဲ့ ကြားစိတ်လေး အသုဘ ဒုက္ခသစ္စာလို့မှတ်လိုက်။ ဒီတော့ ကြားစိတ်ပေါ်ရင် ဒုက္ခသစ္စာလေးပေါ်တာပဲလို့ နောက်က ဉာဏ်နဲ့သိပေး။ သူများကြားစိတ် သေတာမဟုတ်ဘူး၊ ကိုယ့်ကြားစိတ် ကိုယ့်ခန္ဓာ သေနေတာ။ ကိုယ့်ခန္ဓာ ဒုက္ခရောက်တာ။ ဘာခန္ဓာလဲဆိုရင် ၀ိညာဏက္ခန္ဓာလေး။ အသေကိုသိတော့ အသုဘကိုသိတယ်၊ ဒုက္ခသစ္စာလို့လဲ သိတယ်။ နှစ်ချက်သိနဲ့ သိတယ်။ ကိုယ့်သန္တာန်မှာ ကြားစိတ်လေးသည် ဒုက္ခသစ္စာပဲလို့ နောက်ကနေ သိလိုက်။ သိသည်နှင့် တစ်ပြိုင်နက် ကြားလို့ခင်တာ မလာတော့ဘူး။ ခင်လို့စွဲလမ်းတာလဲ မလိုက်တော့ဘူး။ စွဲလမ်းလို့ ပြောမယ်ဆိုမယ် လုပ်မယ်ကိုင်မယ်ဆိုတဲ့ ကံတွေလဲ မလိုက်တော့ဘူး။ ဒါဖြင့် ကမ္မဘ၀မှ မလိုက်ဘဲနဲ့ သေသည်၏အခြားမဲ့၌ ကမ္မဘ၀ပစ္စယာ ဇာတိလဲ မလိုက်နိုင်၊ ဇရာမရဏလဲ မလိုက်နိုင်၊ သောက ပရိဒေ၀လဲ မလိုက်နိုင်တော့ဘူး။ ဒါဖြင့် ဒုက္ခက္ခန္ဓဿ နိရောဓော ဟောတိ- ဒုက္ခအစုအပုံကြီး ချုပ်ပြီ။ မဂ်ဝင်ပြီး ကြားစိတ် ဒုက္ခသစ္စာလို့ သိတာလေးက လာမယ့်ဒုက္ခတွေ အကုန်ချုပ်အောင်လုပ်တယ်။ ဒါဟာ သစ္စာသိလိုက်လို့ ချုပ်သွားတာ။ သစ္စာမသိရင်တော့ ဒုက္ခက္ခန္ဓဿ သမုဒယော ဟောတိ- ဒုက္ခတွေ စုပြုံလာမယ်။

အခုတော့ ကြားစိတ်ဒုက္ခသစ္စာလို့ နောက်က အသိလိုက်လိုက်တော့ ဒုက္ခတွေ အကုန်ချုပ်တယ်။ ဒါကို ဓမ္မာနုပဿနာသတိပဋ္ဌာန်လို့ခေါ်တယ်။ ဓမ္မာနုပဿနာ သတိပဋ္ဌာန်လို့ဆိုသော်လဲ ဖြစ်ပျက်ပါပဲ။ ကြားစိတ်လေးဟာ ဖြစ်ပြီး ပျက်သွားတယ်လို့သိလိုက်တာ ဖြစ်ဒုက္ခ ပျက်ဒုက္ခပဲ။ ဖြစ်လဲ ဒုက္ခ၊ ပျက်လဲ ဒုက္ခ (သံခိတ္တေန ပဉ္စုပါဒါနက္ခန္ဓာပိ ဒုက္ခာ)။ ကိုယ့်သန္တာန်မှာ ဘယ်ခန္ဓာပေါ်ပေါ် ဒုက္ခသစ္စာတဲ့။ ပေါ်လဲ ဒုက္ခသစ္စာ၊ ပျက်လဲ ဒုက္ခသစ္စာ။ ကြားစိတ်လေးပေါ်တဲ့အခါ ပေါ်သည်နှင့်တစ်ပြိုင်နက် ဒုက္ခသစ္စာပဲလို့ ဉာဏ်နဲ့ လှမ်းပြီးရှုလိုက်ပါ။ ရှုလိုက်တော့ ဒုက္ခက္ခန္ဓဿ နိရောဓော ဟောတိ- ဖြစ်သွားတယ်။ ဒါဆို ကိုယ့်ဒုက္ခ ကိုယ် သိမ်းတတ်ပြီပေါ့။ ကြားစိတ်လေး ဒုက္ခသစ္စာလို့ သိလိုက်တော့ ကြားစိတ်က ဒုက္ခသစ္စာ၊ သိတာက ၀ိဇ္ဇာ ဥဒပါဒိ၊ ၀ိဇ္ဇာဖြစ်သွားပြီ။ အာလောကော ဥဒပါဒိ၊ ဉာဏံ ဥဒပါဒိ ဖြစ်သွားပြီ။ ၀ိဇ္ဇာဉာဏ် ရသွားတာ။ ၀ိဇ္ဇာဉာဏ်ရသွားတော့ ကြားစိတ် ဖြစ်ပျက်လေးက ဒုက္ခသစ္စာ၊ သိလိုက်တာလေးက မဂ္ဂသစ္စာ၊ ၀ိဇ္ဇာမဂ္ဂသစ္စာလေး ဖြစ်သွားတော့ လာမယ့် ဇာတိ ဇရာမရဏ သောကပရိဒေ၀ အကုန်ဖြတ်ပစ်လိုက်တယ်။ ဒုက္ခက္ခန္ဓဿ နိရောဓော ဟောတိ- ဖြစ်သွားရောတဲ့။ ကြားစိတ်ဒုက္ခသစ္စာလေးကို သိတော့ သိတာလေးက ၀ိဇ္ဇာမဂ္ဂဖြစ်သွားပြီး လာမယ့် ဒုက္ခတွေ အကုန်ချုပ်တယ်။

ဒေါက်တာအရှင်ပါရမီ

သစ္စာသိမှ နိဗ္ဗာန်ရ

ဘုရားရှင်ဟောကြားတဲ့တရားတွေထဲမှာ သစ္စာသိဖို့ဟာ အရေးအကြီးဆုံးပဲလို့ မှတ်လိုက်ပါ။ သစ္စာမသိရင် သောတာပန်လဲ မဖြစ်ဘူး၊ သကဒါဂါမ်၊ အနာဂါမ်၊ ရဟန္တာ၊ ဘုရား ပစ္စေကဗုဒ္ဓါလဲ မဖြစ်ဘူး။ မဖြစ်ဘူးဆိုတော့ သစ္စာမသိဘဲ နိဗ္ဗာန် ဘယ်သူမှမရဘူးတဲ့။ သစ္စာထဲမှာမှ နိဗ္ဗာန်ပါတယ်။ ဒုက္ခခပ်သိမ်း ငြိမ်းတဲ့ နိဗ္ဗာန်၊ ကိလေသာသိမ်းတဲ့ နိဗ္ဗာန်ကို သစ္စာမသိသရွေ့ မရဘူး။ သစ္စာမသိတဲ့သူရဲ့ သန္တာန်မှာ နိဗ္ဗာန်မရှိဘူးလို့သာမှတ်လိုက်ပါ။ သစ္စာမှ မသိရင် နိဗ္ဗာန် မသိပါဘူးတဲ့။

နိဗ္ဗာန်ဟာလဲ ခန္ဓာနဲ့ စပ်ပြီးတော့ နေတယ် (ခန္ဓပဋိဗဒ္ဓမေ၀ နိဗ္ဗာနံ)။ ခန္ဓာနဲ့ စပ်နေတော့ ခန္ဓာက ဒုက္ခသစ္စာ၊ ခန္ဓာနဲ့ စပ်နေတာက နိရောဓသစ္စာ။ ဒီတော့ ခန္ဓာဒုက္ခသစ္စာမှ မသိလို့ရှိရင်လဲ ခန္ဓာနဲ့ စပ်နေတဲ့ နိဗ္ဗာန်ကို ရောက်နိုင်စရာ အကြောင်းမရှိပါဘူး။ နိဗ္ဗာန်ဟာ ခန္ဓာနဲ့ တစ်ခြားစီလို့လဲ မယူပါနဲ့ (အညေ ခန္ဓာ အညံ နိဗ္ဗာနံ အညော ပုဂ္ဂလောတိ နဟေ၀ံ ၀တ္တဗ္ဗေ)လို့ ကထာဝတ္ထုပါဠိတော်မှာ ဆိုပါတယ်။ သစ္စာမသိတဲ့ပုဂ္ဂိုလ်ရဲ့ သန္တာန်မှာ နိဗ္ဗာန်မရှိ၊ သစ္စာသိမှ နိဗ္ဗာန်ရှိတယ်။ နိဗ္ဗာန် ဘာနဲ့စပ်နေလဲဆိုရင် ခန္ဓာနဲ့ စပ်နေတယ်။ ခန္ဓာနဲ့ စပ်နေသဖြင့် ခန္ဓာတွေ့အောင်ရှာမှ နိဗ္ဗာန်တွေ့မယ်။ ခန္ဓာက ဒုက္ခသစ္စာဆိုတော့ ခန္ဓာဒုက္ခသစ္စာ တွေ့ပြီးမှ နိရောဓသစ္စာ တွေ့မယ်။ ဒုက္ခသစ္စာမတွေ့ဘဲနဲ့တော့ နိရောဓသစ္စာဆိုတဲ့ နိဗ္ဗာန်ကို ဘယ်တော့မှ တွေ့လိမ့်မယ်မဟုတ်ပါဘူး။ ဘာကြောင့်လဲဆိုရင် သူတို့က စပ်နေလို့ပါပဲ။ ခန္ဓာ အရင်တွေ့ပြီးမှ ခန္ဓာချုပ်ငြိမ်းတဲ့ နိဗ္ဗာန်ကို တွေ့မယ်။ ဒါဖြင့် နိဗ္ဗာန်ရှာချင်ရင် ခန္ဓာ အရင်တွေ့အောင်ရှာပါ။ အိုဘေး နာဘေး သေဘေး ကြောက်တဲ့သူတွေ အပါယ်ဘေးကြောက်တဲ့သူတွေ ဆင်းရဲဇာတ်သိမ်းချင်လို့ရှိရင် ခန္ဓာတွေ့မှ နိဗ္ဗာန်တွေ့မယ်၊ နိဗ္ဗာန်တွေ့မှ ဆင်းရဲဇာတ်သိမ်းမယ်။

ဆင်းရဲဇာတ်သိမ်းချင်ရင် ရှေးဦးစွာ ဒုက္ခသစ္စာ တွေ့အောင်ရှာ။ ဒုက္ခသစ္စာက ခန္ဓာ၊ အဲဒီဒုက္ခသစ္စာနဲ့ တစ်စပ်တည်း စပ်နေတာက နိရောဓသစ္စာ။ ဒါကြောင့် ဒုက္ခသစ္စာ တွေ့ပြီးပြီဆိုလို့ရှိရင်တော့ အင်မတန်ချမ်းသာသွားပါလိမ့်မယ်တဲ့။ သစ္စာမတွေ့ဘဲ နိဗ္ဗာန်ရဖို့ဆိုတာကတော့ ဘုရားလဲ မတတ်နိုင်ဘူး။ ဘုရားကိုးကွယ်ဆည်းကပ်တော့ သုဂတိပဲ ရောက်မယ်။ သစ္စာသိမှသာလျှင် နိဗ္ဗာန်ရမယ်။ ဘုရားရှင်က ၀က္ကလိကို ဘုရားကိုးကွယ်မှု လွန်ကဲလွန်းနေလို့ သစ္စာမသိမှာစိုးလို့ နှင်လွှတ်ခဲ့တဲ့သာဓကရှိပါတယ်။ ဘုရားရှင်က ဥပမာအားဖြင့် (၁၃)မိုင်ပတ်လည် အနက်ကလဲ (၁၃)မိုင်ရှိတဲ့ရေကန်ကြီးမှာ ရေအပြည့်ထည့်ပြီး မြက်ဖျားလေးနဲ့ တစ်ခါတို့ အပြင်ဘက်သွားခါချလိုက်၊ အဲဒီရေတွေကို သွားတို့လိုက် အပြင်သွားခါချလိုက်နဲ့ ခုနှစ်ကြိမ်ခါလိုက်ပါတဲ့။ ခုနှစ်ကြိမ်ခါတဲ့ရေနဲ့ ကန်တွင်းက ရေနဲ့ ဘယ်ရေကများမလဲလို့မေးတော်မူတော့ ကန်ထဲကရေက နှိုင်းချိန်လို့မရလောက်အောင် များပါတယ်လို့ ရဟန်းတော်များက ဖြေတယ်။ ဒီအတိုင်းပဲတဲ့။ သစ္စာသိပြီးရင်တော့ ခုနှစ်ကြိမ်ခါချလိုက်တဲ့ ရေလောက်ပဲ ဒုက္ခ ကျန်တော့တယ်လို့ ဘုရားရှင် မိန့်တော်မူပါတယ်။ သစ္စာမသိသေးရင်တော့ ဒုက္ခဟာ ရေကန်ထဲကရေတွေလောက် ရှိနေဦးမှာပဲ။

ငါ သစ္စာမသိတုန်းက သူများပါးစပ်ဖျားမှာ ခန္ဓာပျက်ပြီး လမ်းဆုံးရတယ်၊ အပါယ်လေးပါးမှာ လမ်းဆုံးရ၊ ဖားဖြစ် ငါးဖြစ်နဲ့ သူများပါးစပ်ဖျားမှာ လမ်းဆုံးခဲ့ရတဲ့ဘ၀တွေ သဗ္ဗညုတဉာဏ်နဲ့ ရေတွက်တာတောင် မရဘူး။ ဒါဘာကြောင့်လဲဆိုရင် သစ္စာမသိလို့တဲ့။ သစ္စာသိလို့ သောတာပန်တည်သွားတော့လဲ အပြင်ဘက်ခါချလိုက်တဲ့ ရေခုနှစ်စက်လောက်ပဲ ဒုက္ခ ကျန်ပါတော့တယ်။ ကန်အတွင်းက ရေထုကြီးလောက်များတဲ့ ဒုက္ခတွေ ကုန်သွားပြီ။ ကောင်းရောင်းကောင်းဝယ်လုပ်ပြီး သီလလုံခြုံအောင် စောင့်ထိန်းနေပေမယ့် သီလပြစ်တော့ လွတ်ပါတယ်၊ သစ္စာမသိတဲ့ အ၀ိဇ္ဇာအပြစ်က သင့်နေတယ်။ အ၀ိဇ္ဇာပြစ်သင့်တော့ အ၀ိဇ္ဇာပစ္စယာ သင်္ခါရာ ကနေ သင်္ခါရပစ္စယာ ၀ိညာဏံ။ နောက်ပဋိသန္ဓေဆက်သွားတော့ ပဋိသန္ဓေဟာ ဒုက္ခသစ္စာပဲ။ အဲဒီဒုက္ခတွေနဲ့တော့ သူမလွတ်ဘူး။ ဒါဖြင့် အ၀ိဇ္ဇာက ၀ိဇ္ဇာဖြစ်မှ သစ္စာသိမယ်လို့ မှတ်လိုက်ပါ။ ဒါကြောင့် ကောင်းရောင်းကောင်းဝယ်လေးနဲ့ မှန်မှန်ကန်ကန်လေးတော့နေတာပဲဆိုရင် သူဟာ သီလနဲ့တော့ ဟုတ်နေတယ်၊ သစ္စာတော့ မရှိသေးဘူး။ အဲဒီသစ္စာ မသိတာဟာ အ၀ိဇ္ဇာပါပဲ။ ဒါဖြင့် အ၀ိဇ္ဇာပစ္စယာ သင်္ခါရာ၊ သင်္ခါရပစ္စယာ ၀ိညာဏံ ဟာ တစ်နေ့ အကြိမ်ပေါင်း မရေတွက်နိုင်အောင် ဖြစ်နေတယ်။ ဘာလိုနေတာလဲဆိုရင် သစ္စာသိမှုလိုနေတယ်။ သစ္စာမသိတာ အ၀ိဇ္ဇာပဲ။ အ၀ိဇ္ဇာရှိရင် အ၀ိဇ္ဇာက သူ့တင်ရပ်မနေဘဲ သင်္ခါရာအထိဆက်တယ်။ နောက် သင်္ခါရပစ္စယာ ၀ိညာဏံဘက်ဆက်သွားလိုက်တော့ ဇာတိ ဇရာမရဏ ရလာတယ်။ အဆုံးသွားလိုက်တော့ ဒုက္ခက္ခန္ဓဿ သမုဒယော ဟောတိ၊ ဒုက္ခဖြစ်ကြောင်း သူလုပ်နေတာ။ တစ်နေ့ ဘယ်နှစ်ကြိမ်လုပ်တာလဲဆိုတော့ မရေမတွက်နိုင်အောင် လုပ်နေတာ။ သစ္စာသိမှုလုံးဝမပါတော့ ခန္ဓာက ဘယ်လိုပြောနေနေ ဒုက္ခသစ္စာလို့ မသိတော့ဘူး။ မသိတော့ အ၀ိဇ္ဇာပစ္စယာ သင်္ခါရာပေါင်း မရေမတွက်နိုင်အောင် လုပ်နေတယ်။ အပါယ်ရောက်ဖို့သာ ပြင်ပေတော့။ သီလတန်ခိုးကြောင့် နတ်ပြည်ရောက်၊ အ၀ိဇ္ဇာတန်ခိုးကြောင့် အပါယ်သွားဆိုတော့ လွတ်ရေး ကျွတ်ရေးတော့ဖြင့် မမြင်ပါဘူး။ သူစောင့်တဲ့သီလနဲ့ သူ့မှာ ဖြစ်တဲ့အ၀ိဇ္ဇာချန်ဆကြည့်လိုက်ရင် မညီမျှတာကိုပဲ တွေ့ရမယ်။

ဒါဖြင့် (၁၃)မိုင်ပတ်လည်ရှိတဲ့ ရေကန်ထဲကရေမှုန်တွေလောက်များတဲ့ ဒုက္ခတွေ အ၀ိဇ္ဇာက ၀ိဇ္ဇာမဖြစ်သရွေ့ အကုန်ရှိတယ်။ သစ္စာမသိသေးသရွေ့ အကုန်ရှိတယ်။ ဒါကြောင့် သစ္စာမသိတဲ့ ပုဂ္ဂိုလ်မှာ နိဗ္ဗာန်မရှိဘူးလို့သာ မှတ်လိုက်။ တောဒေယျပုဏ္ဏားကြီးဟာ ယနေ့ သူဋ္ဌေးကြီးပဲ။ မြေထဲမှာ ကုဋေလေးဆယ် မြှုပ်နိုင်တယ်။ နေ့စဉ်သုံးဖို့ ကုဋေလေးဆယ် ပုံထားတယ်။ သေတော့ နောက်နေ့ ခွေးကြီးဖြစ်သွားတယ်။ ဒါဘာကြောင့် ဒီလိုဖြစ်ရတာပါလိမ့်မလဲဆိုရင် သစ္စာမသိလို့ ဖြစ်ရတာ။ ရှေးကပြုဘူးတဲ့ ကုသိုလ်အထူးပုဗ္ဗေစကတပညတာနဲ့တော့ ပြည့်စုံလို့ သူဋ္ဌေးကြီးဖြစ်ပါတယ်၊ ဒါပေမယ့် အဟောင်းစား ဖြစ်သွားတယ်။ အသစ်ဒုက္ခလွတ်ရေးကို သူမရရှာဘူး။

ဒေါက်တာအရှင်ပါရမီ

ကာမဘုံသို့ မပြန် အနာဂါမ်

နိဗ္ဗာန်မြင်ချင်ရင် ၀ိပဿနာ ရှေ့သွားရှိမှ ရမယ်လို့ အရင်နေ့က ပြောခဲ့တယ်။ နိဗ္ဗာန်ကို သောတာပန်ဖြစ်ရင်လဲ မြင်တာပဲ၊ သကဒါဂါမ်ဖြစ်ရင်လဲ မြင်တာပဲ၊ အနာဂါမ်ဖြစ်ရင်လဲ မြင်တာပဲ၊ ရဟန္တာဖြစ်မယ်ဆိုရင်တော့ အစွမ်းကုန်မြင်ပြီပေါ့။ နိဗ္ဗာန်မြင်တာချင်းတော့တူတယ်။ ဒါပေမယ့် မြင်ပုံ၊ ရှင်းရှင်းလင်းလင်းမြင်ပုံ ဒီဂရီလေးတွေ ကွာခြားသွားတာ၊ တစ်ဆင့်ထက်တစ်ဆင့် နိဗ္ဗာန်အမြင်ဟာ ပိုပိုပြီးတော့ ကြည်လင်ပြတ်သားလာတာ။ ကိလေသာပါးလေ နိဗ္ဗာန်မြင်အားကောင်းလေလို့သာ မှတ်လိုက်ပါ။ ကိလေသာလုံးဝမရှိတဲ့ ရဟန္တာတွေကတော့ နိဗ္ဗာန်ကို အကြည်လင် အပြတ်သားဆုံး မြင်ပြီပေါ့။ ဒီလို မြင်ရတဲ့ နိဗ္ဗာန်ဟာ ဘယ်ကာလမှာမှ မဟုတ်ဘူးတဲ့၊ ဒါကြောင့် ကာလ၀ိမုတ်။ ဒါဖြင့် နိဗ္ဗာန် မရှိဘူးလာဆိုတော့လဲ ရှိတယ်။ ဘယ်လိုပုဂ္ဂိုလ်မှာရှိမလဲဆိုရင် ခန္ဓာနဲ့ ဉာဏ်နဲ့တိုက်တဲ့ပုဂ္ဂိုလ်မှာ ရှိမယ်။ ၀ိပဿနာအလုပ်လုပ်တဲ့ ပုဂ္ဂိုလ်မှာ နိဗ္ဗာန်ရှိတယ်။ လုပ်ဖန်များလာတော့ ခန္ဓာစွန့်ပြီး နိဗ္ဗာန်ဘက်ကို ဉာဏ်က ပြေးတယ်။ ဉာဏ်ဟာ အရင်ကတော့ ခန္ဓာဘက်ချည်း လှည့်နေတယ်။ လုပ်ဖန်များလာတော့ ဉာဏ်က ခန္ဓာစွန့်ပြီး ခန္ဓာမရှိတဲ့ နိဗ္ဗာန်ဘက်ပြေးတယ်။

ဒီနိဗ္ဗာန်လိုချင်ရင် ၀ိပဿနာရှေ့ထားရမယ်ဆိုတာလေးကိုတော့ မမေ့လိုက်ပါနဲ့။ ၀ိပဿနာမဂ် ရှေ့သွားရှိမှ လောကုတ္တရာမဂ် နောက်ကလိုက်မယ်။ ၀ိပဿနာရှေ့သွားရှိတဲ့ပုဂ္ဂိုလ်မှာ မဂ်ဉာဏ်နောက်က လာပါတယ်။ ဒီတော့ ခန္ဓာနဲ့ ဉာဏ်ကို လုံ့လ၀ီရိယနဲ့ အားစိုက်ပြီး တိုက်ပေးလို့ရှိရင် နိဗ္ဗာန်တည်းဟူသောမီးသည် အလိုလိုထွက်လာမယ်။ ဥပမာပြရမယ်ဆိုရင် မိလက္ခတိဿဆိုတဲ့ ပုဂ္ဂိုလ်ဟာ တစ်သက်လုံး မုဆိုးလုပ်လာတာ။ သူဟာ ရဟန္တာတစ်ပါးသီတင်းသုံးနေတဲ့ တောကျောင်းတစ်ကျောင်း ရောက်သွားတယ်။ ရေငတ်လို့ ရေသောက်ဖို့ သောက်ရေအိုးထဲက ရေခပ်လိုက်တာ ရေမရှိဘူးတဲ့။ တကယ်တော့ ရေက အပြည့်ရှိတယ်။ သူ့အကုသိုလ်ကံကြောင့် ရေတွေ ပျောက်သွားတယ်။ ရေမတွေ့တော့ ဒီကျောင်းနေတဲ့ရဟန်းတွေ တော်တော်ပျင်းတယ်၊ သောက်ရေအိုးတောင် ရေမလောင်းကြဘူးဆိုပြီး ရဟန်းတွေကို ကဲ့ရဲ့လို့ ရဟန္တာက ထ ကြည့်တော့ ရေအပြည့်ရှိတာကို တွေ့ရတယ်။ ရဟန်းက ကြည့်တော့ ရေရှိတယ်၊ မုဆိုးက ကြည့်တော့ ရေမရှိဘူး။ ဒါဟာ အကုသိုလ်ကံ ပထမဇောတွေက အကျိုးပေးနေတာ။ သူ့မှာလဲ တစ်သက်လုံး အကုသိုလ်ပဲ များတာကိုး။ ဒါတောင်မှ ရဟန်းတွေက သောက်ရေအိုးလေးမှ ရေဖြည့်ဖော်မရဘူး၊ စားပြီး အိပ်နေတယ်လို့ ကဲ့ရဲ့သေးတယ်။ ဒီမှာ ရဟန္တာက ထ ကြည့်တော့ ရေအပြည့်ရှိနေတာနဲ့ သူခပ်တဲ့ခွက်နဲ့ပဲ သူခပ်တဲ့အိုးက ရေတွေ အပြည့်ခပ်ပြီး တိုက်လိုက်တော့မှ သူ့ခမျာ ရေ၀အောင် သောက်ရရှာတယ်။ အဲဒီမှာ သူဟာ လူစင်စစ်က ပြိတ္တာဖြစ်နေပါပေ့ါလားဆိုပြီး သံဝေဂရသွားတယ်။ ၀ဋ်တွေ ဒီလောက်ဆိုးဝါးနေမှတော့ သေလဲ ဒီပုဂ္ဂိုလ် အ၀ီစိမှတစ်ပါး အခြားသွားစရာမရှိတော့ဘူး။ ပစ္စုပ္ပန်မှာတောင် ရေပျောက်နေပြီ။ တပည့်တော်ကို ဒီဝဋ်ဆိုးတွေက ကယ်မယ့်တရားများ ရှိသေးသလားဘုရားလို့ လျှောက်တော့ ၀ိပဿနာရှေ့သွားရှိရင် မဂ်ရတယ်လို့ မိန့်တော်မူတယ်။

ဒီမှာတင် သူ့မှာ ကယ်မယ့်တရားရှိသေးပါလားဆိုပြီး အိမ်မပြန်တော့ဘဲ သူ့မှာပါတဲ့ လေးမြားတွေ အကုန်စွန့်ပြီး ကိုရင်ကြီးဝတ်လိုက်တယ်။ တပည့်တော်အကြောင်း တပည့်တော် ကောင်းကောင်းသိပါပြီ၊ အရှင်ဘုရားကလဲ ကယ်မယ့်တရားရှိတယ်ပြောတယ်၊ တပည့်တော်ကြိုးစားပါတော့မယ်ဆိုပြီး ကြိုးစားလိုက်တာ။ ကြိုးစားရင်းနဲ့ အကုသိုလ်တွေချည်း သူ့စိတ်ထဲမှာပေါ်နေတယ်။ ကုက္ကုစ္စတွေချည်း ၀င်နေတယ်။ ဒီတော့ အရှင်ဘုရား တပည့်တော် အပြစ်နဲ့ တပည့်တော် ရှိပါစေတော့ဘုရား၊ တရားအားထုတ်တာ တရားမမြင်ဘဲ တပည့်တော် သတ်ခဲ့ ဖြတ်ခဲ့တာတွေပဲ လာလာပေါ်နေတယ်ဘုရား။ ဒါကြောင့် တပည့်တော်လူထွက်ပါတော့မယ်လို့ လျှောက်တယ်။ မထေရ်က မထွက်နဲ့ဦးဆိုပြီး သဖန်းသားတွေ လှည်းသုံးစည်းတိုက်လောက် အခုတ်ခိုင်းပြီးပုံ။ အစိုတွေကို မီးအရှို့ခိုင်းတယ်။ မီးက မလောင်ဘူး။ မလောင်တော့ ရဟန္တာကို မလောင်ကြောင်းသွားလျှောက်တော့ ရဟန္တာက သူ့နောက် လိုက်သွားပြီး တန်ခိုးနဲ့ မြေကြီးနှစ်ခြမ်းခွဲပြီးတော့ အ၀ီစိငရဲကို ပြပေးလိုက်တယ်။ လူထွက်ချင်တဲ့ ကိုရင်ကြီး ကြည့်စမ်းဆိုတော့ မုန်ညင်းစေ့များစီထည့်ထားသလို စိနေအောင် ငရဲဒုက္ခခံနေရတဲ့ သတ္တ၀ါတွေကို တွေ့ရတယ်။ အဲဒီမှာ ရဟန္တာက တန်ခိုးနဲ့ ငရဲမီး ပိုးစုန်းကြူးလောက် ယူပြီး ခုနက ထင်းပုံထဲထည့်လိုက်တာ အကုန်ပြာကျသွားတယ်။ ငရဲမီး ပိုးစုန်းကြူးလောက်က လှည်းသုံးစီးတိုက်သဖန်းသားအစိုတွေကို တစ်ခဏချင်း ပြာဖြစ်သွားတယ် အကုန်ပြောင်အောင် လောင်သွားတယ်ဆိုတာ တွေ့လိုက်ရတော့ အ၀ီစိလဲမြင်ရ၊ ငရဲမီးပြင်းအားကိုလဲတွေ့ရသဖြင့် အလွန်ကြောက်လန့်သွားတယ်။ ဒီလိုဆိုရင် တပည့်တော် မထွက်တော့ဘူးဘုရား၊ ကယ်နိုင်မယ်ဆိုရင် ကယ်တော်မူပါဆိုတော့မှ ဖြစ်ပျက်နဲ့ မဂ်ကိုက်တဲ့ ၀ိပဿနာရှေ့သွား အလုပ်ခိုင်းတယ်။

သူ့စိတ်ထဲမှာ အ၀ီစိမြင်လို့ကြောက်စိတ်ဝင်၊ ငရဲမီးမြင်လို့လန့်နေတာနဲ့ ခြေထောက်တွေ အေးနေမှ မငိုက်မှာပဲဆိုပြီး အ၀တ်ရေဆွတ် ခြေထောက်တွေပတ်၊ ခေါင်းပေါ်က အေးနေရင်လဲ မငိုက်ဘူးဆိုပြီး အ၀တ်ရေဆွတ် ခေါင်းပေါ်တင်ပြီးတော့ လုပ်လိုက်တော့ အိပ်ချင်စိတ်တွေ အကုန်ပျောက်ပြီး ၀ိပဿနာနဲ့ မဂ်ချည်းတိုက်ပေးနေတယ်။ တစ်ညအားထုတ်လိုက်တာ နံနက်လဲလင်းရော အနာဂါမ်တည်သွားတယ်။ ၀ိပဿနာရှေ့သွားနဲ့ မဂ်သုံးတန်ပေါ်လာလို့ အနာဂါမ်တည်သွားတော့ သူရောက်ဖို့ အသေအချာဖြစ်နေတဲ့ အ၀ီစိလဲ မရောက်တော့ဘူး။ သုံးမဂ်က များသေးတယ်၊ တစ်မဂ်တည်းပေါ်တောင်မှ မရောက်ရတော့ပါဘူးတဲ့။ ၀ိပဿနာမဂ်က ကယ်လိုက်တာ။ သူဟာ အ၀ီစိကျမယ့်သူ အသေအချာဖြစ်ပါလျက် မဂ်သုံးဆင့်ဝင်လိုက်တာနဲ့ ဒုဂ္ဂတိဘုံ၊ ကာမသုဂတိဘုံတွေကိုတောင်မှ ပြန်မလာတဲ့ပုဂ္ဂိုလ်ဖြစ်သွားတယ်၊ အနာဂါမ်ဖြစ်သွားတာ။ ဒါကြောင့် ၀ိပဿနာသာ လုပ်နေပါ၊ မဂ်တည်းဟူသောနေ ထွက်ပါစေလို့ ဆုတောင်းနေလို့ မရပါဘူး။ ဉာဏ်နဲ့လုပ်မှသာ ရပါတယ်။ ခန္ဓာနဲ့ဉာဏ်တိုက်တဲ့အလုပ်သာ အဖန်ဖန်လုပ်နေပါ။ တိုက်ဖန်များလို့ ရင့်ကျက်လာရင် မဂ်တည်းဟူသောနေဟာ အလိုလိုထွက်ပြူလာပါလိမ့်မယ်။

ဒေါက်တာအရှင်ပါရမီ

ဉာဏ်စဉ်ဆိုတာ ဉာဏ်အမြင်ပြောင်းတာ

ဘာကြောင့် နိဗ္ဗာန်မပေါ်သေးတာပါလိမ့်မလဲဆိုရင် ပွတ်တာ နှေးနေသေးလို့။ ၀ါးနှစ်လုံးပွတ်လို့ ပွတ်ဖန်များရင် မီးထွက်သလို အနိစ္စနဲ့ မဂ္ဂတိုက်အောင် လုပ်နေတာဟာ နိဗ္ဗာန်တည်းဟူသောမီး ထွက်အောင် ပွတ်နေတယ်လို့ မနေ့က ပြောခဲ့တာနဲ့ ဆက်ပြီး နားလည်ရမယ်။ အနိစ္စနဲ့ မဂ္ဂတိုက်ဖန်များရင်တော့ မီးနဲ့တူတဲ့ နိဗ္ဗာန် ပေါ်လာမှာပါပဲ။ ဒါပေမယ့် အဟိတ်၊ ဒွိဟိတ်ပုဂ္ဂိုလ်မျိုးတွေဆိုရင်တော့လဲ နိဗ္ဗာန်က ဘယ်ပေါ်နိုင်လိမ့်မလဲ။ သို့သော် ၀ိပဿနာဉာဏ်နားလည်တဲ့ပုဂ္ဂိုလ်တွေ ဖြစ်ရင်တော့ တိဟိတ်ပုဂ္ဂိုလ်ပဲတဲ့။ တိဟိတ်ပင်ဖြစ်သော်လဲ မပွတ်လို့ရှိရင် မီးမထွက်ပါဘူး။

မီးထွက်အောင် ပွတ်တိုက်မယ်ဆိုပြီး ၀ိရိယအဓိပတိထား၊ ဆန္ဒအဓိပတိထားရင်တော့ မီးထွက်လာမှာပါပဲ။ ဆန္ဒကလဲ အဓိပတိဖြစ်လို့ နိဗ္ဗာန်တည်းဟူသောမီး မထွက် ထွက်အောင် မရ ရအောင်လုပ်မယ်ဆိုပြီး ဆန္ဒပြင်းပြလို့ရှိရင် ဆန္ဒိဒ္ဓိပါတ်ဖြစ်သွားတယ်။ ၀ီရိယကလဲ အဓိပတိဖြစ်လို့ ဣဒ္ဓိပါတ်ဖြစ်သွားတဲ့အခါကျတော့ နိဗ္ဗာန်ဆိုတာ မရ မရှိပါဘူးတဲ့။ ခန္ဓာနဲ့ ဉာဏ်နဲ့တိုက်တဲ့ ပုဂ္ဂိုလ်မှာဖြင့် မီးနဲ့တူတဲ့ နိဗ္ဗာန် ဧကန်ထွက်ပါလိမ့်မယ်။ ခန္ဓာနဲ့ ဉာဏ်နဲ့ တိုက်ဖန်များတော့ ဖြစ်ပျက်ဆိုရင် ဥဒယဗ္ဗယနဲ့ ဉာဏ်နဲ့ သွားတိုက်တယ်။ ရှုဖန်များလာတော့ ဖြစ်ပျက်တောင် မဖောက်တော့ဘူး။ အပျက်နဲ့ ဉာဏ်နဲ့ သွားတိုက်တယ်။ ဘင်္ဂဉာဏ်ပေါ်လာတာ။ နောက် ဒီဖြစ်ပျက်တွေကို ဘေးထင်ပြီးနေတဲ့ ဉာဏ်နဲ့တိုက်လာတယ် (ဘယဉာဏ်)။ ဒီအစဉ်အတိုင်းတက်သွားတော့ ဖြစ်ပျက်တွေဟာ ကိုယ့်အပြစ်သင့်နေတာပဲ ဆိုတဲ့ ဉာဏ်နဲ့ သွားတိုက်တယ် (အာဒီန၀ဉာဏ်)။ နောက်တော့ ဒီဖြစ်ပျက်တွေကို ငြီးငွေ့တဲ့ဉာဏ်နဲ့ သွားတိုက်တယ် (နိဗ္ဗိန္ဒဉာဏ်)။ ဒီအခါကျရင်တော့ ဗလ၀ အားကြီးတဲ့ ၀ိပဿနာဖြစ်ပြီဆိုတာ မမေ့ပါနဲ့တော့။ ၀ိပဿနာတော့ ရင့်ကျက်ပြီ၊ မီးထွက်ဖို့ ကပ်နေပြီလို့သာ မှတ်လိုက်ပါ။ ငြီးငွေ့လာလို့ရှိရင် နိဗ္ဗာန်တည်းဟူသော မီးထွက်ဖို့ ကပ်နေပြီ။ ဖြစ်ပျက်တွေ မုန်းနေလို့ရှိရင် မီးထွက်ဖို့ နီးနေတဲ့အချိန်တဲ့။ မီးမထွက် ထွက်အောင် ခပ်ပြင်းပြင်း တိုက်ရင် ပူပူလာပြီး မီးထွက်တာ သေချာသလို ဖြစ်ပျက် မဂ်ကိုက်ရင် ဥဒယဗ္ဗယဉာဏ်တက်လာတယ်။ တိုက်ဖန်များတော့ ဘင်္ဂ အပျက်တွေချည်းမြင်တဲ့ ဉာဏ်တက်လာတယ်။ ဘင်္ဂထက် ဘယက ပိုပြီး ပူပူလာတယ်၊ ဘယထက် အာဒီန၀က ပိုပူလာတယ်။ အာဒီန၀ထက် နိဗ္ဗိန္ဒက ပိုပူလာတယ်။ နိဗ္ဗိန္ဒပြီးရင် မဂ်လာတော့မှာပဲဆိုတော့ အပူအစွမ်းကုန်ရင် မီးတောက်ရုံပဲ ရှိတော့တယ်။ နိဗ္ဗိန္ဒဉာဏ်ပြီးရင် မဂ်ဉာဏ်လာမယ်။ ဒီကြားထဲကဉာဏ်တွေ အားလုံးဟာ နိဗ္ဗိန္ဒထဲ အကုန်ဝင်သွားတယ်လို့သာ မှတ်လိုက်ပါ။

မိလိန္ဒပဉှာကို ကိုးကားပြီး နာမရူပပရိစ္ဆေဒကျမ်းမှာ `ပရိပက္ကာ ကမေနေ၀ံ၊ ပရိဘာဝိတ ဘာဝနာ။ ပရိစ္စဇန္တီ သင်္ခါရေ၊ ပက္ခန္ဒန္တီ အသင်္ခတေ´ လို့ဆိုထားတယ်။ ပရိပက္ကာ ကမေနေ၀ံ - အစဉ်အတိုင်းသာ ပွတ်တိုက်သွားပါ။ အထပ်ထပ် ပွတ်တိုက်သွားလို့ရှိရင် အစတော့ ဖြစ်ပျက်နဲ့ မဂ်ကိုက်နေတာ၊ နောက်တော့ ဉာဏ်က ဖြစ်ပျက်နဲ့ မကိုက်တော့ဘူး၊ ပရိစ္စဇန္တီ သင်္ခါရေ- သင်္ခါရတရားတွေ စွန့်သွားတယ်။ ပက္ခန္ဒန္တီ အသင်္ခတေ- ဉာဏ်က အသင်္ခါတ-ဆိုတဲ့ဘက်ကို ပြေးသွားတယ်တဲ့။ ပထမတော့ ဉာဏ်က ဖြစ်ပျက်နဲ့ မဂ်ကိုက်နေတာပဲ။ နောက်တော့ ဉာဏ်က အသင်္ခတဘက်ပြေးသွားတယ်။ ပရိဘာဝိတ ဘာဝနာ- ကြပ်ကြပ်သာ ပွတ်ပေးစမ်းပါတဲ့။ အစဉ်အတိုင်း ဉာဏ်တွေ တက်လာပါလိမ့်မယ်။ ၀ိပဿနာဉာဏ်ဆိုတာ ဆရာသမားက တက်ပေးလို့မရဘူး။ အစဉ်အတိုင်း သူ့ဟာသူ ဖြစ်ပျက်နဲ့ မဂ်တိုက်ဖန်များလို့ အမြင်ပြောင်းသွားတာ။ ပြောင်းပုံကတော့ ပထမ ဖြစ်ပျက်မြင်တယ်၊ နောက် အပျက်ချည်းမြင်တယ်၊ ဒါအမြင်ပြောင်းတာပါပဲ။ ဒါကိုပဲ ပရိပက္ကာ ကမေနေ၀ံ- ဉာဏ်ဆိုတာ ဒီလို အစဉ်အတိုင်း ရင့်ကျက်တယ်။ ပထမ ဖြစ်ပျက်နဲ့ မဂ်တိုက်တယ်။ နောက် အပျက်နဲ့ မဂ်လာတိုက်တယ်။ နောက် ခန္ဓာဖြစ်ပျက်ကိုပဲ ဘေးထင်တဲ့ ဉာဏ်နဲ့ သွားတိုက်တယ်။ ပွားသာပွားပါ၊ ၀ိပဿနာအလုပ်ဆိုတာ ပွားနေဖို့ပါပဲ၊ ဖြစ်ပျက်နဲ့ မဂ်တိုက်နေဖို့ပါပဲ။ ဉာဏ်စဉ်တက်တယ်ဆိုတာကတော့ တိုက်ဖန်များလို့ ဉာဏ်အမြင်ပြောင်းတာ။ အမြင်ပြောင်းတာကို ဉာဏ်တက်တယ်ခေါ်တယ်။ သူတော့ဖြင့် ဘယ်ဉာဏ်ရောက်ပြီလို့ ဆရာသမားလဲ မပြောနိုင်ဘူး၊ ပြောလဲ မမှန်ပါဘူး။ အလုပ်ကပြောသွားပါလိမ့်မယ်။ ဒါဖြင့် ပရိပက္ကာ ကမေနေ၀ံ၊ ပရိဘာဝတ ဘာဝနာ- ကိုယ့်တာဝန်က ဖြစ်ပျက်နဲ့ မဂ် ပွားနေဖို့ပါပဲ။ သူ့ဟာသူ အစဉ်အတိုင်း ဉာဏ်အမြင်ပြောင်းပါလိမ့်မယ်။ အမြင်တွေပြောင်းသွားတော့ သင်္ခါရတွေမမြင်ဘဲ သင်္ခါရမရှိတဲ့ဘက် မြင်လိမ့်ဦးမယ်။ တိုက်ဖန်များရင် ဥဒယဗ္ဗယ၊ ဘင်္ဂ၊ ဘယဆိုတဲ့ ရုပ်နာမ်တွေ မမြင်ဘဲနဲ့ ရုပ်နာမ်မရှိတဲ့ နိဗ္ဗာန် သွားမြင်လိမ့်မယ်တဲ့။ တိုက်ဖန်များဖို့ ရှုဖန်များဖို့သာ အရေးကြီးတယ်လို့ မှတ်လိုက်ပါ။

နာမရူပပရိစ္ဆေဒကျမ်းကလာတဲ့အတိုင်း ပရိပက္ကာ ကမေနေ၀ံ - အစဉ်အတိုင်းသာ ပွားပါ၊ ပွားဖန်များတော့ ပရိစ္စဇန္တီ သင်္ခါရေ- သင်္ခါရတရားတွေ စွန့်ပစ်တယ်။ ရှုနေတဲ့ဉာဏ်က ပက္ခန္ဒန္တီ အသင်္ခတေ- နိဗ္ဗာန်ဘက် ပြေးသွားပါလိမ့်မယ်။ နေထွက်တော့မယ်ဆိုရင် ပုဗ္ဗနိမိတ်ဟာ အရုဏ်တက်ပဲ။ အရုဏ်တက်လို့ အရောင်တွေ နီလာပြီဆိုရင် နေထွက်တော့မယ်ဆိုတာ နေထွက်တော့မယ့် ပုဗ္ဗနိမိတ်ကို အရုဏ်တက်က ပြတယ်။ ဒီအတိုင်းပဲ၊ `ဥဂ္ဂစ္ဆတိ ယထာဒိစ္စော၊ ပုရေက္ခိတွာရုဏံတထာ´ နေထွက်တော့မယ်ဆိုရင် အရုဏ်တက်ဟာ ရှေ့ပြေးနိမိတ်ပဲ။ ၀ိပဿနံ ပုရေက္ခိတွာ၊ မဂ္ဂဓမ္မော ပ၀တ္တတိ- ၀ိပဿနာရှုနေရင် အရုဏ်တက်တာပဲ။ မဂ်တည်းဟူသောနေထွက်တော့မယ်၊ နိဗ္ဗာန်တည်းဟူသော နေထွက်တော့မယ်။ ၀ိပဿနာကိုသာ ရှေ့ထားပြီးလုပ်ပါ၊ ဖြစ်ပျက်နဲ့ မဂ်ကိုက်အောင်သာ ရှုပါ။ ၀ိပဿနာရှေ့ထားလုပ်ရင် မဂ်ဉာဏ် လာမယ်။ အရုဏ်တက်တဲ့ အလုပ်လုပ်လို့ရှိရင် နေထွက်တာက နောက်က လာမှာပဲ။ ၀ိပဿနာတည်းဟူသော အရုဏ်တက်တဲ့အလုပ်ကိုသာလုပ်ပါ၊ မဂ်တည်းဟူသော နေမင်းဟာ မုချထွက်ပါလိမ့်မယ်။ အရုဏ်တက်တာဟာ နေထွက်ဖို့ပဲ။ ၀ိပဿနာရှေ့ထားရင် မဂ်တည်းဟူသော နေထွက်မယ်။ နိဗ္ဗာန်ရချင်ရင် ၀ိပဿနာ ရှေ့ထားရလိမ့်မယ် (၀ိပဿနံ ပုရေက္ခိတွာ)။ ဒါဖြင့် မဂ်ဉာဏ် ဖိုလ်ဉာဏ်ရချင်ရင် အိပ်နေလို့တော့ မရဘူး၊ အခြားအလုပ်တွေလျှောက်လုပ်နေရင်လဲ ဝေးသောအကြောင်းသာ ဖြစ်ကောင်းဖြစ်ပါလိမ့်မယ်။ ၀ိပဿနာရှေ့သွားရှိမှ ရမယ်ဆိုတာကိုတော့ ဆုံးဖြတ်ချက်ချလိုက်ပါ (မဂ္ဂဓမ္မော ပ၀တ္တတိ)။

ဒေါက်တာအရှင်ပါရမီ

နိဗ္ဗာန် ဘယ်မှာရှိ

မိလိန္ဒမင်းကြီးက `အရှင်ဘုရား- နိဗ္ဗာန်ဟာ ရှိနှင့်တယ်ဆိုရင်လဲ ရှေးကလူတွေ တွေ့ဖို့ကောင်းတယ်၊ ရှိဆဲဆိုရင်လဲ အခုလူတွေ တွေ့ဖို့ကောင်းတယ်၊ စောင့်နေတယ်ဆိုရင်လဲ တပည့်တော်တို့ ဘယ်အချိန်သွားသွား ရတာပဲဆိုပြီး နေလို့ရတယ်၊ ဒီတော့ နိဗ္ဗာန်ဟာ ဘယ်လိုရှိပါသလဲဘုရား´လို့ အရှင်နာဂသိန်ကိုမေးလိုက်တယ်။ ဒီတော့ အရှင်နာဂသိန်က `ဘယ်ကာလမှာမှ မရှိဘူး´တဲ့။ အတိတ်မှာလဲ မရှိဘူး၊ ပစ္စုပ္ပန်မှာလဲ မရှိဘူး၊ အနာဂတ်မှာလဲ မရှိဘူး။

`ဒါဖြင့် နိဗ္ဗာန်မရှိဘူးလို့ ယူရမှာလားဘုရား´

`ရှိပါတယ်´၊ ဥပမာအားဖြင့် ၀ါးလုံးနှစ်လုံးပွတ်ရာမှာ မပွတ်ခင်က ၀ါးလုံးထဲမှာ မီးမရှိဘူး။ တကယ်တမ်း ပွတ်လိုက်တော့ မီးထွက်လာတာဟာ ဘယ်ကမီးလဲဆိုရင် ၀ါးထဲကပဲ ထွက်တဲ့ မီးလို့ဆိုရမယ်။ မီးဟာ အရင် ရှိနှင့်တာလားဆိုရင်လဲ မဟုတ်ဘူး၊ ပွတ်ဆဲရှိတာလားဆိုရင်လဲ မဟုတ်ဘူး၊ ရှိလတံ့လားဆိုရင်လဲ မဟုတ်ဘူး။ ဒီအတိုင်းပဲ နိဗ္ဗာန်ဟာ ကာလသုံးပါးမှ လွတ်တယ်၊ ဘယ်ကာလမှာမှ မရှိဘူး။ နိဗ္ဗာန်ဟာ မရှိဘူးလားဆိုရင် အနိစ္စ ဒုက္ခ အနတ္တ ဒီတရားသုံးပါးနဲ့ ၀ိပဿနာဉာဏ်နဲ့ ပွတ်ပေးလိုက်ရင် ၀ါးနှစ်လုံးပွတ်တော့ မီးထွက်သလို နိဗ္ဗာန် ထွက်လာတယ်တဲ့။

ဒါဖြင့် ဘယ်ကာလမှာ ရှိသလဲဆိုရင် ဘယ်ကာလမှာမှ မရှိဘူး။ ပွတ်တဲ့ပုဂ္ဂိုလ်မှာတော့ ရှိတယ်။ ၀ိပဿနာအလုပ် လုပ်တဲ့ ပုဂ္ဂိုလ်မှာ နိဗ္ဗာန်ရှိတယ်၊ မလုပ်တဲ့ပုဂ္ဂိုလ်မှာ မရှိဘူးလို့ မှတ်လိုက်ပါ။ ဒီအတိုင်းပဲ ခန္ဓာရဲ့ ဖြစ်ပျက်နဲ့ ကိုယ့်ဉာဏ် မဂ်နဲ့ ကြပ်ကြပ်ပွတ်ပေးပါ။ ဝေဒနာက္ခန္ဓာဖြစ်ဖြစ်၊ ၀ိညာဏက္ခန္ဓာဖြစ်ဖြစ် ဉာဏ်နဲ့သာ ပွတ်ပေး။ အနိစ္စဉာဏ်နဲ့ ပွတ်ပေး၊ ဒုက္ခဉာဏ်နဲ့ပွတ်ပေး၊ အနတ္တဉာဏ်နဲ့ ပွတ်ပေး။ ဒီလိုပွတ်ပေးလိုက်ရင် မီးနဲ့ တူတဲ့နိဗ္ဗာန်ဟာ အနိစ္စအဆုံးမှာ နိစ္စနိဗ္ဗာန်၊ ဒုက္ခအဆုံးမှာ သုခနိဗ္ဗာန်၊ အနတ္တအဆုံးမှာ အတ္တနိဗ္ဗာန်ဆိုတာ ပေါ်လာမှာပဲတဲ့။

ဝါးနှစ်လုံးပွတ်ရာမှာ မပွတ်ခင်က ဘယ်ဝါးမှာမှ မီးရှိနေတာမဟုတ်ပါဘူး၊ ပွတ်တိုက်ခြင်း လုံ့လပယောဂကြောင့်သာလျှင် မီးထွက်လာရသလို ခန္ဓာကို အနိစ္စတရာနဲ့ ရှု၊ မဂ္ဂတရားနဲ့ ပွတ်တိုက်ပေးလိုက်ပါ။ မီးနဲ့တူတဲ့ နိဗ္ဗာန်ပေါ်လာလိမ့်မယ်။ ဒါဖြင့် နိဗ္ဗာန်ဟာ အားထုတ်တဲ့ပုဂ္ဂိုလ်မှာ ရထိုက်တယ်၊ အားမထုတ်တဲ့ပုဂ္ဂိုလ်မှာ မရထိုက်ဘူး။ နိဗ္ဗာန်မရှိဘူးလားမေးရင်တော့ ရှိတယ်။ ဘယ်လိုနည်းနဲ့ နိဗ္ဗာန်ပေါ်လာအောင် လုပ်ရပါလိမ့်မလဲဆိုရင်တော့ ခန္ဓာနဲ့ ဉာဏ်နဲ့ တိုက်ပေးရမယ်။ ဖြစ်ပျက်နဲ့ မဂ် တိုက်ပေးရမယ်။ မနောထဲက ဉာဏ်နဲ့ ခန္ဓာနဲ့ တိုက်ပေးရမယ်။ ၀စီကံနဲ့ ဆုတောင်းတာဟာဖြင့် ဝေးသောအကြောင်းသာ ဖြစ်ပါလိမ့်မယ်။ မနောကံနဲ့ ပွတ်တိုက်ပေးလိုက်ရင်တော့ အင်မတန်နီးသောအကြောင်းဖြစ်လို့ အားစိုက်လိုက်ရင် မီးပွင့်လာတာပဲ။ ဒါဖြင့် နိဗ္ဗာန်ဟာ လူတိုင်းမှာ ရှိသလားဆိုရင်လဲ မရှိပါဘူး။ အနိစ္စနဲ့ မဂ္ဂတိုက်နေတဲ့ ပုဂ္ဂိုလ်မှာတော့ ရှိတယ်။ မတိုက်တဲ့ပုဂ္ဂိုလ်မှာတော့ မရှိဘူး။ နိဗ္ဗာန်ဟာ ခန္ဓာနဲ့ ဉာဏ်နဲ့ တိုက်ယူရပါတယ်။ ခန္ဓာက ဖြစ်ပျက်၊ ဉာဏ်က မဂ် မခွဲစေနဲ့။ ခန္ဓာဖြစ်ပျက် ဉာဏ်မဂ်နဲ့ မခွဲကြလို့ရှိရင်ဖြင့် ခန္ဓာဖြစ်ပျက်လဲ ဆုံးပါရော မီးပွင့်တာအမှန်ပါပဲ။

ဝါးနှစ်လုံးပွတ်တိုက်လိုက်တော့ ပွတ်ဖန်များသဖြင့် မီးထွက်ရသလို အနိစ္စနဲ့ မဂ္ဂ ကြပ်ကြပ်တိုက်ပေးပါ။ အနိစ္စနဲ့ မဂ္ဂမတိုက်ရင် ကိလေသာရှိနေလို့ မီးနဲ့ တူတဲ့နိဗ္ဗာန်က ထွက်မလာဘူး။ တိုက်ဖန်များတော့ ကိလေသာက ပါးပါး ပါးပါး သွားလို့ ကိလေသာဝေးတဲ့အချိန် နိဗ္ဗာန်တည်းဟူသောမီးဟာ ထွက်လာရတယ်။ ဘာကြောင့် နိဗ္ဗာန်မထွက်တာလဲဆိုရင်တော့ ကိလေသာမဝေးသေး ပွတ်တိုက်မှုနှေးသေးလို့ပဲ။ ဒါကြောင့် အနိစ္စနဲ့ မဂ္ဂမတိုက်ရင် ရကို မရဘူးလို့သာ မှတ်လိုက်ပါ။ ဘာကြောင့်လဲဆိုရင် ကိလေသာကို မဂ်ကမှ ဖြတ်နိုင်တာ။ ရှေ့က အနိစ္စ၊ မြင်တာက မဂ္ဂ။ မဂ်ဝင်တော့ ပဋိစ္စသမုပ္ပါဒ် ရှေ့ဆက်လို့မရတော့ဘူး။ ရှုစရာသာပေါ်လာလို့ ရှုပ်ထွေးတဲ့ ကိလေသာ လာခွင့်မရတော့ဘဲ ဝေးသွားတယ်။ ကိလေသာဝေးတဲ့အခါ ဖြစ်ပျက်အဆုံးမှာ တိုက်ဖန်များတော့ မီးထွက်လာရသလို နိဗ္ဗာန်ဟာ ပေါ်ထွက်လာတာပဲတဲ့။ ကြပ်ကြပ်သာရှုလို့ရှိရင် ကိလေသာဝေးပြီး မီးထွက်ကိုထွက်ရမယ်လို့ ယုံကြည်ထားလိုက်ပါ။

ဒေါက်တာအရှင်ပါရမီ

အမှန်မြင် သမ္မာဒိဋ္ဌိနှစ်မျိုး (၃)

သမ္မာဒိဋ္ဌိနှစ်မျိုးအနက် ရှေ့ပြေးအဖြစ် သင်္ခါရဒုက္ခမြင်တဲ့ သမ္မာဒိဋ္ဌိလာရမယ်။ သူဆုံးသွားမှ အသင်္ခတသုခမြင်တဲ့ သမ္မာဒိဋ္ဌိလာတယ်။ ဒီတော့ ရှေ့ပြေးသမ္မာဒိဋ္ဌိက ပုရေစာရိကာ ၀ိပဿနာသမ္မာဒိဋ္ဌိ၊ ဖြစ်ပျက်မြင်တဲ့သမ္မာဒိဋ္ဌိပါပဲ။ အဲဒီဖြစ်ပျက်တွေ ဆုံးအောင်လိုက်လိုက်တဲ့အခါကျတော့ ဆုံးလဲဆုံးရော သင်္ခါရဒုက္ခ ဖြစ်ပျက်တွေ မမြင်တော့ဘူးဆိုလို့ရှိရင် အသင်္ခတသုခကိုမြင်တဲ့ မဂ်သမ္မာဒိဋ္ဌိပေါ်လာတယ်။ မဂ်သမ္မာဒိဋ္ဌိပေါ်လာတဲ့အခါကျတော့ ၀ိပါက၀ဋ်တွေ ကျွတ်သွားတယ်။

ဖြစ်ပျက် ခန္ဓာကိုယ်ကြီး အနိစ္စခန္ဓာကိုယ်ကြီးဆိုတာ ၀ိပါက၀ဋ်ပဲ။ ဒီဝဋ်တွေဟာ ဖြစ်ပျက်တွေ မမြင်တော့ဘူးဆိုရင် ကျွတ်သွားတယ်။ ကမ္မ၀ဋ်ကြောင့် ဒီဘ၀ ရုပ်နာမ်တွေပေါ်လာတာဟာ ၀ိပါက၀ဋ်ကြီးပေါ်နေတာပါ။ ရုပ်နာမ်ကြည့်လိုက်တော့လဲ ဖြစ်ပျက်ဆိုတော့ ၀ိပါက၀ဋ်ဆိုတာနဲ့ တစ်ထပ်တည်းကျနေတယ်။ ဖြစ်ပျက်မမြင်တော့ဘူးဆိုရင် ကိုယ့်ဝဋ်ကျွတ်သွားတာပါပဲ။ ပထမ ၀ိပါက၀ဋ်နဲ့ သမ္မာဒိဋ္ဌိတွေ့နေတာ။ မတွေ့တော့ဘူးဆိုတော့ ၀ိပါက၀ဋ်ကျွတ်သွားတာ။ ကိုယ့်ခန္ဓာ ဖြစ်ပျက် ဒုက္ခသစ္စာ ဆိုတဲ့ ဒုက္ခ၀ဋ်ကြီးက ကျွတ်ပြီး အသင်္ခတဘက် ကူးသွားတယ်။ နိဗ္ဗာန်ဘက်ကိုကူးသွားတာ၊ လောကုတ္တရာမဂ်ပေါ်လာတာပါပဲ။ တစ်နည်းအားဖြင့် မဂ်သမ္မာဒိဋ္ဌိပေါ်လာတာ။ မဂ်သမ္မာဒိဋ္ဌိပေါ်လာတော့ ဒီဝဋ်တွေ တစ်ခါတည်း ငြိမ်းသွားတယ် (၀ဋံ သမုဂ္ဃါဋယမာနာ ၀ူပသမာယမာနာ)။ ဒီဝဋ်တွေ မမြင်တော့ဘူး။ ဖြစ်ပျက်ဒုက္ခသစ္စာကြီးကိုလဲ မမြင်တော့ဘူး။ သင်္ခါရဒုက္ခကြီးကိုလဲ မမြင်တော့ဘူး။ သင်္ခါရဒုက္ခနဲ့ ဖြစ်ပျက်ဒုက္ခဆိုတာ အတူတူပဲ။

အဲဒါတွေ မမြင်ရတော့ ခန္ဓာကိုယ်ထဲမှာ ရေအိုးတစ်ထောင်နဲ့လောင်းလိုက်သလိုပဲ အေးချမ်းသွားတယ် (သီတုဒကဃဋသဟဿံ မတ္ထကေ အာသိဉ္စယမာနာ ၀ိယ ဥပ္ပဇ္ဇတိ)။ မဂ်သမ္မာဒိဋ္ဌိပေါ်လာတဲ့အခါ ခန္ဓာကိုယ်ထဲ အေးတာပဲ ကျန်ခဲ့တယ်၊ ငြိမ်းတာပဲ ကျန်ခဲ့တယ်လို့ အဋ္ဌကထာဆရာက ဥပမာနဲ့ ပြထားတယ်။ ခန္ဓာကိုယ်ထဲမှာ ပေါ့ပေါ့ပါးပါးနဲ့ ၀န်ထုပ်ကြီးများကျသွားသလို အေးငြိမ်းချမ်းသာသွားတယ်။ အလွန်တရာမှလဲ ၀မ်းမြောက်ဝမ်းသာဖြစ်လာတယ်တဲ့။ တစ်သံသရာလုံးက ပူလောင်လာတဲ့ ဒိဋ္ဌိ၊ ၀ိစိကိစ္ဆာ စတဲ့ ကိလေသာအပူတွေ အေးငြိမ်းသွားတာ။ ငါ့သား ငါ့သမီးစွဲတွေလဲ ပြုတ်၊ ငါ့ကိုယ်ငါ့ဟာ အစွဲတွေလဲပြုတ်၊ နက်ဖြန်သဘက် ဘယ်လိုဖြစ်မလဲမသိဘူး၊ ခက်တော့တာပဲ ဆိုတဲ့ ၀ိစိကိစ္ဆာတွေလဲပြုတ်၊ ငါသေရင် ဘာဖြစ်မှန်းမသိဘူးဆိုတဲ့ ၀ိစိကိစ္ဆာလဲ ပြုတ်သွားပြီး အပူတွေ အေးငြိမ်းသွားတာ။ ဒိဋ္ဌိ ၀ိစိကိစ္ဆာအပူဓာတ်တွေ ငြိမ်းသွားတာ။ ဒီနှစ်ခုမရှိတဲ့အတွက် စိတ်ထဲမှာ စိတ်ချလက်ချဖြစ်သွားတာ။ ဒီတော့မှ ငါအပါယ်မကျတော့ဘူး ဆိုတာ သူ့ကိုယ်သူ သိသွားတယ်။

မဂ်သမ္မာဒိဋ္ဌိဆိုတာ ဆုတောင်းနေလို့ မရဘူး။ ရှေ့ပြေးသမ္မာဒိဋ္ဌိက ကျေးဇူးပြုမှ ပေါ်မယ်။ သင်္ခါရဒုက္ခတွေ့အောင် ရှာနိုင်တဲ့ ဉာဏ်ရမှပဲ အသင်္ခတသုခရမှာ။ ဒါဖြင့် ရှေ့ပြေးသမ္မာဒိဋ္ဌိက ဖြစ်ပျက် သင်္ခါရဒုက္ခကို မြင်တယ်၊ ဖြစ်ပျက်မမြင်တဲ့ သမ္မာဒိဋ္ဌိက နိဗ္ဗာန်မြင်တယ်။ ဉာဏ်ကတော့ မဂ်ဉာဏ်ပဲ၊ မြင်တာက နိဗ္ဗာန်။ ဖြစ်ပျက် ရှုရင်းနဲ့ ဖြစ်ပျက်မမြင်တော့ဘဲ ဘ၀င်ထဲမှာလဲ အေးငြိမ်း၊ စိတ်ထဲမှာလဲ ၀န်ကျသွားတဲ့ အမြင်ရောက်လို့ရှိရင် ဒါသည် သောတာပန်တည်တယ်လို့ ကိုယ့်ကိုယ်ကို ဆုံးဖြတ်ချက်ချ။ ကိုယ့်ဟာကိုယ် ရှေ့ပြေးများများမြင်အောင်လုပ်။ ရှေ့ပြေးအဆုံးမှာ နောက်လိုက်လောကုတ္တရာမဂ်က လိုက်လာဖို့ အဆင်သင့်ပဲတဲ့။ ရှေ့ပြေးသမ္မာဒိဋ္ဌိက နောက်လိုက်သမ္မာဒိဋ္ဌိကို အနန္တရပစ္စည်းနဲ့ အခြားမရှိကျေးဇူးပြုတယ်။ ကိုယ့်ခန္ဓာမှာ ပေါ်သမျှ ဖြစ်ပျက်ရှုတော့ ဖြစ်ပျက်မြင်ပြီဆိုရင် ရှေ့ပြေးသမ္မာဒိဋ္ဌိတော့ ရပြီလို့ ဆုံးဖြတ်ချက်ချ။ အနန္တရပစ္စည်းဟာ အခြားမရှိဘူးဆိုသဖြင့် ရှေ့ပြေးသမ္မာဒိဋ္ဌိကို ရှေ့ပိုင်းမှာ များများလုပ်လိုက်လို့ရှိရင် နောက်က မဂ်ဉာဏ်ဟာ လာရမှာပဲ။

ဝေဒနာကြိုက်ရင် ဝေဒနာကို သင်္ခါရဒုက္ခမြင်အောင်ကြည့်၊ စိတ်ကြိုက်ရင် စိတ်ကို သင်္ခါရဒုက္ခမြင်အောင်ကြည့်။ ဒီလိုကြည့်လို့ မြင်တဲ့သင်္ခါရဒုက္ခတွေ ကြည့်နေတဲ့ ဉာဏ်အောက် ဉာဏ်မှောက်မှာ၊ ရှေ့ပြေး သမ္မာဒိဋ္ဌိအောက်မှာ၊ ပုရေစာရိကာ ၀ိပဿနာသမ္မာဒိဋ္ဌိအောက်မှာ ဆုံးသွားလို့ရှိရင် နိဗ္ဗာန်တွေ့လိမ့်မယ်တဲ့။ နိဗ္ဗာန်တွေ့လိုက်တဲ့သမ္မာဒိဋ္ဌိဟာ မဂ်သမ္မာဒိဋ္ဌိပါပဲ။ ဒီတော့ ပုရေစာရိကာ ၀ိပဿနာသမ္မာဒိဋ္ဌိက သင်္ခါရဒုက္ခမြင်တဲ့သမ္မာဒိဋ္ဌိ၊ ဖြစ်ပျက်မြင်တဲ့သမ္မာဒိဋ္ဌိ။ မဂ်သမ္မာဒိဋ္ဌိက သင်္ခါရဒုက္ခ ဖြစ်ပျက်မမြင်တော့ဘဲ နိဗ္ဗာန်မြင်တဲ့ သမ္မာဒိဋ္ဌိ၊ ဖြစ်ပျက်မတွေ့တော့ဘဲ ဖြစ်ပျက်မရှိရာ နိဗ္ဗာန်ဘက်ကို ဉာဏ်လှည့်သွားတဲ့သမ္မာဒိဋ္ဌိလို့ သေသေချာချာမှတ်လိုက်ပါ။ ဖြစ်ပျက်မမြင်တာက ဖြစ်ပျက်မရှိလို့ မမြင်တာမဟုတ်ဘူး၊ ဖြစ်ပျက်ကတော့ သူ့ဟာသူ ရှိနေတာပဲ။ ခန္ဓာရှိနေသရွေ့ ဖြစ်ပျက်တွေဟာ ရှိမြဲ ရှိနေတာပါ။ ဒါပေမယ့် ရှုနေတဲ့ ဉာဏ်က ဖြစ်ပျက်ဘက်ကိုမလှည့်ဘဲ နိဗ္ဗာန်ဘက် တစ်ချက်လှည့်လိုက်တော့ ဖြစ်ပျက်ကိုမတွေ့တော့ဘဲ နိဗ္ဗာန်တွေ့လိုက်ရတာ။ ဒါကို ဖြစ်ပျက်ဆုံးတယ်လို့ ခေါ်တယ်။ ဒီလို ဖြစ်ပျက်အဆုံးမှာ နိဗ္ဗာန်ကိုတွေ့လိုက်တဲ့ ဉာဏ်ပေါ်လာမှ မဂ်သမ္မာဒိဋ္ဌိဖြစ်တာ။

ဒေါက်တာအရှင်ပါရမီ

အမှန်မြင် သမ္မာဒိဋ္ဌိနှစ်မျိုး (၂)

မနေ့က ပြောခဲ့တဲ့ သင်္ခါရဒုက္ခအမြင်လေးဟာ မဂ်ရဲ့ရှေ့ပြေးအမြင် (ပုရေစာရိကာ ၀ိပဿနာသမ္မာဒိဋ္ဌိ)တဲ့။ လောကုတ္တရာမဂ် ကပ်နေတဲ့ အမြင်။ ဒီအမြင်ရပြီး သေရင် နောက်ဘ၀ နတ်ပြည်ရောက်ပြီး နတ်ပြည်ရောက်မှန်းမသိခင် မဂ်ကအရင်ပေါ်မယ်။ ဘုရားပွင့်မယ်ဆိုရင်လဲ ဒီအမြင်ရှိပြီးသာပုဂ္ဂိုလ်ဟာ ဘုရားဉာဏ်ထဲ ထင်လာမယ်။ ဒါကြောင့် သင်္ခါရဒုက္ခမြင်အောင် ကြည့်ဖို့ အရေးကြီးပါတယ်။ သင်္ခါရဒုက္ခမြင်ရင် ဘုရားပွင့်ချိန်နဲ့ကြုံရင်လဲ အရင်အချွတ်ခံရမယ်။ ဘုရားမရှိတဲ့ သာသနာတွင်းရောက်နေရင်လဲ သင်္ခါရဒုက္ခကနေ ဆက်အားထုတ်တော့ သင်္ခါရဒုက္ခမြင်တဲ့ မဂ်ပြီးတော့ နိဗ္ဗာန်မြင်တဲ့ မဂ်လာတာပဲ။ သင်္ခါရဒုက္ခမြင်တဲ့ သမ္မာဒိဋ္ဌိပြီးတော့ နိဗ္ဗာန်မြင်တဲ့ သမ္မာဒိဋ္ဌိလာတယ်။ သမ္မာဒိဋ္ဌိနဲ့ မဂ်ဟာ အတူတူပဲ။ သင်္ခါရဒုက္ခမြင်တဲ့ဉာဏ်သည် နောက်လာမယ့်ပဋိစ္စသမုပ္ပါဒ် ဖြတ်တယ်။ ဒါကြောင့် သင်္ခါရဒုက္ခကို တစ်ချက်မြင်မြင် နှစ်ချင်မြင်မြင် များများမြင်လေ ကောင်းလေပဲ။ မြင်အောင်သာလုပ်ပါ။ များများမြင်နေပြီဆိုရင်တော့ လောကုတ္တရာမဂ်လာတော့မလို့သာ မှတ်ပေတော့။

သင်္ခါရဒုက္ခမြင်တဲ့သမ္မာဒိဋ္ဌိသည် လောကုတ္တရာမဂ်၏ ရှေ့ပြေးသမ္မာဒိဋ္ဌိ။ ဒါဖြင့် သင်္ခါရဒုက္ခတွေ ဟိုနေရာမှာဖြစ်လိုက် ပျက်လိုက်၊ ဒီနေရာမှာ ဖြစ်လိုက်ပျက်လိုက်၊ ဝေဒနာရှုလဲ ဖြစ်ပျက်ပဲတွေ့၊ စိတ်ရှုလဲ ဖြစ်ပျက်ပဲတွေ့ သင်္ခါရဒုက္ခတွေ တွေ့ရဖန် များလှပါပြီလို့ ကိုယ်ရှုတဲ့ ဉာဏ်ထဲမှာ ထင်လာရင်တော့ သင်္ခါရဒုက္ခပြီးလို့ ရှိရင် အသင်္ခါတသုခ ကူးတော့မယ်။ ဒါဖြင့် သင်္ခါရဒုက္ခ ဆုံးအောင်လိုက်၊ သင်္ခါရဒုက္ခတွေ့သမျှ သင်္ခါရဒုက္ခပဲ ဆိုချင်ဆို ဖြစ်ပျက်ပဲဆိုချင်ဆို ဒီလိုရှုသွားလို့ရှိရင် သင်္ခါရဒုက္ခဆုံးသွားလိမ့်မယ်။ သင်္ခါရဒုက္ခဆုံးသွားလို့ရှိရင် ရှေ့ပြေးသမ္မာဒိဋ္ဌိကိစ္စ ကုန်ပြီ။ သူလဲ ကုန်ရော မဂ်သမ္မာဒိဋ္ဌိလာတာပဲ။ မဂ်သမ္မာဒိဋ္ဌိက အသင်္ခတသုခနဲ့ သွားတွေ့တယ်။ အသင်္ခတဆိုတာ နိဗ္ဗာန်၊ ဘယ်သူမှမပြုပြင်ဘူး။ သုခဆိုတာ ချမ်းသာတာ။ သင်္ခါရဒုက္ခကို ရှာဖြစ်အောင် ရှာမှသာလျှင် သင်္ခါရဒုက္ခမြင်တဲ့ ၀ိပဿာနာမဂ်လာပြီး အသင်္ခတသုခမြင်တဲ့ လောကုတ္တရာမဂ် လာလိမ့်မယ်လို့ မှတ်ရမယ်။ ဒါဖြင့် နိဗ္ဗာန်ဟာ သင်္ခါရဒုက္ခတွေ့ရင် အနီးလေးပဲ၊ မဂ်ဉာဏ်ရဖို့လဲ အနီးလေးပဲလို့သာ မှတ်လိုက်ပါ။ သင်္ခါရဒုက္ခမြင်တဲ့ သမ္မာဒိဋ္ဌိပြီးလို့ရှိရင် အသင်္ခတသုခဆိုတဲ့ နိဗ္ဗာန်မြင်တဲ့ သမ္မာဒိဋ္ဌိလာတယ်။ သင်္ခါရဒုက္ခမတွေ့သေးရင်တော့ ဘယ်လိုပင် ဆုတောင်းနေသော်လဲ နိဗ္ဗာန်နဲ့ကတော့ ဝေးနေဆဲပါပဲ။ သင်္ခါရဒုက္ခတွေ့မှသာလျှင် အသင်္ခတသုခကူးမှာဖြစ်တယ်။ သင်္ခါရဒုက္ခမြင်တာက ၀ိပဿနာ၊ အသင်္ခတသုခမြင်တာက မဂ်ဉာဏ်။ ၀ိပဿနာဉာဏ်နဲ့ လောကုတ္တရာမဂ်ဉာဏ် အကူးအဆက်ပြတာပဲ။

သင်္ခါရဒုက္ခများများတွေ့ပြီဆိုရင်တော့ အပါယ်တံခါးပိတ်တော့မယ်၊ သောတာပန်တည်တော့မယ်လို့သာ မှတ်ပေတော့။ ဘာကြောင့်လဲဆိုရင် ပုရေစာရိကာ ၀ိပဿနာ သမ္မာဒိဋ္ဌိ၊ မဂ္ဂသမ္မာဒိဋ္ဌိ ဆိုပြီး သမ္မာဒိဋ္ဌိနှစ်မျိုးပြတယ်။ ပုရေစာရိကာ သမ္မာဒိဋ္ဌိ ဆိုတာ ရှေးဦးစွာကျင့်ရမယ့် သမ္မာဒိဋ္ဌိ၊ မဂ္ဂသမ္မာဒိဋ္ဌိဆိုတာ ရှေ့ပိုင်းက ပုရေစာရိကာ ၀ိပဿနာသမ္မာဒိဋ္ဌိ ကျင့်ပြီးမှ ပေါ်လာမယ့်သမ္မာဒိဋ္ဌိ။ ရှေ့ပြေးသမ္မာဒိဋ္ဌိဆုံးတဲ့အခါကျရင် သောတာပတ္တိမဂ် သမ္မာဒိဋ္ဌိ။ သောတာပတ္တိမဂ်ဟာ သမ္မာဒိဋ္ဌိပဲ။ မဂ်လို့ခေါ်ခေါ် သမ္မာဒိဋ္ဌိလို့ ခေါ်ခေါ် အတူတူပဲ။ သင်္ခါရဒုက္ခမြင်တဲ့ သမ္မာဒိဋ္ဌိပြီးရင် မဂ်သမ္မာဒိဋ္ဌိလာတယ်လို့သာ မှတ်ထားလိုက်။ ကိုယ့်သန္တာန်မှာ ဖြစ်ပျက်ဟာ သင်္ခါရဒုက္ခပဲ။ အဲဒါမြင်အောင်ကြည့်လို့ရှိရင် ရှေ့ပြေးသမ္မာဒိဋ္ဌိ သေချာပြီ။ နောက်က လောကုတ္တရာမဂ်သမ္မာဒိဋ္ဌိ လိုက်ရုံပဲရှိတော့တယ်။ အော် နိဗ္ဗာန်ဟာ အနီးလေးပါလားဆိုတာ ကိုယ်တိုင်လုပ်ကြည့်ရင် ကိုယ့်ဉာဏ်က ပြောပါလိမ့်မယ်။ တစ်ချို့က ငါက ဉာဏ်လေးတယ်၊ ရမှာမဟုတ်ဘူးတဲ့။ ဉာဏ်ဘယ်လောက်လေးလေး ယားတာလေးတော့ သိနိုင်ပါတယ်။ နာတာလေး ၀မ်းသာတာလေးလောက်တော့ သိနိုင်ပါတယ်။ ၀မ်းသာတာလေးဟာလဲ ၀မ်းသာပြီး ပျောက်သွားတာပဲ။ နောက်ကနေ ဉာဏ်နဲ့စောင့်ကြည့်လိုက်လို့ရှိရင် ၀မ်းသာတဲ့ သောမနဿဝေဒနာလေးဟာလဲ ဖြစ်ပြီး ပျက်သွားတာပဲ။ ၀မ်းသာလဲ နောက်က သမ္မာဒိဋ္ဌိလိုက်ပေး၊ ၀မ်းနဲလဲ လိုက်ပေး။ ၀မ်းသာလဲ သမ္မာဒိဋ္ဌိလိုက်ဆိုတာ သောမနဿဝေဒနာ ဖြစ်ပျက်မြင်အောင် ကြည့်လို့ပြောတာ။ ၀မ်းနဲလဲ သမ္မာဒိဋ္ဌိလိုက်ဆိုတာ ဒေါမနဿဝေဒနာ ဖြစ်ပျက်မြင်အောင် ကြည့်ခိုင်းတာ။ ကြည့်လိုက်တော့ ဒေါမနဿဝေဒနာမတွေ့တော့ဘဲ ဖြစ်ပျက်ပဲတွေ့ရတော့တယ်။ အဲဒါ သင်္ခါရဒုက္ခတွေ့တာပဲ။ ၀မ်းသာတာ ၀မ်းနဲတာလောက်တော့ သိကြပါတယ်။ ၀မ်းသာတာပေါ်ရင် ရှိသေးလား မရှိတော့ဘူးလားကြည့်လိုက်။ ကြည့်တော့ မရှိတာတွေ့တယ်။ တွေ့တော့ သင်္ခါရဒုက္ခလေး ပျက်စီးသွားတာ ကိုယ်တွေ့ဖြစ်လာတာပဲ။

ပုရေစာရိကာ ၀ိပဿနာသမ္မာဒိဋ္ဌိ၊ မဂ္ဂသမ္မာဒိဋ္ဌိတဲ့။ ပရေစာရိကာ ၀ိပဿနာ သမ္မာဒိဋ္ဌိ ရှေ့ပြေးသမ္မာဒိဋ္ဌိက သင်္ခါရတရားတွေကို သုံးသပ်တာပဲ (၀ိပဿနာသမ္မာဒိဋ္ဌိ တေဘူမကသင်္ခါရေ အနိစ္စာဒိဝသေန ပရိဝီမံသတိ)။ သုံးသပ်တယ်ဆိုတာ စာလိုပြောတာ။ ကိုယ့်သန္တာန်မှာပေါ်တဲ့ သင်္ခါရဒုက္ခကို ဖြစ်ပျက်မြင်တာပဲ။ ဒါဖြင့် ဖြစ်ပျက်မြင်ပြီးရင် လောကုတ္တရာမဂ်သမ္မာဒိဋ္ဌိ လိုက်လိမ့်မယ်။ သင်္ခါရဒုက္ခအားထုတ်တဲ့ပုဂ္ဂိုလ်သည် သင်္ခါရဒုက္ခ မမြင်ဘဲ ဖြစ်သွားလိမ့်မယ်တဲ့။ အားထုတ်နေရင်းနဲ့ မမြင်ဘဲ ဖြစ်သွားလိမ့်မယ်။ မမြင်တာက အ၀ိဇ္ဇာဝင်တာမဟုတ်ဘူး၊ ရှုရင်းနဲ့ပျောက်သွားတာ။ ရှုရင်းနဲ့ ပျောက်သွားတော့ သင်္ခါရဒုက္ခဆုံးသွားတယ် (မဂ္ဂသမ္မာဒိဋ္ဌိ ပန ပရိဝီမံသနပရိယောသာနေ)။ ဆုံးသွားတော့ မဂ္ဂသမ္မာဒိဋ္ဌိလာတယ်။ ဒီမှာ သောတာပန်တည်တာာ။ သင်္ခါရဒုက္ခမြင်တဲ့ သမ္မာဒိဋ္ဌိပြီးလို့ရှိရင် အခြားမရှိဘဲ မဂ်သမ္မာဒိဋ္ဌိ တစ်ခါတည်းလာတယ်။ သင်္ခါရဒုက္ခဆုံတဲ့အချိန် မဂ်သမ္မာဒိဋ္ဌိပေါ်တယ်။ ရှင်းအောင်ပြောရရင် ဖြစ်ပျက်ဆုံးသွားရင် မဂ်ဉာဏ်ပေါ်တာပဲ။

ဒေါက်တာအရှင်ပါရမီ

အမှန်မြင် သမ္မာဒိဋ္ဌိနှစ်မျိုး

ဘုရားရှင်က သမ္မာဒိဋ္ဌိနှစ်မျိုးရှိတယ်လို့ ဟောထားတယ်။ သမ္မာက မှန်ကန်တာ၊ ဒိဋ္ဌိက မြင်တာ။ အမှန်မြင်နှစ်မျိုးကို ဘုရားရှင်ဟောတော်မူတယ်လို့ မှတ်ရလိမ့်မယ်။ အမှန်မြင်နှစ်မျိုးဆိုတာ ဖြစ်ပျက် သင်္ခါရ မြင်တာကတစ်မျိုး၊ နိဗ္ဗာန်မြင်တာက တစ်မျိုးတဲ့။ ဖြစ်ပျက်မြင်တဲ့ ဉာဏ်က နိဗ္ဗာန်မမြင်ဘူး၊ နိဗ္ဗာန်မြင်တဲ့ ဉာဏ်ကလဲ ဖြစ်ပျက်မမြင်ဘူး။

ခန္ဓာကိုယ်ကို ဉာဏ်စိုက်လိုက်တဲ့အခါ ဝေဒနာက္ခန္ဓာပဲ ပြောပြော၊ ၀ိညာဏက္ခန္ဓာ စိတ်ကပဲ ပြောပြော၊ အမြင်ကတော့ ဖြစ်ပျက် အနိစ္စမြင်မှာပဲ။ ရှုဖန်များလာတဲ့အခါကျတော့ ဝေဒနာရှုလိုက်လဲ ဝေဒနာမတွေ့ဘူး၊ ဖြစ်ပြီး ပျက်တဲ့ အနိစ္စ ဒုက္ခ အနတ္တတွေတွေ့တယ်။ စိတ်ရှုလိုက်ပြန်လဲ စိတ်မတွေ့ဘူး၊ ဖြစ်ပျက်ပဲတွေ့တယ်။ ဒီလို ဖြစ်ပျက်ပဲ တွေ့တာသည် သင်္ခါရဒုက္ခမြင်တာ။ သင်္ခါရဒုက္ခမြင်ရင် အမြင်ကတော့ အမှန်ပဲ။ ဒီနေရာဖြစ် ဒီနေရာ ပျက်သွားတာလေးကို မြင်ရင် ဉာဏ်မြင်၊ မနောဒွါရနဲ့ မြင်တာလို့ မှတ်ထားလိုက်ပါ။ ဒီနေရာက ယားတယ်၊ ဒီနေရာပဲ ပျောက်သွားတယ်၊ ဒါ သင်္ခါရဒုက္ခမြင်တာ။ အမြင်မှန်ပါပဲ။ သင်္ခါရဆိုတာ အကြောင်းတရားက ပြုပြင်လို့ သူများပြုပြင်လို့ပေါ်တာ။ ပိုးကောင်းလေးတက်လို့လဲ ယားတတ်တယ်၊ ချွေးထွက်လို့လဲ ယားတတ်တယ်၊ မိတ်ထွက်လို့လဲ ယားတတ်တယ်။ ဒီလို တစ်ခုခုကပြုပြင်လို့ ပေါ်လာတာဖြစ်သောကြောင့် ယားတဲ့သဘောလေးဟာ သင်္ခါရလို့ မှတ်လိုက်ပါ။ သူဟာ ခန္ဓာထဲမှာ ပေါ်တဲ့ ဝေဒနာက္ခန္ဓာဖြစ်သောကြောင့် ဒုက္ခသစ္စာ။ ယားတာလေး ဒုက္ခသစ္စာမို့ သင်္ခါရဒုက္ခလို့ ပြောတာ။ ပြုပြင်လို့ပေါ်လာတာဖြစ်လို့ ယားတာလေးကို သင်္ခါရ၊ ခန္ဓာအားဖြင့် ဝေဒနာက္ခန္ဓာ၊ ဉာဏ်မျက်လုံးနဲ့ ကြည့်လိုက်တဲ့အခါမှာ ဘယ်ခန္ဓာပေါ်ပေါ် ဒုက္ခသစ္စာ။ ဒါကြောင့် သင်္ခါရဒုက္ခတဲ့။ ပြုပြင်လို့ပေါ်လာသောကြောင့် သင်္ခါရ၊ ပေါ်တဲ့ခန္ဓာက ဒုက္ခသစ္စာဖြစ်သောကြောင့် ဒုက္ခ။ ပေါင်းလိုက်တော့ သင်္ခါရဒုက္ခ။

ပေါ်တဲ့တရားတိုင်းဟာ ပြုပြင်လို့ပေါ်တာဖြစ်သောကြောင့် သင်္ခါရ၊ ပေါ်တဲ့တရားလေးက ခန္ဓာ။ စိတ်ပေါ်ပေါ်၊ ဝေဒနာပေါ်ပေါ်၊ ခန္ဓာပဲ။ ခန္ဓာက ဒုက္ခသစ္စာ။ နှစ်ခုပေါင်းလိုက်ရင် သင်္ခါရဒုက္ခ။ ဒီသင်္ခါရဒုက္ခကို မြင်တာဟာ လောကုတ္တရာမဂ်ရဲ့ရှေ့ပြေး မြင်တာလို့ မှတ်လိုက်ပါ။ မြင်လိုက်ပြီဆိုရင်တော့ တစ်သံသရာလုံးက ဆိုးခဲ့ ပေခဲ့တဲ့ကံတွေဖြတ်တော့မယ်၊ မိုက်ကြွေးတွေကျေတော့မယ်၊ အပါယ်ကိုတော့ ခန္ဓာနဲ့ မဆပ်ရတော့ဘူးလို့ မှတ်ပါ။ သင်္ခါရဒုက္ခသိတဲ့ဉာဏ်က ရှေ့ပြေးလာလို့ သူ့ကို ရှေ့ပြေးမဂ်လို့ခေါ်တယ်။

စားချင်တဲ့စိတ်ကလေးပေါ်လာတယ်ဆိုတာ စားစရာအာရုံကြောင့်ပေါ်လာတာဖြစ်လို့ သင်္ခါရ။ စားစရာအာရုံက ပြုပြင်လိုက်လို့ ပေါ်လာတာ။ စားချင်စိတ်ကလေးက သင်္ခါရ။ သူသည် ခန္ဓာဖြစ်သောကြောင့် သစ္စာအားဖြင့် ဒုက္ခသစ္စာ။ နှစ်ခုပေါင်းလိုက်တော့ သင်္ခါရဒုက္ခသစ္စာ။ သင်္ခါရဒုက္ခလို့ခေါ်ခေါ်၊ သင်္ခါရဒုက္ခသစ္စာလို့ပြောချင်ပြော အတူတူပါပဲ။ ဒါဖြင့် ခန္ဓာထဲမှာပေါ်လေသမျှ သင်္ခါရဒုက္ခချည်းပဲလို့မှတ်လိုက်။ အခုယားတယ်၊ သင်္ခါရဒုက္ခပေါ်တာပဲ။ အခုစားချင်စိတ်ပေါ်တယ်၊ သင်္ခါရဒုက္ခပေါ်တာပဲလို့ သိလိုက်ပါ။ သင်္ခါရဒုက္ခပေါ်ရင် နောက်က အသိဉာဏ်လေးလိုက်ပေးလိုက်တော့ သမ္မာဒိဋ္ဌိဖြစ်လာတယ်။ ဒီသမ္မာဒိဋ္ဌိသည် လောကုတ္တရာမဂ်ပေါ်မလို့ ရှေ့ပြေးအမြင်လို့ မှတ်လိုက်ပါ။ သောတာပန်တည်မယ့်ပုဂ္ဂိုလ်ရဲ့ ရှေ့ပြေးအမြင်လို့ မှတ်လိုက်စမ်းပါ။ သောတာပတ္တိမဂ်ရဲ့ ရှေ့နားက မြင်တဲ့ အမြင်ပဲ။ သောတာပတ္တိမဂ်ရဲ့ ရှေ့နားမှာ၊ သောတာပတ္တိမဂ်တော့ မဟုတ်သေးဘူးတဲ့။ သမ္မာဒိဋ္ဌိကတော့ သမ္မာဒိဋ္ဌိပဲ၊ ရှေ့ပြေးသမ္မာဒိဋ္ဌိ။ ဒီအမြင်ရလို့ ဒီအမြင်နဲ့ သေရင် အပါယ်မသွားဘူး။ အပါယ်မသွားဘဲ သုဂတိသွားပြီး ရောက်ရောက်ချင်း မဂ်စစ်အမြင်လာတာပဲ။

ခန္ဓာကို စောင့်ကြည့်လို့ ယားတာလေးပေါ်ရင် သင်္ခါရဒုက္ခပေါ်ပြီလို့ နှလုံးသွင်းလိုက်၊ နာတာလေးပေါ်ရင်လဲ သင်္ခါရဒုက္ခပေါ်ပြီလို့ နှလုံးသွင်းလိုက်။ စားချင်စိတ်ပေါ်ရင်၊ အိပ်ချင်စိတ်ပေါ်ရင် သင်္ခါရဒုက္ခလို့ပဲ နှလုံးသွင်းလိုက်။ သင်္ခါရဒုက္ခက ရှေ့က မြင်တဲ့ဉာဏ်လေး၊ သင်္ခါရဒုက္ခဆိုတာ မြင်တဲ့ဉာဏ်။ ဒီမြင်တဲ့ဉာဏ်သည် သစ္စာနုလောမိကဉာဏ်လဲဖြစ်၊ ရှေ့ပြေးဉာဏ်လဲဖြစ်တယ်။ ဒီအမြင်သည် ပဋိစ္စသမုပ္ပါဒ် သံသရာဖြတ်တဲ့ အမြင်ပဲ။ ဒီအမြင်သည် ၀ိပဿနာသမ္မာဒိဋ္ဌိဆိုလဲ မှန်တယ်၊ ရှေ့ပြေးသမ္မာဒိဋ္ဌိဆိုလဲ မှန်တယ်၊ သစ္စာနုလောမိကဉာဏ်ဆိုလဲ မှန်တယ်။ ဘုရားရှင်က ဒီအမြင်ရှိတဲ့ ပုဂ္ဂိုလ်ကိုသာလျှင် ချွတ်တယ်၊ မရှိတဲ့ပုဂ္ဂိုလ်ကို မချွတ်ဘူး။ သူ ဒီလိုအမြင်မျိုး ဘယ်တုန်းကများ မြင်ခဲ့ဘူးပါသလဲလို့ ဘုရားက ဒိဗ္ဗစက္ခု စေတောပရိယ အဘိညာဉ်နဲ့ ကြည့်ရတာ။ ဥပမာအားဖြင့် ရှင်စူဠပန်ဟာ အက္ခရာ (၃၂)လုံးပါတဲ့ ဂါထာလေးတစ်ပုဒ်ကို တစ်ဝါတွင်းလုံး ကျက်တာ မရဘူး။ သူ့အကိုက မင်း ဒီလောက် ဉာဏ်ထိုင်းတဲ့ကောင် သာသနာမှာနေလို့ အလကားပဲ အသုံးမကျဘူး လူထွက်တော့လို့ ပြောလိုက်တော့ သူ မှိုင်ပြီး ငိုနေတယ်။ သာသနာမှာလဲ ပျော် ဒါပေမယ့် ဉာဏ်ကလဲ ထိုင်းနေတော့ အားငယ်နေရှာတာပေါ့။ ဒါပေမယ့် ဘုရားရှင်က သူ့မှာ သင်္ခါရဒုက္ခ အမြင်လေး ပါခဲ့ဘူးလားဆိုတာ ကြည့်လိုက်တော့ သူဟာ သံသရာ တစ်ဘ၀က ဘုရင်အဖြစ်နဲ့ ဆင်စီးပြီး တိုင်းခန်းလှည့်လည်စဉ် ပိတ်ဖြူစလေးနဲ့ မျက်နှာသုတ်လိုက်တာ အဖြူရောင်ပိတ်စဟာ ချွေးတွေပေကျံပြီး ညစ်သွားတယ်။ အော် ဒီအဖြူလေးဟာ အမြဲတမ်းဖြူနေတာမဟုတ်ဘူး၊ အဖြူလေးဟာလဲ ပျက်သွားတာပဲလို့ တစ်ခါ မြင်ခဲ့ဘူးတယ်။ တစ်သံသရာလုံးမှာ ဒီတစ်ချက်ပဲ မြင်ဘူးတာ။ အဖြူလေးဟာ မည်းသွားတယ်၊ မမြဲလို့ဘဲလို့ သင်္ခါရဒုက္ခလေး တစ်ချက် မြင်ခဲ့ဘူးတယ်။ ဘုရားရှင်က ဒါကိုသိတော့ မင်း လူမထွက်နဲ့ ဆိုပြီး ပိတ်ဖြူလေး တစ်ခုတန်ခိုးနဲ့ ဖန်ဆင်းပြီး လက်နဲ့ ပွတ်ခိုင်းလိုက်တယ်။ ပွတ်လိုက် လိပ်လိုက်နဲ့ ပိတ်ဖြူလေးက မကြာခင် ညိုမည်းသွားတယ်။ အဲဒီမှာတင် ပိတ်ဖြူလေးရဲ့ ဖောက်ပြန်ပျက်စီးမှုကိုတွေ့လိုက်တယ်။ ဒီအတိုင်းပဲ ခန္ဓာထဲမှာလဲ ဘယ်တရားမဆို ဒီလို ဖောက်ပြန်ပျက်စီးနေတာချည်းပဲ လို့ သင်္ခါရဒုက္ခကို သွားတွေ့လိုက်တယ်။ အဲဒီအချိန်ကျမှ သောတာပန်၊ သကဒါဂါမ်၊ အနာဂါမ်၊ ရဟန္တာ ဖြစ်သွားတာ။ ဒါဖြင့် ဘုရားက ချွတ်တယ်ဆိုတာ ဒီလိုပုဂ္ဂိုလ်မှ ချွတ်တာ။ သင်္ခါရဒုက္ခ တစ်ကြိမ်မှ မမြင်ဘူးတဲ့ပုဂ္ဂိုလ်ကျတော့ ဘုရားဉာဏ်ထဲမှာလဲ မပေါ်ဘူး။

ဒေါက်တာအရှင်ပါရမီ

5. Sentence Structure

Simple Sentence တစ်ခုမှာ clause တစ်ခုသာရှိတယ်။

The children are laughing.

John wanted a new bicycle.

All the girls are learning English.

Compound Sentences

Compound sentence မှာတော့ clause နှစ်ခု၊ နှစ်ခုထက်ပိုတယ်။

(We stayed behind) and (finished the job).

(We stayed behind) and (finished the job), then (we went home).

Compound sentence ထဲက clause တွေကို co-ordination conjunctions တွေနဲ့ ဆက်ရတယ်။

John shouted and everybody waved.

We looked everywhere but we couldn’t find him.

They are coming by car so they should be here soon.

Common co-ordination conjunction တွေကတော့ and; but; or; nor; so; then; yet တို့ဖြစ်ပါတယ်။

Complex sentences

Complex sentence တွေမှာ main clause တစ်ခုနှင့် adverbial clause တစ်ခု၊ သို့မဟုတ် တစ်ခုထက်ပိုပါလေ့ရှိတယ်။ Adverbial clause တွေဟာ ပုံမှန်အားဖြင့် main clause ရဲ့နောက်က လာလေ့ရှိတယ်။

Her father died when she was very young.

Her father died (main clause)

when (subordinating conjunction)

she was very young (adverbial clause)

She had a difficult childhood because her father died when she was very young.

She had a difficult childhood (main clause)

because (subordinating conjunction)

her father died (adverbial clause)

when (subordinating conjunction)

she was very young (adverbial clause)

အချို့ subordinate clause တွေဟာ main clause ရဲ့ ရှေ့ကလာလေ့ရှိတယ်။

Although a few snakes are dangerous, most of them are quite harmless.

Although (subordinating conjunction)

a few snakes are dangerous (adverbial clause)

most of them are harmless (main clause)

Sentence တစ်ခုမှာ subordinate clause နှင့် co-ordinate clause နှစ်မျိုးလုံးပါဝင်နိုင်တယ်။

Although she has always lived in France, she speaks fluent English because her mother was American and her father was Nigerian.

Although (subordinating conjunction)

she has always lived in France (adverbial clause)

she speaks fluent English (main clause)

because (subordinating conjunction)

her mother was American (adverbial clause)

and (coordinating conjunction)

her father was Nigerian (adverbial clause)

Adverbial Clause ခုနှစ်မျိုးရှိတယ်။

	Common conjunctions
Contrast clauses	although; though; even though; while
Reason clauses	because; since; as
Place clauses	where; wherever; everywhere
Purpose clauses	so that; so; because + want
Result clauses	so that; so … that; such … that
Time clauses	when; before; after; since; while; as; as soon as; by the time; until
Conditional clauses	if; unless; provided (that); as long as

အပေါင်းအသင်း မှန်ပါစေ (၃)

အကြောင်းတိုက်ဆိုင်တဲ့အခါ လောဘမပေါ်ပါနဲ့ဆိုလို့ မရဘူး။ မရလို့ ပေါ်လာတဲ့အခါကျတော့ သဒ္ဓါ ပညာနဲ့သာ ပေါင်းလိုက်။ မဂ်နဲ့မပယ်သေးလို့ သူပေါ်နေတယ်ဆိုတာ သဒ္ဓါက ယုံကြည်လိုက်။ ယုံကြည်တဲ့ သဒ္ဓါနဲ့ပေါင်းပြီး ပညာနဲ့ ဆက်ပေါင်းလိုက်။ ပညာနဲ့ ဆက်ပေါင်းလိုက်တော့ အနိစ္စဖြစ်သွားတယ်။ သဒ္ဓါ ပညာနဲ့ပေါင်းလိုက်ရင် မဂ်ဉာဏ်တောင် ရလိုက်သေးတယ်။ ဒါဖြင့် ဘာမှကြောက်စရာမလိုပါဘူးတဲ့။ ၀ိတက်တွေများလွန်းလို့ ရှုမရဘူးဆိုရင်လဲ သဒ္ဓါ ပညာနဲ့သာ ပေါင်းလိုက်။ ဘယ်လိုပေါင်းလိုက်ရမှာလဲဆိုရင် ဖြစ်ပျက်ရှုလိုက်လို့ပြောတာ။ စိတ်မချမ်းသာဘူးဆိုရင်လဲ စိတ်မချမ်းသာတာကို ဖြစ်ပျက်ရှု။ သဒ္ဓါ ပညာနဲ့ ပေါင်းလိုက်တာပဲ။ မဂ်နဲ့မပယ်သေးတော့ စိတ်မချမ်းသာတဲ့ ဒေါမနဿတွေလဲ ပေါ်မှာပဲ။ သဒ္ဓါ ပညာနဲ့ပေါင်းလိုက်တော့ စိတ်မချမ်းသာတာဟာလဲ ဖြစ်ပျက်ဖြစ်သွားတယ်။ ဖြစ်ပျက် မဂ် ကိုက်သွားတာပဲ။ မချမ်းသာတဲ့စိတ်လဲ မိတ်ဆွေဖြစ်သွားတယ်။ ချမ်းသာတဲ့စိတ်လာလဲ ဖြစ်ပျက်သာရှုလိုက်၊ မိတ်ဆွေဖြစ်သွားတယ်။ အရေးအကြီးဆုံးက သဒ္ဓါ ပညာနဲ့ ပေါင်းဖို့ပဲ။ သဒ္ဓါ ပညာနဲ့ပေါင်းလိုက်တော့ ၀ိပဿနာသမ္မာဒိဋ္ဌိဖြစ်ပြီလို့ မှတ်လိုက်။ ရှေ့က ဖြစ်ပျက်၊ နောက်က အမြင်မှန်တဲ့ သမ္မာဒိဋ္ဌိမဂ္ဂင်။ ဒီတော့ သဒ္ဓါ ပညာနဲ့ ပေါင်းလိုက်ရင် ၀ိပဿနာသမ္မာဒိဋ္ဌိ ဖြစ်သွားတယ်။ လာသမျှ သဒ္ဓါ ပညာနဲ့ ပေါင်းပြီးတော့ ရှု၊ ရှေ့က ရှုစရာ၊ နောက်က အမြင်။ ရှုစရာနဲ့ အမြင်နဲ့ပေါင်းလိုက်တော့ ၀ိပဿနာသမ္မာဒိဋ္ဌိ။

ဒါကြောင့် စိတ်ပျက်လဲ စိတ်ပျက်တာကို ရှု၊ ပျော်နေရင်လဲ ပျော်စိတ်ရှု၊ ပျင်းနေရင်လဲ ပျင်းစိတ်ရှု။ ပျင်းတယ်ဆိုတာ တခြားမဟုတ်ဘူး၊ အလိုမကျလို့ ပျင်းတာ၊ ဒေါသအနုစားပဲ။ အလိုမကျဘူးဆိုတာ ပျင်းစိတ်ဒေါသ၊ အနာဂါမ်မှ ပယ်နိုင်တာ။ အနာဂါမ်မဟုတ်သေးရင်တော့ ပေါ်မှာပဲလို့ ယုံကြည်ထားလိုက်။ ဒါဟာ သဒ္ဓါရဲ့ သတ္တိ။ မဂ်နဲ့ မပယ်သေးလို့ ပေါ်တာလို့ ယုံကြည်ထားတာဟာ သဒ္ဓါရဲ့ သတ္တိပဲ။ ဒါဖြင့် ပညာနဲ့ ပေါင်းလိုက်ရင် အနိစ္စဖြစ်သွားတယ်။ ဖြစ်ပျက်ပါပဲ။ ဖြစ်ပျက် မဂ်ကိုက်သွားတော့ ၀ိပဿနာမဂ် ဖြစ်သွားတယ်။ ဘယ်ဟာလာလာ မလွတ်အောင် သဒ္ဓါ ပညာနဲ့သာ ပေါင်းပြီး ရှုမယ်ဆိုရင် သဒ္ဓါက သဒ္ဓိနြေ္ဒဖြစ်သွားတယ်။ သဒ္ဓါရိုးရိုးမဟုတ်တော့ဘူး။ သဒ္ဓိနြေ္ဒ ဆိုတာ အစိုးရတာ၊ ဒီ့ပြင်တရားတွေအားလုံးအပေါ်မှာ သဒ္ဓါက အစိုးရသွားတာ။ ပညာကလဲ ပညိနြေ္ဒဖြစ်သွားတယ်။ ပညာရိုးရိုးမဟုတ်တော့ဘူး။ ဒါဖြင့် လာသမျှတရားတွေကို သူတို့နှစ်ခုနဲ့သာ ပေါင်းပြီးရှုပေးပါ။ ရှုလို့ရင့်ကျက်လာတဲ့အခါ သဒ္ဓါက သဒ္ဓိနြေ္ဒဖြစ်၊ ပညာက ပညိနြေ္ဒဖြစ်သွားတယ်။ လာတိုင်းရှုလို့ ဒီထက်ရင့်ကျက်လာမယ်ဆိုရင် သဒ္ဓိနြေ္ဒက သဒ္ဓါဗိုလ်၊ အစွမ်းကုန်ရင့်ကျက်လာတော့ သဒ္ဓါမဂ္ဂင်ဖြစ်သွားတယ်။ ဗောဓိပက္ခိယတရားထဲ ၀င်သွားတာ။ ပညာကလဲ ပညိနြေ္ဒ၊ ပညာဗိုလ်၊ ပညာမဂ္ဂင်အစစ်ဖြစ်ပြီးတော့ အပါယ်လေးပါး တံခါးပိတ်တယ်။ မဂ္ဂင်ထိအောင် ဆိုက်သွားတော့ မဂ်အစစ်ဖြစ်သွားတာ။ ၀ိပဿနာမဂ်မဟုတ်တော့ဘူး။

သဒ္ဓါက သဒ္ဓိနြေ္ဒ၊ သဒ္ဓါဗိုလ်၊ သဒ္ဓါမဂ္ဂင်။ မဂ္ဂင်ရှစ်ပါးသာ ပြောတာ၊ သဒ္ဓါကလဲ မပါရင် မပြီးဘူး၊ ပါရသေးတယ်။ သဟဇာတ်အဖြစ်နဲ့ ပါရတယ်၊ အတူဖြစ်ဖော်ဖြစ်ဖက်အနေနဲ့ ပါရတာ။ ရှုစမှာ သဒ္ဓါလို့မှတ်၊ နဲနဲလေး ရှုဖန်များလာတော့ သဒ္ဓိနြေ္ဒ၊ တော်တော်ရင့်လာတော့ သဒ္ဓါဗိုလ်၊ နောက် ဒီထက်ရင့်ကျက်လာတော့ သဒ္ဓါမဂ္ဂင်။ ဒီမှာကျမှ လမ်းဆုံးတယ်။ ပထမရှုစတော့ သဒ္ဓါ လာမှာပဲ။ နောက်တော့ သဒ္ဓိနြေ္ဒဖြစ်လာမယ်။ သဒ္ဓိနြေ္ဒဆိုတာ အစိုးရလာပြီ၊ ဒီ့ပြင်တရားတွေကို တော်တော်နိုင်လာပြီ။ တော်တော်နိုင်လာလို့ ခေါင်းဆောင်ဖြစ်လာတဲ့အခါကျတော့ သဒ္ဓါဗိုလ်ဖြစ်လာတယ်။ နောက်ဆုံးတော့ ဗောဓိပက္ခိယ အသင်းအပင်းဝင် မဂ္ဂင်ဖြစ်လာတယ်။ ဒီရောက်တော့ အပါယ်လေးပါး တံခါးတွေ ပိတ်သွားပြီ။

ဒါဖြင့် သဒ္ဓါတရား အားနဲသေးလို့သာ တရားမရသေးတာပါလို့ ကောက်ချက်ချလိုက်။ သဒ္ဓါညံ့နေရင် ဣနြေ္ဒဖြစ်အောင် ကြိုးစားပွားလိုက်၊ ဣနြေ္ဒက ဗိုလ်ဖြစ်အောင် ဆက်ပွားလိုက်၊ ဗိုလ်က မဂ္ဂင်ဖြစ်အောင် ဆက်ပွားလိုက်တော့ တရားဆိုတာ အစဉ်အတိုင်းတက်တာပဲ၊ မဂ္ဂင် လာမယ်။ ဘာကြောင့် တရားမရသေးတာပါလိမ့်မလဲ ဆိုရင်တော့ တက်စရာ ကျန်နေသေးလို့သာ မှတ်လိုက်။ ပညာကလဲ ရိုးရိုးပညာတစ်မျိုး၊ ပညိနြေ္ဒကတစ်မျိုး၊ ပညာဗိုလ်ကတစ်မျိုး၊ ပညာမဂ္ဂင်ကတစ်မျိုး။ သူလဲ တက်စရာ လေးဆင့်ရှိတယ်။ ပညာရိုးရိုးက ဖြစ်ပျက်ပဲ မြင်မယ်။ ပညိနြေ္ဒဆိုတော့ ဒီ့ပြင်တရားတွေ အ၀င်မခံဘဲ ဖြစ်ပျက်ပဲ သေသေချာချာ မြင်အောင်လုပ်မယ်။ ကိလေသာတွေ တွန်းလှန်နေတာပေါ့။ ပညာဗိုလ်ကတော့ ကိလေသာတွေ အနားတောင် မသီနိုင်အောင် တွန်းလှန်ပစ်မယ်။ ပညာမဂ္ဂင်ကတော့ ကိလေသာတွေကို အမြစ်နှင့်တကွ ဖြတ်ပစ်လိုက်တယ်။ ဒါဖြင့် ဘာကြောင့် နိဗ္ဗာန်မရသေးတာလဲဆိုရင် ပညာနုနေလို့၊ ဣနြေ္ဒရင်လဲ မထိုက်သေးလို့၊ ဣနြေ္ဒထိုက်ပြီးရင် ဗိုလ်ထိုက်၊ မဂ္ဂင်ဆိုက်ရင် ပြီးတော့တာပဲ။

ဥပမာအားဖြင့် အခုရေတွင်းတူး အခုရေကြည်သောက်ချင်လို့တော့ မရသေးဘူးပေါ့။ ဣနြေ္ဒလေးတွေ ရင့်ရင့်လာအောင် တစ်ဖြည်းဖြည်း အားထုတ်ယူရတယ်။ ဒါကြောင့် ဘုရားရှင်ကိုယ်တော်မြတ်ကြီးက တရားဟောမယ်ကြံရင် ဣနြေ္ဒရင့်မရင့် အရင်ကြည့်တယ်။ ပညာပဲရှိသေးလား၊ ပညိနြေ္ဒထိုက်ပြီလား၊ ဗိုလ်ထိုက်ပြီလား၊ မဂ္ဂင်ကျအောင် ထိုက်နိုင်ပြီလားဆိုတာ ချိန်ကြည့်တာ၊ ဒါကို ဝေနေယျဇ္ဈာသယလို့ ဆိုတာပဲ။ ဘုရားရှင်က သတ္တ၀ါတွေရဲ့ အနု အရင့်ကို အဲဒီလို ချိန်ညှိပြီး မဂ္ဂင်ထိုက်ခါနီးမှ သွားပြီး ကူညီပေးလိုက်တော့ သောတာပန် လွယ်လွယ်လေးနဲ့ တည်သွားတာ။ ဒါကြောင့် ရိုးရိုး သဒ္ဓါ ပညာလောက်နဲ့ ကျေနပ်မနေဘဲ ဣနြေ္ဒ၊ ဗိုလ်၊ မဂ္ဂင်ထိုက်တဲ့ သဒ္ဓါ ပညာအဆင့်ရောက်သည့်တိုင်အောင် ပေါင်းသင်းနိုင်မယ်ဆိုရင်တော့ ဒီဘ၀မှာပင် အပါယ်တံခါးပိတ်၊ နိဗ္ဗာန်ထိအောင် ရောက်နိုင်တယ်လို့သာ မှတ်လိုက်ပါ်။

ဒေါက်တာအရှင်ပါရမီ

4. Prepositional Phrases

Prepositional phrase ဟာ preposition တစ်ခုနဲ့ noun phrase တစ်ခုပေါင်းစပ်ဖွဲ့စားထားတာဖြစ်ပြီး ရည်ရွယ်ချက်များစွာအတွက် အသုံးပြုနိုင်ပါတယ်။

Adverbials of time and place

We will be back in a few days.

They drove to Glasgow.

Postmodifier in a noun phrase

Helen is the girl in the red dress.

We’ve got a new television with a thirty one inch screen.

To show who did something

The lion was killed by the hunter.

I saw a wonderful painting by Van Gogh.

With double object verbs

We gave five pounds to the woman on the corner.

They got a drink for me.

After certain verbs, nouns, and adjectives

The book belongs to me.

I had an argument with my brother.

I feel sorry for you.

အပေါင်းအသင်း မှန်ပါစေ (၂)

လောဘပေါ်ရင် လောဘအတိုင်းမထားဘဲ ဖြစ်ပျက်ရှုဖို့ အရင်နေ့က ပြောခဲ့ပြီ။ ဒီအတိုင်းပဲ ဒေါသလေး ပေါ်လာရင်လဲ ဒေါသအတိုင်း ထားရင်တော့ ကြောက်ရမှာပါပဲ။ ဒေါသလေးပေါ်ရင် ကိုယ့်သန္တာန်မှာ သင်္ခါရက္ခန္ဓာလေး ပေါ်တယ်၊ အကြောင်းတိုက်ဆိုင်လို့ ပေါ်လာတာပဲလို့ ယုံကြည်ထားလိုက်။ ယုံကြည်တဲ့အတိုင်း ပညာနဲ့ ပေါင်းပြီး ကြည့်လိုက်တော့ ဒေါသက အနိစ္စဖြစ်သွားတယ်။ ဒီတော့ ဒေါသက ဖြစ်ပျက်၊ ပညာက မဂ်။ အပါယ်မပို့တော့ဘူး။ ဘာကြောင့် အပါယ်မပို့တာလဲ ဆိုရင် အပေါင်းအသင်းမှန်သွားလို့။ ဥပါဒါန်နဲ့ ပေါင်းရင် ခက်ပြီ၊ ကံနဲ့ပေါင်းရင်လဲ ခက်ပြီ။ အခုတော့ ဉာဏ်နဲ့ပေါင်းလိုက်တဲ့အတွက် ရန်သူသည်ပင် ကိုယ့်အကျိုးဆောင်ရွက်တဲ့သူ ဖြစ်သွားတယ်။ လောဘ၊ ဒေါသဟာ အရင်က ရန်သူပဲ၊ အခုတော့ သဒ္ဓါ ပညာနဲ့ ပေါင်းလိုက်လို့ မိတ်ဆွေဖြစ်ပြီး မဂ်ပေါ်အောင် ကျေးဇူးပြုသွားတယ်။ ဒါဖြင့် အကုသိုလ်တိုင်း ကြောက်ဖို့ မလိုဘူး၊ အပေါင်းအသင်းတည့်ဖို့သာ အရေးကြီးပါတယ်။

မဂ်နဲ့ မပယ်သေးသရွေ့ကာလပတ်လုံး လောဘ၊ ဒေါသ၊ မောဟတွေကတော့ ပေါ်လာမှာပဲ ဆိုတာ ယုံကြည်ထားလိုက်။ ယုံကြည်ထားတဲ့အတိုင်းပဲ ကိုယ့်ခန္ဓာထဲမှာ ပေါ်မှာပဲ။ ပေါ်လာတဲ့အခါကျတော့ သဒ္ဓါ ပညာနဲ့ ပေါင်းပြီး ပေါ်လာတယ်ဆိုတာ သဒ္ဓါကယုံကြည်၊ ပညာနဲ့ပေါင်းပြီး ကြည့်လိုက်တော့ ဖြစ်ပျက်ဖြစ်သွားတယ်။ ကြည့်တာက မဂ်ပေါ့။ ဘုရားကလဲ ဒေါသပေါ်ရင် ဒေါသရှုဖို့ ဟောထားတယ် (သဒေါသံ ၀ါ စိတ္တံ သဒေါသံ စိတ္တန္တိ ပဇာနာတိ)။ ဒေါသစိတ်ကို ရှုလို့ရှိရင်လဲ နိဗ္ဗာန်ရောက်တယ်တဲ့။ ဒါဖြင့် အပေါင်းအသင်း ပြောင်းလိုက်ရုံပဲ။ ဒေါသနောက်က သောကနဲ့ မပေါင်းဖို့၊ ပရိဒေ၀နဲ့ မပေါင်းဖို့၊ ဒုက္ခဒေါမနဿနဲ့ မပေါင်းဖို့။ ဒီလိုလေး အပေါင်းအသင်းပြင်လိုက်တော့ ရန်သူတွေက မိတ်ဆွေဖြစ်လာတယ်။ မိတ်ဆွေအဖြစ်နဲ့ အကျိုးဆောင်ရွက်သွားတယ်။ မဂ်ပေါ်အောင် ဆောင်ရွက်သွားတာ။ ဒါကြောင့် အပေါင်းအသင်း မှန်ဖို့ အရေးကြီးတယ်။ ပေါ်လာတာကို ပေါ်လာမှန်းသိရင် ဘုရားကလဲ ဒီလိုပေါ်လိမ့်မယ်လို့ ဟောထားတာပဲလို့ ယုံကြည်လိုက်ပါ။ ဒါက သဒ္ဓါ၊ သဒ္ဓါနဲ့ ယုံကြည်ပြီးတော့မှ ပညာနဲ့ ကြည့်လိုက်ပါ။ ပညာနဲ့ ကြည့်တော့ အနိစ္စတွေ့တယ်၊ ဖြစ်ပျက်တွေ့တယ်။ ဒီလိုတွေ့တော့ ပဋိစ္စသမုပ္ပါဒ် ဆက်မလို့ပေါ်လာတဲ့ တဏှာက ဥပါဒါန်ကို ကျေးဇူးမပြုတော့ဘူး။ မဂ်ကျေးဇူးပြုသွားတယ်။ ပဋိစ္စသမုပ္ပါဒ် မလည်ဘဲနဲ့ ပြတ်သွားတယ်။ ဒီလိုပဋိစ္စသမုပ္ပါဒ် ပြတ်တာသည် အပေါင်းအသင်းမှန်သွားလို့။ ဒါဖြင့် ဘယ်အချိန်မှာ ရှုရမှာလဲဆိုရင် ပေါ်တဲ့အချိန်မှာ ရှုရမယ်။ ပေါ်တဲ့အချိန် သဒ္ဓါ ပညာနဲ့ ပေါင်းပြီးရှုလိုက်ရင် ပြီးတာပါပဲ။

လောဘစိတ်ပေါ်ရင် လောဘစိတ် ဖြစ်ပျက်ရှု၊ ဒေါသစိတ်ပေါ်ရင် ဒေါသစိတ် ဖြစ်ပျက်ရှု။ ခန္ဓာကိုယ်ထဲ ပေါ်တာကို ယုံကြည်ရမယ်။ မဂ်နဲ့ မပယ်သေးသရွေ့ ပေါ်မယ်ဆိုတာ ယုံကြည်ထားလိုက်ပါ။ ယုံကြည်တော့ ပေါ်လာတာသိတယ်။ ပညာနဲ့ပေါင်းလိုက်တော့ ပျက်တာသိတယ်။ ယုံကြည်တော့ ပေါ်တာသိတယ်ဆိုတာ အဖြစ်ကိုသိတာ။ ပညာနဲ့ပေါင်းလိုက်တော့ အပျက်ကို သိတာ။ ဒါဖြင့် ဖြစ်ပျက်သိတာ။ သဒ္ဓါက အဖြစ်သိတယ်၊ ပညာက အပျက်သိတယ်။ ဒီတော့ ဖြစ်ပျက်မြင်တာပဲ။ ဒါဖြင့် လောဘဖြစ်မှာလဲ မကြောက်ပါနဲ့၊ ဒေါသဖြစ်မှာလဲ မကြောက်ပါနဲ့။ အပေါင်းအသင်း လွဲမှာကိုပဲ ကြောက်ရမယ်။ မဂ်နဲ့မပယ်သေးသရွေ့ အကြောင်းတိုက်ဆိုင်ရင် လောဘလဲ ဖြစ်မှာပဲ၊ ဒေါသလဲဖြစ်မှာပဲ။ ဖြစ်ပင်ဖြစ်လာသော်လဲ ဥပါဒါန်နဲ့ မပေါင်းနဲ့၊ သောကနဲ့ မပေါင်းနဲ့။ သဒ္ဓါ ပညာနဲ့သာ ပေါင်းလိုက်ပါ။ သဒ္ဓါ ပညာနဲ့ပေါင်းလိုက်တော့ သဒ္ဓါက အဖြစ်ကို သိတယ်၊ ပညာက အပျက်ကိုသိတယ်။ သူတို့နှစ်ခုသည် ဖြစ်ပျက်ကိုသိတယ်။ ဒါဖြင့် ဖြစ်ပျက်က အနိစ္စ၊ သဒ္ဓါ ပညာတွေက မဂ္ဂဖြစ်သွားတယ်။ မဂ်ဆိုတာ တဏှာနောက်က ဥပါဒါန် ကံ ကိလေသာတွေမလာအောင် ဖြတ်တယ်၊ ဒေါသနောက်က သောက ပရိဒေ၀ ကိလေသာတွေ မလာအောင် ဖြတ်တယ်။ ဒါဟာ မဂ်သတ္တိပဲ (ကိလေသေ မာရေန္တီတိ မဂ္ဂေါ)။

အကုသိုလ်လုပ်ရင် အပါယ်သွားရမယ်ဆိုပေမယ့် သဒ္ဓါပညာနဲ့ပေါင်းတဲ့သူ မသွားရဘူး၊ မပေါင်းတဲ့သူကတော့ သွားရမှာပါပဲ။ ဒီလို မသိတော့ ကြောက်စရာမဟုတ်ဘဲ ကြောက်၊ ကြောက်စရာကိုတော့ မကြောက် ဖြစ်နေကြတယ်။ အကုသိုလ်ဖြစ်တာ ကြောက်စရာမလိုဘူး၊ အပေါင်းအသင်းလွဲတာပဲ ကြောက်ရမယ်။ ဒါဖြင့် အပေါင်းအသင်း လွဲလို့ရှိရင် ပဋိစ္စသမုပ္ပါဒ် လည်မြဲတိုင်း လည်သွားမယ်။ အပေါင်းအသင်းမှန်လို့ရှိရင်တော့ ပဋိစ္စသမုပ္ပါဒ် ပြတ်တယ်။ အပါယ်သွားမယ့် အကုသိုလ်သည်ပင်လျှင် အပါယ်မသွားတော့ဘူး။

လောဘစိတ်လေး ဖြစ်တယ်။ သူလဲခန္ဓာပဲ၊ မပယ်သေးရင်တော့ ဖြစ်မှာပဲ။ ခန္ဓာမို့ ခန္ဓာပေါ်လာတယ်။ လောဘခန္ဓာလေး ပေါ်လာတယ်။ မဂ်နဲ့ မပယ်သေးရင် ပေါ်ရမယ်လို့ သဒ္ဓါက ယုံကြည်တယ်။ လောဘဟာ လောဘအဖြစ်နဲ့ မြင်နေရင်တော့ ဥပါဒါန်ကို ကျေးဇူးပြုမယ်။ ပညာနဲ့ပေါင်းပြီး ကြည့်လိုက်လို့ အနိစ္စအဖြစ်နဲ့ မြင်ရင်တော့ မဂ်ကို ကျေးဇူးပြုတယ်။ အနိစ္စမမြင်ရင် မဂ်မပေါ်နိုင်ဘူး။ အနိစ္စမြင်လို့ မဂ်ကိုကျေးဇူးပြုလိုက်တော့ အနိစ္စနဲ့ မဂ်ဆက်သွားတယ်။ တဏှာနဲ့ ဥပါဒါန် မဆက်တော့ဘူး။ ဘာကြောင့်ဒီလို မဆက်တော့တာလဲဆိုရင် အပေါင်းအသင်းမှန်သွားလို့။ အပေါင်းအသင်းမှန်သွားတော့ အနိစ္စနဲ့ မဂ်နဲ့သွားတွေ့တယ်။ အနိစ္စပေါ်လာတော့ လောဘ ခန္ဓာကို ငါ မထင်တော့ဘူး။ အနိစ္စပဲ ထင်တော့တယ်။ ငါထင်တော့ ဒိဋ္ဌိက အပါယ်ပို့တယ်။ ငါမထင်ဘဲ အနိစ္စမို့ အနိစ္စလို့ သိသွားတဲ့အတွက် ဒိဋ္ဌိပြုတ်သွားတယ်။ လောဘနဲ့ ဒိဋ္ဌိဟာ အမြဲတမ်း တွဲဖြစ်လေ့ရှိသော်လဲ အပေါင်းအသင်းမှန်သွားတဲ့အတွက် လောဘကလဲ ပြိတ္တာဘုံမပို့တော့ဘူး။ ဒိဋ္ဌိကလဲ အပါယ်မပို့တော့ဘူး။ ဒါဖြင့် လောဘဖြစ်လဲ မကြောက်နဲ့။ အပေါင်းအသင်းသာ တည့်အောင် ပေါင်းလိုက်။ အနိစ္စ ဖြစ်ပျက်မြင်လိုက်ကတည်းက ခိုင်တယ် မြဲတယ်ဆိုတဲ့ ဒိဋ္ဌိအယူ ပြုတ်သွားတယ်။ ဒါ အပေါင်းအသင်းတည့်သွားလို့ပဲ။ ခန္ဓာထဲမှာ ဘယ်တရားလာလာ သဒ္ဓါ ပညာနဲ့သာ ပေါင်းမိလို့ရှိရင် ဘယ်အကုသိုလ်မှ မကြောက်နဲ့တော့။ အကုသိုလ်ဟူသရွေ့ အနိစ္စချည်းသာ ဖြစ်သွားစေရမယ်။ ဒါဖြင့် အကုသိုလ်ကြောက်ရမှာမဟုတ်ဘူး၊ အပေါင်းအသင်းလွဲမှာသာ ကြောက်ရမယ်ဆိုတာ ကောက်ချက်ချလိုက်။ အပေါင်းအသင်းမှန်လို့ရှိရင် ရန်သူက မိတ်ဆွေဖြစ်တယ်။

ဒေါက်တာအရှင်ပါရမီ

3. Noun Phrases

Noun phrase အဖြစ်နဲ့ အများအားဖြင့် noun တစ်ခု၊ သို့မဟုတ် pronoun တစ်ခုသာ သုံးလေ့ရှိတယ်။

People like to have money.

I am tired.

It is getting late.

Determiner နဲ့ noun တွဲသုံးတာလဲ ရှိတယ်။

Our friends have bought a house in the village.

Those houses are very expensive.

Adjective လဲ ပါကောင်းပါနိုင်တယ်။

Our closest friends have just bought a new house in the village.

ရံခါ noun phrase ကို qualifier နဲ့ စလေ့ရှိတယ်။

All those children go to school here.

Both of my younger brothers are married.

Some people spend a lot of money.

Numbers

Qualifiers တွေကို determiners တွေရဲ့ ရှေ့မှာ ထားရတယ်၊ သို့သော် numbers တွေကိုတော့ determiners တွေရဲ့ နောက်မှာ ထားရတယ်။

My four children go to school here. (All my children go to school here).

Those two suitcases are mine. (Both those suitcases are mine).

ထို့ကြောင့် noun phrases တွေကို အောက်ပါနည်းအတိုင်း ဖွဲ့စည်းလိုက်ပါ။

Noun: people; money

Determiner + noun: the village; a house; our friends; those houses

Qualifier + noun: some people; a lot of money

Determiner + adjective + noun: our closest friends; a new house

Qualifier + determiner + noun: all those children

Qualifier + determiner + adjective + noun: both of my younger brothers

Noun phrases တွေဟာ တော်တော် ဆန်းကြယ်တယ်။ ရှုပ်ထွေးစွာလဲ တွေ့ရတတ်တယ်။

A lot of nice fresh brown bread

The eight-year-old boy who attempted to rob a sweet shop with a pistol

That attractive young woman in the blue dress sitting over there in the corner

အပေါင်းအသင်း မှန်ပါစေ

ကုသိုလ်သည် ဒုက္ခရောက်တဲ့ကုသိုလ်နဲ့ ဒုက္ခလွတ်တဲ့ကုသိုလ် သို့မဟုတ် နိဗ္ဗာန်ရောက်တဲ့ ကုသိုလ်နဲ့ နိဗ္ဗာန်မရောက်တဲ့ ကုသိုလ်လို့ နှစ်မျိုးရှိတယ်။ အကုသိုလ်ကလဲ အပါယ်ရောက်တဲ့ အကုသိုလ်နဲ့ အပါယ်မရောက်တဲ့ အကုသိုလ်ဆိုပြီး နှစ်မျိုးရှိတယ်လို့ ရှေးဦးစွာ မှတ်ထားလိုက်။

ဒီလို ကုသိုလ်တွေက ဒုက္ခရောက်စေနိုင်သလို နိဗ္ဗာန်ထိအောင်လဲ ရောက်စေနိုင်တာ၊ အကုသိုလ်တွေကလဲ အပါယ်ရောက်စေနိုင်သလို အကုသိုလ်ကို အသုံးချတတ်ရင်လဲ အပါယ်မရောက်ဘဲ ဖြစ်ရတာဟာ အပေါင်းအသင်းလွဲတာနဲ့ မှန်တာအပေါ်မူတည်နေတယ်တဲ့။ အပေါင်းအသင်းဆိုတာက လူ လူချင်းပေါင်းသင်းတာကို မဆိုလိုဘူး၊ သဒ္ဓါတရားနဲ့ ပေါင်းသင်းတာကို ဆိုလိုတယ် (သဒ္ဓါ ဒုတိယာ ပုရိသဿ ဟောတိ)။ သဒ္ဓါသည် ပေးကမ်းတာကို ပြောတာမဟုတ်ဘူး။ ဘုရား တရား သံဃာအပေါ်၌ ယုံကြည်မှုကို ဆိုလိုတာ။

သဒ္ဓါတရားနဲ့ပေါင်းတော့ ဘုရားရှင်ရဲ့ သဗ္ဗညုတဉာဏ်တော်ကြီးဟာ အကုန်သိတယ်ဆိုတာ ယုံကြည်တယ်။ သူဟောတဲ့တရားတွေဟာ ချမ်းသာသုံးမျိုးကို ပေးနိုင်တယ်၊ ကျင့်ကြံရင် ချမ်းသာသုံးမျိုးရလိမ့်မယ်လို့ ယုံကြည်တယ်။ ဘုရားအပေါ်၌ ယုံကြည်မှု၊ သဗ္ဗညုတဉာဏ်အပေါ်၌ ယုံကြည်မှု၊ တရားအပေါ်၌ ယုံကြည်မှု၊ အရိယာသံဃာတွေ အပေါ်၌ ယုံကြည်မှုဆိုတဲ့ သဒ္ဓါတရားနဲ့ ပေါင်းထားရမယ်။ ဘုရားအပေါ်၌ မတုန်မလှုပ် ယုံကြည်လို့ရှိရင် အပါယ်သွားတဲ့ တရား အကုန်ပယ်တယ်။ လောဘတော့ ကျန်ရစ်တယ်၊ အပါယ်သွားမယ့်လောဘတော့ ကုန်တယ်။ သဒ္ဓါတရားနဲ့ ပေါင်းပြီးတော့ ပညာနဲ့ တစ်ခါ ပေါင်းပါဦး (ပညာစေနံ ပသာသတိ)။ ပညာနဲ့ ပေါင်းပြီး ခန္ဓာကိုယ်ကို ကြည့်ပါတဲ့။

ခန္ဓာငါးပါးသာရှိတယ်၊ ဖြစ်ပျက်မှတစ်ပါး အခြားမရှိလို့ ဘုရားကဟောထားတာကို သဒ္ဓါနဲ့ ယုံကြည်လိုက်ပါ။ ဝေဒနာကြည့်လဲ ဖြစ်ပျက်ပဲ၊ သညာကြည့်လဲ ဖြစ်ပျက်ပဲ ရှိတယ်ဆိုတာ သဒ္ဓါတရားနဲ့ ယုံကြည်ထားလိုက်ပါ။ ယုံကြည်ပြီး ပညာကို အဖော်လုပ်လိုက်ပါ။ အဖော်လုပ်လိုက်တဲ့အခါကျတော့ နဂိုက ယုံကြည်ထားတဲ့သဒ္ဓါတရားကလဲ ထက်သန်၊ ပညာနဲ့ ကြည့်လိုက်တော့ ခန္ဓာရဲ့ အဖြစ်အပျက်ကိုလဲ တွေ့ရပြန်တယ်။ ဖြစ်ပျက်ပဲရှိတယ်လို့ ယုံကြည်ထားတဲ့အတိုင်း ပညာနဲ့ ကြည့်လိုက်တော့ အရှိတရား ဖြစ်ပျက်ပဲ တွေ့လိုက်ရတယ်။ ဒါကြောင့် ဒီနှစ်ယောက်နဲ့ ပေါင်းပါတဲ့။ သဒ္ဓါတရားကတော့ ယုံတတ်တာပဲ ပါတယ်၊ မြင်တတ်တာမပါဘူး။ သဒ္ဓါက ဘုရားဟောထားတဲ့အတိုင်း ခန္ဓာငါးပါးထဲမှာ ဖြစ်ပျက်ပဲရှိတယ်လို့ ယုံကြည်တယ်။ ပညာက တကယ်အရှိ ဖြစ်ပျက်ကို မြင်အောင်ကြည့်တယ်။ သဒ္ဓါနဲ့ ယုံ၊ ပညာနဲ့ ကြည့်ပေးပါ။ ဒီ သဒ္ဓါ၊ ပညာနှစ်ခုပေါင်းမိလို့ရှိရင် နိဗ္ဗာန်မြင်ပါလိမ့်မယ် (နိဗ္ဗာနာဘိရတော မစ္စော) - နိဗ္ဗာန်၌ မွေ့လျော်တဲ့ပုဂ္ဂိုလ်ဖြစ်လာမယ်တဲ့။ သဒ္ဓါ ပညာနဲ့ ပေါင်းလိုက်တော့ နိဗ္ဗာန် မြင်လာတယ်။ နိဗ္ဗာန်မြင်လာတော့ အပါယ်ဒုက္ခသာမက ဒုက္ခမှန်သမျှ အကုန်လွတ်ပါတယ် (သဗ္ဗဒုက္ခာ ပမုစ္စတိ)။

သဒ္ဓါတရား လက်ကိုင်ထားပြီး ပညာကို အဖော်လုပ်။ ဘုရားဟောတဲ့အတိုင်း သဒ္ဓါတရားက ခန္ဓာငါးပါးရှိတယ်၊ ခန္ဓာမှာ အနိစ္စ၊ ဖြစ်ပျက်မှတစ်ပါး အခြားမရှိဘူးလို့ ယုံကြည်ထားလိုက်။ မတုန်မလှုပ်ယုံကြည်ပြီး ယုံကြည်ထားတဲ့အတိုင်း ပညာကို အဖော်လုပ်လိုက်တော့ အရှိကို သိရတယ်။ အရှိကို သိတော့ ဖြစ်ပျက်မြင်တာပဲ။ မြင်တဲ့အခါမှာ ပဋိစ္စသမုပ္ပါဒ် ကိုယ်တွေ့ဖြစ်ပြီ။ လောဘလေးတွေ့တော့ လောဘဟာ သင်္ခါရက္ခန္ဓာပဲ လို့ သဒ္ဓါက ယုံကြည်တယ်။ သင်္ခါရက္ခန္ဓာဆိုတာ ခန္ဓာငါးပါးထဲမှာ ပါဝင်တယ်။ ကိုယ့်သန္တာန်မှာ တစ်ခုခုလိုချင်တဲ့အခါကျတော့ လိုချင်မှုလောဘလေးပေါ်လာရင် သင်္ခါရက္ခန္ဓာလေး ပေါ်လာတယ်လို့ ယုံကြည်ထားလိုက်ပေါ့။ ယုံကြည်တဲ့အတိုင်း ပညာနဲ့ပေါင်းပြီး ပေါ်လာတဲ့ လောဘကို ကြည့်လိုက်တော့ လောဘပေါ်တာကို သိလာတယ်။ ဒီလိုသိတာဟာ လောဘလေး ဖြစ်တုန်းသိတာမဟုတ်ဘူး၊ ချုပ်ပြီးမှ သိတာ။ ဒီလိုသိလိုက်တော့ ဖြစ်ပျက်နဲ့ မဂ်ကိုက်သွားတယ်။ တကယ်တော့ လောဘလေးက နှိပ်စက်ဖို့ ပေါ်လာတာပဲ။ ဒါပေမယ့် လောဘလို့ မယူတော့ဘူး။ နာမည်သာလောဘ၊ ကြည့်လိုက်တော့ ဖြစ်ပျက် အနိစ္စပဲ။ ကိုယ်တိုင်ကြည့်လိုက်လို့ အနိစ္စဖြစ်သွားတော့ အနိစ္စက အပါယ်မပို့တော့ဘူး။ ဒီအတိုင်းထားလိုက်ရင်တော့ လောဘက လောဘပဲ ဖြစ်ပြီး အပါယ်ပို့ပါလိမ့်မယ်။ လောဘလို့ မယူတော့ဘဲ ဖြစ်ပျက်ပဲလို့ ယူလိုက်တော့ လောကဟာ ကြောက်စရာမဟုတ်တော့ဘူး။

ကိုယ့်သန္တာန်မှာ လောဘပေါ်တယ်၊ တဏှာပေါ်တယ်၊ ဥပါဒါန်ပေါ်တယ်၊ ကံပေါ်တယ်ဆိုတာ အကြောင်းတိုက်ဆိုင်လို့ ပေါ်တာပဲလို့ ယုံကြည်ထားလိုက်။ ယုံကြည်တဲ့အတိုင်း ကြည့်လိုက်တဲ့အခါ ပေါ်ရင် ပေါ်မှန်းသိတယ်။ ရှိတာ ပေါ်တာပဲလို့ ယုံကြည်ထားလိုက်ပေါ့။ ပေါ်လာတဲ့လောဘကို ပညာနဲ့ပေါင်းပြီး ပညာနဲ့ ကြည့်လိုက်တော့ ပညာပေါ်တဲ့အချိန် လောဘမရှိတော့ဘူး။ မရှိတော့ မရှိတာနဲ့ ပညာနဲ့ သွားတွေ့တယ်။ မရှိတာက အနိစ္စ၊ ပညာက မဂ္ဂ။ ဒါဖြင့် ဒီလောဘ အပါယ်မပို့တော့နိုင်တော့ဘူး။ ပညာနဲ့ပေါင်းလိုက်တဲ့အခါကျတော့ လောဘအနေနဲ့ မမြင်တော့ဘဲ အနိစ္စအနေနဲ့ပဲ မြင်တွေ့ရတယ်။ ဘုရားကလဲ ဒါကို သိအောင်လုပ်ဖို့ ဟောထားတယ် (သရာဂံ ၀ါ စိတ္တံ သရာဂံ စိတ္တန္တိ ပဇာနာတိ)။ သိအောင်လုပ်တော့ ပညာပေါ်တဲ့အချိန်မှာ လောဘစိတ်လို့ မသိဘဲ အနိစ္စပဲ သိတယ်။ ဒီလိုသိတဲ့ အနိစ္စကဖြင့် အပါယ်မပို့ဘူးဆိုတာ ဆုံးဖြတ်ချက်ချလိုက်ပါ။ လောဘသက်သက် ဖြစ်ခဲ့သော် အပါယ်ပို့မယ်၊ လောဘကို အနိစ္စအဖြစ်နဲ့ မြင်ခဲ့သော် အပါယ်မပို့ဘူး။ သဒ္ဓါ ပညာနှစ်ခုပေါင်းလိုက်တော့ လောဘဟာ အပါယ်ပို့မယ့်လောဘ မဟုတ်တော့ဘဲ နိဗ္ဗာန်ပို့မယ့် လောဘဖြစ်သွားတယ်။

ဒီတော့ သဒ္ဓါ ပညာနဲ့ မပေါင်းမိဘဲ အပေါင်းအသင်း လွဲနေလို့သာလျှင် လောဘတဏှာက ဥပါဒါန် ကျေးဇူးပြု၊ ဥပါဒါန်က ကံကိုကျေးဇူးပြု၊ ကံကကျေးဇူးပြုလိုက်တော့ ကမ္မဘ၀ပစ္စယာ ဇာတိဆိုပြီး အပါယ်ဇာတိကြီး ပေါ်လာတယ်။ အခုလို သဒ္ဓါ ပညာနဲ့ ပေါင်းလိုက်တော့ အပေါင်းအသင်းမှန်တဲ့အတွက် အပါယ်ပို့မယ့် လောဘဆိုတဲ့ ရန်သူက မိတ်ဆွေ ဖြစ်ပြီး နိဗ္ဗာန်ရောက်အောင် ပို့ဖို့ ဆောင်ရွက်သွားတယ်။ ဒါဖြင့် လောဘတိုင်း ကြောက်စရာမလိုဘူး၊ လောဘဆိုတာ အကုသိုလ်ပဲ၊ အကုသိုလ်တိုင်း ကြောက်စရာမလိုဘူးဆိုတဲ့ အဖြေထွက်လာတယ်။ လောဘကို လောဘအတိုင်း ထားလိုက်ရင်တော့ ကြောက်စရာပါပဲ။ လောဘကို ပညာနဲ့ပေါင်းပြီး ကြည့်လိုက်ရင်ဖြင့် ကြောက်စရာမဟုတ်တော့ဘဲ အကျိုးဆောင်ရွက်သွားပါလိမ့်မယ်။ နိဗ္ဗာန်ရဖို့ မဂ် ပေါ်ပေးပါလိမ့်မယ်။ ဒါဖြင့် လောဘကို လောဘအတိုင်း မထားနဲ့။ ဖြစ်ပျက် မဂ်ကိုက်အောင်လုပ်။

ဒေါက်တာအရှင်ပါရမီ

(15) Wh-clauses

Wh- နဲ့ စတဲ့စကားလုံးတွေကတော့ what, when, where, who, which, why, how တို့ပါပဲ။ ဒီစကားလုံးတွေနဲ့ clauses တွေလုပ်လို့ရပါတယ်။

Wh- questions (See questions and negatives)

What are you doing?

Who ate all the pies?

Why did you do that?

After verbs of thinking

Know, understand, suppose, remember, forget, wonder

I know where you live.

She couldn’t remember who he was.

John wondered what was going to happen next.

If- clauses တွေကိုလဲ သုံးတယ်။

I wonder if we’ll see Peter.

She couldn’t remember if she had posted the letter.

After verbs of saying

Ask, say, admit, argue, reply, agree, mention, explain, suggest

I asked what she wanted.

He tried to explain how the accident had happened.

She wouldn’t admit what she had done.

Did he say when he would come?

Tell နဲ့ အချို့ verbs of saying တွေနောက်မှာ direct object ထည့်ပေးရတယ်။

Tell, remind

He tried to tell them what they should do.

She reminded me where I had left the car.

အချို့ thinking, saying နဲ့ ဆိုင်တဲ့ verbs တွေရဲ့နောက်မှာ wh-words နဲ့ to infinitive ထည့်ပေးရတယ်။

We didn’t know what to do.

We will ask when to set off.

Nobody told me what to do.

Can anyone suggest where to go for lunch?

To infinitive ရဲ့ subject ဟာ main verb ရဲ့ subject နဲ့ အတူတူဖြစ်ရင် to infinitive ကိုသုံးတယ်။

He didn’t know what to do. (He didn’t know what he should do).

We will ask when to set off. (We will ask when we should set off).

To infinitive ရဲ့ subject ဟာ အပြောခံရတဲ့ပုဂ္ဂိုလ်နဲ့ တူနေရင်လဲ to infinitive ကိုသုံးတယ်။

Nobody told me what to do. (Nobody told me what I should do).

Can anyone suggest where to go for lunch? (Can anyone suggest [to us] where we should go for lunch?)

အချို့ noun တွေရဲ့နောက်မှာ noun တွေအကြောင်း ထပ်ပြောဖို့ wh-clauses တွေကို သုံးတယ်။

Is there any reason why I should stay?

Do you remember the day when we went to Edinburgh?

That was the town where I grew up.

Is နောက်မှာလဲ ရံခါ wh-clause ကိုသုံးတယ်။

I missed my bus. That’s why I was late.

This is where I live.

That’s what I thought.

Paris – that’s where we are going for our holiday.

အသေလွတ်တရား

မနေ့က တဏှာသည် ခန္ဓာငါးပါးက လာတယ်လို့ ပြောခဲ့တယ်။ တဏှာသည် ခန္ဓာငါးပါးကလာတယ်ဆိုတော့ ခန္ဓာငါးပါးမှန်း သိရင်လဲ တဏှာ မလာပါဘူး။ ခန္ဓာငါးပါးရယ်လို့ မသိလို့သာ လာခြင်းဖြစ်တယ်။ ဒါဖြင့် ကိုယ့်ခန္ဓာခင်လို့ တဏှာလာတာ၊ သားသမီးခင်လို့၊ ဆွေမျိုးခင်လို့၊ စီးပွားခင်လို့ တဏှာလာတာ။ ခန္ဓာငါးပါးကလာတဲ့ တဏှာပဲ။ ဒီခန္ဓာငါးပါးရဲ့ အပြစ်ကိုမသိတော့ တဏှာလာတယ်။

ဘယ်နှယ်ကြောင့် ခန္ဓာငါးပါး ခင်ကြတာလဲဆိုတော့ အားကိုးရလိမ့်မယ်၊ ကိုးစားရလိမ့်မယ်ထင်လို့ ခင်တာ။ ခင်တော့ ခင်တာက တဏှာ၊ တဏှာက တစ်ဆင့် ဥပါဒါန်၊ ဥပါဒါန်ကတစ်ဆင့် ကံဘက်လည်သွားတယ်။ လည်ချင်လို့လည်တာလားဆိုရင် လက်သည်ရှာတော့ ခန္ဓာခင်လို့ လည်တာ။ ဒီတော့ ခန္ဓာခင်ရင် သေပွဲတွေ အထပ်ထပ်ဝင်ရလိမ့်မယ်ဆိုတာ စက်ဝိုင်းအရ ရှင်းနေတယ်။ ကံကဟိုဘက် ဇာတိ ဇရာမရဏတွေ တစ်ဘ၀လဲမက အထပ်ထပ် သေပွဲတွေဝင်ရလိမ့်ဦးမယ်။ မိမိခန္ဓာ ခင်ရင်လဲ သေပွဲဝင်ရသလို သူတစ်ပါးခန္ဓာ ခင်ရင်လဲ သေပွဲဝင်ရမယ်။ ပစ္စည်းခန္ဓာတွေ ခင်ရင်လဲ သေပွဲဝင်ရမှာပဲ။ ဒါဖြင့် အဖန်ဖန်သေပွဲတွေဝင်နေကြရတာဟာ ကံမကောင်း အကြောင်းမသင့်လို့မဟုတ်ဘူး၊ ခန္ဓာခင်လို့ ဖြစ်နေကြရတယ်ဆိုတာ ပေါ်လာတယ်။ ခန္ဓာက (၂)အကွက်၊ ခင်တာက (၃)အကွက်၊ သေပွဲဝင်တာက (၄)အကွက် ဒီအတိုင်း သုံးခုစပ်သွားတယ်။

ဒါဖြင့် ခန္ဓာကို ၀ိပဿနာရှုလို့ သမုဒယသေသွားရင် ခန္ဓာမခင်လို့ သေပွဲမ၀င်ရတော့ဘူး။ ခန္ဓာမခင်တော့ သေပွဲမ၀င်ရဘူး။ ခန္ဓာခင်ရင်တော့ သေပွဲဝင်ရလိမ့်မယ်။ ခန္ဓာခင်လို့သေပွဲဝင်တော့ ပဋိစ္စသမုပ္ပါဒ် သုံးချက် စပ်သွားတယ်။ (၂)နဲ့(၃) စပ်တယ်၊ (၃)နဲ့(၄)စပ်တယ်။ (၂-၃-၄) စပ်သွားတယ်။ ခန္ဓာခင်ရင်တော့ မသေတဲ့ပုဂ္ဂိုလ်မရှိဘူး။ အဖန်ဖန် သေလေသမျှ ဒီခင်မှုတစ်လုံးက နှိပ်စက်တာပဲ။ ဘုရားတစ်ဆူနဲ့ တစ်ဆူကြားမှာ (၄)ရက်တက်၊ (၄)ရက်ဆင်းရှိတဲ့တောင်ကြီးလောက် ပုဂ္ဂိုလ်တစ်ယောက်ရဲ့ အရိုးတွေ ပုံတယ်ဆိုတာ ခင်တစ်လုံးက သတ်လို့။ ဒါကြောင့် တဏှာသည် သေအောင်သတ်တတ်တဲ့ တရားလို့ဆိုတာ ငြင်းလို့မရပါဘူး။ ပဋိစ္စသမုပ္ပါဒ်ဒေသနာနဲ့ ကြည့်လိုက်တော့ (၂)နဲ့(၃)စပ်၊ (၃)နဲ့(၄) စပ်လို့ သေပွဲဝင်ရတယ်။ (၂)နဲ့(၃)ကို ခန္ဓာခင်တဲ့ တဏှာက စပ်တယ်။ တဏှာကနေပြီး (၃)နဲ့(၄)ဆက်သွားတော့ ကမ္မဘ၀နဲ့ ဇာတိစပ်သွားတယ်။ စပ်တော့ ဇရာမရဏဆိုတာ ပေါ်လာတယ်။ ဒါကြောင့် ခန္ဓာခင် သေပွဲဝင်ကြရတာ။ (၂)နံပါတ်က ခင်စရာ၊ (၃)နံပါတ်က ခင်တာ။ (၄)နံပါတ်က သေတာ။ ဒီလိုဆက်သွားတယ်။

ခန္ဓာမခင်တော့ သေပွဲလွတ်တယ်။ သေပွဲလွတ်တဲ့အလုပ်လုပ်ဖို့ ဝေဒနာသုံးပါး ခန္ဓာထဲမှာ ပေါ်ရင် ဖြစ်ပျက်ရှုလိုက်။ ဖြစ်ပျက်ရှုလိုက်တော့ (၂)(၃)အစပ်ကြားမှာ မဂ်ဝင်တယ်။ မဂ်ဝင်တော့ ခင်တာ မလာတော့ဘူး။ ခန္ဓာခင်တဲ့တဏှာမလာတော့ အသေလွတ်တယ်။ ဖြစ်ပျက်ရှုနေလို့ရှိရင် ခန္ဓာမခင်တော့ သေပွဲမ၀င်ရဘူး။ (၂)နဲ့ (၃)မကူးလို့ သေပွဲလွတ်တာ။ ဘာကြောင့် မကူးတာလဲဆိုရင် ကြားမှာ မဂ်ဝင်လိုက်လို့။ မဂ်ဝင်တော့ ခန္ဓာမခင်တော့ဘူး။ ရှုနေတဲ့ ဖြစ်ပျက်က ခန္ဓာ၊ မခင်တာက မဂ်။ ခန္ဓာမခင်တော့ ဒီဘက်က သေစရာမလာတော့ဘူး။ အနာဂတ်ဘ၀ရယ်လို့ ပေါ်စရာမရှိတော့ အနာဂတ် သေစရာမရှိတော့ဘူး။ ပစ္စုပ္ပန်တစ်ခါသေပြီးနောက် သေစရာမရှိတော့ဘူး။

ဒီခန္ဓာကြီးကို အသုဘပဲ၊ အနိစ္စပဲလို့ သိရင် မဂ်ဉာဏ်လာပါတယ်။ မဂ်ဉာဏ်လာရင် (၃)နံပါတ် မကူးတော့ဘူး။ ဒီတော့ (၄)ဒုက္ခတွေ့ဖို့ မရှိတော့ဘူး။ ဘာကြောင့်လဲဆိုတော့ ခန္ဓာမခင်တဲ့ မဂ်ပေါ်လို့။ ဒီခန္ဓာကြီးက အဆိပ်နဲ့ ရောထားတဲ့ အရက်နဲ့တူတယ်တဲ့။ သောက်မိရင် မူးလဲမူးမယ်၊ သေလဲ သေမယ်။ တဏှာနဲ့ ခင်တယ်ဆိုတာ သောက်မိတာပဲ။ သောက်မိတော့ သေပွဲဝင်ရတယ်။ မသောက်ဘူးဆိုပြီး ဘယ်ဝေဒနာလာလာ ဖြစ်ပျက်ရှု။ စိတ်လာလဲ ဖြစ်ပျက်ရှု။ ဖြစ်ပျက်ရှုလိုက်တော့ မခင်တော့ဘူး။ အဆိပ်နဲ့ရောထားတဲ့အရက်ကို ရှောင်လိုက်တယ်။ အဆိပ်နဲ့ရောထားတဲ့ အရက်က ခန္ဓာကြီးနဲ့ တူတယ်။ သောက်တဲ့သူနဲ့ ပုထုဇဉ်မိုက်နဲ့တူတယ်။ မိုက်တော့ မသောက်သင့်တာ သောက်လို့ သေရတယ်။ ဒါဖြင့် သေချင်လို့ သေရတာမဟုတ်ဘူး၊ မိုက်လို့ သေရတာသာ ဖြစ်တယ်။ မိုက်တော့ တဏှာနဲ့ ခင်တယ်။ ခင်တော့ ဥပါဒါန် ကံ ဇာတိ ဇရာမရဏဆိုတဲ့ သေပွဲတွေကပြေးလို့မလွတ်တော့ဘူး။ သောက်တဲ့ပုဂ္ဂိုလ် သေတယ်၊ ခင်တဲ့ပုဂ္ဂိုလ်သေတယ်။ မခင်တဲ့နည်းကတော့ ဝေဒနာပေါ်ရင် ဝေဒနာ ဖြစ်ပျက်ရှုပေး။ စိတ်တွေ့ရင်လဲ စိတ်ဖြစ်ပျက်ရှုပေး။ စိတ်ရှုတော့ စိတ်က ဖြစ်ပျက်၊ ရှုတာက မဂ်၊ မသောက်ဖြစ်တော့ဘူး။ မသောက်ဖြစ်တော့ (၂) (၃)မစပ်တော့ဘူး။ (၃) (၄)လဲ မလာတော့ဘူး။

ပဋိစ္စသမုပ္ပါဒ်ကတော့ ဘုရားဟောလဲ ရှိနေတာပဲ၊ ဘုရားမဟောလဲ ရှိနေတာပဲ။ ဘုရားက အရှိကို အရှိအတိုင်း ဖော်ပြတာသာဖြစ်တယ်။ ဒါဖြင့် အဆိပ်နဲ့ရောထားတဲ့အရက်ကို သိလို့ ရှောင်လိုက်မယ်ဆိုရင် သေပွဲက လွတ်သွားတယ်။ အိုပွဲ နာပွဲ သေပွဲ အကုန်လွတ်တယ်။ ရှောင်တာသည် ၀ိပဿနာရှုနေတာ။ ခန္ဓာငါးပါးထဲက ဝေဒနာကြိုက်ရင် ဝေဒနာရှု၊ ဖဿကြိုက်ရင် ဖဿရှု၊ စိတ်ကြိုက်ရင် စိတ်ရှု။ ဒီလိုရှုတော့ ဒီတရားတွေက ဖြစ်ပျက်၊ ရှုတာက မဂ်။ အစပ်ကိုဖြတ်လိုက်တော့ (၃)မဆက်တော့ဘူး။ (၃)မဆက်ရင် (၄)မလာတော့ဘူး။ ဒါကြောင့် ခန္ဓာငါးပါးကို အဆိပ်နဲ့ရောထားတဲ့ အရက်ရယ်လို့ သေသေချာချာ သိအောင်လုပ်ရမယ်။ ဘာကြောင့်လဲဆိုတော့ အဆိပ်နဲ့ရောထားတဲ့ အရက် သောက်လို့ရှိရင် မူးလဲမူးတယ်၊ သေလဲ သေတယ်။ ဒီမှာလဲ သားသမီးကိုခင်တဲ့ တဏှာ လာလို့ရှိရင် ရုပ်နာမ်ဒုက္ခသစ္စာ အကုန်ပျောက်တော့ မူးသွားတယ်။ ရုပ်နာမ် ဒုက္ခသစ္စာ မပေါ်ဘဲ ခင်စရာ မင်စရာ အားကိုးစရာသာ ပေါ်နေတော့တယ်။ မူးသွားတော့ ခင်မိ မင်မိ ကြင်နာမိသွားတယ်။ မူးတဲ့ပုဂ္ဂိုလ် သောက်မိတော့ သေပွဲဝင်ရတယ်။ မသောက်မိတဲ့ပုဂ္ဂိုလ် သေပွဲမ၀င်ရဘူး။ ဒါဖြင့် ဒီခန္ဓာကြီးကို အနိစ္စတော ဒုက္ခတော ရောဂတော လို့ရှုပေးပါ။ ဖြစ်ပျက်ရှုပေးပါ။ ရှုလို့ရှိရင် မဂ်ပေါ်တယ်။ မဂ်ပေါ်လို့ တဏှာမလာတော့ မသောက်ဖြစ်တော့ဘူး။ မသောက်ဖြစ်ရင် သေပွဲလွတ်တယ်။ ဒါဖြင့် ဖြစ်ပျက်အလုပ်ဟာ အသေလွတ်တရားပဲ။ အိုသေလွတ်တဲ့တရား။ အိုသေလွတ်ရာကို နိဗ္ဗာန်လို့ခေါ်တယ်။ ဇာတိလွတ်ရာ၊ ကံလွတ်ရာ၊ ဥပါဒါန်လွတ်ရာ၊ တဏှာလွတ်ရာဟာလဲ နိဗ္ဗာန်ပါပဲ။ အားလုံးဟာ နိဗ္ဗာန်ချည်းဖြစ်သွားတယ်။ (၂) နဲ့ (၃) အစပ်နေရာမှာ မဂ်ပေါ်လို့ရှိရင် အားလုံးဟာ နိဗ္ဗာန်ပဲ ဖြစ်သွားတော့တယ်။

ဒေါက်တာအရှင်ပါရမီ