ကိုယ့်ခန္ဓာဟာ ကိုယ့်သံသရာပါပဲတဲ့။ ကိုယ့်သံသရာကို နောက်ပြန်စဉ်းစားလိုက်တော့လဲ အနေထပ်သလောက် အသေတွေ ထပ်ခဲ့ရတယ်ဆိုတာကလွဲလို့ ဘာမှမရှိခဲ့ပါဘူး။ ဘာလို့ အနေ အသေတွေ ဒီလောက်ထပ်နေရပါလိမ့်မလဲဆိုရင် မသိမှု အ၀ိဇ္ဇာ ခေါင်းဆောင်နေလို့ပါပဲ။ ဒီလိုသာ မသိမှုအ၀ိဇ္ဇာ ရှေ့တန်းတင်ပြီး ဘ၀ခရီးတွေ ဆက်နေကြဦးမယ်ဆိုရင် အနေ အသေတွေထပ်၊ အတောမသတ်နိုင်တဲ့ ခန္ဓာသံသရာတွေနဲ့ပဲ ဒုက္ခပင်လယ်ဝေရတော့မယ်ဆိုတာ မြေကြီးလက်ခတ်မလွဲပါပဲ။ ဒါကြောင့် ကုသိုလ်ပြုပြီး လူဖြစ်ရပါလို၏၊ နတ်ဖြစ်ရပါလို၏၊ ဗြဟ္မာဖြစ်ရပါလို၏လုို့ဆုတောင်းမယ်ဆိုရင် အသေထပ်ဖို့နဲ့ အထပ်ထပ်သေဖို့ ဆုတောင်းတာပဲဆိုတာသဘောကျ။ အသေဟာ `မရဏမ္ပိ ဒုက္ခသစ္စံ´- ဒုက္ခသစ္စာပါပဲ။ အသေထပ်ပြီး ဒုက္ခမရောက်ချင်တော့ပါဘူးဆိုရင်တော့ ဒိဋ္ဌိ ၀ိစိကိစ္ဆာကို အရင်သတ်တဲ့အလုပ်ကို လုပ်ကြရမှာပါ။
စက်ဝိုင်း အကွက်နံပါတ်(၁)ကိုကြည့်လိုက်တော့ အတိတ်အကြောင်း အခြင်းအရာငါးပါး၊ ဘယ်တုံးက ဖြစ်ခဲ့တာလဲဆိုတော့ အတိတ်ကဖြစ်ခဲ့တာ။ ခန္ဓာကို ပုဂ္ဂိုလ်ကတည်ထောင်တာမဟုတ်၊ ဟောဒီအတိတ်အကြောင်းတရားငါးပါးဆိုတဲ့ ဓမ္မက တည်ထောင်တာလို့ မှတ်ရမယ်။ ဘယ်တုံးကဓမ္မလဲဆိုရင် အတိတ်ကဓမ္မ။ ဟောဒီအကြောင်းတရားငါးပါးက ခန္ဓာကို ဖြစ်စေတယ်။ သိကြား ဗြဟ္မာ ဘုရားလာဖန်ဆင်းတာမဟုတ်ဘူး။ ဘယ်ဓမ္မတွေလဲဆိုရင် အ၀ိဇ္ဇာ သင်္ခါရ တဏှာ ဥပါဒါန် ကမ္မဘ၀။ ပုဂ္ဂိုလ် သတ္တ၀ါတည်ထောင်တဲ့တရားငါးခုလို့ မှတ်ထားလိုက်။
ဒို့အတိတ်က ဘာတွေလုပ်ခဲ့ပါလိမ့်မလဲဆိုရင် အ၀ိဇ္ဇာ သင်္ခါရ တဏှာ ဥပါဒါန် ကမ္မဘ၀တွေ လုပ်ခဲ့ကြတယ်။ အ၀ိဇ္ဇာဆိုတာ သစ္စာလေးပါးကိုမသိတာ။ အတိတ်ဘ၀က ဒို့လုပ်သမျှ ဘယ်သူကခေါင်းဆောင်နေပါလိမ့်မလဲဆိုရင် သစ္စာလေးပါးမသိတဲ့အ၀ိဇ္ဇာက ခေါင်းဆောင်နေတာ။ အလွန်ဆိုးဝါးတဲ့ အ၀ိဇ္ဇာ ခေါင်းဆောင်နေခဲ့တယ်၊ ၀မ်းထဲမှာ ကိန်းခဲ့တယ်။ အ၀ိဇ္ဇာပြီးတော့ သင်္ခါရ၊ သင်္ခါရဆိုတာ ပြုပြင်တာ။ မသိတဲ့တရားက ပြုပြင်ခိုင်းတာကို ပြုပြင်တာ။ မသိတဲ့သူခိုင်းတဲ့အတိုင်းပဲ လိုက်လုပ်နေတာ သင်္ခါရ။ သင်္ခါရ နားလည်လွယ်အောင်ပြောရမယ်ဆိုရင် စေတနာပဲ။ ဆွမ်းကပ် ပန်းကပ် ကုသိုလ်လုပ်၊ လူချမ်းသာဖြစ်ရပါလို၏လို့ ဆုတောင်း။ ကုသိုလ်က သင်္ခါရ၊ ဆုတောင်းတာက တဏှာ။ အ၀ိဇ္ဇာက မသိ၊ မသိဘဲနဲ့ ကုသိုလ်ပြုတော့ သင်္ခါရ၊ တဏှာနဲ့ဆုတောင်း၊ မရမနေဆိုတဲ့သဘောက ဥပါဒါန်။ ကာယကံနဲ့ ကုသိုလ်လုပ် ၀စီကံနဲ့ဆုတောင်း။ အ၀ိဇ္ဇာက မသိ၊ သင်္ခါရက ပြုပြင်၊ တဏှာက ဆုတောင်း၊ ဥပါဒါန်က စွဲလမ်း၊ ကမ္မဘ၀က ကာယကံ ၀စီကံ။ ဒါ အတိတ်က ကိုယ်လုပ်ခဲ့တာတွေရဲ့သဘောတွေ ပေါ်လောက်ပါပြီ။
ကုသိုလ်က နိဗ္ဗာန်လဲ ပေးနိုင်တယ်၊ လူ့ဘ၀ နတ်ဘ၀လဲ ပေးနိုင်တယ်။ သို့သော် သစ္စာလေးပါး မသိတဲ့တရားက သင်္ခါရအပေါ်အုပ်ချုပ်နေတဲ့အခါ လူချမ်းသာ နတ်ချမ်းသာပဲ ဆုတောင်းနေကြတယ်။ မသိတဲ့တရား အုပ်ချုပ်ခံနေရလို့ အ၀ိဇ္ဇာပစ္စယာ သင်္ခါရာ။ အ၀ိဇ္ဇာက မသိတာ၊ သင်္ခါရက အုပ်ချုပ်ခြင်းခံရတာ။ သင်္ခါရက နတ်ပြည်ရောက်ကြောင်း ဗြဟ္မာ့ပြည်ရောက်ကြောင်း ကုသိုလ်လုပ်တာ။ တဏှာက မပြည့် ပြည့်အောင် ဆုတောင်းတာ။ ဥပါဒါန်က မရ ရအောင် စွဲလန်းတာ။ ပြီးတော့ ကာယကံ ၀စီကံတွေနဲ့ လုပ်ကိုင်ပြောဆို။ ဒါဘယ်ဘ၀ကလုပ်ခဲ့တာလဲဆိုရင် အတိတ်ဘ၀ကလုပ်ခဲ့တာ။ ဒါကြောင့်အတိတ်အကြောင်းအခြင်းအရာငါးပါးလို့ခေါ်တယ်။ ဒီအတိတ်အကြောင်းအခြင်းအရာငါးပါးဟာ ဘာသစ္စာလဲဆိုရင် သမုဒယသစ္စာ။ သမုဒယက အကြောင်း၊ သစ္စာက မှန်တာ။ ဒါဖြင့် အကြောင်းမှန်ကြီးကိုလုပ်ခဲ့ကြတာပဲ။ ဘယ်တုံးကလုပ်တာလဲဆိုတော့ လွန်လေပြီးသော အတိတ်ကာလက။ ဒါဆို အတိတ်အကြောင်း တစ်လွှာဆိုတာလဲ ပေါ်လာတယ်။ အတိတ်က လှူတာ တန်းတာ ပေးတာ ကမ်းတာမှန်သမျှ သစ္စာမသိဘဲလုပ်ခဲ့တဲ့အတွက် နိဗ္ဗာန်ရောက်ကြောင်းမဖြစ်ဘဲ သမုဒယသစ္စာဖြစ်သွားတယ်။ ဒီလို ပဋိစ္စသမုပ္ပါဒ်ကိုမှ နားလည်မထားရင် တော်ရုံတန်ရုံကုသိုလ်လေးနဲ့ နိဗ္ဗာန်တော့ နီးပြီလို့ ထင်ကောင်းထင်နေလိမ့်မယ်။ သို့သော် ဘာသစ္စာဖြစ်နေလဲဆိုတော့ သမုဒယသစ္စာဖြစ်နေတယ်။ နိဗ္ဗာန်နဲ့နီးရင် မဂ္ဂသစ္စာဖြစ်ရမယ်။ ဒါဖြင့် အတိတ်က ဘာသစ္စာကြိုးစားခဲ့ကြသလဲဆိုရင် သမုဒယသစ္စာကြိုးစားခဲ့ကြတယ်။ လွန်လေပြီးသောအတိတ်ကာလက၊ ဒါကြောင့် အတိတ်အကြောင်းတစ်လွှာလို့မှတ်လိုက်။ ဘာသစ္စာလဲဆိုရင် သမုဒယသစ္စာ။
ဒီလိုသာမသိရင် သမုဒယသစ္စာပဲ အထပ်ထပ်လုပ်နေကြမယ်။ သမုဒယသစ္စာဆိုတာ အကြောင်း၊ ဒုက္ခသစ္စာဆိုတာ အကျိုး။ ဒါဖြင့် သမုဒယသစ္စာလုပ်တာ ဘာအကျိုးများလဲဆိုရင် ဒုက္ခသစ္စာအကျိုးများတယ်။ သမုဒယအကြောင်းသစ္စာက ဒုက္ခသစ္စာအကျိုးပဲပေးတယ်။ သမုဒယသစ္စာလုပ်ရင်တော့ ဒုက္ခရောက်မှာ မလွဲနိုင်တော့ဘူး။ အတိတ်က ဘာတွေကြိုးစားခဲ့ကြလဲဆိုရင် သမုဒယသစ္စာတွေကြိုးစားခဲ့ကြလို့ ခန္ဓာငါးပါး ဒုက္ခသစ္စာ မလိုချင်လို့ မရတော့ဘူး။ အတိတ်အကြောင်းက အကျိုးပေးလိုက်တာပဲ။ ဒါဖြင့် အ၀ိဇ္ဇာလဲ သမုဒုယသစ္စာ၊ သင်္ခါရလဲ သမုဒယသစ္စာ၊ တဏှာလဲ သမုဒယသစ္စာ၊ ဥပါဒါန်လဲ သမုဒယသစ္စာ၊ အ၀ိဇ္ဇာအုပ်ချုပ်တဲ့ ကံတွေကလဲ သမုဒယသစ္စာ။
သင်္ခါရကလဲ တဏှာကို ကျေးဇူးပြုတယ်။ တဏှာအုပ်ချုပ်တဲ့ ဥပါဒါန်၊ ဥပါဒါန် အုပ်ချုပ်တဲ့ကံ ဒီကံ ကောင်းကောကောင်းနိုင်ပါ့မလား။ သူ့ဘက်တော်သားတွေက တစ်ခုမှ အကောင်းမပါတော့ ကံကောင်းတော့ မဖြစ်နိုင်ဘူး၊ ကံဆိုးပဲ ဖြစ်ဖို့ရှိတယ်။ ဒါကြောင့် ကုသိုလ်တော့ လုပ်ပါ၊ ဒါပေမယ့် လူ့ဘ၀၊ နတ်ဘ၀၊ ဗြဟ္မာဘ၀ ဒုက္ခသစ္စာတွေတော့ မထည့်ပါနဲ့။ ဘ၀ ဒုက္ခသစ္စာကြီးမှ ကျွတ်ချင်လွတ်ချင်လို့ ကုသိုလ်လုပ်ပါတယ်ဆိုတော့ အ၀ိဇ္ဇာက ၀ိဇ္ဇာဖြစ်သွားတယ်။
ဒေါက်တာအရှင်ပါရမီ
No comments:
Post a Comment
Without insight meditation, it is incomplete to be a Buddhist.