ပဋိစ္စသမုပ္ပါဒ်ထဲက ဘ၀

ပဋိစ္စသမုပ္ပါဒ်သည် ဘ၀ဖြစ်စဉ်ကို ဖော်ညွှန်းထားခြင်းသာဖြစ်၏။ သို့ဖြစ်၍ ဘ၀ဖြစ်စဉ်ကို ပဋိစ္စသမုပ္ပါဒ်နှင့် ယှဉ်ကြည့်လိုက်လျှင် အတိတ်ဘ၀ ဖြစ်စဉ်ကိုလည်း တွေ့ရမည်ဖြစ်၏။ ယခု လက်ရှိဘ၀ဖြစ်စဉ်ကိုလည်း တွေ့ရမည်ဖြစ်၏။ အနာဂါတ်ဘ၀ဖြစ်စဉ်ကိုလည်းတွေ့ရမည်ဖြစ်၏။ စက်ဝိုင်းအကွက်(၁)က အတိတ်ဘ၀၊ အကွက်(၂)နှင့် (၃)က ပစ္စုပ္ပန်ဘ၀၊ အကွက်(၄)က အနာဂါတ်ဘ၀ဖြစ်သည်ဟု အကျဉ်းအားဖြင့် ပြောနိုင်ပါ၏။

ယင်းသို့ ဘ၀အနေဖြင့် သုံးပိုင်း ပိုင်းပြထားသော်လည်း ပဋိစ္စသမုပ္ပါဒ် မပြတ်သေးသူမှန်သမျှအတွက် ဘ၀ဖြစ်စဉ်တွေကို ထပ်တူပြုလိုက်လျှင် အတူတူသာ ဖြစ်ပါ၏။

(၁) အတိတ်ဘ၀ကြည့်လိုက်လျှင်လည်း အ၀ိဇ္ဇာ သင်္ခါရသာရှိသကဲ့သို့ ပစ္စုပ္ပန်ဘ၀၊ အနာဂတ်ဘ၀တွေကိုကြည့်လိုက်လျှင်လည်း အ၀ိဇ္ဇာ သင်္ခါရသာ ရှိနေမည်ဖြစ်၏။ သစ္စာမသိသေးသရွေ့ အ၀ိဇ္ဇာခေါင်းဆောင်နေပြီး သစ္စာမသိသူ၏ လုပ်သမျှ ပြောသမျှ ကြံစည်သမျှသည် ကံသင်္ခါရသာ ဖြစ်နေတော့၏။

(၂) အ၀ိဇ္ဇာ သင်္ခါရမချုပ်သေးသရွေ့ ခန္ဓာငါးပါးရရှိနေဦးမည်သာဖြစ်သဖြင့် ၀ိညာဏ် နာမ်ရုပ် သဠာယတန ဖဿ ဝေဒနာ တရားငါးခုပေါ်နေမည်သာဖြစ်ပြီး ဝေဒနာနှင့် တဏှာအကူးအဆက် မပြတ်သမျှ တဏှာ ဥပါဒါန် ကံတို့လည်း ဆက်လက်ဖြစ်ပေါ်နေဦးမည်သာဖြစ်၏။ သို့ဖြစ်လျှင် အတိတ်ဘ၀ကလည်း ထိုတရားတို့သာ ဖြစ်ပေါ်ခဲ့လေသောကြောင့် ယခုဘ၀ရရှိလာခဲ့ပြီး ယခုဘ၀လည်း ထိုတရားတို့ ဖြစ်ပေါ်နေလျှင် အနာဂတ်ဘ၀ မလိုချင်၍ မရ။

(၃) ထို့အတူ ခန္ဓာနာမ်ရုပ်မချုပ်ငြိမ်းသရွေ့ အတိတ်ဘ၀ကလည်း မွေး အို သေ(ဇာတိ၊ ဇရာမရဏ)တို့သာ ဖြစ်ခဲ့ရသကဲ့သို့ ယခုဘ၀၊ အနာဂတ်ဘ၀တွင်လည်း မွေး အို သေပုံသေနည်းအတိုင်း သွားကြရမည်သာဖြစ်၏။ ထိုသဘောတရားကိုအခြေခံ၍ ဘ၀ကို ညီမျှခြင်းထုတ်ယူလိုက်ပါက-

(ဘ၀ = အ၀ိဇ္ဇာ၊ သင်္ခါရ)

(ဘ၀ = ၀ိညာဏ် နာမ်ရုပ် သဠာယတန ဖဿ ဝေဒနာ၊ တဏှာ ဥပါဒါန် ကံ)

(ဘ၀ = ဇာတိ ဇရာမရဏ) ဟုအဖြေထွက်လာမည်ဖြစ်၏။ ထို့ကြောင့် ဘ၀ဟူသည် အ၀ိဇ္ဇာ သင်္ခါရသာ ရှိ၏ဟုဆိုလျှင်လည်း မမှားသကဲ့သို့ ၀ိညာဏ် နာမ်ရုပ် သဠာယတန ဖဿ ဝေဒနာ တဏှာ ဥပါဒါန် ကံတို့ကို ဘ၀ဟုခေါ်မည်ဆိုလျှင်လည်း ခေါ်ဆိုနိုင်သည်သာဖြစ်၏။ ဇာတိ ဇရာမရဏကိုပင် ဘ၀ဟု တင်စား၍လည်း ပြောဆိုနိုင်မည်သာဖြစ်၏။

မွေးဖွားခြင်းရှိနေလျှင် အိုခြင်း (ကြီးရင့်ခြင်း) သေဆုံးခြင်းတို့သည်လည်း မကွေမကွာ လိုက်နေမည်သာဖြစ်၏။ မွေး အို (နာ) သေ ဖြစ်စဉ်အရ မွေးသူတိုင်း အိုရ နာရ သေရသည်မှာ ဓမ္မသဘောအရ ရှောင်လွှဲ၌မရပေ။ ထိုဓမ္မသဘာဝသည် အကောင်းမဟုတ်၊ အဆိုးအနိဋ္ဌတရားများဖြစ်သဖြင့် မည်သူမျှ မနှစ်သက် မမြတ်နိုးကြ၊ ကြောက်လန့်တုန်လှုပ်ဖွယ်ရာတို့သာဖြစ်၏။ တွေးကြည့်လျှင်လည်း ကြောက်စရာကောင်းသကဲ့သို့ တကယ်ကိုယ်တွေ့ကြုံလျှင်လည်း လန့်စရာကောင်းလှ၏။ မည်မျှပင် ကြောက်လန့်စေကာမူ မွေးလာသူမှန်သမျှ မလွှဲသာမရှောင်သာ လျှောက်လှမ်းရမည့် လမ်းသာဖြစ်၏။ ထို့ကြောင့် ဒုက္ခသစ္စာဟု ဟောတော်မူခြင်းဖြစ်၏။ မွေးဖွားခြင်း ဇာတိသည် ပဋိစ္စသမုပ္ပါဒ်ဒေသနာတော်အရ ဒုက္ခသစ္စာအမှန်တရားတစ်ခုဖြစ်၏။ မည်သည့်သတ္တ၀ါဖြစ်စေ ဇာတိဒုက္ခရသည်မှာ အတူတူသာဖြစ်၏။ သို့သော် တူရာမှ မတူရာကို ရှာဖွေကြည့်လျှင် ဇာတိအမှန်တရားတစ်ခုမှ ထပ်ဆင့်ကွဲပြားလျက် လူ့ဇာတိဖြစ်လာရ၏။ နတ်ဇာတိဖြစ်လာရ၏။ ဗြဟ္မာဇာတိဖြစ်လာရ၏။ ငရဲ တိရစ္ဆာန် ပြိတ္တာ အသူရကာယ် ဇာတိဖြစ်လာရ၏။ လူကို ပဓာနထား၍ ပြောရလျှင် လူတိုင်း ဘ၀တစ်ခုကို ဇာတိက စခဲ့ရသည်မှန်သော်လည်း တစ်ယောက်နှင့် တစ်ယောက် ဘ၀တွေ တူညီမှုရှိပါရဲ့လား။ ဇာတိ တူသော်လည်း ဘ၀တွေမတူကြ။ ချမ်းသာသည့်ဘ၀၊ ဆင်းရဲသည့်ဘ၀၊ ရုပ်လှ မလှ၊ ပညာတတ် မတတ်၊ စိတ်သဘောထားကောင်း မကောင်း၊ အသိဉာဏ်ရှိ မရှိ၊ မိတ်ဆွေ အသိုင်းအ၀ိုင်း ပေါ မပေါ၊ အမျိုးအနွယ် မြတ် မမြတ်စသည်ဖြင့် ဇာတိကို ထပ်တူပြု၍ ရသော်လည်း ဘ၀တွေမှာ ထပ်တူပြု၍ မရနိုင်အောင် ကွဲပြားလျက်ရှိနေကြ၏။ ဘ၀တွေ ကွဲပြားသဖြင့် အိုရ နာရ သေရခြင်း တူသော်လည်း အိုပုံ နာပုံ သေပုံချင်းကွဲပြားနေကြ၏။ အချို့က ချမ်းချမ်းသာသာ ကြီးပြင်းရ၏။ အချို့က ဆင်းဆင်းရဲရဲ ကြီးပြင်းရ၏။ အချို့မှာ ကျန်းမာရေးမကောင်းသော်လည်း ဆေးကောင်းဝါးကောင်း ဆရာသမားကောင်းဖြင့် ကုသနိုင်ကြ၏။ အချို့မှာ အတော်အသင့် ဆရာဝန်ဖြင့်ပင်ကုသလိုက်ရ၏။ အချို့မှာ တောက်တိုမယ်ရဆေးဝါးလေးဖြင့် ပြီးသွားသည်လည်းရှိ၏။ ဤသို့ မွေးပုံချင်းလည်းမတူ၊ ကြီးပြင်းရပုံချင်းလည်းမတူ၊ အိုရနာရ သေရပုံချင်းလည်းမတူ၊ အရည်အသွေး ဂုဏ်စသည်ဖြင့် ကွာခြားနေကြသည့်အကြောင်းရင်းမှာ ကံမတူသောကြောင့်ဟု ပဋိစ္စသမုပ္ပါဒ်က အဖြေထုတ်ပြထားပါ၏ (ကမ္မဘ၀ပစ္စယာ ဇာတိ)။ လုပ်ခဲ့သည့် ကံတွေမတူသောကြောင့် ဘ၀တစ်ခုနှင့်တစ်ခု ထပ်တူပြု၍ မရခြင်းဖြစ်၏။ ဒါနကံအားကောင်းသည်လည်းရှိ၏၊ ဒါနကံအားနည်းသည်လည်းရှိ၏၊ ဒါနကံလုံးဝမရှိသည်လည်းရှိ၏။ ထို့အတူ သီလကံ သမထ ၀ိပဿနာကံ အားကောင်း၊ အားနည်း၊ လုံးဝမရှိဟု ကံတွေကို စစ်တမ်းထုတ်ကြည့်လျှင်တွေ့နိုင်ပါ၏။ အချို့က ကုသိုလ်ရေးရာ အားနည်းပြီး အကုသိုလ်ရေးရာ အားသာနေတတ်ကြ၏။ ထိုသို့ အတိတ်က ပြုလုပ်ခဲ့သည့် ကံတွေ ခြားနားခဲ့သဖြင့် ဘ၀တွေ ခြားနားနေကြခြင်းဖြစ်၏။ သို့ဖြစ်လျှင် ယခုလုပ်ထားသည့်ကံတွေသည်လည်း နောက်ဘ၀တွင် တစ်ယောက်နှင့်တစ်ယောက် ခြားနားစေဦးမည်မှာ မလွဲဧကန်သာဖြစ်ပါ၏ (ကမ္မံ သတ္တေ ၀ိဘဇ္ဇတိ)။ ထို့ကြောင့် ဘ၀တွေ မတူညီကြခြင်းသည် ကံမတူသောကြောင့်သာဖြစ်၏။

ကောင်းသည်ဖြစ်စေ ဆိုးသည်ဖြစ်စေ ပြုလုပ်သမျှသည် ကံဖြစ်၏။ ကံပင်ဖြစ်လင့်ကစား တစ်ယောက်ကံနှင့် တစ်ယောက်ကံ မတူကြခြင်းမှာ စွဲလန်းမှုတွေ မတူသောကြောင့်သာဖြစ်၏ (ဥပါဒါနပစ္စယာ ကမ္မဘဝေါ)။ အချို့က ဘုရားပန်းလှူရသည်ကို ပိုမိုနှစ်သက်၏။ အချို့က တရားနာရသည်ကိုပိုမိုနှစ်သက်၏။ အချို့က ဆွမ်းလောင်းရသည်ကို ပိုမိုနှစ်သက်၏။ အချို့က သင်္ကန်းလှူရသည်ကို ပိုမိုနှစ်သက်၏။ အချို့က ကထိန်ခင်းရသည်ကို ပိုမိုနှစ်သက်၏။ အချို့က ကျောင်းဆောက်ရသည်ကို ပိုမိုနှစ်သက်၏။ အချို့က ဘုရားတည်ရသည်ကို ပိုမိုနှစ်သက်၏။ ကုသိုလ်ကံဘက်မှာပင် စွဲလန်းပုံချင်းမတူညီကြပေ။ အကုသိုလ်ဘက်မှာလည်း ကိုယ်သန်ရာ သန်ရာ လုပ်နေကြသည်မှာ အထင်အရှားပင်ဖြစ်၏။ လောင်းကစားဝါသနာပါသူ အသောက်အစားဝါသနာပါသူ အပျော်အပါး ၀ါသနာပါသူ အသတ်အဖြတ် ၀ါသနာပါသူ ခိုးမှုတိုက်မှုဝါသနာပါသူ စသည်ဖြင့် ၀ါသနာတွေမတူကြ။ ပိုမိုနှစ်သက်မှု ၀ါသနာပါမှုဟူသည် စွဲလန်းမှုပင်ဖြစ်၏။ ကိုယ့်အစွဲနှင့်ကိုယ် ကိုယ်အားသန်ရာ ပြုလုပ်နေကြခြင်းဖြစ်သဖြင့် သူတို့ပြုလုပ်လိုက်သည့် ကံတွေလည်း မတူညီနိုင်ဘဲ ကွဲပြားသွားရလေတော့၏။ သို့ဖြစ်၍ ကံတွေ မတူညီခြင်းသည် အစွဲမတူညီသောကြောင့်သာ ဖြစ်၏ဟု ပဋိစ္စသမုပ္ပါဒ်ဒေသနာတော်အရ နားလည်ရ၏။

အစွဲဘာကြောင့် မတူသနည်း။ အကြိုက်ချင်းမတူကြသောကြောင့်ဖြစ်၏ (တဏှာပစ္စယာ ဥပါဒါနံ)။ အချို့က အမြင်ကို ပိုကြိုက်၏၊ အချို့က အကြားကို ပိုကြိုက်၏။ အချို့က အနံ့ကို ပိုကြိုက်၏။ အချို့က အရသာကို ပိုကြိုက်၏။ အချို့က အတွေ့အထိကို ပိုကြိုက်၏။ အချို့က ဆိုက်ကိုဆန်ဆန် တွေးတောနေရသည်ကိုပိုကြိုက်၏။ အမြင်ကို ကြိုက်သည်ဆိုသော်လည်း သူကြိုက်သည့်အမြင်နှင့် ကိုယ်ကြိုက်သည့်အမြင်ချင်း တူလိမ့်မည်မဟုတ်။ သူက အစိမ်းရောင်ကြိုက်လျှင် ကိုယ်က စိမ်းနုရောင်ကြိုက်။ သူက ရှုပ်ရှုပ်ထွေးထွေး ကြိုက်လျှင် ကိုယ်က ခပ်ရှင်းရှင်း ကြိုက်။ သူက ခေတ်ဆန်ဆန် ၀တ်စားထားတာကြိုက်လျှင် ကိုယ်က မြန်မာဆန်ဆန်ကြိုက်။ သူက ပွဲလမ်းသဘင်ကြိုက်လျှင် ကိုယ်က ရုပ်ရှင်ကြိုက်၊ သူက ဘုရားဖူးရတာကြိုက်လျှင် ကိုယ်က ဘုရားစာဖတ်ရတာကြိုက် စသည်ဖြင့် ကွဲပြားလျက်ရှိနေကြ၏။ အချို့က သာသာယာယာပြောမှကြိုက်၏။ အချို့က ပြတ်ပြတ်သားသား ပြောမှကြိုက်၏။ အချို့က မြှောက်ပင့်ပြောမှ ကြိုက်၏။ အချို့က အမှန်ပြောမှ ကြိုက်၏။ အချို့က တီတီတာတာပြောတတ်မှကြိုက်၏။ အချို့က နှင်းဆီနံ့ပိုကြိုက်၊ အချို့ သနပ်ခါးနံ့ပိုကြိုက်၊ အချို့က ဒူးရင်းနံ့ပိုကြိုက်စသည်ဖြင့် မတူကြ။ အချို့က အငံ၊ အချို့က အခါး၊ အချို့က အချို၊ အချို့က အစပ် စသည်ဖြင့် အကြိုက်ချင်းမတူကြ။ အကြိုက်မတူပုံကို ကိုယ့်ဉာဏ်နှင့် ဖြန့်ကျက်စဉ်းစားကြည့်နိုင်သလောက် ကြည့်လိုက်ပါ။ အကြိုက်မတူ၍ အစွဲမတူခြင်းသာဖြစ်သည်။

အကြိုက်ဘာကြောင့်မတူသနည်း။ ခံစားမှုမတူသောကြောင့်ပင်ဖြစ်၏ (ဝေဒနာပစ္စယာ တဏှာ)။ အချို့က မျက်စိအရသာပိုခံစား၏။ အချို့က နား၊ အချို့ နှာခေါင်း၊ အချို့ လျှာ၊ အချို့က ကိုယ်၊ အချို့က စိတ်အရသာကို ပိုခံစား၏။ မျက်စိအရသာခံစားသူက ကြည့်ကောင်းအောင် အလှဆင်၏။ အလှကြည့်ရသည်ကို အားသာ၏။ အလှခံစားမှုတွင်လည်း တူညီလိမ့်မည်မဟုတ်။ သူလှသည်ဆိုသောအရာသည် ခံစားမှုခြင်း ခြားနားနေသဖြင့် ကိုယ့်အတွက် လှည်ချင်မှလှမည်ဖြစ်၏။ နားအရသာခံစားသူက အသံကောင်းကောင်း ကြားရအောင် ဖန်တီး၏။ ဂီတကို မြတ်နိုးသူများသည် အသံခံစားမှုတွင် အာသာနေသည်မှာ ထင်ရှား၏။ အချို့က သီချင်းနားထောင်ရသည်ကို အားသာ၏။ သီချင်းတွင်လည်း ခံစားမှုချင်းမတူသဖြင့် ကိုယ်ကြိုက်သည့်သီချင်း သူကြိုက်ချင်မှကြိုက်မည်ဖြစ်၏။ ဤသို့ စသည် စသည်။ ထိုသို့ အာရုံခံစားမှုမတူသည်မှာ အာရုံတွေ့ထိမှုမတူသောကြောင့်ပင်ဖြစ်၏ (ဖဿပစ္စယာ ဝေဒနာ)။ အာရုံတွေ့ထိမှုမတူသည်မှာ စိတ်မတူသောကြောင့်ဖြစ်၏ (သဠာယတနပစ္စယာ ဖေဿာ)။ မြင်ပုံချင်း ကြားပုံချင်းမတူ၊ နံပုံချင်း စားပုံချင်းမတူ၊ တွေထိပုံချင်း တွေးတောကြံစည်ပုံချင်းလည်းမတူ။ ဤသည်ကို စိတ်မတူဟု ဆိုလိုပါ၏။ အချို့က စားပွဲက ရှေ့က၊ နောက်ကထိုင်ခုံ၊ နောက်က ဘီရိုထားလိုက်လျှင် ပိုလှလာမည်ဟု မြင်၏။ အချို့က ဘီရို ထောင့်ကပ်ထားမှ လှမည်ဟုမြင်၏။ အချို့က သေနပ်ပစ်သံကို “ဒိုင်း”ဟုကြား၏။ အချို့က “ဗိုင်း”ဟုကြား၏။ အမြင်ချင်းမတူကြသဖြင့် တည်သည့်ဘုရားပင် တစ်ဆူနှင့်တစ်ဆူမတူ၊ အဆင်ချင်း ကွဲနေကြ၏။ အကြားချင်းမတူကြသဖြင့် ဂီတ သံစဉ်တွေ အမျိုးမျိုး တည်ထွင်နေကြရ၏။ အနံ့ခံပုံချင်းမတူကြသဖြင့် အနံ့မျိုးစုံထုတ်လုပ်နေကြရ၏။ လျှာအတွေ့ချင်းမတူကြသဖြင့် အစားအသောက် မျိုးစုံဖန်တီးနေကြရ၏။ တွေ့ထိပုံချင်းမတူကြသဖြင့် ဇိမ်ခံပစ္စည်းမျိုးစုံ ထုတ်လုပ်နေကြရ၏။ တွေးတောကြံစည်ပုံချင်းမတူကြသဖြင့် ဒဿန၊ ဘာသာအယူဝါဒ၊ ဖလော်ဆော်ဖီမျိုးစုံပေါ်ပေါက်လာရ၏။ ဥပမာ- Shopping Mall တစ်ခုတွင် ဆိုင်ပေါင်းမျိုးစုံ ပစ္စည်းပေါင်းမျိုးစုံ ရူပါရုံတို့ရှိနေရာတွင် ဈေးဝယ်သူတို့က တစ်မျိုးတည်းကိုသာ စုပေါင်းဝယ်ကြသည်မဟုတ်၊ သူကလဲ သူလိုရာ သူကြိုက်ရာ ၀ယ်မည်သာဖြစ်၏၊ ကိုယ်ကလည်း ကိုယ်လိုရာ ကိုယ်ကြိုက်ရာ ၀ယ်မည်သာဖြစ်၏။ ထိုသို့ အကြိုက်မတူသည်မှာ ခံစားမှုမတူ၊ အမြင်ချင်းမတူကြသောကြောင့်ဖြစ်သည်မှာ ထင်ရှားပါ၏။ ထိုသို့ အမြင်အကြား စသည်မတူညီသောကြောင့် တစ်ယောက်နှင့်တစ်ယောက် စိတ်ဓာတ်ချင်း မတူညီကြ။ စိတ်မတူညီသည်မှာ နာမ်နှင့် ရုပ်မတူညီသောကြောင့်သာဖြစ်၏ (နာမရူပပစ္စယာ သဠာယတနံ)။ နာမ်ရုပ်မတူညီကြသည်မှာ ဇာတိမတူသောကြောင့်သာဖြစ်၏ (၀ိညာဏပစ္စယာ နာမရူပံ)။ ဇာတိမတူညီကြသည်မှာ ကံမတူညီသောကြောင့်သာဖြစ်၏ (သင်္ခါရပစ္စယာ ၀ိညာဏံ)။

ဤသို့ ဘ၀အမြင်ဖြင့်ကြည့်လျှင် မတူညီသောအရာများကိုသာ တွေ့ရမည်ဖြစ်၏။ ဓမ္မအမြင်ဖြင့် ကြည့်လျှင်မူ တူညီသောတရားတို့ကိုသာ ပဋိစ္စသမုပ္ပါဒ်အင်္ဂါရပ်များအဖြစ်တွေ့ရမည်ဖြစ်၏။ မတူညီသောအရာများစွာမှ တူညီသောဓမ္မတို့ကို ကြောင်းကျိုးဆက်မိအောင် ချိတ်ဆက်ပြထားခြင်းဖြစ်၍ ပဋိစ္စသမုပ္ပါဒ်ဒေသနာတော်ကို ဘ၀ဖြစ်စဉ်ဟုခေါ်နိုင်ပါ၏။ ပုဂ္ဂိုလ် သတ္တ၀ါ နာမည်ပညတ် အမျိုးမျိုးတပ်၍ ဘ၀ဇာတ်စုံဖြစ်နေကြသည့် လောကကြီးကို ဓမ္မလမ်းကြောင်းဖြင့် ကျဉ်းလည်းကျဉ်း ရှင်းလည်းရှင်း မှန်လည်းမှန်ကန်နေသည့်တရားတော်အစဉ်အတန်းသည် ပဋိစ္စသမုပ္ပါဒ်ဒေသနာတော်ပင်ဖြစ်၏။ ထိုဒေသနာတော်ထဲမှ ဘ၀တွေ မတူကြခြင်းအကြောင်းကို အဖြေရှာကြည့်လျှင်မူ ကံမတူသောကြောင့်ဟုသာ အနှစ်ချုပ်အဖြေထုတ်ယူနိုင်မည်ဖြစ်ပါ၏ (သင်္ခါရပစ္စယာ ၀ိညာဏံ၊ ကမ္မဘ၀ပစ္စယာ ဇာတိ)။

ဒေါက်တာအရှင်ပါရမီ

သင်္ခါရတွင် သစ္စာမြင်ဖို့

မိလိန္ဒပဉှာပါဠိ၊ နိဗ္ဗာနလဘနပဉှာ - မှာ မိလိန္ဒမင်းကြီးက အရှင်နဂသိန်ကို `အရှင်ဘုရား လူတိုင်းနိဗ္ဗာန်ရောက်နိုင်သလား´(ဘန္တေ နာဂသေန သဗ္ဗေ၀ လဘန္တိ နိဗ္ဗာနံ) လို့ မေးတော့ အရှင်နာဂသိန်ပြန်ဖြေတဲ့ အဖြေလေးတွေနဲ့ ဆက်စပ်ဆွေးနွေးချင်ပါတယ်။ အရှင်နာဂသိန်ဖြေတော်မူတာက `မင်းကြီး- လူတိုင်းတော့ နိဗ္ဗာန်မရောက်ဘူး။ တရားကျင့်သောသူသည် သိရမယ့်တရားကို ထိုးထွင်း၍ ပိုင်းခြား၍ သိမယ်၊ ပယ်ရမယ့်တရားကို ပယ်မယ်၊ ပွားရမယ့်တရားကို ပွားမယ်၊ မျက်မှောက်ပြုရမယ့်တရားကို မျက်မှောက်ပြုမယ်ဆိုရင် ရောက်ပါတယ်´တဲ့။ အရှင်နာဂသိန်က ဘာဖြေလိုက်တာလဲဆိုရင် သစ္စာဖြေလိုက်တာပါ။ ပိုင်းခြားသိရမှာက ဒုက္ခသစ္စာ၊ ပယ်ရမှာက သမုဒယသစ္စာ၊ ပွားရမှာက မဂ္ဂသစ္စာ၊ မျက်မှောက်ပြုရမှာက နိရောဓသစ္စာ။ ဒီသစ္စာလေးပါး ထိုးထွင်းသိတဲ့သူ နိဗ္ဗာန်ရောက်မယ်၊ မသိသူ နိဗ္ဗာန်မရောက်ဘူးလို့ ဖြေတော်မူလိုက်တာပါပဲ။

သတိပဋ္ဌာန်လေးပါးထဲမှာ သစ္စာဆိုက်အောင် ရှုရတဲ့ သတိပဋ္ဌာန်က ဓမ္မာနုပဿာနသတိပဋ္ဌာန်ပါပဲ။ ဒိဋ္ဌိစရိုက်များပြီး ဉာဏ်ထက်မယ်ဆိုရင် ဓမ္မာနုပဿနာ ရှုဖို့ အဋ္ဌကထာဆရာ မိန့်တော်မူပါတယ်။ ခန္ဓာငါးပါး ဘယ်ခန္ဓာကို ရှုရှု သစ္စာမြင်တိုင်း ဓမ္မာနုပဿနာဖြစ်တယ်။ သစ္စာမြင်အောင် ရှုဖို့ အတွက် လူတိုင်းသန္တာန်မှာရှိတဲ့ ခန္ဓာငါးပါးကို သင်္ခါရတရားလို့ ရှေးဦးစွာမှတ်ထားလိုက်။ ခန္ဓာငါးပါးဟာ အလိုလိုပေါ်တာမဟုတ်၊ ပြုပြင်လို့ပေါ်လာရတာဖြစ်တယ်။ အကြောင်းတရားတို့က ပြုပြင်ပေးလိုက်လို့ ပေါ်လာရတဲ့ တရားဖြစ်လို့ သင်္ခါရတရားလို့ပြောတာ။ သင်္ခါရဆိုတာ ပြုပြင်ပေးလိုက်လို့ ပေါ်လာရတဲ့ တရားပဲ။ ရူပက္ခန္ဓာဆိုတဲ့ ရုပ်ဟာ ကံ၊ စိတ်၊ ဥတု၊ အာဟာရဆိုတဲ့ အကြောင်းတရားလေးပါးက အလျဉ်းသင့်သလို ပြုပြင်ပေးလို့ ပေါ်နေရတာဖြစ်တယ်။ ဖောက်ပြန်တတ်တဲ့ရုပ်ကို ဖောက်ပြန်အောင် ပြုပြင်ပေးနေတာက ကံ စိတ် ဥတု အာဟာရဆိုတဲ့ အကြောင်းတရားတွေပဲ။ ရုပ်တွေဟာ ကံကြောင့်လဲ ဖောက်ပြန်တတ်တယ်။ ကံကြောင့် အင်္ဂါမစုံဖြစ်နေတာ၊ ခန္ဓာကိုယ် ကြုံလှီနေတာ၊ ကျန်းမာရေး ညံ့ဖျင်းနေတာ စသည်ဟာ ကံကြောင့်ဖောက်ပြန်တာလို့သာ သာမန်မှတ်ထားလိုက်ပါ။ စိတ်လန်းနေတော့ ရုပ်ကတစ်မျိုး၊ စိတ်ဆိုးနေတော့ ရုပ်ကတစ်မျိုး စသည်ပြောင်းလဲနေတာက စိတ်ကြောင့်လဲဖောက်ပြန်တာပဲ။ အေးတဲ့ရာသီမှာရုပ်ကတစ်မျိုး၊ ပူတဲ့ရာသီမှာ ရုပ်ကတစ်မျိုး၊ အေးရင်အေးသလို ပူရင်ပူသလို ပြောင်းလဲနေတာဟာ ဥတုကြောင့်ဖောက်ပြန်နေတာပဲ။ ကောင်းကောင်းစားရတဲ့အခါမှာ ရုပ်ကတစ်မျိုး၊ မကောင်းတာစားရတဲ့အခါ ရုပ်ကတစ်မျိုး ဖြစ်နေတာ၊ ကိုယ်တည့်တာစားလိုက်ရင်တစ်မျိုး မတည့်တာစားလိုက်ရင် တစ်မျိုး ဖြစ်လာတာဟာ အာဟာရကြောင့် ရုပ်တွေ ဖောက်ပြန်နေတာပဲ။ နာမ်တရားတွေလဲ ရုပ်တွေလို ဖောက်ပြန်တာပါပဲ။ ဒါပေမယ့် နာမ်ဖောက်ပြန်တာက ရုပ်ဖောက်ပြန်တာလောက် မထင်ရှားဘူး။ ရုပ်ဖောက်ပြန်တာက မျက်စိနဲ့ မြင်ရလောက်အောင် ထင်ရှားလို့ ဖောက်ပြန်ခြင်းလက္ခဏာရှိတယ်လို့ သီသန့်ပြောထားတာ ဖြစ်တယ်။

ရုပ်တရားကတော့ အကြောင်းတရားလေးပါးက ပြုပြင်လို့ပေါ်တာ ဟုတ်ပြီ။ နာမ်တရားတွေကကော ဘယ်အကြောင်းတွေက ပြုပြင်ပေးလို့ ပေါ်လာရပါသလဲဆိုရင် ဒွါရနဲ့ အာရုံ အကြောင်းနှစ်ပါးပြုပြင်လို့ ပေါ်တယ်လို့မှတ်လိုက်။ ဥပမာ မျက်စိဆိုတာ စက္ခုဒွါရ၊ အဆင်းဆိုတာ ရူပါရုံ၊ ဒီ ဒွါရနဲ့ အာရုံနှစ်ခုပေါင်းမိရင် မြင်စိတ် စက္ခုဝိညာဏ်ဆိုတဲ့ နာမ်တရားပေါ်တယ်။

အကြောင်းတရား		အကျိုးတရား
ဒွါရ	အာရုံ	စိတ် (နာမ်)
မျက်စိ (စက္ခုဒွါရ)	အဆင်း (ရူပါရုံ)	မြင်စိတ် (စက္ခုဝိညာဏ်)
နား (သောတဒွါရ)	အသံ (သဒ္ဒါရုံ)	ကြားစိတ် (သောတ၀ိညာဏ်)
နှာခေါင်း (ဃာနဒွါရ)	အနံ့ (ဂန္ဓာရုံ)	နံစိတ် (ဃာန၀ိညာဏ်)
လျှာ (ဇိဝှါဒွါရ)	အရသာ (ရသာရုံ)	စားစိတ် (ဇိဝှါဝိညာဏ်)
ကိုယ် (ကာယဒွါရ)	တွေ့ထိစရာ (ဖောဋ္ဌဗ္ဗာရုံ)	ယားနာကောင်းစိတ်(ကာယ၀ိညာဏ်)
စိတ် (မနောဒွါရ)	ကြံတွေးစရာ (ဓမ္မာရုံ)	တွေးတောစိတ် (မနောဝိညာဏ်)

စိတ်တစ်ခုယုတ်ကိုးဆယ် အကျယ်တစ်ရာနှစ်ဆယ့်တစ်ပါး၊ စေတသိက် ငါးဆယ့်နှစ်ပါးဆိုတဲ့ နာမ်တရားတွေအားလုံးဟာ ဟောဒီ စိတ်ခြောက်မျိုးကနေ ပွားလာတဲ့ နာမ်တရားတွေချည်းပဲလို့ မှတ်ထားလိုက်ပါ။ ဒါကြောင့် နာမ်တရားတွေရဲ့အကြောင်းဟာ ဒွါရနဲ့ အာရုံ။ ဒွါရနဲ့ အာရုံကြောင့် နာမ်တရားတွေဖြစ်ပေါ်လာရတယ်။ ဒါကို ပြုပြင်တယ်လို့ ခေါ်တယ်။ အကြောင်းကြောင့် အကျိုးတရားတွေပေါ်လာတာကိုပဲ သင်္ခါရ၊ ပြုပြင်လို့ပေါ်လာတဲ့တရားလို့ မှတ်လိုက်ပါ။

အခုတလော အသစ်တွေ မရေးဖြစ်လို့ အဟောင်းလေးတွေပဲ ပြန်တင်နေရတယ်။ ဒေါက်တာအရှင်ပါရမီ

ဒိဋ္ဌိကွာ ၀ိစိကိစ္ဆာရှင်း

စိတ္တာနုပသဿနာရှုဖို့ မနေ့က ပြောထားခဲ့တော့ ဒီနေ့ ရှုပုံလေး နဲနဲဆက်ပြောမှ သင့်တော်မယ်။ ဒီတော့ ၀ိပဿနာရှုတယ်ဆိုတာ ဉာဏ်နဲ့စောင့်ကြည့်တဲ့အလုပ်ဖြစ်ပါတယ်။ စိတ္တာနုပဿနာရှုဖို့အတွက် ဘယ်စိတ်ပေါ်ပေါ် ပေါ်ချင်တဲ့စိတ် ပေါ်ပါစေ။ ဉာဏ်နဲ့သာ စောင့်ကြည့်လိုက်ပါ။ မြင်စိတ်၊ ကြားစိတ်၊ နံစိတ်၊ စားစိတ်၊ ယားနာကောင်းစိတ်၊ တွေးတောစိတ်၊ လိုချင်စိတ် (လောဘ)၊ ပြစ်မှားစိတ် (ဒေါသ)၊ မသိစိတ် (မောဟ)၊ ကုသိုလ်ပြုချင်စိတ် (အလောဘ)၊ မေတ္တာထားတဲ့စိတ် (အလောဘ)၊ လေကိုသွင်းသောစိတ်၊ လေကိုထုတ်သောစိတ် ဘယ်စိတ်လာလာ အကုန် ဉာဏ်နဲ့စောင့်ကြည့်။ ကြည့်လိုက်တော့ မရှိတော့ဘူး။ ပျက်သွားပြီ။ ပေါ်လာတာ သိတယ်၊ ကြည့်လိုက်တော့ မရှိ။ ပေါ်တာသိလိုက်တာက အဖြစ်ကို သိတာ၊ မရှိတာသိလိုက်တာက အပျက်သိတာ။ စောင့်ကြည့်လိုက်တော့ အဖြစ်နဲ့ အပျက် တွေ့လိုက်တာပဲ။ ဒါကို မိုးကုတ်ဆရာတော်ဘုရားကြီးက လွယ်လွယ်လေးနဲ့ မှတ်နိုင်အောင် `ဖြစ်ပျက်´လို့ ဟောတော်မူခဲ့တာပါ။ စိတ်တစ်ခုပေါ်လာတယ်၊ စောင့်ကြည့်လိုက်တယ်၊ အကြည့်မခံဘူး။ ဒါကြောင့် တကယ့်အရှိတရားက အကြည့်မခံဘူး။ ကြည့်လိုက်ရင် မရှိတော့ဘူး။ နောက်တစ်စိတ်ပေါ်၊ ဉာဏ်နဲ့ကြည့်လိုက်၊ မရှိတော့ဘူး။ ကြည့်လိုက်တော့ မရှိတာဟာ ဖြစ်ပြီး ပျက်သွားတာပဲလို့ ဘယ်စိတ်ပေါ်ပေါ် ပေါ်ချင်တဲ့စိတ်ပေါ်၊ ဖြစ်ပျက်သာ ရှုလိုက်ပါ။ အကြည့်ခံစိတ်လေးက ဖြစ်ပြီးပျက်သွားလို့ အနိစ္စ၊ ကြည့်လိုက်တဲ့ဉာဏ်လေးက မဂ္ဂ။ ၀ိပဿနာမဂ်ဖြစ်သွားတယ်။ ဖြစ်ပြီးပျက် အနိစ္စရောက်သွားတဲ့ စိတ်လေးက ဒုက္ခသစ္စာ၊ ကြည့်လို့ သိတာလေးက မဂ္ဂသစ္စာ၊ ဒီလို သစ္စာအထိဆိုက်သွားပါတယ်။ သစ္စာဆိုက်တော့ တဏှာ ဒိဋ္ဌိ ဥပါဒါန် ကံတွေ တဒင်္ဂချုပ်တယ်။ သေတယ်။ ဒါဆိုရင် ကိလေသာသေတဲ့နည်းတွေ့လိုက်တာပဲ။ ကိလေသာ သတ်နိုင်တဲ့လက်နက်ကို ကိုယ်တိုင်တွေ့လိုက်တာပဲ။ တဒင်္ဂသတ်နိုင်တဲ့နည်းတွေ့ပြီဆိုရင် ဒီနည်းနဲ့ပဲ အကြွင်းမဲ့သတ်ဖို့ ဆက်ကြိုးစားရလိမ့်မယ်ဆိုတာ သေသေချာချာမှတ်လိုက်ပါ။ ဒီမဂ္ဂင်နည်းမှတစ်ပါး ကိလေသာကို သေအောင်သတ်နိုင်တဲ့ အခြားနည်းလမ်းမရှိပါဘူး။

အခုဒီမှာ ရှုပုံကို ကြုံလို့ပြောလိုက်တာ။ ရှုတဲ့အပိုင်းကို ဦးစားပေး ပြောနေတာမဟုတ်သေးဘူး။ ဒိဋ္ဌိ အသိနဲ့ခွါနိုင်ဖို့အရေးကိုပဲ ဦးစားပေးပြောနေတာပါ။ အခု ဒိဋ္ဌိစရိုက်ရှိသူ ဒိဋ္ဌိဖြုတ်ချင်ရင် စိတ်ကို ရှုရမယ်လို့ပြောခဲ့တယ်။ စိတ်ဆိုတာ နာမ်တရား၊ စိတ်ဆိုတဲ့ နာမ်တရားကလဲ ရုပ်ကိုမှီပြီးမှပေါ်ရတယ်။ ရုပ်ကလဲ နာမ်ကိုမှီပြီးပေါ်ရတယ် (နာမံ နိဿာယ ရူပံ ပ၀တ္တတိ၊ ရူပံ နိဿာယ နာမံ ပ၀တ္တတိ)။ တစ်နည်းအားဖြင့် နာမ်က မှီတတ်တဲ့တရား၊ ရုပ်ကအမှီခံရတဲ့တရား (နိဿယ၊ နိဿိတ)။ ဥပမာပြောရရင် မြင်စိတ်ပေါ်တာဟာ မျက်စိအကြည်ဆိုတဲ့ စက္ခုပသာဒရုပ်ကိုမှီပြီးမှ ပေါ်ရတာ။ စိတ်က နာမ်၊ မျက်စိက ရုပ်။ နာမ်ဟာ ရုပ်ကိုမှီပြီးပေါ်ရတယ်။ မြင်စိတ်အတူပဲ ကြားစိတ်၊ နံစိတ်၊ စားစိတ်ဆိုတာတွေဟာလဲ ဆိုင်ရာဆိုင်ရာ ရုပ်ကိုမှီပြီးမှပေါ်ရတယ်လို့ နားလည်ပါ။ အကြည်ရုပ်ကိုမှီပြီး စိတ်နာမ်တွေပေါ်ရတယ်။ ရုပ်ကအမှီခံတရား၊ နာမ်က အမှီတရား။ မြင်စိတ်ပေါ်တာ ရုပ်ကိုမှီပြီး နာမ်ပေါ်လာတာပဲလို့ ကျကျနန နားလည်လိုက်ရင် ငါမြင်တယ်လို့ မထင်တော့ဘူး။ ရုပ်ကြောင့် နာမ်ပေါ်တာပဲ။ မျက်စိအကြည်နဲ့ အဆင်းရုပ်တို့ကြောင့် မြင်စိတ်နာမ်ပေါ်တာပဲလို့ သိနေမယ်။ ဒါဟာ ရုပ်နာမ်နှစ်ပါးသာ ရှိတယ်ဆိုတာ သိနေတာပဲ။ မြင်တော့လဲ ရုပ်နဲ့နာမ်ပဲ။ ကြားတော့လဲ ရုပ်နဲ့နာမ်ပဲ- စသည်ပေါ့။ နာမ်ကိုမှီပြီးရုပ်ပေါ်တာကိုတော့ ၀ိသုဒ္ဓိမဂ်မှာ ဥပမာပြထားတာ- သွားချင်စိတ်ကြောင့် သွားတယ်၊ စားချင်စိတ်ကြောင့် စားတယ်၊ ထိုင်ချင်စိတ်ကြောင့်ထိုင်တယ် စသည်ဖြင့်။ `-ချင်´တာက နာမ်၊ ချင်စိတ်ကြောင့်ပေါ်လာရတဲ့ သွား၊ စား၊ ထိုင် စသည့် အသွင်အပြင် ပုံပန်းဟန်ပန်တွေက ရုပ်။ ဒါဟာ နာမ်ကြောင့် ရုပ်ပေါ်တာ၊ နာမ်ကိုမှီပြီးမှ ရုပ်ပေါ်တာပဲ။ မြင်တော့လဲ ရုပ်နာမ်၊ ကြားတော့လဲ ရုပ်နာမ်၊ သွားတော့လဲ ရုပ်နာမ်၊ စားတော့လဲ ရုပ်နာမ်လို့သာ ဉာဏ်ထဲမှာ ရှင်းနေအောင်လုပ်ထားလိုက်ပါ။ ရုပ်နာမ်ကွဲတဲ့ နာမရူပပရိစ္ဆေဒဉာဏ်တက်လာတယ်။ ငါမြင်တာမဟုတ်၊ မြင်စိတ်က မြင်တာ၊ ငါကြားတာမဟုတ် ကြားစိတ်ကကြားတာ၊ ငါသွားတာမဟုတ် နာမ်နဲ့ ရုပ်က သွားတာ၊ ငါစားတာမဟုတ်၊ နာမ်နဲ့ ရုပ်က စားတာလို့ နားလည်လာတယ်။ ဒီလိုနားလည်လာတော့ အမြင်ရှင်းသွားတယ်။ နာမ်ရုပ်ကို အရှိအတိုင်း သိမြင်သဘောပေါက်လာလို့ ဒိဋ္ဌိစင်သွားတာပဲ (နာမရူပါနံ ယာထာဝဒဿနံ ဒိဋ္ဌိဝိသုဒ္ဓိနာမ)။ ဒါဟာ ရုပ်ကို ရုပ်လို့၊ နာမ်ကို နာမ်လို့ ကွဲကွဲပြားပြားသိလာလို့ ဒိဋ္ဌိကွာသွားတာပါ။ ရုပ်နာမ်မှမသိဘူးဆိုရင်တော့ ဒိဋ္ဌိမကွာနိုင်ပါဘူး။ (ရုပ်နာမ်မသိ၊ လူဒိဋ္ဌိ၊ ဖြစ်၏ဧကန်သာ)။

ဒိဋ္ဌိခွါပုံကို ပြောရင်း စိတ် မှီပြီးပေါ်တဲ့ဒိဋ္ဌိကို ပြောနေတာဖြစ်တော့ စိတ်ကိုပဲ ထပ်မံရှင်းပြပေးရမယ်။ အထက်မှာ ရုပ်နာမ်ကွဲလို့ ဒိဋ္ဌိစင်တဲ့ နာမရူပပရိစ္ဆေဒအဆင့်ကို ပြောခဲ့တယ်။ နောက်ဉာဏ်တစ်ဆင့် အတွက်လဲ မြင်စိတ်ကိုပဲ ဥပမာပေးပြီး ထပ်မံရှင်းပြမယ်။ မြင်စိတ်သည် အကြောင်းမဲ့ ဖြစ်နေတာမဟုတ်ပါ။ သူ့အကြောင်းကြောင့် ဖြစ်ပေါ်လာရတာသာ ဖြစ်တယ်။ မြင်စိတ်ဟာ အကြောင်းနှစ်ခု ကြောင့် ဖြစ်ပေါ်လာတာပဲ (ဒွယံ ဘိက္ခဝေ ဥပ္ပဇ္ဇတိ စက္ခုဝိညာဏံ)။ မျက်စိအကြည်က အကြောင်းတစ်ခု၊ မြင်စရာအဆင်းက အကြောင်းတစ်ခု။ ဒီအကြောင်းနှစ်ခု ပေါင်းစုမိမှ မြင်စိတ်ဆိုတာ ပေါ်ရပါတယ်။ တစ်နည်းအားဖြင့် စက္ခုပသာဒခေါ်တဲ့ မျက်စိအကြည်က ဒွါရ၊ မြင်စရာအဆင်းက အာရုံ၊ ဒွါရနဲ့ အာရုံပေါင်းဆုံမိလို့ မြင်စိတ်ပေါ်ရတာပါ။ မြင်စိတ်ဟာ အကြောင်းမဲ့ဖြစ်နေတာမဟုတ်။ မျက်စိနဲ့ အဆင်း၊ သို့မဟုတ် ဒွါရနဲ့ အာရုံဆိုတဲ့ အကြောင်းနှစ်ပါးကြောင့် ဖြစ်နေတယ်ဆိုတာ နားလည်လိုက်ရင် ပစ္စယပရိဂ္ဂဟဉာဏ်ရလာတယ်။ ပစ္စယပရိဂ္ဂဟဉာဏ်ဆိုတာ အကြောင်းကို သိမ်းဆည်းပြီး သိတဲ့ဉာဏ်ပါ။ မြင်စိတ်မှာလဲ အကြောင်း နှစ်မျိုးရှိသလို ကြားစိတ်စသည်မှာလဲ ဆိုင်ရာအကြောင်းတွေ အသီးသီးရှိကြပါတယ်။ ဒီအကြောင်းတွေကို နားလည်လာလို့ရှိရင် ပစ္စယပရိဂ္ဂဟဉာဏ်ရတယ်။ အကြောင်းကို ပိုင်ပိုင်နိုင်နိုင် ပိုင်းပိုင်းခြားခြား သိလိုက်တဲ့အခါ သံသယစိတ် ၀ိစိကိစ္ဆာစင်သွားတယ်။ မြင်စိတ်လေးက ဘယ်သူ့ကြောင့်များပေါ်လာတာလဲ ဆိုတဲ့ သံသယတွေ ပျောက်သွားတယ်။ အကြောင်း သိမှ သံသယဆိုတာ ပျောက်တာ။ ဥပမာ ညအမှောင်ထဲမှာ သစ်ငုတ်မဲမဲကြီးကို မြင်လိုက်ရတာနဲ့ တစ္ဆေခြောက်တယ်လို့ထင်နေမယ်။ သစ်ငုတ်ကို တစ္ဆေထင်နေတာ။ လက်နှိပ်မီးနဲ့ထိုးကြည့်လိုက်တဲ့အခါ အော် တစ္ဆေမဟုတ်၊ သစ်ငုတ်ကြီးပါလားဆိုပြီး သံသယရှင်း ကြောက်လန့်ခြင်းလဲ ကင်းသွားတယ်။ အခုလဲ ဒီအတိုင်းပဲ အကြောင်းကို ဉာဏ်လက်နှိပ်မီးနဲ့ ထိုးကြည့်လိုက်တော့ အော် မြင်စိတ်ပေါ်တာ အခြားကြောင့်မဟုတ်ဘူး၊ မျက်စိနဲ့ အဆင်းပေါင်းမိလို့ပေါ်တာပဲလို့ ရှင်းရှင်းလေး သိလိုက်ရတဲ့အခါမှာ ၀ိစိကိစ္ဆာ အလိုလိုစင်သွားတယ်။ (နာမရူပပရိစ္ဆေဒဉာဏ်= သက္ကာယဒိဋ္ဌိစင်။ ပစ္စယပရိဂ္ဂဟဉာဏ်= ၀ိစိကိစ္ဆာစင်) အခု ရှင်းလာရင်းနဲ့ နာမရူပပရိစ္ဆေဒဉာဏ်နဲ့ ပစ္စယပရိဂ္ဂဟဉာဏ်ဆိုတဲ့ ဉာဏ်နှစ်ဉာဏ်တက်လာပြီ။ နှစ်ဉာဏ်လုံးဟာ သိဖို့ ဉာဏ်တွေချည်းပဲ။ ပွားဖို့ဉာဏ်တွေ မပါသေးဘူး။ သမ္မသနဉာဏ်၊ ဥဒယဗ္ဗယဉာဏ်တွေကမှ အပွားဉာဏ်။

ဒေါက်တာအရှင်ပါရမီ

မူလနှစ်ဖြာ (မနေ့ကအဆက်)

ဒီတော့ ရှေ့စက်ဦးဆောင်နေတာက အ၀ိဇ္ဇာ၊ တဏှာက နောက်လိုက်။ နောက်စက်ဦးဆောင်နေတာက တဏှာ၊ အ၀ိဇ္ဇာက နောက်လိုက်။ သူတို့က တကယ်တော့ ခွဲခြားလို့မရဘူး။ တစ်ခုဖြစ်ရင် နှစ်ခုလုံးဖြစ်တာ (သဟဇာတ)။ ဒီလို စိတ်တူ ကိုယ်တူ ပူးပေါင်းပြီး သံသရာ အနေကြာရေးအတွက် ကြိုးပမ်းအားထုတ်ကြတဲ့ အကြောင်းရင်းမူလတရား နှစ်ပါးဖြစ်လို့ သူတို့ကို စက်ဝိုင်းကြီးရဲ့ အလယ်တဲ့တဲ့ ဗဟို ၀င်ရိုးတပ်တဲ့နေရာမှာ မိုးကုတ်ဆရာတော်ဘုရားကြီးက ထည့် ပြထားတာဖြစ်ပါတယ်။

မနေ့က ရှေ့စက်ကို ဥစ္ဆေဒဒိဋ္ဌိပယ်ဖို့၊ နောက်စက်ကို သဿတဒိဋ္ဌိပယ်ဖို့ ဘုရားဟောတော်မူရင်း ဖြစ်ကြောင်းတင်ပြခဲ့တယ်။ ဒီတော့ တစ်ဆက်တည်း ဒိဋ္ဌိဆိုတဲ့စကားလုံးနဲ့ ဆက်စပ်လို့ ထပ်မံရှင်းလင်းပေးဖို့ လိုအပ်လျက်ရှိနေတာ တွေ့ရပါတယ်။ ဒိဋ္ဌိက ဘယ်နှစ်မျိုးရှိလဲ၊ ဘာကြောင့် ဒိဋ္ဌိကို ပယ်ဖို့လိုအပ်သလဲ၊ ဒိဋ္ဌိရှိခြင်းနဲ့ မရှိခြင်းက ဘယ်လောက်ထူးခြားလဲ၊ ကိုယ့်သန္တာန်မှာ ဘယ်ဒိဋ္ဌိရှိနေတယ်ဆိုတာ ဘယ်လို အကဲခတ်နိုင်မလဲ စသည် သိထားမှ ပဋိစ္စသမုပ္ပါဒ်ကို လေ့လာရကျိုး နပ်ပါလိမ့်မယ်။

ရှေးဦးစွာ ဒိဋ္ဌိအမျိုးအစားတွေနဲ့ မိတ်ဆက်ပေးပါမယ်။ ဒိဋ္ဌိ (၆၂)မျိုးရှိတယ်ဆိုတာ ကြားဖူးကြမှာပါ။ ဒီ(၆၂)မျိုးလုံးကို အချိန်ကုန်ခံ လေ့လာနေစရာမလိုပါဘူး။ အရေးအကြီးဆုံး သိထားရမယ့် ဒိဋ္ဌိက သုံးမျိုးပဲ ရှိပါတယ်။

၁။ သက္ကာယဒိဋ္ဌိ

၂။ သဿတဒိဋ္ဌိ နှင့်

၃။ ဥစ္ဆေဒဒိဋ္ဌိ တို့ပါပဲ။

သက္ကာယဆိုတာ ခန္ဓာငါးပါးကို ပြောတာ။ အထင်အရှား ရှိတဲ့ ခန္ဓာငါးပါးကို ငါလို့ ထင်မြင်နေတာ၊ ဒီလို အထင်မှား အမြင်မှားတာက ဒိဋ္ဌိ။ ခန္ဓာငါးပါးက သက္ကာယ၊ အထင်အမြင်မှားတာက ဒိဋ္ဌိ၊ ပေါင်းလိုက်တော့ သက္ကာယဒိဋ္ဌိ။ ငါလို့ထင်မြင်ယူဆထားတဲ့ ခန္ဓာငါးပါးဟာ ခိုင်ခံ့နေတယ်၊ မပျက်မစီး တည်မြဲနေတယ်၊ မပြောင်းမလဲ နဂိုအတိုင်း ရှိနေတာပဲလို့ ကိုယ့်ကိုယ်ကို ထင်မြင်ယူဆထားတာဟာ သဿတဒိဋ္ဌိပါ။ မြဲတယ်လို့ ထင်မြင်ယူဆတဲ့ ဒိဋ္ဌိပဲ။ ငါလို့ထင်မြင်ယူဆထားတဲ့ ခန္ဓာငါးပါးဟာ ဒီဘ၀ ဒီမျှနဲ့ပဲ ပြတ်ပြီ။ နောက်ထပ်ဖြစ်မှာ မဟုတ်တော့ဘူးလို့ ထင်မြင်ယူဆထားတဲ့ဒိဋ္ဌိဟာ ဥစ္ဆေဒဒိဋ္ဌိပါ။ လုပ်ရဲရင် ခံရဲရမယ်၊ သတ်ရဲရင် သေရဲရမယ်ဆိုတဲ့ သဘောမျိုးတွေက ဥစ္ဆေဒဒိဋ္ဌိသမားတွေမှာ အဖြစ်များပါတယ်။

ဘာကြောင့် ဂင်္ဂါဝါဠု သဲစုမက ပွင့်တော်မူတဲ့ဘုရားတွေထံမှာ ကျွတ်တမ်းမ၀င်နိုင်ခဲ့တာလဲ။ ဘာကြောင့် အပါယ်ဘေး၊ မွဲဘေး၊ ကွဲဘေး၊ အိုဘေး၊ နာဘေး၊ သေဘေးတွေ တစ်ဘ၀ပြီးတစ်ဘ၀ ရင်ဆိုင်ခဲ့ရတာလဲ။ ဘာကြောင့် မဂ်ဉာဏ် ဖိုလ်ဉာဏ် ဒုက္ခခပ်သိမ်း အေးငြိမ်းလှပါတယ်ဆိုတဲ့ နိဗ္ဗာန်ကို မရခဲ့ကြတာလဲလို့ ကိုယ့်ကိုယ်ကို စစ်တမ်းထုတ်ကြည့်တဲ့အခါမှာ အခုပြောခဲ့တဲ့ ဒိဋ္ဌိသုံးမျိုးတစ်မျိုးမျိုး ရှိနေလို့ဆိုတဲ့ အဖြေထွက်ပါတယ်။ ဒိဋ္ဌိက မဂ်ဉာဏ် ဖိုလ်ဉာဏ်မရအောင် တားထားတော့ မဂ်ဖိုလ်နိဗ္ဗာန် အနံ့တောင် နံခွင့် မရခဲ့ပါဘူး။ ဒါကြောင့် မိုးကုတ်ဆရာတော်ဘုရားကြီးက ဒိဋ္ဌိကို `မဂ်တားဖိုလ်တားတရား´လို့ မိန့်တော်မူတာ။ ဒိဋ္ဌိကြောင့် နိဗ္ဗာန်မရတာ ဒါလောက်ဆို ရှင်းပါပြီ။ မဂ်ဖိုလ်မှ မရရင် နိဗ္ဗာန်ဆိုတာ ဘယ်နည်းနဲ့မှ မရနိုင်ပါဘူး။

ဒါပေမယ့် ဒိဋ္ဌိက မဂ်ဖိုလ် နိဗ္ဗာန်ကိုသာ တားတယ်၊ သုဂတိကိုတော့ မတားဘူး။ မိုးကုတ်ဆရာတော်ဘုရားကြီးရဲ့ စကားနဲ့ပြောရရင် `ဒိဋ္ဌိက နိဗ္ဗာန်ကို ကန့်ကွက်တယ်၊ သုဂတိကိုတော့ မကန့်ကွက်ဘူး´တဲ့။ ဒိဋ္ဌိတန်းလန်းနဲ့ ကုသိုလ်လုပ်၊ လူ့ပြည်လဲရောက်နိုင်တယ်၊ နတ်ပြည်လဲရောက်နိုင်တယ်။ သမထအားထုတ်ရင် ဗြဟ္မာ့ပြည်လဲ ရောက်နိုင်တာပဲ။ ဒီကုသိုလ်ကံ ကုန်သွားရင်တော့ ကိုယ့်ရဲ့ နေရာဟောင်းဖြစ်တဲ့ အပါယ်ထောင်ထဲ ပြန်ရောက်လာမယ် (စတ္တာရော အပါယာ သကဂေဟသဒိသာ)။ သုဂတိဘုံမှာသာ နေချင်တိုင်း နေလို့မရတာ၊ အပါယ်ဘုံကတော့ ထာဝရကြိုဆိုလျက်ပဲ။ ဘယ်သုဂတိဘုံမှ နေခွင့်မရဘူးဆိုရင် အပါယ်ဘုံကတော့ အမြဲကြိုဆိုနေတယ်။ ပြောချင်တာက ဒိဋ္ဌိရှိနေသရွေ့ အပါယ်နဲ့ အိုးစားမကွဲသေးဘူးဆိုတာပါပဲ။ ဒါကြောင့် ဒိဋ္ဌိကို `ငရဲမျိုးစေ့၊ အပါယ်မျိုးစေ့´လို့ မိုးကုတ်ဆရာတော်ဘုရားကြီးက စိပ်မိတိုင်း မိန့်တော်မူတာ။ ဒိဋ္ဌိရှိတဲ့ ဘ၀နဲ့ နေရသမျှတော့ သုဂတိရောက်တယ်၊ အပါယ်ကလွတ်တယ်ဆိုတာ ယာယီမျှသာ ကြာပါတယ်။ နောက် အကြောင်းတိုက်ဆိုင်ရင် မူရင်း ပြန်ရောက်သွားနိုင်တာပဲ။ ဒိဋ္ဌိကင်းလို့ မဟာသောတာပန်ဖြစ်လိုက်ပြီဆိုရင်တော့ ငရဲမီး အလိုလို ငြိမ်းသွားပါပြီ။ ကိုယ့်အတွက် ငရဲအိုးလဲ မရှိ၊ ငရဲမီးလဲမရှိ၊ ငရဲဘုံလဲမရှိ၊ အပါယ်ဘုံလဲ မရှိတော့ဘူး။ ကိုယ့်အတွက်သာမရှိတာ၊ သူများအတွက်တော့ ရှိနေမှာပဲ။ သူကိုယ်တိုင် မငြိမ်းသရွေ့ မသိမ်းဘူး။ ဒါကြောင့် ကိုယ့်ငရဲမီး ကိုယ်ငြိမ်းနိုင်အောင် လူ့ဘ၀ရောက်ခိုက် မလျော့သောဇွဲနဲ့ ကြိုးစားကြရမှာပါ။ ကိုယ့်အတွက်ပေါ်နေတဲ့ ငရဲမီးကို ကိုယ်မှ မငြိမ်းရင် ဘယ်သူမှ လာရောက်ငြိမ်းပေးနိုင်မှာ မဟုတ်ပါဘူး။

ကိုယ့်ငရဲမီးငြိမ်းဖို့အတွက် ဒိဋ္ဌိပြုတ်အောင်၊ အသိဉာဏ်၊ အပွားဉာဏ်တင်မကပဲ အပယ်ဉာဏ် (ပဟာနပရိညာ)နဲ့ ပြုတ်အောင် ကြိုးစားလိုက်မယ်ဆိုရင် မဟာသောတာပန်ဖြစ်ပြီး ကိုယ့်အတွက် ငရဲမီးတွေ အကုန်လုံး အပြီးတိုင် ငြိမ်းသွားပါပြီ။ ကိုယ့်အတွက် အပါယ်ဘုံမရှိတော့ဘူး။ (၃၁)ထဲက အပါယ်(၄)ဘုံလျော့သွားပြီ။ သံသရာလည်ဖို့အတွက် (၄)ဘုံလျော့သွားတော့ သံသရာနယ် ကျဉ်းလာတာပေါ့။ နယ်ကျဉ်းလာတယ်ဆိုပေမယ့် ကိုယ့်အတွက် အပါယ်ဘုံပျောက်သွားတာဟာ ၀မ်းသာစရာသာဖြစ်တယ်၊ ၀မ်းနဲစရာမဟုတ်ပါဘူး။ အပါယ်ဝဋ်ကျွတ်သွားတာကိုး။ မှန်ပါတယ်။ ဒိဋ္ဌိရှိလို့ အပါယ်ရောက်ရတာ။ ဒိဋ္ဌိဟာ အပါယ်မျိုးစေ့ (ဗီဇ/visa) ပဲ။ ဒိဋ္ဌိမပြုတ်သေးသရွေ့ အပါယ်ဗီဇာရှိနေတယ်။ မ၀င်ချင် ၀င်ချင် ၀င်ရမယ့်ဗီဇာ။ ဒိဋ္ဌိပြုတ်သွားရင်တော့ အပါယ်ဗီဇာ expire ဖြစ်သွားပြီ။ တစ်ခါ expire ဖြစ်ပြီး နောက်တစ်ကြိမ်လဲ ပြန်ထုလို့မရတော့ဘူး။ ဒါဆို ဒိဋ္ဌိကင်းတဲ့ဘ၀ ဘယ်လောက် ဒုက္ခတွေ သိမ်းသွားသလဲဆိုတာ ခန့်မှန်းလို့ရလောက်ပါပြီ။ ငရဲမီးတွေ ငြိမ်းသွားတာ၊ အပါယ်ဒုက္ခတွေ သိမ်းသွားတာ၊ အဆိုးသံသရာနယ်က အပြီးပြတ် ရုန်းထွက်ခွင့်ရသွားတာ ဒိဋ္ဌိကင်းလို့ဆိုတာ နားလည်လိုက်ပါ။ ဒါကြောင့် ဒိဋ္ဌိအကြောင်း နားလည်အောင်လုပ်ထား။ အပွားဉာဏ်နဲ့ မဖြုတ်ခင်မှာ အသိဉာဏ်နဲ့ အရင် ပြုတ်အောင် ဖြုတ်ထား။ ဖြစ်ပျက်နောက်မှလုပ်၊ အနိစ္စ ဒုက္ခနောက်မှလုပ်။ ဒိဋ္ဌိကို အသိဉာဏ်နဲ့ ပြုတ်အောင် အရင် လုပ်ပါ (ဉာတပရိညာ)။ ဒိဋ္ဌိကို အသိဉာဏ်နဲ့ ပြုတ်ရေးအတွက် ဦးစားပေးပြီး ပဋိစ္စသမုပ္ပါဒ်ဒေသနာကို ရှေးဦးစွာ နားလည်အောင်ကြိုးစားရပါတယ်။ လိုရင်း မှတ်လိုက်- (ဖြစ်ပျက်နောက်မှလုပ်၊ ဒိဋ္ဌိအရင်ဖြုတ်)။

ဒေါက်တာအရှင်ပါရမီ

မူလနှစ်ဖြာ

အ၀ိဇ္ဇာသည် အတိတ်အကြောင်းမူလ၊ တဏှာသည် ပစ္စုပ္ပန်အကြောင်းမူလ လို့ မှတ်လိုက်ပါ။ သံသရာမှာ အနေကြာဖို့ သူတို့နှစ်ပါး တစ်လှည့်စီ ခေါင်းဆောင်နေကြတာဖြစ်တယ်။ အတိတ်ဘ၀က အ၀ိဇ္ဇာခေါင်းဆောင်လုပ် တဏှာက နောက်လိုက်၊ ပစ္စုပ္ပန်ဘ၀မှာ တဏှာက ခေါင်းဆောင်လုပ် အ၀ိဇ္ဇာကနောက်လိုက်၊ ဒီလိုနဲ့ သံသရာကို မရှည် ရှည်အောင် ဆွဲဆန့်တတ်တဲ့တရားနှစ်ပါးဟာ အ၀ိဇ္ဇာနဲ့ တဏှာပါပဲ။

အ၀ိဇ္ဇာဟာ အဘိဓမ္မာအရှိတရားအနေနဲ့ ပြောရရင် မောဟ။ မသိတာဟာ မောဟ၊ သို့မဟုတ် အ၀ိဇ္ဇာ။ သစ္စာလေးပါးကို မသိတာ အ၀ိဇ္ဇာ။ သစ္စာလေးပါးသိရင် ၀ိဇ္ဇာ။ ဒါက လိုရင်းပြောတာ။ အတိအကျပြောရရင် အ၀ိဇ္ဇာရဲ့ မသိခြင်း (၈)ချက်ရှိတယ်။

၁။ ရှေ့အစွန်းကိုလဲ မသိ (ပုဗ္ဗန္တ)၊

၂။ နောက်အစွန်းကိုလဲ မသိ (အပရန္တ)၊

၃။ ရှေ့အစွန်း နောက်အစွန်းနှစ်ပါးကိုလဲ မသိ (ပုဗ္ဗန္တာပရန္တ)၊

၎။ ပဋိစ္စသမုပ္ပါဒ်ကိုလဲ မသိ၊

၅။ သစ္စာလေးပါးကိုလဲ မသိ။

မှတ်ချက်။ ။ ရှေ့(၄)ချက်နဲ့ သစ္စာလေးပါး မသိခြင်း (၄)ချက်ပေါင်း မသိ(၈)ချက်။

ရှေ့အတိတ်က ဘယ်တရားတွေကြောင့် ပစ္စုပ္ပန်ခန္ဓာရလာတာလဲ ဆိုတာ မသိတာ ရှေ့အစွန်း (ပုဗ္ဗန္တ) ကိုမသိတာပဲ။ ဘ၀နဲ့ပြောရရင် ရှေ့ဘ၀ကို မသိတာ။ စက်ဝိုင်းထောက်ပြရမယ်ဆိုရင် အကွက်နံပါတ် (၁)ကို မသိတာ။ လာမယ့်ဘ၀၊ နောက်ဘ၀ကို မသိတာ နောက်အစွန်း (အပရန္တ) ကိုမသိတာပါ။ စက်ဝိုင်း အကွက်နံပါတ် (၄)ကို မသိတာ။ ရှေ့ရော နောက်ရော မသိတဲ့အခါကျတော့ ရှေ့အစွန်း နောက်အစွန်း (ပုဗ္ဗန္တာပရန္တ) နှစ်ပါးကို မသိတာပဲ။

စက်ဝိုင်းကို အထက်အောက် အလယ်တည့်တည့်ကနေ ဇောက်ထိုး မြားတစ်ကြောင်း ဆွဲ၊ နှစ်ပိုင်း ခွဲခြားပြီးပြောရမယ်ဆိုရင် အကွက် (၁)နဲ့ (၂)ကတစ်ပိုင်း၊ ဇောက်ထိုး မြားရဲ့ ယာဘက်ကအပိုင်းပေါ့။ အကွက် (၃)နဲ့ (၄)က တစ်ပိုင်း၊ ဇောက်ထိုးမြားရဲ့ ၀ဲဘက်အပိုင်းပေါ့။ အကွက် (၁)မှာရှိတဲ့ အ၀ိဇ္ဇာနဲ့ သင်္ခါရကြောင့် အကွက် (၂)မှာရှိတဲ့ ၀ိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာဆိုတဲ့ ခန္ဓာ ငါးပါးရလာတာ။ ဆိုလိုတာက အ၀ိဇ္ဇာ သင်္ခါရကြောင့်သာ လက်ရှိ ခန္ဓာကြီးရလာတာ။ ဟောဒီခန္ဓာကြီးဖြစ်ပေါ်ခြင်းရဲ့ အကြောင်းဟာ အ၀ိဇ္ဇာနဲ့ သင်္ခါရပဲ။ နတ်ကဖန်ဆင်းလိုက်တာလဲ မဟုတ်ဘူး။ ဗြဟ္မာကဖန်ဆင်းလိုက်တာလဲ မဟုတ်ဘူး။ ထာဝရဘုရားက ဖန်ဆင်းလိုက်တာလဲ မဟုတ်ဘူး။ အ၀ိဇ္ဇာ သင်္ခါရကြောင့် ဖြစ်လာတာ။ အ၀ိဇ္ဇာ သင်္ခါရကြောင့် လက်ရှိခန္ဓာကြီး ရရှိနေပြီ၊ ပိုင်ဆိုင်နေပြီမို့ အ၀ိဇ္ဇာ သင်္ခါရဆိုတဲ့ အကွက်(၁)ရယ်၊ ၀ိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာဆိုတဲ့ အကွက် (၂)ရယ်ကို ပေါင်းပြီး ရှေ့စက် (ပုဗ္ဗန္တစက်) လို့ အမည်ပေးလိုက်ပါ (၁+၂=ရှေ့စက်)။ စက်ဝိုင်းကြီးရဲ့ ယာဘက်ခြမ်းကို ရှေ့စက်လို့ခေါ်တာပါပဲ။ ဟောဒီ ရှေ့စက်ကို မသိတာဟာလဲ အ၀ိဇ္ဇာပါပဲ (ပုဗ္ဗန္တ)။ ရှေ့စက်မှာ ပထမဦးဆုံးတွေ့ရတဲ့ တရားက ဘယ်သူလဲဆိုရင် အ၀ိဇ္ဇာ။ ဒါကြောင့် ရှေ့စက်ကို ဘယ်သူဦးဆောင်နေလဲဆိုရင် အ၀ိဇ္ဇာ ဦးဆောင်နေတယ်ဆိုတာ တွေ့ရပါလိမ့်မယ်။ အ၀ိဇ္ဇာခေါင်းဆောင်ပြီးတော့ ရှေ့သံသရာ အနေကြာအောင် လှည့်ခဲ့ပြီ။ ဒါကြောင့် အဲဒီ အ၀ိဇ္ဇာကို သံသရာရဲ့ မူလတစ်ဖြာလို့ မှတ်လိုက်ပါ။

ဒီဘ၀မှာ ဝေဒနာတွေ ခံစားလို့ တဏှာဘက်အကူးကို ပြတ်အောင် မဖြတ်နိုင်ဘူးဆိုရင် တဏှာ၊ ဥပါဒါန်၊ ကမ္မဘ၀ဆိုတဲ့ အကွက်(၃)က ပေါ်လာဦးမှာ အသေအချာပါပဲ။ အကွက် (၃)ပေါ်လို့ ကံတွေ ရှိနေသမျှကာလပတ်လုံး နောက်ဘ၀ မလိုချင်လို့ ရကိုမရပါဘူး။ နောက်ဘ၀ ရတော့ ဇာတိ ဇရာမရဏကလဲ လာကို လာရမှာပါ။ ဒါဆို အကွက် (၄) ပေါ်မှာ သေချာပြီပေါ့။ အကွက် (၃) မပြတ်သရွေ့ အကွက် (၄) မလာဘဲကို နေလို့ မရပါဘူး။ ဒီတော့ တဏှာ၊ ဥပါဒါန်၊ ကမ္မဘ၀ ဆိုတဲ့ (၃)အကွက်ရယ်၊ ဇာတိ ဇရာမရဏဆိုတဲ့ (၄)အကွက်ရယ်ကို နောက်စက် (အပရန္တစက်) လို့အမည်ပေးလိုက်ပါ (၃+၄= နောက်စက်)။ စက်ဝိုင်းကြီးရဲ့ ၀ဲဘက်ခြမ်းကို နောက်စက်လို့ ခေါ်တာပါပဲ။ ဟောဒီနောက်စက်ကို မသိတာဟာလဲ အ၀ိဇ္ဇာပါပဲ (အပရန္တ)။ နောက်စက်မှာ ပထမဦးဆုံးတွေ့ရတဲ့ တရားက ဘယ်သူလဲဆိုရင် တဏှာ၊ ဒါကြောင့် နောက်စက်ကို ဘယ်သူဦးဆောင်နေလဲ ဆိုရင် တဏှာဦးဆောင်နေတာ တွေ့ရပါလိမ့်မယ်။ တဏှာခေါင်းဆောင်ပြီး နောက်သံသရာကို အနေကြာအောင် လှည့်မှာပါ။ ဒါကြောင့် အဲဒီတဏှာကို သံသရာရဲ့ မူလတစ်ဖြာလို့ မှတ်လိုက်ပါ။ အ၀ိဇ္ဇာက မူလတစ်ဖြာ၊ တဏှာက မူလတစ်ဖြာ။ မူလနှစ်ဖြာ ပြည့်သွားပြီပေါ့။

မသိတာ အ၀ိဇ္ဇာဆိုတာ အကျဉ်းအားဖြင့် စက်ဝိုင်းကြီးရဲ့ ရှေ့စက်မသိတာ၊ နောက်စက်မသိတာ၊ ရှေ့စက်ရော နောက်စက်ပါမသိတာ၊ ပဋိစ္စသမုပ္ပါဒ်မသိတာ၊ သစ္စာလေးပါးမသိတာပါပဲ။ နောင်အလျဉ်းသင့်တဲ့နေရတွေမှာ ထပ်မံ ရှင်းလင်းပေးမှာပါ။ ဒီနေရာမှာ ထပ်လောင်းဖြည့်စွက်ပေးချင်းတာက မသိတဲ့ အ၀ိဇ္ဇာရှိသလို သိတဲ့ အ၀ိဇ္ဇာဆိုတာလဲ တစ်ဘက်တစ်လမ်းက ရှိနေပါတယ်။ သိသင့်တာကို မသိတာဟာ အ၀ိဇ္ဇာဖြစ်သလို၊ မသိသင့်တာကို သိနေတာဟာလဲ အ၀ိဇ္ဇာပါပဲ။ ဥပမာအားဖြင့် အမှန်ရှိ ရုပ်နာမ်ကိုသိရမှာ အမှန်အတိုင်းမသိဘဲ ပုဂ္ဂိုလ်အဖြစ်သိနေရင် သိသင့်တာကို မသိတာပါ။ ပုဂ္ဂိုလ်ဖြစ်စဉ်အနေနဲ့တော့ သိတယ်။ ဓမ္မဖြစ်စဉ်အနေနဲ့ မသိဘူး။ သိသင့်သိထိုက်တဲ့ သစ္စာလေးပါးသိရမှာ မသိတာ၊ ပဋိစ္စသမုပ္ပါဒ်တရား သိရမှာ မသိတာမျိုးတွေဟာ သိသင့်တာမသိ၊ ဓမ္မဖြစ်စဉ်ကို မသိတဲ့ အ၀ိဇ္ဇာပါ။ ဥပမာတစ်မျိုးအနေနဲ့ ပုဂ္ဂိုလ် သတ္တ၀ါလို့ မသိရဘဲ ရုပ်နာမ်လို့ သိရမှာကို ပုဂ္ဂိုလ် သတ္တ၀ါလို့ သိနေတာမျိုးဟာ မသိသင့်တာကို သိ၊ ပုဂ္ဂိုလ်ဖြစ်စဉ်အနေနဲ့ သိနေတာပါ။ အ၀ိဇ္ဇာက မသိဘူးဆိုပေမယ့် သူသိတာရှိတယ်။ အသေမလွတ်တဲ့ လမ်းကို သူ သိတယ်။ အသေလွတ်တဲ့လမ်းကိုတော့ အ၀ိဇ္ဇာက သိခွင့်မပေးဘူး။ ဖုံးအုပ်ထားတယ်။ အသေလွတ်တဲ့လမ်းကို အ၀ိဇ္ဇာက ဖုံးအုပ် ကာကွယ်ထားလို့ တစ်သံသရာလုံး အသေလမ်းချည်း လှည့်ခဲ့ရတာ။ အသေလမ်းနဲ့ချည်း ခရီးနှင်ခဲ့ကြရတာ။ ဒါလဲ အ၀ိဇ္ဇာရဲ့ လှည့်စားချက်တစ်မျိုးပါပဲ။ ဒါကြောင့် မသိတဲ့ အ၀ိဇ္ဇာ ရှိသလို သိတဲ့ အ၀ိဇ္ဇာလဲ ရှိတယ်ဆိုတာ မှတ်လိုက်ပါ။ ဘာကိုသိတာလဲဆိုရင် သိသင့်တာ မသိဘဲ မသိသင့်တာကို သိနေတာ၊ ဓမ္မဖြစ်စဉ်ကို မသိဘဲ ပုဂ္ဂိုလ်ဖြစ်စဉ်ကိုသိနေတာ၊ အသေလွတ်တဲ့လမ်းကို မသိဘဲ အသေမလွတ်တဲ့လမ်းကိုသိနေတာဟာ အ၀ိဇ္ဇာပါပဲ။

ရှေ့စက်ရဲ့ ခေါင်းဆောင်က အ၀ိဇ္ဇာ၊ နောက်စက်ရဲ့ ခေါင်းဆောင်က တဏှာပေါ့။ စက်နှစ်စက်ရဲ့ နှစ်ဌာနမှာ အသီးသီး တစ်ခုစီရပ်တည်နေကြတဲ့အတွက် လင်္ကာ နောက်ပိုင်းမှာ `နှစ်ရပ်မူလ´ လို့ စပ်ဆိုထားတာတွေ့ရမယ်။ တစ်နည်းအားဖြင့် ရှေ့စက်မှာ အ၀ိဇ္ဇာဦးဆောင်လို့ မူလနှစ်ဖြာအရ အ၀ိဇ္ဇာကိုရှေ့ထား၊ နောက်စက်မှာ တဏှာဦးဆောင်လို့ နှစ်ရပ်မူလအရ တဏှာကို ရှေ့ထားတယ်လို့ ယူဆကြတယ်။ လိုရင်းကတော့ အတူတူပါပဲ။

ရှေ့စက်နဲ့ နောက်စက်နှစ်ခု ပေါင်းလိုက်တော့ အ၀ိုင်းကြီးဖြစ်သွားလို့ `စက်ဝိုင်း´လို့ခေါ်တယ်။ တစ်နည်းအားဖြင့် စက်နှစ်ခု ဆက်လိုက်တော့ အ၀ိုင်းကြီးဖြစ်သွားလို့ `ဆက်ဝိုင်း´လို့လဲ ခေါ်နိုင်သလို့ စက်နှစ်ခုစပ်လိုက်တဲ့အခါ အ၀ိုင်းကြီးဖြစ်သွားတော့ `စပ်ဝိုင်း´လို့လဲ ခေါ်နိုင်တယ်။ ဒါဖြင့် ရှေ့စက်ကို ဘယ်သူတွေအတွက်ဟောတာလဲဆိုရင် ဒိဋ္ဌိစရိုက်သမားတွေအတွက်ဟောတယ်။ ဘာအတွက် ဟောလဲဆိုရင် ဥစ္ဆေဒဒိဋ္ဌိကို ပယ်ဖို့အတွက်ဟောတယ်။ နောက်စက်ကို ဘယ်လိုလူတွေအတွက် ဟောတာလဲဆိုရင် တဏှာစရိုက်သမားတွေအတွက်ဟောတယ်။ ဘာအတွက် ဟောတာလဲဆိုရင် သဿတဒိဋ္ဌိကို ပယ်ဖို့ဟောတယ်လို့ မှတ်ထားပါ။

စက်ဝိုင်းကြီးကို လေးပိုင်းပိုင်းလိုက်တော့ အကွက်(၄)ကွက်ပေါ်လာတယ်။ အဲဒီမှာ အမှတ်(၁)အကွက်က အ၀ိဇ္ဇာနဲ့ သင်္ခါရ။ အ၀ိဇ္ဇာက သစ္စာ(၄)ပါးကို မသိတာ။ ခန္ဓာ ငါးပါးကို ဆင်းရဲခြင်း ဒုက္ခသစ္စာလို့ မသိတာ၊ ဒုက္ခသစ္စာရခြင်းရဲ့အကြောင်းတဏှာ သမုဒယသစ္စာကို မသိတာ၊ ဒုက္ခချုပ်ရာ နိရောဓသစ္စာကိုမသိတာ၊ ဒုက္ခချုပ်ရာ နိဗ္ဗာန်သို့ရောက်ကြောင်း အကျင့်မဂ္ဂသစ္စာကိုမသိတာ။ ဒီလိုမသိတော့ ခန္ဓာ ရတာ ကောင်းတယ်လို့အမှတ်မှားပြီး ဒိဋ္ဌိဝင် တဏှာနဲ့ နောင်ဘ၀ နောင်ခန္ဓာကိုတောင့်တ၊ ကုသိုလ်တွေလုပ်တော့ သင်္ခါရဆိုတာ ဖြစ်လာတာပေါ့။ ဒါနဲ့ ကိုယ်လိုချင်တဲ့ လူ့ဘ၀ လူ့ခန္ဓာကြီး ရလာရော။ အမှတ် (၂) အကွက်က ၀ိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ ဆိုတဲ့ ခန္ဓာငါးပါးတရားတွေ ဖြစ်ပေါ်လာတော့တာပါပဲ။ ဒါဆို ခန္ဓာငါးပါး ဖြစ်ပေါ်လာရခြင်းရဲ့အကြောင်းဟာ အ၀ိဇ္ဇာဦးစီးပြီးလုပ်တဲ့ သင်္ခါရဆိုတာ ထင်ရှားပြီ။ အကွက်အနေနဲ့ ပြောရင် (၁)အကွက်ကြောင့် (၂)အကွက် ခန္ဓာငါးပါးရတယ်။ အကြောင်းကြောင့် အကျိုးဖြစ်တယ်ဆိုတာ ဉာဏ်ရှင်းတော့ ဒိဋ္ဌိသေတယ်။ အသိနဲ့ သေတာ။ အကြောင်းထဲမှာလဲ ပုဂ္ဂိုလ်မပါ၊ အကျိုးထဲမှာလဲ ပုဂ္ဂိုလ်မပါ။ ကိုယ့်ကိုယ်ကို ငါ၊ သူတစ်ပါး၊ ပုဂ္ဂိုလ်၊ လူ၊ နတ်လို့ ထင်ခဲ့တာတွေ ပျောက် ခန္ဓာငါးပါး ရုပ်နာမ်တရားပဲလို့ အမှန်အရှိကို သိတော့ သမ္မာဒိဋ္ဌိဖြစ်လာတယ်။

အ၀ိဇ္ဇာ သင်္ခါရသည် ကာလအနေဖြင့်ကြည့်တော့ အတိတ်ကာလ။ ပြီးခဲ့ပြီ။ အရင်ဘ၀ အရင်ခန္ဓာမှာဖြစ်ခဲ့တဲ့တရားတွေ။ ဒါပေမယ့် ဖြစ်ပြီး ပျက်၊ ဒီဘက်ဘယ်လိုမှ မဆက်တော့ဘူလားဆိုတော့ ဒီလိုလဲ မဟုတ်ဘူး။ ဖြစ်ပျက်ပြီး ပြတ်မသွားဘူး၊ ဒီဘက်ကို အကြောင်းအဖြစ်နဲ့ လာပံ့ပိုးတော့ ဒီဘ၀ ခန္ဓာငါးပါးရလာတယ်။ အတိတ်အကြောင်းကြောင့် ပစ္စုပ္ပန်မှာ အကျိုးလာပေါ်တယ်လို့ သိလိုက်တဲ့အခါ အော် အရင်ဘ၀ ရုပ်နာမ်ဟာ ဖြစ်ပျက်ပြီး ပြတ်သွားတယ်ထင်ခဲ့ပေမယ့် မပြတ်ဘူး။ ဒီဘက်ဘ၀မှာ ၀ိညာဏ်အဖြစ်နဲ့ အကျိုးလာပေါ်ပါလားဆိုတဲ့ အသိက အပြတ်လို့ ယူတဲ့ ဥစ္ဆေဒဒိဋ္ဌိကို ပယ်လိုက်တာဖြစ်တယ်။ ဒါကြောင့် ရှေ့စက်ကို ဥစ္ဆေဒဒိဋ္ဌိသမားတွေအတွက် ဟောတယ်လို့ စောစောကပြောခဲ့တာ။ တစ်ဆက်တည်း အကြောင်းထဲမှာ ဉာဏ်ရှင်းတော့ ၀ိစိကိစ္ဆာ စင်တယ်။ ဘယ်လိုစင်တာလဲ ဆိုရင် အ၀ိဇ္ဇာ သင်္ခါရကြောင့် ခန္ဓာရလာတယ်လို့သာ လက်ခံလိုက်ရင် သိကြား ဗြဟ္မာ ဘုရားလာဖန်ဆင်းတာလားဆိုတဲ့ သံသယ ၀ိစိကိစ္ဆာ အလိုလိုသေတယ်။

အရင်တင်ပြီးသား ပို့စ်အဟောင်းကို ပြန်တင်လိုက်သည်။ ဒေါက်တာအရှင်ပါရမီ

ဘ၀ကပေးသော အမှန်တရား

စက်ဝိုင်းအကွက် နံပါတ်(၁)သည် လက်ရှိခန္ဓာဖြစ်ကြောင်း၊ အကွက်(၂)လက်ရှိခန္ဓာဖြစ်ကျိုးကို ပြထားခြင်းဖြစ်၏။ သို့ဖြစ်လျှင် ပုဂ္ဂိုလ် သတ္တ၀ါ ခေါ်ဆိုနေကြသည့် ခန္ဓာငါးပါးသည် အကြောင်းကြောင့် ဖြစ်ပေါ်လာရသော အကျိုးပင်ဖြစ်၏။ အကြောင်းတရားတို့တွင် အ၀ိဇ္ဇာသည် ကိလေသာဖြစ်၍ ကိလေသ၀ဋ်၊ သင်္ခါရသည် ကံဖြစ်၍ ကမ္မ၀ဋ်ဖြစ်၏။ လက်ရှိခန္ဓာငါးပါးသည် ထိုဝဋ်နှစ်ပါးကြောင့်ဖြစ်ပေါ်လာရသော အကျိုးတရားဖြစ်၍ ၀ိပါက၀ဋ်ဖြစ်၏။ ဒေသနာစဉ်အရ ကိလေသ၀ဋ်ကြောင့် ကမ္မ၀ဋ်ပေါ်၊ ကမ္မ၀ဋ်ကြောင့် ၀ိပါက၀ဋ်ပေါ်လာရခြင်းဖြစ်သည်ဟု ၀ဋ်သုံးပါးအမြင်ဖြင့်လည်း သိထားရမည်ဖြစ်၏။

သစ္စာဆိုက်သည့်အသိတရား မပေါ်သေးသရွေ့ အ၀ိဇ္ဇာ ဦးစီးနေပါ၏။ အ၀ိဇ္ဇာဦးစီးနေသရွေ့ လုပ်သမျှ ကံဖြစ်နေ၏။ ကံဖြစ်နေသရွေ့ ကံ၏ အကျိုးတရားတို့သည်လည်း ဖြစ်ပေါ်လာမည်မှာ မလွဲဧကန်ဖြစ်၏။ ခေါင်းဆောင်ကိလေသာသည် အ၀ိဇ္ဇာနှင့် တဏှာဖြစ်၏။ အတိတ်သံသရာတွင် အ၀ိဇ္ဇာက ခေါင်းဆောင်ခဲ့ပြီး ပစ္စုပ္ပန်သံသရာတွင် တဏှာက ခေါင်းဆောင်နေ၏။ အတိတ်တွင် အ၀ိဇ္ဇာက ခေါင်းဆောင်၊ တဏှာက နောက်လိုက်ဖြစ်၏။ ပစ္စုပ္ပန်တွင် တဏှာက ခေါင်းဆောင် အ၀ိဇ္ဇာက နောက်လိုက်ဖြစ်၏။

သဗ္ဗေ သင်္ခါရာ ဒုက္ခာ- အရာရာတိုင်းသည် ဒုက္ခသာဖြစ်၏။ ဖြစ်သည့်တရားတိုင်း ပျက်ရသည်သာ ဖြစ်သောကြောင့် ဒုက္ခဟု ဆိုရခြင်းဖြစ်၏။ ဆင်းရဲပင်ပန်းသမျှကိုသာ ဒုက္ခဟု ဆိုသည်မဟုတ်။ ဖြစ်ပျက်သဘောတရားရှိနေ၍ ဒုက္ခဟုဆိုရခြင်းဖြစ်၏။ အချို့က ဗုဒ္ဓ၀ါဒသည် အဆိုးမြင်ဝါဒဟု စွတ်စွဲတတ်ကြ၏။ စင်စစ်မှာ အဆိုးမြင်ခြင်းမဟုတ်၊ အမှန်မြင်ခြင်းသာ ဖြစ်၏။ ဖြစ်လာသည့်အရာတိုင်း ပျက်ခြင်းတွင်သာ ဆုံးရ၏။ သစ်နေသည့်အရာတိုင်း ဟောင်းနွမ်းခြင်းတွင်သာ ဆုံးရ၏။ ပေါ်လာသမျှ ပျောက်ခြင်းတွင်သာ အဆုံးရှိ၏။ ဆုံတွေ့နေရသမျှသည်လည်း ခွဲခွါမှုတွင်သာ ဆုံးရ၏။ လူ့အလိုဆန္ဒ နတ်မလိုက်နိုင်။ သိကြားလည်းမလိုက်နိုင်၊ ဘုရားလည်း မလိုက်နိုင်။ သဗ္ဗေ သင်္ခါရာ အနိစ္စာ- အရာရာတိုင်းသည် ဖြစ်ပြီးပျက်နေသောကြောင့် မမြဲ။ လူသားတို့သည် အနိစ္စ- မမြဲသည့်အရာတိုင်းကို အတတ်နိုင်ဆုံး ခိုင်အောင် မြဲအောင် ကြိုးစားနေကြရ၏။ ရာထူးကောင်းကောင်း ရထားလျှင် ထိုရာထူး မြဲဖို့ ကြိုးစားကြရ၏။ အလုပ်ကောင်းကောင်း ရထားလျှင် ထိုအလုပ် မပြုတ်ဖို့ ကြိုးစားကြရ၏။ ကိုယ့်မှာရှိသည့် ကား၊ စက် စသည့် ပစ္စည်းများကိုလည်း အကောင်းအတိုင်းသာ အမြဲရှိနေစေလို၏။ သို့သော် ကိုယ့်ဆန္ဒအတိုင်း ဖြစ်သည်လည်း ရှိသကဲ့သို့ မဖြစ်သည်လည်း ရှိ၏။ နောက်ဆုံးတော့ ကိုယ့်ဆန္ဒကို သွေဖီသွားပြီး သူ့ဆန္ဒအတိုင်း ပျက်စီးခြင်းတွင် အဆုံးသတ်ကြရသည်သာဖြစ်၏။

ဤအရှင် ငယ်စဉ်က ကလေးပျော် ပျော်ခဲ့သည်ကို မှတ်မိနေသေး၏။ မိဘတွေ ညီအစ်ကို မောင်နှမတွေကြားတွင် နေရသဖြင့် စားစရာလည်း မပူရ၊ ၀တ်စရာလည်း မပူရ။ တစ်ကိုယ်ရေ သန့်ရှင်းရေးကအစ အမေက ဂရုစိုက်ပေး၏။ အစ်မတွေက ဂရုစိုက်ပေး၏။ ခေါင်းပင် ကိုယ်တိုင် ဖီးလိမ်းနေစရာမလို။ အင်္ကျီအ၀တ်အစားများကိုလည်း သေသေသပ်သပ်ဖြစ်အောင် သူတို့ ဂရုစိုက်ဆင်ပေးကြ၏။ ထိုအလုပ်များသည် ကိုယ်လုပ်ရမည့် အလုပ်လို့ပင် မထင်မှတ်တော့။ ကိုယ်ဝတ်ချင်သည့် အင်္ကျီလေး မလျှော်ရသေးလျှင်ပင် စိတ်တိုလေ့ရှိ၏။ ကိုယ့်စိတ်ဆန္ဒအတိုင်းပင် သူတို့ လျှော်ပေးကြပါ၏။ ဤသို့ မိဘ ညီအစ်ကို မောင်နှမ အသိုက်အအုံကြားမှာ မိသားစု သံယောဇဉ်အပြည့် ချီနှောင်လျက် နေရသည့်ဘ၀လေးသည် တစ်နေ့နေ့ ဥတစ်ကွဲ သိုက်တစ်ပျက်ဖြစ်မည်ဟုပင် အတွေးမ၀င်ခဲ့။ ဤသည်မှာ မသိစိတ်တွင် စွဲဝင်နေသော အမှန်မမြင်သည့် အ၀ိဇ္ဇာ၏ ဖုံးကာမှုဟု ဆိုရ၏။ အ၀ိဇ္ဇာဖုံးကာထားသဖြင့် မိသားစုစုံညီ နေထိုင်ရသည်မှာ ပျော်စရာဟု ထင်ယောင်ထင်မှားဖြစ်အောင် တဏှာက လှည့်စားလိုက်၏။ တဏှာ၏လှည့်ကွက်အောက်တွင် မသိပျော် ပျော်နေရ၏။ တစ်ချိန်ရောက်တော့ ဒုတိယအစ်မတစ်ယောက်က အိမ်ထောင်ကျ၊ အမျိုးသားနောက်လိုက်သွားသည့်အခါ ရင်ထဲတွင် ဟာတာတာ ဖြစ်လာခဲ့၏။ ဘ၀အသိုက်အအုံ ပျိုကွဲစပြုနေပါလားဟု စဉ်းစားဉာဏ် တစ်ချက်ဝင်လိုက်ခြင်းဖြစ်၏။ ကလေးဘ၀ မသိစိတ်တွင် အရင်က အနိစ္စကို နိစ္စထင်ထားခဲ့၏။ တစ်နေ့နေ့ တစ်ချိန်ချိန် ဤသို့ တစ်နည်းမဟုတ် တစ်နည်းဖြင့် ခွဲခွါသွားကြမည်ကို ကြိုစဉ်းစားမထားခဲ့။ အထင်နှင့် အမြင်သည် ခြားနားသွားသဖြင့် လျှက်တစ်ပြက် ဉာဏ်တစ်ချက် နှလုံးအိမ်တွင် စတင်ထိမှန်ခဲ့လေသည်။

နောက်နှစ်အနည်းငယ်ကြာလာသောအခါ ဤအရှင်(၈)နှစ်သားအရွယ်တွင် ဤအရှင်၏မျက်စိအောက်၌ အဖေဖြစ်သူ ဆုံးပါးသွားခဲ့ရာ သေခြင်းကို ကိုယ်တိုင်ကိုယ်ကျ ပထမဦးဆုံး မြင်လိုက်ရခြင်းဖြစ်၏။ အဖေ ရောဂါဝေဒနာခံစားနေရ၍ အပြင်းအထန် အမောဆိုက်နေသည်ကို ဘာမသိညာမသိ ငေးမောကြည့်ရှုနေရင်း သနားစိတ်တို့ပေါ်နေသည်မှတစ်ပါး ဘာတစ်ခုမှ မတတ်နိုင်ဘဲ ငေးကြည့်နေခဲ့ဘူး၏။ သူများတွေ သေသည်ကို ကြားလည်းကြားဖူး၏။ မြင်လည်းမြင်ဖူး၏။ သို့သော် သေသေချာချာ မကြည့်ဘူးခဲ့။ ကိုယ့်အဖေ သေတော့မည့်အချိန်ကိုတော့ အနားမှာရှိနေသဖြင့် ကိုယ်တိုင် သေသေချာချာ ကြည့်ဖြစ်ခဲ့၏။ တကယ်သေတော့မည်ဟု သိနေသဖြင့်လည်း ဆောက်တည်ရာမရဖြစ်ခဲ့ရ၏။ အသက်ရှူရပ်၍ မလှုပ်မယှက်ငြိမ်သက်သွားသောအခါ အော်- သေရခြင်းသည် မသက်သာလှပါလားဟု ဉာဏ်မြင်တစ်ချက်ပွင့်လာခဲ့သည်မှာ ထိုစဉ်ကတည်းက ဖြစ်ခဲ့ပါ၏။

အခြားမိသားစုများ သေသည်ကို အတိအကျ စာရင်းမပြနိုင်သော်လည်း ဤအရှင်၏ မိသားစုဝင်များ တစ်ယောက်ပြီး တစ်ယောက် သေဆုံးသွားကြသည်ကိုတော့ မှတ်မိနေသေးသည်သာဖြစ်၏။ အဖေဆုံးပြီး တစ်လအကြာတွင် အမေလည်း ဆုံးပါးသွားရှာပြန်၏။ အမေသေပြီး သုံးရက်အကြာတွင် အစ်မဖြစ်သူ မမြလင်းလည်း အသက်(၁၅)နှစ်အရွယ်တွင် ဆုံးပါးသွားရှာ၏။ အနိစ္စဆိုသည့် စကားလုံးကို မသိသေးသော်လည်း မွေးဖွားသူမှန်သမျှ ဤသို့ သေဆုံးရသည်သာဖြစ်၏ဟု အသိတရားတစ်ချက် ကွင်းကွင်းကွက်ကွက် ဒဏ်ရာအဖြစ်ကျန်နေခဲ့တော့၏။ ထို့နောက် တစ်နှစ်ကြာသောအခါ ဤအရှင်အပေါ် အလွန်ချစ်မြတ်နိုး တန်ဖိုးထား အားကိုးရှာသော အဖိုးတစ်ယောက်ဆုံးပါးသွားပြန်၏။ အော်- အသက်ငယ်လည်း သေကြရ၊ အသက်ကြီးလည်း သေကြရပါလားဟု သံဝေဂဟုမသိသော်လည်း ဉာဏ်ကတော့ ဖြစ်ခဲ့မိပါ၏။

ထို့နောက် နှစ်ပေါင်းအတန်ကြာသည့်တိုင်အောင် ဤအရှင်၏ မိသားစုတွင် အသေအပျောက်ရပ်တံ့နေလျက်ရှိ၏။ ၁၉၉၅-ခုနှစ်က ဤအရှင် ရဟန်းဖြစ်ပြီး မန္တလေးမြို့ သာသနာ့တက္ကသိုလ်မှ သာသနာ့တက္ကသီလဓမ္မာစရိယဘွဲ့ရ၍ ပူဇော်ပွဲဖြင့် အောင်ပွဲခံပြီးသည့် နောက်နေ့ ဤအရှင်၏ အစ်မ အစောဆုံးအိမ်ထောင်ကျသွားခဲ့သူ ဒေါ်မဲညိုတစ်ယောက် အနိစ္စရောက်သွားပြန်လေ၏။ ထို့နောက် ၁၉၉၈-ခုနှစ်တွင် ဤအရှင်၏ ညီအငယ်ဆုံး အရှင်ဝိမလသည် သက်တော်(၂၂)နှစ်၊ ၀ါတော်(၂)၀ါအရတွင် ကျောက်ကပ်နှစ်လုံး ပျက်စီးသွားသည့်ဝေဒနာကို မချိမဆန့်ခံစားရရင်း မျက်စိအောက်တွင် ပျံတော်မူသွားပြန်ပါ၏။ ၁၉၉၉-ခုနှစ်တွင် ညီအလတ်ဖြစ်သူက ကားမှောက်၍ သေဆုံးသွားပြန်၏။ ၂၀၀၈-ခုနှစ်တွင် အစ်မတစ်ယောက်လည်း ထပ်မံသေဆုံးသွားခဲ့၏။ ဤအသေအပျောက်စာရင်းများသည် ဤအရှင်၏ မိသားစုတွင် တကယ်ဖြစ်ခဲ့သော စာရင်းများသာဖြစ်၏။ ဤသည်မှာ မိသားစု ဘ၀က လက်တွေ့ပြပေးနေသော အမှန်တရားများပင် ဖြစ်၏။ အ၀ိဇ္ဇာက သစ္စာမသိသရွေ့ တဏှာဖြင့် ငြိနေမည့် ဘ၀သံယောဇဉ်၊ မိသားစုသံယောဇဉ်သည် ကိလေသာပင်ဖြစ်၏။ ထိုကိလေသာသည် မသိလျှင် မသိသလောက် ပူလောင်မည်သာဖြစ်၏။ ထိုကိလေသာအပူမီးကို ငြိမ်းအေးစေနိုင်သည်မှာ မတည်မြဲခြင်းအနိစ္စကို အမှန်မြင်သည့် ဉာဏ်ဝင်လာမှသာလျှင် သက်သာရာရနိုင်ပါ၏။ ထိုဉာဏ်ဖြင့် မဆင်ခြင်နိုင်သမျှ ဆောက်တည်ရာမဲ့ခံစားခဲ့မှုတွေ ပြင်းထန်စွာရိုက်ခတ်ခံရမည်သာဖြစ်၏။ ခန္ဓာရသူတိုင်း၏ သွားမြဲလမ်းသာဖြစ်သည်ကို သိသဖြင့် ထိုကဲ့သို့သော ခန္ဓာမျိုး နောင်တစ်ဖန်ပြန်မပေါ်လာနိုင်ရေးအတွက် ကိလေသ၀ဋ် ကမ္မ၀ဋ်တို့ ကျွတ်မှသာလျှင် ၀ိပါက၀ဋ်ဖြစ်သည့် ခန္ဓာဒုက္ခ သံသရာဒုက္ခတို့မှ လွန်မြောက်နိုင်မည်ဖြစ်၍ ထိုသို့လွတ်မြောက်ရေးလမ်းစဉ်သည် ဖြစ်ပျက် မဂ်ကိုက်အောင် ဆင်ခြင်သည့် လုပ်ငန်းမှတစ်ပါး အခြားမရှိဟုသာ ပြောလိုပါ၏။

ဒေါက်တာအရှင်ပါရမီ

ဒိဋ္ဌိနှင့်စပ် သိမှတ်ဖွယ်ရာ

ဒိဋ္ဌိနဲ့ ပတ်သက်တဲ့ အမြင်လေးတွေကို မဇ္ဈိမပဏ္ဏာသအဋ္ဌကထာ၊ ဒီဃနခသုတ်အဖွင့်မှာ အဋ္ဌကထာဆရာက သုံးသပ်ပြထားတာ ဒီနေရာမှာ တင်ပြချင်ပါတယ်။ အလွန်အင်မတန် သိထားသင့်တဲ့ အချက်အလက်တွေ ဖြစ်နေလို့ပါပဲ။

ဒိဋ္ဌိ(၆၂)ပါးကို ပေါင်းပြောလိုက်ရင် သက္ကာယဒိဋ္ဌိ တစ်မျိုးတည်းပဲ၊ လိုရင်း ခွဲပြောလိုက်ရင် သဿတဒိဋ္ဌိနဲ့ ဥစ္ဆေဒဒိဋ္ဌိ ဆိုပြီး နှစ်မျိုးဖြစ်လာတယ်တဲ့။ (သက္ကာယဒိဋ္ဌိ = သဿတဒိဋ္ဌိ + ဥစ္ဆေဒဒိဋ္ဌိ)။ ဒီဖော်မြူလာအရ လူတိုင်းမှာ ဒိဋ္ဌိကတော့ ရှိနေတာပဲ။ သက္ကယဒိဋ္ဌိကတော့ မူရင်းပေါ့။ အချို့က သဿတဒိဋ္ဌိဘက်အားသန်တယ်၊ အချို့က ဥစ္ဆေဒဒိဋ္ဌိဘက်အားသန်တယ်။ ဒါကွာသွားမယ်။ အချို့ကျတော့လဲ နှစ်မျိုးလုံး တစ်လှည့်စီ ဖြစ်နေတတ်တယ်။ ဒါပေမယ့် အယူတစ်ခု လက်လွှတ်ပြီးမှ စွန့်ပြီးမှ အခြားအယူတစ်ခုကို လက်ခံနိုင်ပါတယ်။ နှစ်မျိုးလုံးကို တစ်ယောက်ထဲက တစ်ချိန်တည်း လက်ခံလို့တော့ မရပါဘူး (သဿတံ ဂဟေတွာ တမ္ပိ အပ္ပဟာယ ဥစ္ဆေဒံဝါ ဧကစ္စသဿတံ ၀ါ ဂဟေတုံ န သက္ကာ)။ သဘာဝအားဖြင့် သဿတသမားက အပြစ်တော့ သေးတယ်၊ နိဗ္ဗာန်ရဖို့ကျတော့ ဝေးတယ်။ ဥစ္ဆေဒသမားက အပြစ်တော့ ကြီးတယ်၊ နိဗ္ဗာန်ရဖို့ကျတော့ နီးတယ်တဲ့။ (သဿတ = သေး + ဝေး။ ဥစ္ဆေဒ = ကြီး + နီး) (သဿတဒဿနံ အပ္ပသာဝဇ္ဇံ ဒန္ဓ၀ိရာဂံ၊ ဥစ္ဆေဒဒဿနံ မဟာသာဝဇ္ဇံ ခိပ္ပ၀ိရာဂံ)။

သဿတဒိဋ္ဌိသမားက ဘ၀ကိုယုံတယ်။ ကံကိုလဲ ယုံတယ်။ ကံကိုယုံတဲ့အတွက် ကုသိုလ်ကောင်းမှုတွေ အများကြီးလုပ်တယ်။ မကောင်းမှုကိုတော့ ရှောင်တယ်။ ကုသိုလ်လုပ်မှ ကောင်းရာရောက်မယ်၊ အကုသိုလ်လုပ်ရင် မကောင်းရာ ဒုဂ္ဂတိရောက်မယ်လို့ ခံယူထားတော့ ဒုဂ္ဂတိကို အရမ်းကြောက်တယ်။ ဒါကြောင့် ကုသိုလ်အလုပ်များပြီး အကုသိုလ် အလုပ်နဲတယ်။ ၀ဋ်ကိုသာယာတယ်။ ၀ဋ်သာယာတယ်ဆိုတာက ဘ၀ကောင်းကို သာယာတာ။ လူ့ဘ၀ရဖို့ လူချမ်းသာရဖို့ စသည်ဖြင့် အကောင်းစံဘ၀ကို နှစ်သက်တာဟာ ၀ဋ်ကိုသာယာတာပဲ။ သူ့မှာ အားနဲချက်က ဘာလဲဆိုရင် ဘုရား ရဟန္တာ တို့နဲ့တွေ့လို့ နိဗ္ဗာန်ရောက်ကြောင်း တရားတွေ နာရသော်လဲ သူ့မှာ စိတ်အားထက်သန်မှု မရှိဘူး။ ရုပ်နာမ်သိမ်းကြောင်းတရားတွေ ဟောလာရင် အော် ရုပ်နာမ်သိမ်းလို့ ငြိမ်းသွားရင် ငါလုပ်ထားတဲ့ ကုသိုလ်ကံတွေရဲ့ ကောင်းကျိုး ငါဘယ်လိုလုပ်ခံစားရတော့မလဲ၊ ဒါလောက်ကြီးလဲ မလိုအပ်သေးပါဘူးဆိုပြီး ခပ်ပေါ့ပေါ့လုပ်တတ်တယ်။ သူက ၀ဋ်ကို သာယာတဲ့သူမျိုးကိုး။ ၀ဋ်ထဲမှာ ပျော်မွေ့ချင်တာ။ ဒါကြောင့် တရားအရနှေးလို့ နိဗ္ဗာန်နဲ့ ဝေးတယ်လို့မှတ်လိုက်။

ဥစ္ဆေဒဒိဋ္ဌိသမားကလဲ ဘ၀ကိုယုံတာပဲ။ ကံကိုလဲ ယုံတာပဲ။ ဒါပေမယ့် သူက ကုသိုလ်အလုပ်နဲတယ်။ အကုသိုလ်ကိုတော့ ရဲရဲတင်းတင်းလုပ်တယ်။ ၀ဋ်ကို မသာယာဘူး။ သူက အပြတ်ယူထားတာကိုး။ ကောင်းကျိုး မကောင်းကျိုးဆိုတာ သူ လက်မခံဘူး။ ဒီတော့ အကုသိုလ်အလုပ်များတယ်။ နောက်ဘ၀ကောင်းစားရေးတရားတွေ သူ သဘောမကျဘူး။ ဒါပေမယ့် ဒီလို ပုဂ္ဂိုလ်က ဘုရား ရဟန္တာတို့နဲ့တွေ့လိုက်လို့ သူ့ကို သဘောကျအောင် ဟောပြလိုက်ရင် `ဒီလိုလုပ်ရင် ဒီလိုကျင့်ရင် ရုပ်နာမ်သိမ်းတဲ့ နိဗ္ဗာန်ရောက်မယ်´ဆိုတာနဲ့ ချက်ချင်း ထလုပ်တတ်တယ်။ ဘယ့်သူ့ကိုမှ မငဲ့တော့ဘူး။ လုပ်ရင် နောက်လှည့်မကြည့်တော့ဘူး။ အပြတ်အသတ် လုပ်တတ်တဲ့သဘောရှိတော့ နိဗ္ဗာန်အရမြန်လို့ နိဗ္ဗာန်နဲ့ နီးတယ်လို့ ပြောတာ။ သူက ၀ဋ်ကို သာယာလိုစိတ်မရှိဘူးလေ။

ဒါကြောင့် ကိုယ့်ကိုယ်ကို သဿတသမားလား၊ ဥစ္ဆေဒသမားလားဆိုတာ ဒီသုံးသပ်ချက်ကိုအခြေခံပြီး ဆုံးဖြတ်လို့ ရပါပြီ။ ဒီအချက်တွေထဲက ကိုယ်နဲ့ အကိုက်အညီများတဲ့ဘက်ဟာ ကိုယ့်ဘက်ပဲ။ ဒါမှ ကိုယ့်ရှိတဲ့ဒိဋ္ဌိ ကိုယ်တိုင် သိပြီး ခွါနည်း မှန်မှန်ကန်ကန် ရနိုင်မယ်။ ဒါမှမဟုတ်ရင် ရမ်းတုတ် ရမ်းလုပ်နဲ့ ဒိဋ္ဌိသာပြောနေတယ်၊ ဘာကြီးမှန်းလဲ မသိဘူးဆိုပြီး ဖြစ်နေကြတာတွေ အများကြီးပါ။

သဿတဒိဋ္ဌိအယူရှိသူရဲ့သဘော	ဥစ္ဆေဒဒိဋ္ဌိအယူရှိသူရဲ့သဘော
ဘ၀ကိုယုံကြည်။ ကံကိုယုံကြည်။ ကုသိုလ်အလုပ်များ၊ အကုသိုလ်အလုပ်နဲ။ ၀ဋ်ကို သာယာ။ တရားအရနှေး၊ အပြစ်သေး၊ နိဗ္ဗာန်နဲ့ ဝေး။	ဘ၀ကိုယုံကြည်။ ကံကိုယုံကြည်။ ကုသိုလ်အလုပ်နဲ၊ အကုသိုလ်အလုပ်များ။ ၀ဋ်ကို မသာယာ။ တရားအရမြန်၊ အပြစ်ကြီး၊ နိဗ္ဗာန်နဲ့ နီး။

(မ၊ဋ္ဌ၊၃၊ ၁၄၄။)

ဒါဟာ မဇ္ဈိမပဏ္ဏာသအဋ္ဌကထာ၊ ဒီဃနခသုတ်အဖွင့်မှာ ဝေဘန်သုံးသပ်ပြထားတဲ့ မှတ်ချက်ကို အကျဉ်းချုပ်တင်ပြလိုက်တာပါ။ ဒီသုံးသပ်ချက်ကိုကြည့်ပြီး ကိုယ့်ကိုယ်ကို ဘယ်ဒိဋ္ဌိဘက်အားသန်နေလဲဆိုတာ အကဲခတ်နိုင်ပါတယ်။ ရုပ်နာမ်ကြောင်းကျိုး သဘောမိမိ မသိသေးဘူးဆိုရင်တော့ ဒီဒိဋ္ဌိတွေက တစ်ခုမဟုတ် တစ်ခု လူတိုင်းမှာ ရှိနေမယ်။ ယဉ်ယဉ်လေးနဲ့ ရှိတဲ့ ဒိဋ္ဌိနဲ့ ရိုင်းရိုင်း ကြမ်းကြမ်း ရှိတဲ့ ဒိဋ္ဌိပဲ ကွာမယ်။ ရှိတာကတော့ ဒိဋ္ဌိကိုယ်စီ ရှိနေကြတာပဲ။ ဟို မိစ္ဆာဒိဋ္ဌိကို ပြောတာမဟုတ်ဘူး။ ဟောဒီ သက္ကာယဒိဋ္ဌိ၊ သဿတဒိဋ္ဌိ၊ ဥစ္ဆေဒဒိဋ္ဌိတွေကို ပြောတာ။ အချို့က ဒိဋ္ဌိရှိတယ်ပြောရင်ကို လက်မခံလိုကြဘူး။ ငါ့မှာ ဒိဋ္ဌိမရှိဘူးလို့ ဇွတ်ငြင်းဖို့ ကြိုးစားကြတယ်။ ငါလို့ ယူဆထားကတည်းကိုက ဒိဋ္ဌိမြစ်ဖျားခံနေတယ်ဆိုတာသာ သဘောပေါက်လိုက်ပါ။ ဒီဒိဋ္ဌိ မျိုးတွေ ရှိနေလို့လဲ သံသရာ လည်ခွင့်တော့ရပြီး မဂ်ဖိုလ်နိဗ္ဗာန် လမ်းမှန်မရောက်ဘဲ ဖြစ်နေတာ။ ဒိဋ္ဌိက အ၀ိဇ္ဇာနဲ့ပေါင်းပြီး လူကို မူးအောင် ဝေအောင် လုပ်နေတာ၊ လမ်းမှားရောက်အောင်လုပ်နေတာ၊ လမ်းမှန်ကို မသွားအောင် တားမြစ်ထားတာပဲလို့သာ မှတ်လိုက်ပါ။ တဏှာက အမှားကိုပဲ အမှန်လိုသဘောကျပြီး သာယာနေ တောင့်တနေတယ်။ မက်မောနေတယ်။ ဒီတော့ ဖြစ်လေရာဘ၀မှာ ပျော်ပြီပေါ့။

ဒိဋ္ဌိခွါဖို့အတွက် ဒိဋ္ဌိကပ်ပုံကို အစီအစဉ်ကို သိဖို့လိုပါတယ်။ ဒိဋ္ဌိ ဘယ်မှာ ကပ်နေလဲဆိုရင် ခန္ဓာမှာ ကပ်နေပါတယ်။ ခန္ဓာမှာ ဘာလို့ ကပ်နေတာလဲဆိုရင် ခန္ဓာကို ခန္ဓာမှန်းမသိလို့ ကပ်နေပါတယ်။ ခန္ဓာကို ဘာကြောင့် ခန္ဓာမှန်းမသိရတာလဲဆိုရင် ခန္ဓာ့ပဋိစ္စသမုပ္ပါဒ်ကို နားမလည်လို့ မသိတာပါ။ ခန္ဓာ့ပဋိစ္စသမုပ္ပါဒ်ဆိုတာ ခန္ဓာဖြစ်ကြောင်းနဲ့ ခန္ဓာ့ဖြစ်စဉ်ပါပဲ။ စက်ဝိုင်းကြီးက ရှင်းအောင်လို့ ပြထားတာ။ ကိုယ့်ခန္ဓာမှာ ဖြစ်နေတဲ့ တရားတွေကို စက်ဝိုင်းနဲ့ ပုံဖော်ပြထားတာသာဖြစ်တယ်။ ကိုယ့်သန္တာန်မှာ ဒီတရားတွေ ဒီလိုဖြစ်နေ လည်ပတ်နေပါလားဆိုတာသိအောင် အကြောင်းအကျိုးမြင်အောင် ရုပ်နာမ် ပိုင်းခြားနိုင်အောင် ပဋိစ္စသမုပ္ပါဒ်ကို သိဖို့ နားလည်ဖို့လိုပါတယ်။ ခန္ဓာ့ပဋိစ္စသမုပ္ပါဒ်နားလည်ရင် ရုပ်နာမ်ကွဲမယ်၊ အကြောင်း အကျိုးမြင်မယ်။

နိဗ္ဗာန်ရဖို့ ၀ိပဿနာအလုပ်တွေလုပ်ကြတာဖြစ်တော့ နိဗ္ဗာန်အစ သောတာပန်ကလို့ ပြောလိုက်မယ်။ နိဗ္ဗာရချင်တယ်ဆိုရင် မဂ်လေးပါးရအောင်လုပ်ရမှာပါ။ မဂ်လေးပါးမှာလဲ ပထမမဂ်ဖြစ်တဲ့ သောတာပတ္တိမဂ်ကိုမှ မရဘူးဆိုရင် ကျန်တဲ့မဂ်တွေ ကျော်တက်လို့မရပါဘူး။ လှေကားလေးထစ် တစ်ထစ်ချင်း တက်ရသလိုပါပဲ။ ပထမမဂ်ကို ရချင်ပါတယ် သောတာပန်ဖြစ်ချင်ပါတယ်ဆိုရင်လဲ ၀ိပဿနာအလုပ် အားထုတ်မှ ဖြစ်မှာပါ။ ၀ိပဿနာလုပ်တော့မယ်ဆိုရင်လဲ ရှေးဦးစွာ လုပ်ထားရမယ့်အစဉ်လေး သိထားဖို့လိုပါတယ်။ ဒိဋ္ဌိ အရင်ဖြုတ်၊ ဖြစ်ပျက် နောက်မှလုပ်ဆိုတာ ရှေ့မှာ ပြောခဲ့ပြီးသား။ ဖြစ်ပျက်လုပ်တာ ၀ိပဿနာလုပ်တာပဲ။ ဒါပေမယ့် ဒိဋ္ဌိကိုမှ စင်အောင် အသိနဲ့ မဖြုတ်နိုင်သေးဘူးဆိုရင်တော့ ၀ိပဿနာမလုပ်ပါနဲ့ဦး။ ဒိဋ္ဌိအသိနဲ့မပြုတ်ဘဲနဲ့ အားထုတ်တဲ့ ၀ိပဿနာကို အားနဲတဲ့ ၀ိပဿနာ၊ ဒုဗ္ဗလ၀ိပဿနာလို့ခေါ်တယ်။ အားနဲတဲ့ဝိပဿနာရှုပွားနည်းဟာ မဂ်ဖိုလ် ရဖို့ မလွယ်ဘူး။ ဒိဋ္ဌိအသိနဲ့ ကွာပြီးမှ အားထုတ်တဲ့ ၀ိပဿနာကမှ အားကောင်းတဲ့ ၀ိပဿနာ၊ ဗလ၀၀ိပဿနာဖြစ်ပါတယ်။ အားကောင်းတဲ့ ၀ိပဿနာရှုပွားနည်းကသာလျှင် မဂ်ဖိုလ် ရဖို့ လွယ်ကူလျှင်မြန်ပါတယ်။ ဒါကြောင့် အားကောင်းတဲ့ ၀ိပဿနာဖြစ်အောင် ရှေးဦးစွာ ဒိဋ္ဌိစင်ကြယ်ရေး (ဒိဋ္ဌိဝိသုဒ္ဓိ)ကို အဓိကထားရပါတယ်။ မဂ်လေးပါးထဲက အစမဂ်ဖြစ်တဲ့ သောတာပတ္တိမဂ်ကို ရချင်ရင် ဘာကို ပယ်ရ သတ်ရ ဖြတ်ရမှာလဲဆိုရင် ဒိဋ္ဌိကို ပယ်ရ သတ်ရ ဖြတ်ရမှာပါ။ ဒိဋ္ဌိကို ပယ်သတ်နိုင်ရင် ၀ိစိကိစ္ဆာ အလိုလိုပါသွားတယ်။ သောတာပန်ဖြစ်ရင် သက္ကာဒိဋ္ဌိ၊ ၀ိစိကိစ္ဆာ၊ သီလဗ္ဗတပရာမာသ သုံးမျိုး ပယ်သွားတယ်ဆိုတာ ရတနာ့သုတ်မှာ ဟောထားပါတယ်။ ဒီသုံးပါးထဲက ဒိဋ္ဌိတစ်ပါးသာ ပယ်လိုက် ကျန်တာ အကုန်ပါသွားတယ်။ အထူး ပယ်နေစရာမလိုပါဘူး။ ဒါကြောင့် ဒိဋ္ဌိပြုတ်သွားရင် ကျန်တာ အကုန်ပြုတ်သွားမှာဖြစ်လို့ ဒိဋ္ဌိကိုသတ်နိုင်မှ မထမမဂ်ရမယ်လို့ မှတ်လိုက်ပါ။

ဒိဋ္ဌိဖြုတ်နေတာဟာ သောတာပန်ဆိုတဲ့ ပထမမဂ်ရရေးအတွက် အခြေခံအလုပ်တွေ လုပ်နေတယ်လို့ မှတ်ထားပါ။ ဒိဋ္ဌိဖြုတ်ချင်ရင် ဒိဋ္ဌိကပ်တဲ့နေရာကို သိအောင်လုပ်ရမယ်လို့ စောစောက ပြောခဲ့ပြီ။ ဒိဋ္ဌိက ဘယ်မှာကပ်လဲဆိုရင် ခန္ဓငါးပါးလုံးမှာကပ်တယ်။ ဘာလို့ ကပ်တာလဲဆိုရင် ခန္ဓာမှန်းမသိလို့ ကပ်တာ။ ခန္ဓာငါးပါးထဲမှာလဲ ၀ိညာဏက္ခန္ဓာမှာ အများဆုံးကပ်တယ်။ ၀ိညာဏက္ခန္ဓာဆိုတာ စိတ်ပဲ။ ဒါကြောင့် ဒိဋ္ဌိသည် စိတ်မှာ အများဆုံးကပ်တယ်လို့ ပြောသူရှိတုန်း သေသေချာချာမှတ်လိုက်ပါ။ ဒါဆို အသိတစ်ခုဝင်ရမှာက ဒိဋ္ဌိပြုတ်ချင်ရင် စိတ္တာနုပဿနာရှုရမယ်ဆိုတာပါပဲ။ ဉာဏ်နုံ့ ဉာဏ်လေးပြီး ဒိဋ္ဌိစရိုက်ရှိသူဟာ စိတ္တာနုပဿနာကို ရှုရမယ်။ ဒိဋ္ဌိစရိတဿာပိ မန္ဒဿ နာတိပ္ပဘေဒဂတံ စိတ္တာနုပဿာနာသတိပဋ္ဌာနံ ၀ိသုဒ္ဓိမဂ္ဂေါ- လို့ ပဋိသမ္ဘိဒါမဂ္ဂအဋ္ဌကထာမှာ အသေအချာဖွင့်ပြထားပါတယ်။ ဘုရားအလို၊ ပါဠိ အဋ္ဌကထာအလိုလဲကျအောင် ခန္ဓာအရှိနဲ့လဲ ကိုက်အောင် ပြောလိုက်တာဖြစ်ပါတယ်။ ဒီလို အကိုးလေးတွေကို ကြုံတဲ့နေရာမှာ ထုတ်ပြနေရတာဟာ ပိုပြီးခိုင်ခိုင်မြဲမြဲ ဖြစ်အောင်လို့ပါ။ ဒီလိုမှမပါရင် ထင်ရာမြင်ရာ ရေးနေတယ်လို့ ဖြစ်နေမှာစိုးရတယ်။ ဒီလိုမဖြစ်အောင်လို့ သေသေချာချာစိစစ်ပြီးမှ ရေးရပါတယ်။ လိုရင်း ပြန်ကောက်ရရင် ဒိဋ္ဌိသည် စိတ်မှာ အများဆုံးခိုကပ်နေလေ့ရှိတယ်။ စိတ်ကိုပဲ အသက်လို့ထင်တာ၊ စိတ်ကိုပဲ ငါ့ဝိညာဉ်လို့ထင်တာ၊ စိတ်ကိုပဲ ငါလို့ထင်နေတာ ငါ့စိတ်လို့ထင်နေတာဟာ ဒိဋ္ဌိမသိမသာ ကပ်နေတာပဲ။ စိတ်ကိုပဲ မြဲတယ်လို့ ထင်နေတာ။ မနေ့ကစိတ်နဲ့ ဒီနေ့ စိတ် အတူတူထင်နေတာ။ ဒါဟာ မြဲတယ်လို့ထင်တဲ့ သဿတအမြင်ပဲ။ တကယ်တော့ တစ်စက္ကန့်အတွင်းမှာတင် စိတ်ဟာ အကြိမ်ပေါင်းမရေတွက်နိုင်အောင် ဖြစ်လို့ မရေတွက်နိုင်အောင် ပျက်နေပါတယ်။ ဒါပေမယ့် ဒီအမြင်သဘောကို နားမလည်တဲ့အခါကျတော့ ငါ့စိတ်လာမစမ်းနဲ့စသည်ဖြင့် ငါစွဲလဲပါ မြဲတယ်လဲထင်၊ အချို့ကျတော့လဲ စိတ်တစ်ခုနဲ့တစ်ခု အဆက်အစပ်မရှိဘူး၊ သူဖြစ်ချင်တဲ့အတိုင်း ဖြစ်နေတယ်လို့ထင်တော့ ဥစ္ဆေဒဒိဋ္ဌိဝင်တာပေါ့။ ဘာပဲဖြစ်ဖြစ် ဒိဋ္ဌိလို့သာ ပေါင်းပြောလိုက်တော့ ဒိဋ္ဌိဟာ စိတ်မှာ၊ ခန္ဓာငါးပါးထဲက ၀ိညာဏက္ခန္ဓာမှာ အများဆုံးကပ်တယ်။ ဒါကြောင့် ဒိဋ္ဌိစရိုက်ရှိသူဟာ ဒိဋ္ဌိအမြန်ဆုံးပြုတ်ဖို့အတွက် စိတ္တာနုပဿနာကို ပွားပါ။ စိတ္တ- က စိတ်၊ အနုပဿနာ- က အဖန်တလဲလဲရှုတာ၊ မိမိသန္တာန်မှာ ပေါ်တဲ့စိတ်ကို အဖန်တလဲလဲရှုနေတာဟာ စိတ္တာနုပဿနာပါပဲ။

လိုရင်းက- ဒိဋ္ဌိသည် ခန္ဓာမှာ ကပ်တယ်။ ခန္ဓာမှန်းမသိလို့ကပ်တယ်။ ရုပ်နာမ်၊ ကြောင်းကျိုး၊ ခန္ဓာ့ပဋိစ္စသမုပ္ပါဒ်နားမလည်လို့ ခန္ဓာပေါ်လို့ ပေါ်မှန်းမသိဖြစ်နေကြတယ်။ ခန္ဓာငါးပါးထဲမှာလဲ ၀ိညာဏက္ခန္ဓာဆိုတဲ့ စိတ်မှာ အများဆုံးကပ်တယ်။ ဒါကြောင့် ဒိဋ္ဌိအမြန်ကွာချင်ရင် စိတ္တာနုပဿနာကိုရှု။

ဒေါက်တာအရှင်ပါရမီ

ဘ၀ဆက်ပြဿနာ

အနမတဂ္ဂေါယံ ဘိက္ခဝေ သံသာရော- သံသရာ၏အစကို မသိနိုင်ဟု ဘုရားရှင်ဟောတော်မူခဲ့၏။ သတ္တ၀ါတစ်ဦး၏ ခန္ဓာ့ဖြစ်စဉ်ကို နောက်ပြန် ပြန်တွေးကြည့်လိုက်မည်ဆိုပါက အရင်ဘ၀က လူဖြစ်ခဲ့သည်၊ ထို့အရင်ဘ၀က နတ်ဖြစ်ခဲ့သည်၊ ထို့အရင်ဘ၀က ခွေးဖြစ်ခဲ့သည် စသည်ဖြင့် မီးခိုးမဆုံး မိုးမဆုံး ဖြစ်နေလေသဖြင့် ဘုရားရှင်က ယင်းသို့ မိန့်တော်မူခြင်းဖြစ်၏။ ဘုရားရှင်၏ အလွန်လျှင်မြန်ထက်မြက်သော သဗ္ဗညုတဉာဏ်တော်ဖြင့် သတ္တ၀ါတစ်ဦးတစ်ယောက်၏ ဘ၀ဖြစ်စဉ်ကို ကုန်စဉ်အောင် ပြန်တွေးတော၍ ကြည့်မည်ဆိုလျှင်ပင် ဘုရားရှင် (၄၅)၀ါ သက်တမ်းကုန်သွားသော်မှ သတ္တ၀ါတစ်ဦးတစ်ယောက်၏ ဘ၀ဖြစ်ပုံ ကကြိုးစုံကို ကုန်စဉ်အောင် ပြန်လည်ကြည့်ရှု၍ မပြီးနိုင်။ မရေမတွက်နိုင်လှသော သတ္တ၀ါတို့၏ အစကို မည်သို့လျှင် ကုန်စဉ်အောင် ပြန်လည်ကြည့်ရှုပေးနိုင်ပါမည်နည်း။ ထိုမျှလောက် ဘ၀အသင်္ချေ အနေ အသေထပ်ခဲ့ရသဖြင့် သံသရာ၏အစကို ဘုရားရှင်သည် ရှာပြတော်မမူခဲ့ခြင်းဖြစ်၏။ ပြန်လည်ကြည့်ရှုပြနေ၍လည်း မဂ်ဖိုလ်ရရေးအတွက် အထောက်အပံ့မဖြစ်။ ပင်ပန်းရုံသာရှိမည်ဖြစ်၏။ သို့သော် ဓမ္မ၏ အစကိုတော့ ဘုရားရှင်က ထုတ်ပြတော်မူခဲ့ပါ၏။ အ၀ိဇ္ဇာ- သစ္စာမသိမှုက စခဲ့သည်ဟု ပဋိစ္စသမုပ္ပါဒ်ဒေသနာတော်တွင် အတိအလင်း ဖော်ပြတော်မူခဲ့၏။ သတ္တ၀ါဖြစ်စဉ်ကို မသိနိုင်သော်လည်း ဓမ္မဖြစ်စဉ်ကိုတော့ သိတော်မူပါ၏။ အ၀ိဇ္ဇာဦးစီးလျက် ကံသင်္ခါရတွေပြုခဲ့သဖြင့် ကံက လှည့်သလို သံသရာတွင် ခန္ဓာအစဉ် ပေါ်နေရခြင်းသာဖြစ်၏။ ထို့ကြောင့် ပဋိစ္စသမုပ္ပါဒ်စက်ဝိုင်း အကွက်(၁)တွင် အ၀ိဇ္ဇာ သင်္ခါရနှစ်လုံးကို ထင်ရှားစွာ ဖော်ပြထားခြင်းဖြစ်၏။ အတိတ်ဘ၀က လူဖြစ်ခဲ့သည် နတ်ဖြစ်ခဲ့သည်ကိုတော့ မသိ၊ အ၀ိဇ္ဇာနှင့် သင်္ခါရဖြစ်ခဲ့သည်ကတော့ ဓမ္မသဘောအရ အမှန်တရားဖြစ်၏။ အ၀ိဇ္ဇာကြောင့် ပြုသမျှ ကံတို့ သင်္ခါရဖြစ်၊ သင်္ခါရကြောင့် ယခုလက်ရှိဘ၀ ခန္ဓာငါးပါး ရရှိပိုင်ဆိုင်ထားခြင်းသာဖြစ်၏။

ဓမ္မဖြစ်စဉ်တွင် အတိတ်ဘ၀က အ၀ိဇ္ဇာသည်လည်း အတိတ်ဘ၀တွင် ချုပ်ခဲ့ပြီးဖြစ်၏။ သင်္ခါရသည်လည်း အတိတ်ဘ၀တွင် ချုပ်ခဲ့ပြီးဖြစ်၏။ ယခုဘ၀သို့ လိုက်မလာကြ။ ယခုဘ၀ ပဋိသန္ဓေ၀ိညာဏ်မှ စခဲ့ရပြီး ခန္ဓာငါးပါးဖြစ်တည်လာခဲ့သော်လည်း အတိတ်ဘ၀က တရားများ တစ်ခုမှ ပါမလာခဲ့။ ထိုသို့ပါမလာခဲ့သည်ကိုသိနားလည်လျှင် မြဲသည်ဟု ပြောဆို ယူဆစရာမရှိ။ ၀ိညာဉ်ကလေးက သေလျှင် ခန္ဓာဟောင်းစွန့်ပြီး ခန္ဓာအသစ် ကူးပြောင်းသွားသည်ဟု ယူဆနေကြသည်မှာ ပဋိစ္စသမုပ္ပါဒ်ကို ထိုသို့ ဂဃနဏ မသိကြသောကြောင့်သာဖြစ်၏။ ၀ိညာဉ်ကောင် လိပ်ပြာလေးသည် သေသူခန္ဓာမှထွက်၍ အိမ်တွင် (၇)ရက်နေသေးသည်၊ သို့မဟုတ် နောက်ခန္ဓာအိမ်အသစ်သို့ ကူးပြောင်းသွားသည်ဆိုလျှင် မမြဲသည့်ရုပ်နာမ်ထဲတွင် မြဲသည့် ၀ိညာဉ်၊ လိပ်ပြာကောင်၊ အသက်ကောင်လေး ရှိနေသည်ဟု ယူဆလိုက်ခြင်းဖြစ်သဖြင့် သဿတဒိဋ္ဌိအယူဖြစ်၏။ ထိုကဲ့သို့သော သဿတအယူသည် ဗုဒ္ဓဘာသာဝင်တို့တွင် ဖြစ်လေ့ဖြစ်ထရှိသောအယူဖြစ်၏။ “အသက်ထွက်သွားသည်” ဟုပြောသောစကားသည်ပင် အသက်ကောင်လေး ထွက်သွားသည်ဟု ကိန်းနေသောအယူရှိနေ၍ပြောကြခြင်းဖြစ်၏။ “ဘ၀တစ်ပါးသို့ ပြောင်းသွားရှာသော”ဟုပင် ဆိုတော်မူကြသေး၏။ ဘ၀တစ်ပါးသို့ ၀ိညာဉ် သို့မဟုတ် အသက်က ပြောင်းသွားသည်ဟု ရည်ရွယ်နေသဖြင့် ထိုရည်ရွယ်သည့်အတိုင်း စိတ်ထဲတွင် ခံယူမိလျှင် သဿတဒိဋ္ဌိဖြစ်နေလေ၏။ “ကွယ်လွန်သူ”ဟု ပြောမှ မှန်ကန်ပေလိမ့်မည်။ တစ်ယောက်ယောက် သေလျှင် လိပ်ပြာစစ်သည်၊ လိပ်ပြာခွဲသည်ဟု လုပ်လေ့လုပ်ထရှိကြ၏။ ထိုသို့မလုပ်လျှင် သေသူက ကျန်ရစ်သူသားသမီးများကို လိပ်ပြာနှုတ်သွားမည်၊ ခေါ်မည်ဟု ယုံကြည်ထားကြသောကြောင့် လုပ်ကြခြင်းဖြစ်၏။ စင်စစ်မှာ သေဆုံးသူသည် မိနစ် စက္ကန့်မျှ မခြားဘဲ နောက်ခန္ဓာသို့ ပဋိသန္ဓေဆက်လက် တည်သွားပြီဖြစ်၏။ ထို့ကြောင့် အတိတ်ရုပ်နာမ်သည် အတိတ်တွင် ဖြစ်ပြီး ချုပ်ခဲ့သည်သာဖြစ်၏။ ယခုဘ၀ဘက်သို့ ဘာတစ်ခုမျှ လိုက်မလာခဲ့။ လိုက်လာခဲ့သည်ဟု ထင်လျှင် သဿတဒိဋ္ဌိဖြစ်၏။ ထိုထင်မြင်ချက်ပျောက်အောင် ဉာဏ်ရှင်းမှ သဿတဒိဋ္ဌိစင်၏။

ယခုဘ၀ရုပ်နာမ်သည် မိုကျရွှေကိုယ်ရုပ်နာမ်လား၊ အကြောင်းမဲ့ဖြစ်တည်လာခြင်းလားဟုဆိုသော် ထိုသို့လည်းမဟုတ်။ အတိတ်ဘ၀က ပြုခဲ့သည့် ကံသင်္ခါရသည် အကြောင်း၊ ထိုအကြောင်းသင်္ခါရကြောင့်ပေါ်လာရသော အကျိုးရုပ်နာမ်သာဖြစ်၏။ အတိတ်ဘ၀ကတစ်ခြား၊ ယခုဘ၀ကတစ်ခြားဟု လုံးဝအဆက်အစပ်ကင်းမဲ့လျက် ခြားကွာသွားခြင်းမျိုးလည်းမဟုတ်။ အကြောင်း အကျိုးတော့ ဆက်စပ်လျက်ရှိ၏။ လက်ရှိခန္ဓာသည် အကြောင်းကြောင့်ပေါ်လာရသော အကျိုးသာဖြစ်၏။ အကြောင်းသည် အကျိုးမဟုတ်၊ အကြောင်းကံသည် ဖြစ်သည့်နေရာတွင် ပျက်ခဲ့ရ၏။ ဤဘ၀သို့ လိုက်မလာခဲ့။ သို့သော် ထိုအကြောင်းကံကြောင့် လက်ရှိခန္ဓာပေါ်လာရခြင်းဖြစ်၍ အတိတ်ဘ၀က ရုပ်နာမ်များ လိုက်မလာနိုင်၍ လိုက်မလာခဲ့သော်လည်း အကြောင်း အကျိုးတော့ ဆက်စပ်လျက်ရှိ၏ဟု ဉာဏ်မြင်ရှင်းလျှင် ပြတ်သည်ဟုထင်မြင်ယူဆထားသော ဥစ္ဆေဒဒိဋ္ဌိသေ၏။ “ဒီဘ၀ပြီး ပြီးတာပဲ၊ နောက်ဘ၀တွေ ဘာတွေ ထည့်တွက်နေစရာမလိုဘူး”ဟု တစ်ချို့ ခံယူထားလေ့ရှိကြ၏။ အပြတ်သမား ဥစ္ဆေဒသမားများသာဖြစ်၏။ နောက်ဘ၀မရှိဟု ယူဆသူများသည်လည်း ဥစ္ဆေဒအယူသာဖြစ်၏။ ပဋိစ္စသမုပ္ပါဒ်ဒေသနာတော်အရ အတိတ်ကံသင်္ခါရကြောင့် ယခုဘ၀ခန္ဓာ ရရှိလာခြင်းဖြစ်သည်ဟု အကြောင်း အကျိုးဆက်စပ်နားလည်လိုက်မည်ဆိုလျှင် ဘ၀တစ်ခုနှင့် တစ်ခု အကြောင်းအကျိုး ဆက်စပ်နေပါလားဟု ဉာဏ်ရှင်းသွားသဖြင့် ဥစ္ဆေဒဒိဋ္ဌိစင်သွားတော့၏။

အတိတ်ဘ၀က ရုပ်နာမ်များ လိုက်လာသည်ဟု ယူဆလျှင် သဿတဒိဋ္ဌိ၊ အသက်ကောင် လိပ်ပြာကောင် ၀ိညာဉ်ကောင်လေးက ခန္ဓာအိမ်ဟောင်းက ခန္ဓာအိမ်အသစ်ပြောင်းသည်ဟု ယူဆလျှင်လည်း သဿတဒိဋ္ဌိ။ ထိုဒိဋ္ဌိစင်ဖို့အတွက် အတိတ်ရုပ်နာမ်သည် အတိတ်တွင်သာ ဖြစ်ပျက်ခဲ့၏၊ ယခုဘ၀သို့ ဘာတစ်ခုမျှ လိုက်မလာခဲ့ဟု ဉာဏ်ရှင်းအောင် လုပ်ထားရမည်ဖြစ်၏။ လိုက်သည်ဟု ထင်မြင်နေလျှင် သဿတဒိဋ္ဌိမပြုတ်၊ လုံးဝမလိုက်ဟု ရှင်းလင်းစွာ သဘောပေါက်ထားမှ သဿတဒိဋ္ဌိပြုတ်မည်ဖြစ်၏။ မလိုက်သော်လည်း အကြောင်းမဲ့ဖြစ်သည်မဟုတ်၊ အကြောင်းအကျိုးတော့ ဆက်သေးသည်ဟု သိထားလျှင် ဥစ္ဆေဒဒိဋ္ဌိပြုတ်၏။ ထို့ကြောင့် စက်ဝိုင်းအကွက်(၁)နှင့် (၂)အစပ်ကို အတိတ်ဘ၀ ရုပ်နာမ်က လက်ရှိဘ၀သို့ မလိုက်၊ အကြောင်းအကျိုးသာ ဆက်စပ်လျက်ရှိ၏ဟု ဉာဏ်တွင် ရှင်းနေအောင် ဆင်ခြင်ကြည့်လိုက်ပါ။

အတိတ်ဘ၀နှင့် ယခုဘ၀သည် အနန္တရပစ္စည်းဖြင့် အခြားမရှိကျေးဇူးပြုလာခဲ့သော ရုပ်နာမ်အစဉ်သာ ဖြစ်၏။ ရုပ်နာမ်မှန်သမျှ ဖြစ်ပြီး ပျက်စီးသွားရမြဲ ဓမ္မတာပင်ဖြစ်၏။ သို့သော် ရှေ့ရုပ်နာမ်ပျက်မှ နောက်ရုပ်နာမ်အသစ်က အစားထိုးနေရာယူနိုင်ခြင်းဖြစ်၏။ နောက်ရုပ်နာမ်အစားထိုးနေရာယူဖို့အတွက် ရှေ့ရုပ်နာမ်က ပျက်စီးပြီး မရှိတော့သောအားဖြင့် ဖယ်ရှားပေးလိုက်ရ၏။ နတ္ထိပစ္စည်းဖြင့်လည်း ကျေးဇူးပြုပေးခြင်း ဖြစ်၏။ ရှေ့ရုပ်နာမ်မရှိတော့သောအားဖြင့် နောက်ရုပ်နာမ်ပေါ်ခွင့်ကို ကျေးဇူးပြုပေးလိုက်၏။ သို့ဖြစ်၍ ရုပ်နာမ်အစဉ်အတန်းသည် ဖြစ်လိုက်ပျက်လိုက်ဖြင့် ဘ၀တစ်ခု ချုပ်ငြိမ်းရုပ်သိမ်းသွားသော်လည်း ပြတ်စဲသွားခြင်းမရှိ။ နောက်ဘ၀အတွက် အ ကြောင်းကံ သင်္ခါရတွေ ရှိနေသမျှ နောက်နောက် အသစ်အသစ် ရုပ်နာမ်တို့ ပေါ်နေဦးမည်သာဖြစ်၏။ ဖြစ်ပြီးပျက်၊ ပျက်ပြီးဖြစ်၍သာ စဉ်တန်းနေသည်ဟု နားလည်ရမည်။ သို့မှသာ မပျက်မစီး တည်မြဲနေသည်ဟူသော ထင်မြင်ယူဆချက် သဿတစင်မည်ဖြစ်၏။ ဖြစ်ပျက်နေသော်လည်း အကြောင်း အကျိုးအနေဖြင့် ဆက်စပ်လျက်ရှိနေသည်ဟု သဘောဉာဏ်မိဖို့လည်း လိုအပ်လှသည်။ သို့မှသာလျှင် “ပျက်သွားရင် ပြီးတာပဲ”ဟု အပြတ်အယူ ဥစ္ဆေဒဒိဋ္ဌိ စင်မည်ဖြစ်၏။ သတ္တ၀ါတစ်ဦး၏ ရုပ်နာမ်အစဉ်သည် အခြားသတ္တ၀ါတစ်ဦး၏ ရုပ်နာမ်အစဉ်သို့လည်း ချော်ငေါ့ပြီး ကြောင်းကျိုးဆက် လွဲမှားသွားခြင်းမျိုးမရှိ။ ယင်းသို့လွဲမှားသွားသည်ဟု ယူဆလိုက်လျှင်လည်း “ကိုယ်အပြစ် သူတစ်ပါးက ခံရသည်”ဟု ယူဆသည့် ဥစ္ဆေဒဒိဋ္ဌိ ၀င်လာပြန်၏။ “ကိုယ်လုပ်သမျှ ဘုရားရှင်ထံ တောင်းပန်ဝန်ချလိုက်လျှင် ပျောက်သည်”ဟူသော အယူအဆသည် ဥစ္ဆေဒဒိဋ္ဌိအယူအဆဖြစ်၏။ ကိုယ့်ရုပ်နာမ်အစဉ်၏ ကြောင်းကျိုးကွင်းဆက်သည် ကိုယ့်ရုပ်နာမ်အစဉ်သို့သာ ကျေးဇူးပြုနေမည်ဖြစ်၏။ အခြားသူထံသို့ ကြောင်းကျိုးကွင်းဆက် တိုက်ရိုက် သက်ရောက်သွားလိမ့်မည်မဟုတ်။ ထိုသို့ ရုပ်နာမ်ဖြစ်ပျက် အစဉ်သာရှိသည်ဟု ရေလည်စွာ သဘောပေါက်ထားလျှင် တည်မြဲအယူ သဿတအစွန်းမှလည်းလွတ်၏၊ အပြတ်အယူ ဥစ္ဆေဒအစွန်းမှလည်းလွတ်၏။ ပုဂ္ဂိုလ် သတ္တ၀ါမဖက် ရုပ်နာမ်သက်သက်သာရှိ၏ဟုသိသဖြင့်လည်း သက္ကာယဒိဋ္ဌိစင်၏။

ဒေါက်တာအရှင်ပါရမီ

ခန္ဓာရခြင်း ဉာဏ်မြင်ရှင်းအောင်

အရင်နေ့က စက်ဝိုင်းအကွက် နံပါတ်(၂)ကို သဘောတရားပိုင်းဆိုင်ရာ ဆွေးနွေးတင်ပြခဲ့ပြီးဖြစ်ပါ၏။ လူ၊ နတ်၊ ဗြဟ္မာ၊ အပါယ်ဘုံသား မည်သို့ပင် ကွဲပြားနေစေကာမူ ဓမ္မသဘောအရ ကြည့်လျှင် အကွက်(၂)က တရားများသာ ဖြစ်စဉ်ကိုက် တွေ့ရမည်ဖြစ်၏။ ခန္ဓာအားဖြင့် ငါးပါး အကျဉ်းချုပ်တော့ နာမ်နှင့်ရုပ်သာ ရှိ၏။ အတိတ်ဘ၀က အ၀ိဇ္ဇာ သင်္ခါရလက်ချက်ကြောင့် ရရှိထားသော လက်ရှိပစ္စုပ္ပန်ခန္ဓာပင် ဖြစ်ပါ၏။ အ၀ိဇ္ဇာသင်္ခါရသည် အကြောင်း၊ လက်ရှိခန္ဓာက အကျိုး- အကြောင်းကြောင့် ရရှိသော အကျိုးတရားသာဖြစ်၏။ အကြောင်းဘက်တွင်လည်း ပုဂ္ဂိုလ် သတ္တ၀ါမပါ၊ အကျိုးဘက်တွင်လည်း ပုဂ္ဂိုလ်သတ္တ၀ါမပါ၊ ဓမ္မသဘောသက်သက်ဖြစ်စဉ်ကို တွေ့ရမည်ဖြစ်၏။ ထိုဓမ္မဖြစ်စဉ်ကို သဘောပေါက်လျှင် လက်ရှိခန္ဓာသည် ဖန်ဆင်းရှင်တို့က ဖန်ဆင်းလိုက်သည်ဟူသော ထင်မြင်ချက်ပျောက်ကွယ်သွားရ၏။ ပုဂ္ဂိုလ်စွဲ သက္ကာယဒိဋ္ဌိ အသိဖြင့် ပြုတ်သွားခြင်းဖြစ်၏။ ဖန်ဆင်းရှင်တစ်ဦးဦးက ဖန်ဆင်းလိုက်၍ ဖြစ်လာသည့် ခန္ဓာလား၊ သို့မဟုတ် မိဘနှစ်ပါးတို့၏ ပေါင်းဆုံမှုကြောင့်သာ ပေါ်လာရသည့်ခန္ဓာများဖြစ်လေမလားဟူသော သံသယ ၀ိစိကိစ္ဆာလည်း စင်သွားတော့၏။ ဤသည်ကို အကြောင်းတွင် ဉာဏ်ရှင်းလျှင် ၀ိစိကိစ္ဆာစင်-ဟု ဆိုရိုးပြုရ၏။ ခန္ဓာဖြစ်ခြင်းအကြောင်း အခြားမရှိ၊ မိဘနှစ်ပါးတို့၏ ပေါင်းဆုံမှုကြောင့်သာဖြစ်ရ၏ဟူသော အကြောင်းကင်းမဲ့သည့် အဟေတုကဒိဋ္ဌိလည်း စင်သွားတော့၏။

အကွက်နံပါတ်(၁)တွင် အ၀ိဇ္ဇာ သင်္ခါရ တဏှာ ဥပါဒါန် ကမ္မဘ၀- အတိတ်အကြောင်းအခြင်းအရာငါးပါးဟု ဖော်ပြထား၏။ ထို့ကြောင့် အတိတ်အကြောင်းအခြင်းအရာငါးပါးကြောင့် လက်ရှိခန္ဓာ ရသည်ဟုလည်း ဆိုရ၏။ ခန္ဓာမှန်လျှင် အို နာ သေမကင်းသဖြင့် ဒုက္ခသစ္စာ၊ ဖြစ်ပျက်မကင်းသဖြင့်လည်း ဒုက္ခသစ္စာသာ ဖြစ်တော့၏။ အတိတ်ကံမျိုးစေ့ကြောင့် ပေါက်လာရသော ခန္ဓာပင်စည်ကြီးဟု ဆိုလျှင်လည်း မလွဲ။ အတိတ်က သစ္စာမသိခဲ့သဖြင့် အ၀ိဇ္ဇာရှိခဲ့သည်မှာလည်း ငြင်းလို့မရ။ ခန္ဓာဒုက္ခအမှန်တရားကို မသိသဖြင့်လည်း ခန္ဓာကို ခင်တွယ်မြတ်နိုးခဲ့သကဲ့သို့ နောင်လည်း အလားတူခန္ဓာမျိုး တောင့်တမှုတဏှာ မဖြစ်မနေ ပေါ်ခဲ့သည်သာ ဖြစ်၏။ ၀ိပဿနာကင်းသူအတွက် တဏှာဖြစ်ပြီဆိုလျှင် ဥပါဒါန်မဖြစ်ပါနှင့်ဟု တားဆီး၍မရ။ အလိုလို ဆက်တိုက်ဖြစ်လာတော့၏။ ကိုယ့်ခန္ဓာကိုယ် ခင်တွယ်မှုဖြစ်လျှင် စွဲလန်းမှုသည်လည်း နောက်က လိုက်လာမြဲသာ ဖြစ်၏။ သို့ဖြင့် လက်ရှိခန္ဓာကိုလည်း ခင်မင်သကဲ့သို့ နောင်ခန္ဓာကိုလည်း လိုချင်သည်မှာ ပုထုဇဉ်တို့၏ ဓမ္မနိယာမသဘောပင် ဖြစ်နေပါ၏။ နောင်ခန္ဓာလိုချင်မှုရှိလာသဖြင့် လှူမှုတန်းမှုကံတွေ၊ သီလဆောက်တည်မှုကံတွေပြုလုပ်လျက် တဏှာဖြင့်ပင် နောက်ဘ၀ လူချမ်းသာ နတ်ချမ်းသာ ရရပါလို၏ စသည်ဖြင့် ဆုတောင်းယူကြသဖြင့် ဆုတောင်းသည့်အတိုင်း ဆုတောင်းပြည့်ခန္ဓာကို ရရှိထားခြင်းပင် ဖြစ်၏။ မကောင်းမှုပင် ပြုလင့်ကစား ကိုယ့်ခန္ဓာကိုယ် ခင်မင်စွဲလန်းမှုကတော့ ဖြစ်မြဲဖြစ်သည်သာ။ သို့ဖြစ်လျှင် မကောင်းမှုပြုသူများ အပါယ်သွားရခြင်းသည် အပါယ်ခန္ဓာကို ဆုတောင်း၍ ရောက်ရပါသလားဟု စောဒကတက်လာနိုင်၏။ စင်စစ်မှာ အပါယ်ရောက်ဖို့အတွက် တမင်တကာ ဆုတောင်းနေစရာမလို၊ အရောက်လွယ်လှ၏။ သုဂတိရောက်ရေးသာလျှင် အထူးတလည် အားထုတ်ယူရ၏။ ဒုဂ္ဂတိရောက်ရေးအတွက် သီးသန့် ကျင့်နေစရာမလို။ လွယ်လွယ်ဖြင့်ရောက်သွားမည်သာဖြစ်၏။ ဒါနကုသိုလ် သီလကုသိုလ် သူမတူအောင်ဖြည့်ကျင့်ထားသည့်ကြားမှပင် ဒုဂ္ဂတိသို့ ခြေချော် လက်ချော်ရောက်သွားရသူများ ကျမ်းဂန်တို့တွင် အထင်အရှားရှိပါ၏။ မလ္လိကာမိဖုရားသည် ပြိုင်စံရှား အသဒိသအလှူကြီးပေးလှူခဲ့ပါလျက် သေခါနီး အာရုံနိမိတ်မှားကြောင့် အ၀ီစိ ခုနှစ်ရက်ကျခဲ့ရှာသေး၏။ တိဿရဟန်းသည် သီလအခြေခံကောင်းခဲ့ပါလျက် သင်္ကန်း၌ တွယ်ငြိသော ဥပါဒါန်အစွဲကြောင့် သန်းဖြစ်သွားရရှာသေး၏။ သုဂတိနှင့် ဒုဂ္ဂတိ၊ ဒုဂ္ဂတိရောက်ရေးက အလေးသာလျက်ရှိနေပါ၏။ ထို့ကြောင့် ဒုဂ္ဂတိရောက်ရေးအတွက် အထူးကျင့်နေစရာမလိုဟု ပြောလိုက်ခြင်းဖြစ်၏။

သတ္တ၀ါတိုင်းသည် လက်ရှိခန္ဓာခင်မင်နေသမျှ နောင်ခန္ဓာကိုလည်း လိုချင်စိတ်က ရှိနေမြဲသာဖြစ်၏။ သို့သော် လူဖြစ်သူက လူ့ခန္ဓာမျိုးနောင်ဘ၀ ရချင်သော်လည်း လူ့ဘ၀နှင့် ထိုက်တန်သော ကံကို ပြုထားမှသာလျှင် ရရှိမည်ဖြစ်ပါ၏။ အကုသိုလ် ဒုစရိုက်မှု များစွာပြုထားသူတစ်ယောက်က လူ့ဘ၀ရလိုစိတ်ရှိနေလျှင်မူ ထမင်းဆီဆမ်း ရွှေလင်ပန်းနှင့် ပေးလှည့်ပါဟု ဖိုးလမင်းထံ တောင်းခံနေသူသို့သာ ဖြစ်၏။ လူ့ဘ၀နှင့်မထိုက်တန်သော အကုသိုလ်ဒုစရိုက်ကံများကျူးလွန်ထားပါလျက် လူ့ဘ၀ရရပါစေဟု ဆုတောင်းနေသော်လည်း မထိုက်တန်သဖြင့် လူ့ဘ၀ကို ရလိမ့်မည်မဟုတ်။ သူပြုသည့်ကံနှင့် တန်ရာတန်ရာ အပါယ်ခန္ဓာသာ ရရှိမည်မှာ မြေကြီးလက်ခတ်မလွဲပင် ဖြစ်၏။ လက်ရှိခန္ဓာကိုလည်း ဒုက္ခသစ္စာဟုမသိ၊ နောင်ရမည့်ခန္ဓာကိုလည်း ဒုက္ခသစ္စာဟု မသိသမျှကာလပတ်လုံး နောင်ခန္ဓာအစဉ်သည် ဆက်မြဲဆက်နေမည်သာဖြစ်၏။ အပါယ်နှင့်ထိုက်တန်သည့်ကံသည် အပါယ်ခန္ဓာအကျိုးကို ပေးမည်ဖြစ်ပြီး လူနတ်ဗြဟ္မာနှင့်ထိုက်တန်သောကံသည် လူနတ်ဗြဟ္မာခန္ဓာ အကျိုးကိုသာ ပေးမည်ဖြစ်သည်။ ထို့ကြောင့် လူနတ်ဗြဟ္မာဖြစ်မည့်သူလည်း သူ့ဆိုင်ရာဆိုင်ရာ ခန္ဓာကို ခင်သကဲ့သို့ နောင်ခန္ဓာကိုလည်း လိုချင်ကြသည်သာဖြစ်၏။ အပါယ်ရောက်မည့်သူလည်း သူ့ဆိုင်ရာဆိုင်ရာခန္ဓာကို ခင်သကဲ့သို နောင်ခန္ဓာကိုလည်း လိုချင်မည်သာဖြစ်၏။ သေခါနီး မရဏာသန္နဇောသည် အပါယ်ပဋိသန္ဓေကို အာရုံပြုနေပြီဆိုလျှင် အပါယ်ဘ၀ကို တပ်မက်သည့် ဘ၀တဏှာပေါ်နေခြင်းဖြစ်သဖြင့် ထိုအချိန်တွင် အပါယ်ခန္ဓာကို လိုချင်စိတ် မဖြစ်ပါနှင့်ဟု တား၍မရ။ သူ့ကံအားလျော်စွာ ထိုက်ရာတန်ရာခန္ဓာကို ရရှိဖို့ တာစူနေခြင်းသာဖြစ်၏။ အပါယ်မကျချင်ဘဲနှင့် ကျရသည်မဟုတ်၊ ကျချင်စိတ်ကြောင့်ပင် ကျသွားရခြင်းဖြစ်၏။ သူ့ကံက အပါယ်ရောက်မည့်ကံဖြစ်နေလျှင် သေခါနီး မရဏာသန္နဇောသည် အပါယ်ကိုသာ အာရုံပြုနေလေတော့၏။ ဤသည်မှာ အပါယ်ခန္ဓာလိုချင်မှုပင်ဖြစ်၏။ ထို့ကြောင့် တိရစ္ဆာန်မဖြစ်ချင်ဘဲနှင့် ဖြစ်သွားရသည်မဟုတ်၊ ဖြစ်ချင်၍သာ ဖြစ်သွားရ၏။ ပြိတ္တာမဖြစ်ချင်ဘဲ ဖြစ်သွားရသည်မဟုတ်၊ ဖြစ်ချင်၍သာ ဖြစ်သွားရ၏။ အသူရကာယ်မဖြစ်ချင်ဘဲနှင့် ဖြစ်သွားရသည်မဟုတ်၊ ဖြစ်ချင်၍သာ ဖြစ်သွားရ၏။ ငရဲခန္ဓာ မဖြစ်ချင်ဘဲနှင့် ဖြစ်သွားရသည်မဟုတ်၊ ဖြစ်ချင်၍သာ ဖြစ်သွားရခြင်းဖြစ်၏။ အပါယ်မရောက်ချင်ပါဘူးဟု မည်မျှပင် အားတင်းထားခဲ့စေကာမူ သေခါနီးတွင် သူပြုသည့်ကံက အပါယ်ရောက်ချင်စိတ်ပေါက်အောင် အလိုလို လှည့်ပြောင်းပေးလိုက်သဖြင့် မရဏာသန္နဇော စောနေချိန်တွင် အပါယ်ပဋိသန္ဓေကိုသာ တန်းတန်းစွဲ အာရုံပြုနေလေတော့၏။ ဘ၀တဏှာက လူ့ခန္ဓာနှင့် အပါယ်ခန္ဓာကို ဆက်ပေးလိုက်ခြင်းပင်ဖြစ်၏။ သို့ဖြင့် အပါယ်ခန္ဓာကိုလည်း လိုချင်လျက်လာသဖြင့် ထိုလိုချင်မှုတဏှာဆက်ပေးသည့်အတိုင်းပင် အပါယ်သို့ ကျရောက်သွားကြရ၏။ အပါယ်ခန္ဓာပိုင်ရှင်များဖြစ်သွားကြရ၏။ ထို့အပြင် ဖြည့်စွက်ပြောလိုသည်မှာ အပါယ်ရောက်ဖို့ ဆုတောင်းရန်မလိုဟုဆိုသော်လည်း ခွေးတစ်ကောင် ဇိမ်ကျကျ ကောင်းကောင်းစား အိပ်နေရသည်ကိုမြင်၍ ခွေးဘ၀က ငြိမ်းပါသေးသည်ဟု ခွေးဘ၀ကိုအားကျမိသည့်စိတ်ဖြင့်သာ သေသွားပါက ခွေးဖြစ်ပါရစေဟု ဆုတောင်းသကဲ့သို့ပင် နောက်ဘ၀ ကျိန်းသေခွေးဖြစ်မည်သာ ဖြစ်၏။ နွားဘ၀ကို အားကျက နွားဖြစ်၊ ကြောင်ဘ၀ကို အားကျက ကြောင်ဖြစ်မည်ဖြစ်၍ တိရစ္ဆာန်လေးများကို အားကျပြီး သူ့လိုဖြစ်ချင်စိတ်မပေါ်မိဖို့လည်း အရေးကြီးလှ၏။

လက်ရှိခန္ဓာကို ခင်မင်သည်ဆိုရာ၌ အပါယ်ဘုံသားတို့သည် သူတို့ခန္ဓာကို ခင်မင်မှု ရှိနိုင်ပါ့မလားဟု ထင်မြင်ဖွယ်ရှိ၏။ စင်စစ်မှာ ခွေးသည်လည်း သူ့ခန္ဓာသူ ခင်သည်သာဖြစ်၏။ ကြောင်သည်လည်း သူ့ခန္ဓာသူ ခင်သည်သာဖြစ်၏။ ခြောက်လျှင် ပြေးကြ၊ ရိုက်လျှင်အော်ကြသည်မှာ သူတို့ခန္ဓာသူတို့ ခင်မင်နေ၍သာဖြစ်၏။ ပြိတ္တာ အသူရကာယ်တို့သည်လည်း သူတို့ခန္ဓာသူတို့ ခင်တွယ်ကြသည်သာဖြစ်၏။ ပြိတ္တာဘ၀ဆင်းရဲမှ လွတ်စေလိုကျွတ်စေလို၍ ကုသိုလ်ပြုအမျှပေးဝေသော်လည်း သူ့ဘ၀သူ ပျော်နေပြီး ထိုဘ၀ကိုစွဲလန်းနေသည့်ဥပါဒါန်ကြောင့် သာဓုခေါ်နိုင်ပါလျက် မခေါ်ဘဲ နေသည့် ပြိတ္တာများပင် ရှိ၏။ ဤသည်မှာ သူ့ခန္ဓာသူ ခင်နေခြင်းသာဖြစ်၏။ ထို့အတူ ငရဲသားများသည်လည်း သူတို့ မည်မျှပင် ဆင်းရဲဒုက္ခခံစားနေရစေကာမူ သူတို့ခန္ဓာကိုတော့ ခင်နေကြသည်သာဖြစ်၏။ ဆင်းရဲခြင်းကို သူတို့သိကြပါ၏။ သို့သော် သစ္စာအမြင်ဖြင့်သိခြင်းမျိုးမဟုတ်။ ထင်ရှားသည့်ပင်ပန်းဆင်းရဲမှု ပါကဋဒုက္ခကိုသာ သိနေခြင်းဖြစ်၏။ အဆုံးစွန်ဆင်းရဲဒုက္ခရောက်နေကြသော်လည်း အော်ရုံအင်ရုံကလွဲလို့ သူတို့သန္တာန်တွင် ဘာဉာဏ်မှ ဖြစ်ပေါ်ခွင့်မရှိ။ မဂ်ဉာဏ်ဖိုလ်ဉာဏ်မဆိုထားနှင့်၊ သံဝေဂဉာဏ်မျှပင် မရရှိနိုင်ကြ။ ထို့ကြောင့် မည်မျှပင် ဆင်းရဲဒုက္ခခံနေကြရစေကာမူ ခန္ဓာခင်မှုက မပြတ်ပေါ်နေသည်သာဖြစ်၏။ ထိုခန္ဓာခင်မှုကြောင့်ပင် ငရဲ၌ကျရောက်ပြီး အနှိပ်စက်ခံရ၍ သေသွားသော်လည်း ထိုငရဲ၌ပင် ပြန်ဖြစ်နေရကြရ၏။ အကုသိုလ်ကံကြွေးမကုန်သေးသရွေ့ ခန္ဓာနှင့် ပေးဆပ်နေရခြင်းသာဖြစ်၏။

လက်ရှိခန္ဓာကိုလည်း ခင်မင်၊ နောင်ခန္ဓာကိုလည်း လိုချင်သည်မှာ သတ္တ၀ါတိုင်း၏ နိယာမသဘောကဲ့သို့ဖြစ်နေ၏။ ထိုနိယာမအတိုင်းပင် လက်ရှိခန္ဓာစွန့်လိုက်ရပါသော်လည်း နောက်ခန္ဓာက တစ်မျိုးမဟုတ်တစ်မျိုး ပေါ်မည်သာဖြစ်၏။ ခန္ဓာမှန်သမျှဒုက္ခသစ္စာသာဖြစ်၏။ သုဂတိဒုက္ခသစ္စာနှင့် ဒုဂ္ဂတိဒုက္ခသစ္စာသာ ကွာခြား၏။ ခန္ဓာသည် စင်စစ်ဒုက္ခသစ္စာဟု ထိုးထွင်းမြင်နိုင်သည့် ဉာဏ်မရောက်သေးသရွေ့ကာလပတ်လုံး အ၀ိဇ္ဇာဖုံးအုပ်နေသည်ဟု ဆိုရ၏။ အ၀ိဇ္ဇာအဖုံးမခွါနိုင်သေးသမျှ နောင်ခန္ဓာလိုချင်သည့် တဏှာကလည်း ပေါ်နေမည်သာဖြစ်၏။ နောင်ဘ၀ညွတ်သည့်တဏှာဟု ပြောနိုင်ပါ၏။ နောက်ဘ၀ညွတ်သည့်တဏှာဖြင့်ပင် ကုသိုလ်ကံလည်းပြုကြ၏၊ အကုသိုလ်ကံလည်းပြုကြ၏။ ကံမှန်သမျှ သင်္ခါရ၊ ကောင်းသည့်ကံဖြစ်စေ ဆိုးသည့်ကံဖြစ်စေ မသိမှုအ၀ိဇ္ဇာခေါင်းဆောင်သည့်ကံသာ ဖြစ်၏။ ထိုကံတို့က အကျိုးပေးလိုက်တော့ ယခုလက်ရှိဘ၀ ခန္ဓာငါးပါး ဒုက္ခသစ္စာတရားကြီးကို သိမ်းပိုက်လိုက်ရ၏။ လူကောင်ဟုဆိုဆို နတ်ကောင်ဟုဆိုဆို အပါယ်ကောင်ဟုဆိုဆို ခန္ဓာငါးပါး ရုပ်နာမ်တရားအစုသာဖြစ်၏။ ဒုက္ခသစ္စာသာဖြစ်၏။

ဒေါက်တာအရှင်ပါရမီ

စက်ဝိုင်းအကွက် နံပါတ်(၂)

စက်ဝိုင်းအကွက် နံပါတ်(၂)တွင် ၀ိညာဏ် နာမ်ရုပ် သဠာယတန ဖဿ ဝေဒနာဟု တရားငါးပါးရှိ၏။ ထိုတရားငါးပါးသည် သူသူငါငါ သတ္တ၀ါတို့၏ လက်ရှိခန္ဓာငါးပါးဖြစ်စဉ်ပင် ဖြစ်၏။ အကွက်(၁)တွင်ရှိသော အ၀ိဇ္ဇာ သင်္ခါရကြောင့်ဖြစ်ပေါ်လာရသောတရားအစုသာဖြစ်၏။ အကွက်(၁)က တရားများကြောင့် အကွက်(၂)က တရားများပေါ်လာရခြင်းဖြစ်သည်ဟု ဓမ္မဖြစ်စဉ်အတိုင်း သိမြင်ထားမည်ဆိုလျှင် ဓမ္မကြောင့် ဓမ္မဖြစ်နေသည်ကို ရှင်းလင်းစွာ သဘောပေါက်ထားသဖြင့် ပုဂ္ဂိုလ်သတ္တ၀ါ ယောက်ျားမိန်းမ ဖြစ်စဉ်မဟုတ်သည်ကိုလည်း သိမြင်နိုင်မည်ဖြစ်၏။

သို့ဖြစ်မူ ယခုလက်ရှိခန္ဓာငါးပါးသည် ပဋိသန္ဓေ၀ိညာဏ်ကစခဲ့သဖြင့် ထိုပဋိသန္ဓေ၀ိညာဏ်သည် ၀ိညာဏက္ခန္ဓာဖြစ်၏။ ထို့နောက်ပေါ်လာရသော စိတ်အစဉ်သည် ပ၀တ္တိဝိညာဏ်ဖြစ်၏။ ထိုပ၀တ္တိဝိညာဏ်သည်လည်း ၀ိညာဏက္ခန္ဓာပင် ဖြစ်၏။ နာမ်ရုပ်တွင် နာမ်အရ ဝေဒနာ သညာမှကြွင်းသော စေတသိက်(၅၀)သည် သင်္ခါရက္ခန္ဓာဖြစ်၏။ စေတနာခေါင်းဆောင်သဖြင့် စေတနာကို အဦးပြု၍ သင်္ခါရက္ခန္ဓာဟု အမည်ပေးထားခြင်းဖြစ်၏။ ရုပ်သည် ရူပက္ခန္ဓာဖြစ်၏။ မျက်စိ အဆင်းတိုက်သဖြင့် ပေါ်လာသည့် မြင်စိတ်သည် ပ၀တ္တိဝိညာဏ်ပင်ဖြစ်သဖြင့် ၀ိညာဏက္ခန္ဓာတွင် ထည့်သွင်းရ၏။ ထို့အတူ ကြားစိတ် နံစိတ် စားစိတ် ယားနာကောင်းစိတ် တွေးတောကြံစည်စိတ်တို့သည်လည်း ၀ိညာဏက္ခန္ဓာပင်ဖြစ်၏။ ထိုစိတ်တို့နှင့်ယှဉ်တွဲပေါ်လာသည့် သညာသည် သညက္ခန္ဓာဖြစ်၏။ မျက်စိ နား နှာခေါင်း လျှာ ကိုယ်သည် ရူပက္ခန္ဓာဖြစ်၏။ စိတ်သည် ၀ိညာဏက္ခန္ဓာဖြစ်၏။ ဖဿသည် စေတသိက်ဖြစ်၍ သင်္ခါရက္ခန္ဓာဖြစ်၏။ ဝေဒနာသည် ဝေဒနာက္ခန္ဓာဖြစ်၏။ ထို့ကြောင့် ၀ိညာဏ် နာမ်ရုပ် သဠာယတန ဖဿ ဝေဒနာတို့ကို သုတ္တန်နည်းအားဖြင့် ခန္ဓာငါးပါးဟု ဆိုရခြင်းဖြစ်၏။ တူရာပေါင်းကြည့်လိုက်က ရူပက္ခန္ဓာ ဝေဒနာက္ခန္ဓာ သညာက္ခန္ဓာ သင်္ခါရက္ခန္ဓာ ၀ိညာဏက္ခန္ဓာဟု အဘိဓမ္မာနည်းအားဖြင့် ခန္ဓာငါးပါး ပေါ်လာမည်ဖြစ်၏။

ထိုသို့ ကွဲကွဲပြားပြားသိထားလျှင် မိုးကုတ်ဆရာတော်ဘုရားကြီး၏ တရားတော်များကို နာယူရသောအခါ ထိထိမိမိ သဘောပေါက်လွယ်၏။ သို့မဟုတ်လျှင် ခန္ဓာငါးပါးဟု ဆိုနေရသော်လည်း ခန္ဓာငါးပါးနှစ်မူဖြစ်နေသဖြင့် ဘ၀င်မကျ ဖြစ်နေတတ်၏။ ထို့အပြင် ပစ္စုပ္ပန်တွင်ပေါ်သည့် ခန္ဓာငါးပါးကိုလည်း သဘောပေါက်ထားဖို့ လိုပါ၏။ ပစ္စုပ္ပန်ခန္ဓာငါးပါးသည် အာယတနခြောက်ပါးအပေါ်မူတည်၍ ပေါ်ရရိုးဖြစ်၏။ မျက်လုံးဖွင့်လိုက်၍ သားမြင်မြင် သမီးမြင်မြင် မြင်ချင်ရာမြင်လိုက်သည်နှင့် မြင်စိတ်သည် ပေါ်လာရ၏။ မြင်စိတ်သည် မျက်လုံးမဖွင့်လျှင်လည်း မပေါ်သကဲ့သို့ မြင်စရာမရှိလျှင်လည်း ပေါ်မည်မဟုတ်။ မျက်စိနှစ်ကွင်း အလင်းမရသူ၊ ၀မ်းတွင်းကတည်းက မျက်စိပါမလာသူတို့သန္တာန်တွင် မြင်စိတ် လုံးဝမပေါ်နိုင်။ အကြောင်းမပြည့်စုံ၍ မပေါ်ခြင်းဖြစ်၏။ ထို့ကြောင့် မြင်စိတ်ဖြစ်ဖို့ အဓိကအကြောင်းနှစ်ခုပြည့်စုံဖို့လို၏။ မျက်စိနှင့် အဆင်းဖြစ်၏။ ထိုပင်မအကြောင်းနှစ်ပါး ကင်း၍ မြင်စိတ်လုံးဝမပေါ်နိုင်။ အလင်းရောင်၊ အာရုံစိုက်မှုဟူသော အခြံအရံအကြောင်းများလည်းရှိသေး၏။ သတိမမူ ဂူမမြင်ဆိုသည့်အတိုင်း အာရုံစိုက်မှုမရှိလျှင်လည်း မြင်စိတ်မပေါ်နိုင်။ သို့သော် ယခု ပင်မအကြောင်းတို့ကိုသာ ပြောပြလိုပါ၏။ မျက်စိနှင့် မြင်စရာတွေ့လျှင် မြင်စိတ်ပေါ်၏။ မျက်စိအဆင်းတွေ့ခြင်းသည် ဖဿဖြစ်၏။ မြင်စိတ်က ၀ိညာဏ်ဖြစ်၏။ သားကလေး မြင်လိုက်ရ၍ဖြစ်စေ သမီးကလေး မြင်လိုက်ရ၍ဖြစ်စေ ၀မ်းသာသည်က ဝေဒနာဖြစ်၏။ သဠာယတနပစ္စယာ ဖေဿာ၊ ဖဿပစ္စယာ ဝေဒနာဟုပင်ဆိုသော်လည်း ထိုသုံးခုသည် တစ်ပြိုင်နက်ပေါ်သောတရားများဖြစ်၏။ ဓမ္မဖြစ်စဉ် ဒေသနာစဉ်အရဟောထားခြင်းသာဖြစ်၏။ မြင်စိတ်ပေါ်လျှင် ဝေဒနာမပေါ်ပါနှင့်ဟု တား၍ဆီး၍မရ၊ သိကြားလည်းမတားနိုင်၊ ဘုရားလည်း မတားနိုင်။

ထိုမြင်ဆဲအခိုက်တွင် ခန္ဓာငါးပါး ပေါ်သည်ကို ပြောလိုပါ၏။ မျက်စိ အဆင်းသည် ရူပက္ခန္ဓာဖြစ်၏။ မြင်လိုက်ရ၍ သယာကျေနပ်မှု မကျေနပ်မှု အလယ်အလတ်ခံစားမှုဟူသော ဝေဒနာသည် ဝေဒနာက္ခန္ဓာဖြစ်၏။ မြင်သည်ကို မှတ်မိသည့် သညာသည် သညက္ခန္ဓာဖြစ်၏။ မြင်စိတ်နှင့်အတူတွဲပေါ်သည့် စေတနာခေါင်းဆောင်သည့် စေတသိက်အစုသည် သင်္ခါရက္ခန္ဓာဖြစ်၏။ အထူးသဖြင့် မြင်စိတ်ပေါ်ဖို့အရေး ကြောင့်ကြစိုက်လှုံ့ဆော်ပေးရသည့်သဘောပင်ဖြစ်၏။ မြင်စိတ်ကလေးသည် ၀ိညာဏက္ခန္ဓာဖြစ်၏။ ဤသို့ မြင်စိတ်ပေါ်သည်နှင့် ခန္ဓာငါးပါးပေါ်ပုံကို သဘောပေါက်ထားလျှင် မြင်ခန္ဓာငါးပါးဟုဆိုသည်နှင့် နားလည်သွားမည်ဖြစ်၏။ သို့မဟုတ်လျှင် “မြင်လျှင် မြင်ခန္ဓာငါးပါးပေါ်တယ်”ဟု ဆရာကပြောလိုက်သည့်အခါ “ဘယ်လိုကြီးလဲ၊ ဘယ်လိုများပေါ်တာပါလိမ့်”ဟု သံသယ၀ိစိကိစ္ဆာဝင်နေမည်သာဖြစ်၏။ ခန္ဓာဉာဏ်ရောက်ဖို့အတွက် ခန္ဓာဉာဏ်ရှင်းဖို့လည်း လိုအပ်ပါ၏။ ခန္ဓာဉာဏ်ရှင်းမှုမရှိလျှင် ခန္ဓာဉာဏ်ရောက်ဖို့အရေး နှောင့်နှေးကြံ့ကြာနေမည်သာဖြစ်၏။

မြင်စိတ်ပေါ်သည်နှင့် မြင်ခန္ဓာငါးပါး ပေါ်ပုံကို သဘောပေါက်လောက်ပြီဖြစ်၏။ ထိုသို့ ရှင်းရှင်းလင်းလင်း သဘောပေါက်ထားမှသာလျှင် မြင်စိတ်ပျက်သည်နှင့် မြင်ခန္ဓာငါးပါးလုံးပျက်ရသည်ကိုလည်း သဘောပေါက်လာမည်ဖြစ်၏။ မျက်စိအကြည်ရုပ်လည်း မြင်ပြီးပျက်၊ မြင်စရာအဆင်းလည်း မြင်ပြီးပျက်၊ မျက်စိနှင့်အဆင်းတွေ့ထိမှုဖဿလည်း မြင်ပြီးပျက်၊ မှတ်သားမှုသညာလည်းမြင်ပြီးပျက်၊ ဝေဒနာလည်း မြင်ပြီးပျက်သွားရ၏။ မြင်စိတ်ပျက်သည်နှင့် သူနှင့်အတူပေါ်သည့်တရားများ အကုန် အတွဲလိုက်ပျက်သွားသဖြင့် မြင်ခန္ဓာငါးပါးလုံးပျက်သည်ဟု ပြောရခြင်းဖြစ်၏။ မြင်စိတ်ကို အခြေခံပြောပြလိုက်သဖြင့် ကြားစိတ်ပေါ်လျှင်လည်း ကြားခန္ဓာငါးပါး၊ နံစိတ်ပေါ်လျှင် နံခန္ဓာငါးပါး၊ စားစိတ်ပေါ်လျှင် စားခန္ဓာငါးပါး၊ ထိစိတ်ပေါ်လျှင် ထိခန္ဓာငါးပါး၊ တွေးစိတ်ပေါ်လျှင် တွေးခန္ဓာငါးပါး ပေါ်သည်ကို ဉာဏ်ဖြင့် ချဲ့ထွင်သဘောပေါက်နိုင်လိမ့်မည်သာဖြစ်၏။ ထိုခန္ဓာတို့သည် ၀ိပဿနာရှုရမည့် ပေါ်ဆဲ ပစ္စုပ္ပန်ခန္ဓာငါးပါးပင်ဖြစ်၏။ မိမိ ခန္ဓာငါးပါးပင်ဖြစ်နေပါ၏။ ထိုခန္ဓာငါးပါးကို အရှုခံထားလျက် ၀ိပဿနာရှုကြရမည်သာဖြစ်၏။ ထိုခန္ဓာငါးပါးတွင် ဝေဒနာသည် ပိုမိုထင်ရှားသဖြင့် ဝေဒနာကို ဒေသနာအစဉ်မှာ နောက်ဆုံးထားဟောထားခြင်းဖြစ်၏။ မြင်(၀ိညာဏ်)၊ တွေ့ (ဖဿ)၊ ခံစား (ဝေဒနာ)။ ထို့အတူ ကြား တွေ့ ခံစား၊ နံ တွေ့ ခံစား၊ စား တွေ့ ခံစား၊ ထိ တွေ့ ခံစားဟု ပဋိစ္စသမုပ္ပါဒ်ဒေသနာစဉ်ကို တွေ့ရမည်ဖြစ်၏။ ထိုခံစားမှုဝေဒနာနောက်က တဏှာလာသဖြင့် ဝေဒနာပစ္စယာ တဏှာဟု တတိယအကွက် အကူးအဆက်ကို ပြထားခြင်းဖြစ်၏။ ထိုသို့ ပြထားသည်မှာလည်း အထင်ရှားဆုံးတရားကို ဆက်ပြထားခြင်းသာဖြစ်၏။ ဝေဒနာကြောင့် တဏှာဖြစ်နိုင်သကဲ့သို့ ဖဿကြောင့်လည်း တဏှာဖြစ်နိုင်ပါ၏။ သဠာယတနကြောင့်လည်း တဏှာဖြစ်နိုင်ပါ၏။ နာမ်ရုပ်ကြောင့်လည်း တဏှာဖြစ်နိုင်ပါ၏။ ၀ိညာဏ်ကြောင့်လည်း တဏှာဖြစ်နိုင်ပါ၏။ သို့ဖြစ်လျှင် အကွက်(၂)တရားအားလုံးသည် ခန္ဓာငါးပါး၊ ခန္ဓာငါးပါးကြောင့် တဏှာပေါ်သည်ဟု ခြုံငုံနားလည်နိုင်တော့မည်ဖြစ်၏။

ဒေါက်တာအရှင်ပါရမီ

ဘ၀မှတ်တိုင်များ

ဘ၀အသီသီးတွင် မှတ်တိုင် အသီးသီးရှိကြ၏။ အများဆိုင်မှတ်တိုင်အနေဖြင့်မူ လေးခုရှိ၏။ ဇာတိ၊ ဇရာ၊ ဗျာဓိ၊ မရဏမှတ်တိုင်များဖြစ်၏။ ထိုမှတ်တိုင် အသီးသီးကို မည်သူမဆို မဖြတ်ကျော်၍ မရ။ ခန္ဓာရထားလမ်းရှိမှတ်တိုင်များဖြစ်၍ ခန္ဓာရထားသည် နောက်ပြန်မဆုတ်သောအားဖြင့် ထွက်လာခဲ့ရာ ခန္ဓာရသူတိုင်း ထိုမှတ်တိုင်လေးခုကို ဖြတ်ကျော်သွားရရိုး ဓမ္မတာပင်ဖြစ်ပါ၏။

ဘ၀၏အစ ဇာတိကဟုဆိုရ၏။ ပစ္စုပ္ပန်ဘ၀၏အစဖြစ်ပါ၏။ ဇာတိသည် အမိဝမ်းခေါင်းတွင် စိတ်ဆင်းရဲ ကိုယ်ဆင်းရဲဖြင့် ကိန်းအောင်တည်နေ ပဋိသန္ဓေကာလပင်ဖြစ်၏။ ဇာတိသည် ဒုက္ခသစ္စာသာဖြစ်၏။ ထို့ကြောင့် ဘ၀ကို ဒုက္ခဖြင့် စခဲ့သည်ဟုဆိုလျှင် မမှား။ သို့သော် ပဋိသန္ဓေနေရခြင်း၏ ဆင်းရဲဒုက္ခအစုစုတို့ကို အ၀ိဇ္ဇာက ပိတ်ကာဖုံးလိုက်သဖြင့် မသိနိုင် မမြင်နိုင်တော့။ မသိသဖြင့် ဇာတိပိ ဒုက္ခံ-ဟု ဆိုငြားသော်လည်း လက်ခံနိုင်လောက်သည်အထိ အသိတရားတို့ ဖြစ်ပေါ်မလာခဲ့။ ထိုဒုက္ခသည် ပြီးဆုံးခဲ့ပြီဖြစ်သဖြင့် ပြန်မသိနိုင်သော်လည်း ဇာတိမှတ်တိုင်ကမူ ထွက်ခွါလာကြရသည်သာ ဖြစ်၏။

ဇာတိမှတ်တိုင် လွန်ပြန်တော့ မွေးဖွား၍ ကြီးရင့်လာသည်နှင့်အမျှ ဇရာမှတ်တိုင်ရှည်ကြီးကို ဖြတ်သန်းနေရခြင်းသာဖြစ်၏။ ဇရာသည်လည်း သုခမဖက် ဒုက္ခတရားစုသက်သက်သာ ဖြစ်၏။ အစကလည်း ဒုက္ခနှင့် စခဲ့ရသကဲ့သို့ အလယ်တွင်လည်း ဒုက္ခနှင့်သာ ဆက်လက် ခရီးနှင်နေရ၏။ ငယ်ရာမှ လူလားမြောက်၊ လူလားမြောက်ရာမှ အသက်ကြီးလာခြင်းသည် ဇရာမှတ်တိုင်ရှည်ကြီးကို ဖြတ်သန်းနေရသည့် ကာလပင်ဖြစ်၏။ ဆံဖြူ ခါးကိုင်း နားထိုင်း သွားကြွေ ပါးရေနားရေတွန့်လိပ်၍ လာသည်မှာ ဇရာ၏လက္ခဏာများသာ ဖြစ်၏။ မွေးတုန်းက ကောင်းနေတဲ့မျက်စိ မျက်မှန်တပ်ကြည့်လို့မှ သဲသဲကွဲကွဲမမြင်နိုင်တော့သည်မှာ ခန္ဓာက ထွက်လာသော ဇရာတရားပင်ဖြစ်၏။ ငယ်မူပျောက်၍ ကြီးမူ အိုမူရောက်လာခြင်းဖြစ်၏။

နောက်ဆုံးတွင် အိပ်ယာဖျာကပ် မရပ်နိုင်မထိုင်နိုင်တော့သည့်အခြေအနေဆိုက်လာတော့ သင့်တော်ရာ ဆေးဝါးများဖြင့် ရှာဖွေကုသပေးရ၊ ဆရာဝန်များခေါ်ပြရ၊ ဆေးရုံတင်ပို့ရဖြင့် အလုပ်ရှုပ်ရသည်မှာ ဗျာဓိမှတ်တိုင် ၀င်ရောက်သွားခြင်းဖြစ်၏။ ဝေဒနာဒဏ်မခံနိုင်၍ အော်ရ အင်ရ ညည်းရငြူရဖြင့် မရှူနိုင်မကယ်နိုင်ခံစားရသည်မှာ ဗျာဓိဒုက္ခပင်ဖြစ်ပါ၏။ ထိုဗျာဓိ၏ နှိပ်စက်သည့်ဒဏ်ကို မခံမရပ်နိုင်တော့သည့်အဆုံးတွင် မရဏမှတ်တိုင် ၀င်ရတော့လေ၏။ မသေချင်ပါဘဲလျက် သေသွားရသည့် မရဏဒုက္ခပင်ဖြစ်၏။ ထို့ကြောင့် ဘ၀တွင် အစကလည်း ဒုက္ခသစ္စာနှင့် စခဲ့ရသကဲ့သို့ အလယ်တွင်လည်း ဒုက္ခမှတ်တိုင်များကိုသာ ဖြတ်သန်းခဲ့ကြရပြီး အဆုံးတွင်လည်း ဒုက္ခသစ္စာနှင့်သာ လမ်းဆုံးရလေ၏။ ဤမှတ်တိုင်များသည် မည်သူမှ မလွန်ဆန်နိုင်သော မှတ်တိုင်များဖြစ်၏။ ထို့ကြောင့် ဘ၀၏မှတ်တိုင်များဟု တင်စား၍ ပြောရခြင်းဖြစ်၏။

အမှုမဲ့အမှတ်မဲ့သာနေကြပါက ထိုမှတ်တိုင်များဖြင့် ဘ၀တစ်ခု အဆုံးသတ်ပြီး နောက်တစ်ခါ ဇာတိမှတ်တိုင်က စထွက် မရဏမှတ်တိုင်တွင်ပြန်ဆုံး၊ နောက်တစ်ခါ ဇာတိကပြန်စ၊ ဤသို့ဖြင့် ဘ၀ရထားသည် သံသရာခရီးလှည့်နေတော့မည်သာဖြစ်၏။ ဇာတိကိုလည်း လွန်ဆန်၍မရ၊ ဇရာ ဗျာဓိ မရဏတရားတို့ကိုလည်း လွန်ဆန်၍ မရသည်ကို နှလုံးသွင်းဆင်ခြင်လိုက်ပါမူ ထိုဒုက္ခများမှ လွတ်မြောက်ရာ ထွက်ရပ်ပေါက်လမ်းကို ရှာလိုစိတ်ဆန္ဒ ပေါ်လာမည်ဖြစ်၏။ ထို့ကြောင့် ထိုမှတ်တိုင်များကို မလွန်ဆန်နိုင်သည်ကို ဖာသိဖာသာ မထားဘဲ “ဇာတိတရားသည်လည်း လွန်ဆန်၍မရပါလား၊ ဇရာတရားသည်လည်း လွန်ဆန်၍ မရပါလား၊ ဗျာဓိတရားသည်လည်း လွန်ဆန်၍မရပါလား၊ မရဏတရားသည်လည်း လွန်ဆန်၍မရပါလား” ဟု ဆင်ခြင်နေမည်ဆိုပါက လွတ်လိုကျွတ်လိုစိတ် သံဝေဂဉာဏ်ရရှိလာမည်ဖြစ်၏။

ထိုမှတ်တိုင်သံသရာမှ ထွက်ရပ်လမ်းရှာမည်ဆိုလျှင် ဇာတိမှတ်တိုင် ဖြတ်သန်းနေချိန်တွင်လည်း အမိဝမ်းခေါင်းတွင် ကိန်းအောင်နေရသည်ဖြစ်၍ မည်သို့မျှ ရှာလို့မရ။ မွေးဖွားလို့ လူလားမြောက် ကြီးပြင်းလာသောအခါ ဇရာမှတ်တိုင် စနေပြီဖြစ်၏။ မွေးဖွားသည့်နောက် ဗျာဓိမှတ်တိုင်၊ မရဏမှတ်တိုင်ဆီသို့ အတင်းခုတ်မောင်းနေလေ၏။ ထွက်ရပ်ပေါက်လမ်းရှာလိုလျှင် ဇရာကာလတွင်သာရှာဖို့ အဆင်အပြေဆုံးအချိန်ဖြစ်၏။ ဇရာမှတ်တိုင်သည် အရှည်ဆုံးမှတ်တိုင်ဖြစ်၏။ ဗျာဓိ မရဏရောက်မှ ရှာနေမည်ဆိုလျှင် အချိန်နှောင်းသွားပြီဖြစ်သဖြင့် ထွက်ရပ်လမ်းကို တွေ့တော့မည်မဟုတ်။ ထို့ကြောင့် ဇရာမှတ်တိုင်က ဗျာဓိမှတ်တိုင်မရောက်ခင်မှာ ကြိုတင်၍ ထွက်ရာလမ်းကို ရှာကြရမည်ဖြစ်၏။ ထိုသို့မရှာဘဲ ငြင်းဆန်မရအတူတူ ထိုမှတ်တိုင်များကိုပဲ တစ်ခုပြီး တစ်ခု ကျော်ဖြတ်နေတော့မည်ဆိုပါက ထိုမှတ်တိုင်လေးခုဆုံးသည်နှင့် နောက်တစ်ခါ ဇာတိကပြန်စသဖြင့် ထိုလမ်းရိုးအတိုင်းပင် ဆက်လက်လည်ပတ်နေရမည်သာဖြစ်၏။ မှတ်တိုင်အားလုံးသည်လည်း ဒုက္ခသစ္စာမှတ်တိုင်များသာဖြစ်နေသဖြင့် ဒုက္ခသစ္စာ တစ်ခုပြီးတစ်ခု ကျော်ဖြတ်၍ မဆုံးနိုင်အောင်သာ ဖြစ်နေတော့၏။ လူဖြစ်စေ နတ်ဖြစ်စေ သိကြား ဗြဟ္မာဖြစ်စေ အပါယ်ဘုံသားဖြစ်စေ ထိုမှတ်တိုင်လေးခုကို ဖြတ်ကျော်နေရသည်သာဖြစ်သဖြင့် ဒုက္ခလေးခု လှည့်ခံနေရသည်သာဖြစ်၏။ အရင်ဘ၀က လူဖြစ်ခဲ့သည် ခွေးဖြစ်ခဲ့သည်မသိနိုင်သော်လည်း ထိုဒုက္ခလေးခု ဖြတ်ကျော်ခဲ့ရသည်ကတော့ အမှန်ပင်ဖြစ်၏။ နောက်ဘ၀တွင်လည်း ဘာဖြစ်မည် ညာဖြစ်မည် မပြောနိုင်သော်လည်း ထိုဒုက္ခမှတ်တိုင်လေးမျိုးဖြတ်သန်းနေရမည်သာဖြစ်၏။ ထွက်မြောက်ရာလမ်းမရှာသရွေ့ ထိုလမ်းရိုးအတိုင်းသာ မှတ်တိုင်တစ်တိုင်ပြီးတစ်တိုင် ကျော်ဖြတ်ရင်းဖြင့် သံသရာရထားခရီးစဉ် နားချိန်မရှိ အပြေးနှင်နေရမည်သာဖြစ်၏။ ဇာတိပြီး ဇရာ၊ ဇရာပြီး ဗျာဓိ၊ ဗျာဓိပြီး မရဏ- ဒုက္ခမှတ်တိုင်များသာ လှည့်နေမည်ဖြစ်၏။ မရဏပြီးပြန်တော့လည်း ဇာတိကပြန်စဦးမည်ဖြစ်ရာ ဒုက္ခစက် တစ်ခါပြန်လှည့်ပြန်ပါ၏။

ခန္ဓာသည် အိုဘေး နာဘေး သေဘေးတို့ဖြင့် ပြည့်နေသည်သာဖြစ်၏။ ထိုအိုဘေးနာဘေး သေဘေးတို့ကို ထမ်းပြီး လျှောက်လှမ်းနေရခြင်းသာဖြစ်၏။ ဇာတိကနေ ဇရာ၊ ဇရာကနေ ဗျာဓိ၊ ဗျာဓိကနေ မရဏဆီသို့ လျှောက်လှမ်းနေကြရသည်သာဖြစ်၏။ ထိုသို့ ခန္ဓာ့ဝန်အကြီးစားတွေ ကိုယ်စီထမ်းလျက် လျှောက်လှမ်းနေရသည့်ကြားမှပင် သားဝန် သမီးဝန် ဇနီးဝန် မယားဝန် မင်းဝန် စိုးဝန် စသည်ဖြင့် ၀န်မှန်သမျှ ထမ်းနေရသဖြင့် ၀န်ထမ်းရင်းဖြင့်ပင် မှတ်တိုင်များတစ်ခုပြီးတစ်ခုလွန်၍ ဗျာဓိမှတ်တိုင်ရောက်ပြီဆိုမှ လွတ်ရာကျွတ်ရာလမ်းကို ရှာချင်ပါ၏ဟု အကြံပေါက်ခဲ့သော် အချိန်မီနည်းမှန်လမ်းမှန် ရှာနိုင်ဖို့ မလွယ်ကူတော့။ အနီးကပ် သွန်သင်ပေးမည့် ဆရာသမားကောင်းနှင့် တွေ့ဖို့ အချိန်မရှိတော့။ ထို့ကြောင့် ဗျာဓိမှတ်တိုင်မရောက်မီ ဇရာမှတ်တိုင်အတွင်း ဖြတ်သန်းနေချိန်မှာသာ လွတ်မြောက်ရာလမ်းကို ရှာရမည့်အချိန်ဖြစ်၏။ လွတ်မြောက်ရာလမ်းသည် မဂ္ဂင်လမ်းပင်ဖြစ်၏။ ထိုမဂ္ဂင်လမ်းကိုမှ မလိုက်ဘူးဆိုလျှင် လမ်းရိုးအတိုင်း မှတ်တိုင်လေးခု တစ်ခုပြီးတစ်ခု ကျော်ဖြတ်နေရသည့် ဘ၀ရထားသည် ခရီးအဆုံးမရှိဘဲ မရဏဆုံး ဇာတိကပြန်စ၍ ပဋိစ္စသမုပ္ပါဒ်လည်မြဲတိုင်း လည်နေမည်သာဖြစ်သဖြင့် ထိုဒုက္ခမှတ်တိုင်များသည် ဒုက္ခပေးဖို့ စောင့်နေကြဦးမည်သာဖြစ်၏။ ထိုဒုက္ခမှတ်တိုင်များကိုတော့ဖြင့် မဖြတ်လိုတော့ပါဘူးဟု ဉာဏ်မြင်သံဝေဂယူလျက် မှတ်တိုင်ကင်းမဲ့သည့် ထွက်ရပ်လမ်း- မဂ္ဂင်လမ်းကို ဆရာဝန်အကူအညီမယူမဖြစ်တော့သည့် ဗျာဓိမှတ်တိုင်မရောက်မီ ကြိုတင်၍ ရှာဖွေမှသာလျှင် တကယ့်မှတ်တိုင်လွန်နယ်မြေနိဗ္ဗာန်သို့ ဆိုက်ရောက်နိုင်မည်ဖြစ်ပါ၏။

ဒေါက်တာအရှင်ပါရမီ

ဝဋ်လည်၏ဟူသည်

ဝဋ်သုံးပါးဟူသည် ကိလေသ၀ဋ်၊ ကမ္မ၀ဋ်၊ ၀ိပါက၀ဋ်တို့ဖြစ်၏။ ပဋိစ္စသမုပ္ပါဒ်စက်ဝိုင်းတွင် အ၀ိဇ္ဇာ၊ တဏှာ၊ ဥပါဒါန်(၃)ပါးကိုလည်းကောင်း၊ သင်္ခါရ၊ ကမ္မဘ၀(၂)ပါးကိုလည်းကောင်း ကြိုးနီဖြင့်ဝိုင်းပြထား၏။ အ၀ိဇ္ဇာ၊ တဏှာ၊ ဥပါဒါန်(၃)ပါးသည် ကိလေသ၀ဋ်ဖြစ်၏။ သင်္ခါရနှင့် ကမ္မဘ၀(၂)ပါးသည် ကမ္မ၀ဋ်ဖြစ်၏။ ကျန်သည့် ၀ိညာဏ် နာမ်ရုပ် သဠာယတန ဖဿ ဝေဒနာ ဇာတိ ဇရာမရဏ ဥပပတ္တိဘ၀ (၈)ပါးသည် ၀ိပါက၀ဋ်ဖြစ်၏။

ဝဋ်ဟူသည် လည်ခြင်းဟု အဓိပ္ပါယ်ရ၏။ သံသရာကို ထိုဝဋ်သုံးပါးက လှည့်နေသဖြင့် လည်နေရခြင်းသဘောဖြစ်၏။ အ၀ိဇ္ဇာနှင့် တဏှာကြောင့် ခန္ဓာရရှိခဲ့ပုံကို မနေ့က ပြောခဲ့၏။ ထိုအ၀ိဇ္ဇာ တဏှာတို့သည် ကိလေသ၀ဋ်ပင်ဖြစ်၏။ အ၀ိဇ္ဇာက မသိအောင်ဖုံး၊ တဏှာက ဘုံဘ၀ကို ခင်မင်သဖြင့် သတ္တ၀ါတိုင်းသည် ကိုယ့်ဘ၀ကိုယ် ခင်မင်တွယ်တာနေကြသည်သာဖြစ်၏။ မည်မျှဆိုးသည့်ဘ၀ပင် ဖြစ်နေစေကာမူ ကိုယ့်ဘ၀ကိုယ်တော့ ခင်မင်နေကြ၏။ ဆင်းရဲသားကလည်း ဆင်းရဲသားဘ၀အလိုက် ပြုံးပျော်နေကြ၏။ လူလတ်တန်းစားကလည်း လူလတ်တန်းစားဘ၀အလိုက် ပြုံးပျော်နေကြ၏။ လူချမ်းသာကလည်း လူချမ်းသာအလိုက် ပြုံးပျော်နေကြ၏။ ထို့အတူ နတ်ဗြဟ္မာတို့သည်လည်း သူဖြစ်လေရာဘုံဘ၀ကို သာယာစုံမက်နေကြသကဲ့သို့ အပါယ်ဘုံသားတို့သည်လည်း ဘ၀စွဲရှိနေသဖြင့် သူဖြစ်လေရာဘ၀ခန္ဓာကိုတော့ ခင်မင်နေကြသည်သာဖြစ်၏။ ထိုဘ၀ခန္ဓာကို ဒုက္ခသစ္စာဟု သိခွင့်မရသဖြင့် ထိုခန္ဓာ့ဝဋ်မှ လွတ်မြောက်လိုစိတ်မရှိကြ။ ထိုသို့ သိခွင့်မရအောင် အ၀ိဇ္ဇာကဖုံး၊ တဏှာက လှည့်စားထားသဖြင့် ကိုယ့်ခန္ဓာကိုယ်သည်သာ ခင်စရာ မင်စရာ အားကိုးစရာအဖြစ် ထင်မှတ်နေလေ့ရှိကြ၏။

ကိုယ့်ခန္ဓာကိုယ် ခင်ရင်းဖြင့်ပင် ကာယကံ ၀စီကံ မနောကံဟူသော ကံတို့ကို ပြုလုပ်နေကြပါ၏။ အ၀ိဇ္ဇာ တဏှာမကင်းဘဲ ပြုလုပ်သမျှကံတို့သည် သင်္ခါရဖြစ်လာရ၏။ ထိုသင်္ခါရဟူသည် ကံကိုဆိုလိုရင်းဖြစ်၏။ ထို့ကြောင့် သင်္ခါရနှင့် ကမ္မဘ၀သည် အတူတူပင်ဖြစ်၏။ သင်္ခါရသည် အတိတ်ကံကို ညွှန်းဆို၏။ ကမ္မဘ၀သည် ပစ္စုပ္ပန်ကံကို ညွှန်းဆို၏။ ထိုတရားစုကို ကမ္မ၀ဋ်ဟုခေါ်၏။ ကိလေသ၀ဋ်ကြောင့် ကမ္မ၀ဋ်ပေါ်ရခြင်းဖြစ်၏။ ကိလေသာကြောင့် ကံဖြစ်နေ၏။ ထို့ကြောင့် အ၀ိဇ္ဇာတဏှာရှိနေသရွေ့ သင်္ခါရနှင့် ကမ္မဘ၀တို့လည်း ရှိနေမည်သာဖြစ်၏။ ခန္ဓာကိုယ်ကို ဒုက္ခသစ္စာဟုလည်း မသိ၊ ဘ၀စွဲ ခန္ဓာစွဲ တဏှာကလည်းရှိသဖြင့် ထိုအ၀ိဇ္ဇာ တဏှာ တန်းလန်းနှင့် ပြုသမျှအလုပ်၊ ပြောသမျှစကား၊ ကြံသမျှ အကြံတို့သည် ကံဖြစ်လာရခြင်းဖြစ်၏။ ပဋိစ္စသမုပ္ပါဒ်အလို အ၀ိဇ္ဇာပစ္စယာ သင်္ခါရာ၊ သင်္ခါရပစ္စယာ ၀ိညာဏံပင် ဖြစ်ပါ၏။ အတိတ်ဘ၀တွင် အ၀ိဇ္ဇာဦးစီးသဖြင့် အ၀ိဇ္ဇာတစ်လုံးတည်းကို ဆိုရခြင်းဖြစ်၏။ တဏှာသည်လည်း အဖော်အဖြစ်ပါနေသည်သာဖြစ်၏။ အတိတ်ဘ၀က အ၀ိဇ္ဇာခေါင်းဆောင် တဏှာက အဖော်လုပ်လျက် ကောင်းကံ ဆိုးကံတို့ကိုလုပ်ခဲ့ကြသဖြင့် လက်ရှိခန္ဓာကိုယ်ကိုရရှိခြင်းဖြစ်၏။ ကံမှန်သမျှ သင်္ခါရသာဖြစ်၏။ ထိုသင်္ခါရခေါ်သည့် ကံသည် အကျိုးပေးလိုက်တော့ ၀ိညာဏ်ဖြစ်လာ၏။ ထိုဝိညာဏ်သည် ယခုဘ၀အစ ပဋိသန္ဓေ၀ိညာဏ်ပင် ဖြစ်၏။ ယခုဘ၀၏အစ ဇာတိဟုလည်း ဆိုရ၏။ ၀ိညာဏ်ဟုခေါ်သည်ဖြစ်စေ ဇာတိဟုခေါ်သည်ဖြစ်စေ ဒုက္ခသစ္စာသာဖြစ်၏။ အတိတ်က အ၀ိဇ္ဇာ တဏှာခေါင်းဆောင်၍ ပြုလုပ်ခဲ့သော ကမ္မ၀ဋ်၏ အကျိုးပေး ၀ိပါက၀ဋ်ကို လူနတ်ဗြဟ္မာ ကြိုက်ရာခေါ်နိုင်သော်လည်း ဒုက္ခသစ္စာခန္ဓာငါးပါးသာ ဓမ္မအဖြစ်တွေ့ရ၏။ ဤသည်ပင် အမှန်တရားဖြစ်ပါ၏။

ပဋိသန္ဓေ၀ိညာဏ်ပေါ်ပြီးသည့်နောက်တွင် ထိုပဋိသန္ဓေစိတ်နှင့် ဆက်စပ်သမျှ စေတသိက်နာမ်များ၊ ရုပ်များလည်း ပေါ်လာမည်သာဖြစ်၏။ စက်ဝိုင်းတွင် နာမ်ရုပ်ဟု တွေ့ရမည်ဖြစ်၏။ ထို့နောက် အချိန်အားလျော်စွာ အာယတနခြောက်ပါး၊ ဖဿ၊ ဝေဒနာတို့ ပေါ်လာမည်သာဖြစ်၏။ ပဋိသန္ဓေ၀ိညာဏ်စိတ်သည် တစ်ချက်သာဖြစ်ပြီး ပျက်သွားလေတော့၏။ ထိုပဋိသန္ဓေစိတ်တစ်ချက်ကလေးသည် လက်ရှိဘ၀ခန္ဓာ၏အစဦးစိတ်ကလေး ဖြစ်ပြီး ထိုစိတ်သည်လည်း မမြဲသည့်အားလျော်စွာ ဖြစ်ပြီးပျက်သွားသဖြင့် ပဋိသန္ဓေအခိုက်အတန့်ကို စိတ်ပိုင်းဆိုင်ရာအရ ပိုင်းခြားပြောပြလောက်အောင်ပင် အချိန်မရှိ။ ဖြစ်ပျက်တစ်ချက်သာကြာလိုက်၏။ ထိုပဋိသန္ဓေစိတ်တစ်ချက်ဖြစ်ပြီးနောက်တွင် စိတ်တို့သည် ဆက်လက်ဖြစ်ပေါ်နေသည်သာဖြစ်၏။ စိတ်မရှိလျှင် သေသည်သာဖြစ်သဖြင့် အမိဝမ်းခေါင်းတွင် ကိန်းအောင်းနေစေကာမူ စိတ်များ အစဉ်လိုက် အတန်းလိုက် ဆက်လက်ဖြစ်နေပါ၏။ ဘ၀င်စိတ်များသည် အများစုဖြစ်လေ့ရှိ၏။ ပဋိသန္ဓေစိတ်၏ နောက်တွင် ဆက်လက်ဖြစ်ပေါ်နေသောစိတ်များကိုမူ ပ၀တ္တိဝိညာဏ်ဟု ခေါ်ရ၏။ ထို့ကြောင့် ၀ိညာဏ်ကို ပဋိသန္ဓေ၀ိညာဏ်၊ ပ၀တ္တိဝိညာဏ်ဟု နှစ်မျိုး ခွဲခြားနားလည်ထားဖို့ အရေးကြီးပါ၏။ ပဋိသန္ဓေစိတ်နောက်တွင် ပေါ်လာသည့်စိတ်မှန်သမျှ သေသည့် စုတိစိတ်မကျမီအထိ ဖြစ်သမျှ စိတ်တို့ကို ပ၀တ္တိဝိညာဏ်ဟု ခေါ်ပါ၏။ နောက်ဆုံး သေသည့်စိတ်ကလေးတစ်ချက်ကိုမူ စုတိစိတ်ဟုခေါ်ရ၏။ ထို့ကြောင့် ဘ၀တစ်ခုကို စိတ်ဖြင့် ပိုင်းခြားလိုက်က ပဋိသန္ဓေစိတ်၊ ပ၀တ္တိစိတ်၊ စုတိစိတ်ဟူ၍ သုံးပိုင်းသာတွေ့ရမည်ဖြစ်၏။

ပဋိသန္ဓေ၀ိညာဏ်သည် ကံပစ်ချသည့်အားလျော်စွာ ဖြစ်လာရခြင်းဖြစ်၏။ ကိုယ်ပြုခဲ့သည့်ကံအပေါ်မူတည်၍ ပဋိသန္ဓေစိတ်က ကောင်းသည့်ဘ၀ကျရောက်လျှင် ဘ၀ကောင်းဖြစ်၍ ဆိုးသည့်ဘ၀ကျရောက်လျှင် ဘ၀ဆိုးဖြစ်ရ၏။ ပဋိသန္ဓေစိတ်ပြီးသည်နှင့် နာမ်ရုပ် သဠာယတန ဖဿ ဝေဒနာတရားတို့သည်လည်း ပေါ်လာရတော့သည်သာဖြစ်၏။ ခန္ဓာပေါ်လာခြင်းသာဖြစ်၏။ စင်စစ်မှာ ပုဂ္ဂိုလ်ပေါ်လာခြင်းမဟုတ်၊ ခန္ဓာ သို့မဟုတ် ဓမ္မအစုပေါ်လာခြင်းသာဖြစ်၏။ အတိတ်ဓမ္မကြောင့် ပစ္စုပ္ပန်ဓမ္မပေါ်လာခြင်းဖြစ်၏။ သို့သော် လောကမျက်မြင်မှာ ထိုသို့မဟုတ်၊ သားကလေး၊ သမီးကလေး စသည်ဖြင့် မမွေးခင်ကပင် ပုဂ္ဂိုလ်စွဲတင်ပြီးဖြစ်နေလေတော့၏။ သဘောခန္ဓာအစုတစ်ခုပေါ်လာခြင်း၊ ဓမ္မပေါ်လာခြင်းသာဖြစ်သည်ဟု ဉာဏ်မြင်စူးရှထားမှ ပုဂ္ဂိုလ်မဟုတ်သည်ကို ဓမ္မသဘောအရ သိမည်ဖြစ်၏။ ဓမ္မသဘောအရ မြင်ဖို့သည်သာ အရေးကြီး၏။ “မင်း ပုဂ္ဂိုလ်မဟုတ်ဘူးကွ၊ လူမဟုတ်ဘူးကွ၊ နတ်မဟုတ်ဘူးကွ၊ ခန္ဓာငါးပါးကွ” ဤသို့ပြောဆိုနေရမည်မဟုတ်။ “အပြောရှိစေ၊ အထင်တော့မရှိစေနှင့်”ဟု မိုးကုတ်ဆရာတော်ဘုရားကြီး ဆုံးမလေ့ရှိ၏။ ပဋိသန္ဓေ၀ိညာဏ်က စလာသည့် ခန္ဓာသည် ၀ိပါက၀ဋ်ပင် ဖြစ်၏။ လူနတ်ဗြဟ္မာ အပါယ်ဘုံသား ကြိုက်သလိုခေါ်နိုင်သော်လည်း တကယ်တရားအစစ်က ခန္ဓာငါးပါးအစုသာဖြစ်၏။ ခန္ဓာမှန်သမျှ ၀ိပါက၀ဋ်ပင်ဖြစ်၏။ ထို့ကြောင့် “မင်းတော့ ၀ဋ်လည်ဦးမှာ” ဟုပြောဆိုနေကြသော်လည်း ပြောဆိုနေသည့်သူကိုယ်တိုင်ကပင် ၀ဋ်လည်နေသူဖြစ်၏။ အ၀ိဇ္ဇာ တဏှာမချုပ်သရွေ့ ကမ္မ၀ဋ်မချုပ်၊ ကမ္မ၀ဋ်မချုပ်သရွေ့ ၀ိပါက၀ဋ်ခန္ဓာ မဖြစ်မနေပေါ်မည်သာဖြစ်၏။ ထို့ကြောင့် အ၀ိဇ္ဇာ တဏှာမချုပ်သရွေ့ မည်သူမဆို ၀ဋ်လည်နေကြရသည်သာဖြစ်၏။

အတိတ်က ခန္ဓာဒုက္ခသစ္စာကိုမသိခဲ့၍ နောက်ခန္ဓာရရှိရေးအတွက် တဏှာဖြင့်ဆုတောင်းလျက် ကံတွေဆည်းပူးခဲ့ကြ၏။ ထိုကံတို့ကြောင့် ယခုဘ၀ ၀ိညာဏ် နာမ်ရုပ် သဠာယတန ဖဿ ဝေဒနာ ခန္ဓာငါးပါး ရရှိလာခြင်းဖြစ်၏။ အ၀ိဇ္ဇာတဏှာသည် ကိလေသ၀ဋ်ဖြစ်၏။ ထိုကိလေသ၀ဋ်ကြောင့် ကံတွေလုပ်တော့ ကမ္မ၀ဋ်ဖြစ်ရ၏။ ထိုကမ္မ၀ဋ်က သူ့သတ္တိအားလျော်စွာ အကျိုးပေးလိုက်တော့ ၀ိပါက၀ဋ်ခန္ဓာငါးပါးရလာ၏။ ထိုလက်ရှိခန္ဓာကိုလည်း ဒုက္ခသစ္စာမှန်းမသိပြန်တော့ အ၀ိဇ္ဇာပြန်လည်ပေါက်ဖွားလာ၏။ ခန္ဓာခင်မှု ခန္ဓာလိုချင်မှု တဏှာပေါ်လာပြန်၏။ ထိုအခါ နောင်ဘ၀ကောင်းစားရေး လူချမ်းသာ နတ်ချမ်းသာ ခံစားရရေးအတွက် ကုသိုလ်ကံတွေ ပြုလုပ်ပြန်တော့ ကမ္မ၀ဋ်ထပ်ဆင့်ပေါက်ဖွားလာပြန်၏။ ထိုကမ္မ၀ဋ်များသည် နောက်ဘ၀ ပဋိသန္ဓေ ခန္ဓာငါးပါး ၀ိပါက၀ဋ်ကို ပြန်လည်ဖန်တီးမည်သာဖြစ်၏။ သို့ဖြင့် ကိလေသ၀ဋ်ကြောင့် ကမ္မ၀ဋ်ဖြစ်၊ ကမ္မ၀ဋ်ကြောင့် ၀ိပါက၀ဋ်ဖြစ်၊ ထိုဝိပါက၀ဋ်မှ ကိလေသ၀ဋ်ပြန်ပေါ်၊ ကမ္မ၀ဋ်ပြန်လုပ်၊ နောက်ခန္ဓာဝိပါက၀ဋ်ပြန်ရ၊ ထိုနောက်ခန္ဓာမှလည်း ကိလေသ၀ဋ် ကမ္မ၀ဋ်တို့ပြန်ပေါ်သဖြင့် နောက်ခန္ဓာတစ်ခု အသစ်ရ၊ ၀ဋ်သည် ဤသို့ လည်နေခြင်းသာဖြစ်ပါ၏။ ထိုဝဋ်၏ခေါင်းဆောင်သည် အ၀ိဇ္ဇာနှင့် တဏှာ- ကိလေသ၀ဋ်ဖြစ်၏။ ၀ဋ္ဋသီသ- ၀ဋ်၏ဦးခေါင်းဟု ဆိုရ၏။ ထို့ကြောင့် ထိုခေါင်းဆောင်ကိလေသ၀ဋ်ကို သတ်နိုင်မှ ၀ဋ်အလည်ရပ်မည်ဖြစ်၏။ အ၀ိဇ္ဇာနှင့် တဏှာသည် ကိလေသ၀ဋ်၊ ထိုကိလေသ၀ဋ်ကြောင့် ကံပေါ်ရခြင်းဖြစ်၏။ ကံသည် ကိလေသာရှိသောကြောင့်သာ ပေါ်၏၊ ကိလေသာမရှိလျှင် မပေါ်နိုင်။ ကံကိုခေါင်းဆောင်ဟု သာမန်အားဖြင့်ထင်နေကြသော်လည်း စင်စစ်မှာ ကံသည်ခေါင်းဆောင်မဟုတ်၊ ကိလေသာသည်သာခေါင်းဆောင်ဖြစ်၏။ ထို့ကြောင့် ကိလေသာမရှိလျှင် ကံလည်းမရှိ၊ ကံမရှိလျှင် ခန္ဓာလည်းမရ၊ ခန္ဓာမရတော့မှ ခန္ဓာ့ဒုက္ခမှန်သမျှ ကင်းငြိမ်းရာဖြစ်သည့် နိဗ္ဗာန်ကိုရမည် ရောက်မည်ဖြစ်၏။

ဒေါက်တာအရှင်ပါရမီ