သမုဒယသစ္စာ

သမုဒယ-ကို သံ + ဥ + အယ- လို့ ပုဒ်ခွဲလိုက်လျှင် သံ-က ပေါင်းစု၍။ ဥ-က ဖြစ်တာ။ အယ-က အကြောင်းတရား။ ပေါင်းစု၍ ဖြစ်နေတဲ့ အကြောင်းတရားဟာ သမုဒယပါပဲ။ သစ္စာ-က အမှန်တရား။ ဒါကြောင့် သမုဒယသစ္စာ-ဆိုတာ ပေါင်းစု၍ ဖြစ်နေတဲ့ အကြောင်း အမှန်တရား လို့ အဓိပ္ပါယ်ရတယ်။

အဘိဓမ္မတ္ထသင်္ဂဟကျမ်းအလို- တဏှာ သမုဒယော ဘဝေ။ တဏှာဟာ သမုဒယသစ္စာလို့ ဆိုပါတယ်။ ဓမ္မစက္ကပ၀တ္တနသုတ္တန်အလို ကာမတဏှာ၊ ဘ၀တဏှာ၊ ၀ိဘ၀တဏှာ ဆိုတဲ့ တဏှာသုံးပါးဟာ သမုဒယသစ္စာပါပဲ။ ကာမဂုဏ်ငါးပါးကို သာယာတဲ့တဏှာက ကာမတဏှာ၊ ဖြစ်နေတဲ့ဘ၀အပေါ်မှာ သာယာတဲ့ တဏှာက ဘ၀တဏှာ။ ဘ၀ပြတ်စဲတာ ဘ၀မရှိမှ အေးမယ်လို့ ထင်ပြီး ဘ၀ပြတ်စဲမှုအပေါ်မှာ သာယာတဲ့ တဏှာက ၀ိဘ၀တဏှာပါပဲ။

ကာမဂုဏ်အာရုံငါးပါးအပေါ်မှာ သာယာတော့ ကာမတဏှာဖြစ်တယ်။ ဒီလို သာယာမှုတွေ ဖြစ်တယ်ဆိုတာ ငါစွဲ သက္ကာယဒိဋ္ဌိခံနေလို့ပါ။ ပုဂ္ဂိုလ်စွဲ သတ္တ၀ါစွဲ ငါစွဲ သူစွဲ ယောက်ျားစွဲ မိန်းမစွဲ စသည့် သက္ကာယဒိဋ္ဌိရှိနေရင် ရုပ်နာမ်အပေါ် အမှန်မြင်နိုင်တဲ့ ဉာဏ်မ၀င်နိုင်တော့ပါဘူး။ ပရမတ်ကို ဖောက်ထွင်းမြင်နိုင်တဲ့ ဉာဏ်မ၀င်ဘဲ ပညတ်အပေါ်မှာ သောင်တင်ပြီး ငါထင် သူထင် ယောက်ျားထင် မိန်းမထင် ဒီအထင်မှားက သက္ကာယဒိဋ္ဌိပါ။ ဒီလို သက္ကာယဒိဋ္ဌိနဲ့ ငြိစွန်းနေသမျှတော့ တပ်မက်စရာတွေ့ရင် တပ်မက်မှာ၊ တွယ်တာစရာရှိရင် တွယ်တာမှာ၊ လိုချင်စရာတွေ့ရင် လိုချင်မှာ အမှန်ပါပဲ။ ဒီလို လိုချင်တပ်မက်တွယ်တာတာကို ကာမတဏှာလို့ခေါ်ပါတယ်။ ဒီတော့ ကာမတဏှာဟာ သက္ကာယဒိဋ္ဌိနဲ့ တွဲဖြစ်လေ့ဖြစ်ထရှိတယ်ပေါ့။

ဘ၀တဏှာကတော့ ကိုယ်ရရှိထားတဲ့ ဘ၀အပေါ်မှာ သာယာကျေနပ်နေတာ၊ ပျော်မွေ့နေတာပါပဲ။ အခု လူ့ဘ၀ ရ ထားခိုက် လူ့ဘ၀ကို သာယာကျေနပ်နေတာ၊ နတ်ဘ၀ ရ ထားသူများက နတ်ဘ၀ကို ကျေနပ်နေတာ၊ အပါယ်ဘ၀ ရ ထားတဲ့သူများကလည်း အပါယ်ဘ၀ကို ကျေနပ်နေတာ။ ဒါဟာ ဘ၀တဏှာပါ။ ဒီလို ဘ၀တဏှာဖြစ်ရတယ်ဆိုတာ သဿတဒိဋ္ဌိမကင်းလို့ပါ။ ကိုယ် ရရှိပိုင်ဆိုင်ထားတဲ့ဘ၀ဟာ ပြောင်းလဲမှုမရှိဘူး၊ တည်မြဲနေတယ်၊ ဖြစ်တာ ပျက်တာ မထင်မြင်ဘူးဆိုရင် တည်မြဲအယူ သဿတ၀င်နေတာပါပဲ။ ငယ်ရာက ကြီးလာခဲ့ပေမယ့် ငယ်တုန်းကလည်း ငါပဲ၊ အခုလည်း ငါပဲ လို ငယ်ငယ်ရွယ်ရွယ်ကနဲ့ အခုလက်ရှိ အနေအထားကို တစ်သားတည်း ထပ်နေသလိုမျိုး အထင်ရှိနေတာဟာ လူတိုင်းမှာ ဖြစ်လေ့ဖြစ်ထ ရှိနေတဲ့ သဿတအယူပါ။ ဒီလိုိ မပြောင်းမလဲ တည်မြဲတယ်ထင်နေလို့လဲ ကိုယ့်ဘ၀နဲ့ကိုယ် ပျော်ပျော်နေနိုင်ကြတာပေါ့။ ကိုယ့်ဘ၀နဲ့ကိုယ် ပျော်ပျော်နေနိုင်တာဟာ ဘ၀တဏှာဖြစ်ပါတယ်။ ဒါကြောင့် ဘ၀တဏှာဟာ သဿတဒိဋ္ဌိနဲ့ တွဲပြီး ဖြစ်လေ့ ဖြစ်ထရှိတယ်။

နောက်တစ်ခုက ၀ိဘ၀တဏှာ။ ဘ၀ပြတ်စဲမှုကို သာယာတာ။ ဘ၀မှာ ဒုက္ခသုက္ခ များလွန်းလို့ မခံမရပ်နိုင်အောင် ဖြစ်လာတဲ့အခါ ဒီဘ၀နှယ် ဆင်းရဲလိုက်တာ။ အသက်ရှင်နေရတာနဲ့စာရင် သေတာက ကောင်းသေးတယ်ဆိုပြီး ဘ၀ပြတ်စဲမှုကိုသာယာသွားတာမျိုးပါ။ ဒီလိုဖြစ်တာဟာလဲ အယူမှားတစ်ခုခုနဲ့ ဆက်စပ်လျက်ရှိနေပါတယ်။ သေတာနဲ့ ဘ၀ဟာ ပြတ်သွားတယ်၊ သေရင် အေးတာပဲဆိုပြီး ဘ၀ပြတ်အယူ ဥစ္ဆေဒဒိဋ္ဌိဝင်နေတာပါပဲ။ သေရင် အေးတယ်လို့ ယူဆတာဟာ ရှင်နေလို့ ဒုက္ခရောက်တာ၊ သေရင် ဒုက္ခမရောက်တော့ဘူးလိုိ့ ယူဆနေလို့ပေါ့။ တကယ်တော့ သေရင် မအေးဘဲ ပို၍ ပူရမှာကို သူမှ မသိတာကိုး။ ဒီလိုိအသိကင်းနေတဲ့အခါ ကိုယ့်ကိုယ်ကို အဆုံးစီရင်သွားတာမျိုးတွေ၊ သေကြောင်းကြံသွားတာမျိုးတွေဟာ လောကမှာ မကြာခဏ ဖြစ်တတ်တဲ့သဘာဝတွေပါ။ ဒါဟာ ဥစ္ဆေဒသမားတွေရဲ့ လုပ်ရပ်လိုိ့ဆိုရင်လဲ မလွဲပါဘူး။ ဒီလို အယူက မိမိစိတ်ထဲမှာ စွဲငြိလာပြီဆိုရင် ဘ၀ပြတ်စဲမှုကို လိုလားတဲ့ ၀ိဘ၀တဏှာဆိုတာ ဖြစ်လာရတာပါပဲ။ ဒါကြောင့် ၀ိဘ၀တဏှာဆိုတာ ဥစ္ဆေဒဒိဋ္ဌိနဲ့ ယှဉ်တွဲဖြစ်လေ့ရှိတယ်လို့မှတ်လိုက်ပါ။

ဒီတဏှာသုံးမျိုးလုံးဟာ ဓမ္မစကြာဒေသနာတော်မှာ သမုဒယသစ္စာလို့ ဟောတော်မူထားပါတယ်။ တဏှာသုံးမျိုးလို့ ဆိုသော်လည်း သင်္ဂြိုဟ်ကျမ်းက ဆိုထားတဲ့ တဏှာဟာ သမုဒယသစ္စာ ဆိုတာနဲ့ အတူတူပင် ဖြစ်တယ်လို့မှတ်ရမယ်။ သုံးမျိုးခွဲပြလိုက်သော်လည်း လိုရင်းမှာ တဏှာသည် သမုဒယသစ္စာပါပဲ။ ကာမဂုဏ်အပေါ် သာယာတဲ့ တဏှာပေါ်ရင်လည်း သမုဒယသစ္စာတည်ထောင်နေတာ၊ ဘ၀အပေါ်သာယာတဲ့ တဏှာပေါ်နေရင်လည်း သမုဒယသစ္စာတည်ထောင်နေတာ၊ ဘ၀ပြတ်စဲမှုအပေါ် သာယာတဲ့တဏှာပေါ်ရင်လည်း သမုဒယသစ္စာတည်ထောင်နေတာသာဖြစ်တယ်။ အကြောင်းတရားတွေ ပေါင်းစု ဖြစ်ပေါ်နေခြင်းသာဖြစ်တယ်။ ဘာအတွက်အကြောင်းတရားတွေလည်း ဆိုရင် နောင်ဘ၀ နောင်ခန္ဓာရစေမယ့် အကြောင်းတရားတွေပါ။ ဒါကြောင့် သမုဒယသစ္စာဟာ အကြောင်းသစ္စာပါပဲ။ နောင်ခန္ဓာ ဒုက္ခသစ္စာ ရမယ့်အကြောင်းသစ္စာပေါ့။ ဒီတော့ ဒုက္ခရောက်ကြောင်းတရားဆိုရင်လည်း မလွဲပါဘူး။ ဘာကြောင့် ဒုက္ခတွေ ဒီလောက်များနေရတာလည်းဆိုရင် သမုဒယတွေကြောင့် ဒုက္ခတွေ များနေကြရတာပါ။ သမုဒယများလေ ဒုက္ခများလေ၊ သမုဒယအားကြီးလေ ဒုက္ခကြီးလေသာဖြစ်ပါတယ်။ ဒါဆိုရင် အပြန်အားဖြင့် သမုဒယနဲလေ ဒုက္ခနဲလေ၊ သမုဒယ အားပျော့လေ ဒုက္ခအားပျော့လေဆိုတာ သိနိုင်ပါတယ်။ ဒါကြောင့် ဒုက္ခနဲချင်ရင် သမုဒယနဲအောင်လုပ်၊ ဒုက္ခပါးချင်ရင် သမုဒယပါးအောင်လုပ်၊ ဒုက္ခကင်းချင်ရင် သမုဒယကင်းအောင် လုပ်ရပါလိမ့်မယ်။ (ဆက်လက်ဖော်ပြပါမည်)။

ဒေါက်တာအရှင်ပါရမီ