Tuesday, September 25, 2012

ရုပ်နာမ်သိမှ ဒိဋ္ဌိကွာမည် (၂)


ကိုယ့်သန္တာန်မှာ ဖြစ်နေဆဲရုပ် ဖြစ်နေဆဲနာမ်ကို သိဖို့အရေးဟာ လွယ်ကူတဲ့အလုပ်တော့ မဟုတ်ပါဘူး။ ဒါပေမယ့် မသိနိုင်ဘူးလားဆိုတော့လဲ ကျကျနန ရှင်းလင်းပြပေးနိုင်မယ်ဆိုရင်တော့ သိနိုင်ပါတယ်။ ရုပ်လို့ ပြောမယ်ဆိုရင်တော့ သာမညအားဖြင့် အပြောဖြစ်လို့ ရူပက္ခန္ဓာကို ပြောခြင်းလို့ မှတ်ထားလိုက်ပေါ့။ ဒီရုပ်ကနေ လတ်တလော ယခုဖြစ်၍ ယခုပျက်တဲ့ရုပ်ကလေးတွေ ပေါ်ဆဲရုပ်ကလေးတွေ ထင်မြင်လာအောင် ကြည့်တတ်မယ်ဆိုရင်တော့ ဥပါဒါနက္ခန္ဓာဖြစ်တဲ့ ၀ိပဿနာအရှုခံရုပ်ကလေးတွေ မြင်နေပြီလို့ ဆိုရပါမယ်။ ဒါကြောင့် ရုပ်လို့ သာမညထင်မြင်နေရင် ရူပက္ခန္ဓာ၊ ပေါ်ဆဲရုပ်လို့ ထူးထူးခြားခြား သိနေရရင်တော့ အဲဒါ ရူပုပါဒါနက္ခန္ဓာလို့ မှတ်လိုက်တာပေါ့။ ဘာလို့လဲဆိုတော့ ရူပက္ခန္ဓာဆိုရင် ခန္ဓာတော့ ဟုတ်ပါတယ်။ ၀ိပဿနာအရှုခံ ခန္ဓာမဟုတ်သေးဘူးလေ။ ပေါ်ဆဲရုပ်ကမှ ၀ိပဿနာအရှုခံခန္ဓာ ဖြစ်တာကိုး။ အဲဒီ ပေါ်ဆဲရုပ်ဟာ ဥပါဒါနက္ခန္ဓာအမည်ရလို့ အရှုခံခန္ဓာဖြစ်သွားတာပါပဲ။ ရှင်းအောင် ပြောရရင် အထည်ရုပ်နဲ့ သဘောရုပ်လို့ တစ်နည်းမှတ်လိုက်ပါ။ အထည်ရုပ်က ကိုင်တွယ်စမ်းသပ်လို့ရတဲ့ ကိုယ်ကာယ။ အဲဒါ ရူပက္ခန္ဓာ။ အဲဒီ အထည်ရုပ်ပေါ်မှာ မှီပြီးပေါ်လာတဲ့ ပူမှုသဘော အေးမှုသဘော စတဲ့ သဘောရုပ်က အရှုခံရုပ်၊ ရူပုပါဒါနက္ခန္ဓာလို့ မှတ်လိုက်တာပေါ့။ အထည်ရုပ်က ရူပက္ခန္ဓာ၊ သဘောရုပ်က ရူပုပါဒါနက္ခန္ဓာ။

ရူပက္ခန္ဓာကို ကျတော့ သံဝေဂဉာဏ်ရလောက်ရုံပဲ ကြည့်လို့ ရှုလို့ရတာ။ ၀ိပဿနာဉာဏ်ဖြစ်အောင် ကြည့်လို့ရှုလို့မရဘူး။ ဘာလို့လဲဆိုတော့ ကိုယ့်လက် ကိုယ့်ခြေ ကိုယ့်ခေါင်း ကိုယ့်ခါး စသည် မြင်နေတော့ မနေ့ကလဲ ဒီရုပ်ပဲ၊ အခုကြည့်တော့လဲ ဒီရုပ်ပဲလို့ ဒီလို အထင်ရောက်ရောက်လာတဲ့အခါ ကိုယ့်ရုပ် မမြဲဘူးဆိုတဲ့ အနိစ္စသဘော ထင်သာမြင်သာအောင် ရှုလို့ မရဘဲဖြစ်နေတယ်လေ။ တစ်နှစ်နဲ့ တစ်နှစ် အိုမင်းလာတယ်၊ ရင့်ရော်လာတယ်၊ ကြီးပြင်းလာတယ် စသည်လောက်သာ သွားကျိုး ဆန်ဖြူ ငယ်မူပျောက်တာလောက်သာ ထင်ရှားနေတော့ သံဝေဂဉာဏ်တော့ ဖြစ်တာပေါ့။ သူလဲ ၀ိပဿနာအထောက်အကူ ဖြစ်တာပါပဲ။ ဒါပေမယ့် ယခုဖြစ်၍ ယခုပျက်တာကိုမြင်ဖို့ဆိုတာ ဖြစ်ဆဲရုပ်ကို သိနေပါမှ သူပျက်ပျက်သွားတာကိုလည်း ဉာဏ်ထဲ ထင်မြင်လာနိုင်ပါတယ်။ ဒါကြောင့် ပူတာ အေးတာ နွေးတာလေးတွေ၊ လှုပ်တာ ငြိမ်တာလေးတွေ စောင့်ကြည့်တဲ့အခါ ဒီရုပ်လေးတွေဟာ ကိုယ့်ခန္ဓာထဲက ထွက်ပေါ်လာတဲ့ ယခုဖြစ်ဆဲရုပ်လေးတွေလို့ သိသိလာမယ်။ မြဲလား မမြဲလား ပျက်လား မပျက်လားလို့ ဉာဏ်နဲ့ အကဲခတ်လိုက်တဲ့အခါ သူကပဲ ပျက်ပြီ ပျက်ပြီလို့ ပြောပြောသွားလိမ့်မယ်။ သူ့အပြောကို ကိုယ့်မနောကနေ စောင့်ကြည့်နေလိုက်ရုံပဲပေါ့။

နောက်တစ်ဆင့်အနေနဲ့ ဖြစ်ဆဲ ပသာဒရုပ်ကလေးတွေ ထပ်ဆင့်ပြောပြရဦးမယ်။ မျက်စိအကြည်ဆိုတာ ပသာဒရုပ်ပါပဲ။ ထို့အတူ နားအကြည် နှာခေါင်းအကြည် လျှာအကြည် ကိုယ်အကြည်ဆိုတာ နဂိုအရင် ရှိနှင့်ပြီး ရုပ်အကြည်လေးတွေကနေ သူ့ဆိုင်ရာအာရုံနဲ့ တိုက်မှ သူက အလုပ်ထလုပ်ကြတဲ့သဘောလေးတွေပေါ့။ မျက်စိ အဆင်းတိုက်တော့ မြင်စိတ်ပေါ်တယ်ဆိုပါစို့။ မျက်စိအကြည်ရုပ်ကလေးဟာ အဆင်းနဲ့တိုက်လို့သာလျှင် သက်ဝင်လှုပ်ရှားလာတာပါပဲ။ အဲဒီ သက်ဝင်လှုရှားလာတဲ့ အကြည်ရုပ်ကလေးဟာ အရင်က ရှိနှင့်နေတာလားဆိုတော့လဲ မဟုတ်ပါဘူး။ နောက်မှ ဖြစ်ဖို့ စောင့်နေတာလားဆိုတော့လဲ မဟုတ်ပါဘူး။ ယခု အဆင်းအာရုံနဲ့တိုက်ဆိုင်မိလို့သာလျှင် သူဖြစ်လာတာဆိုတော့ ဖြစ်ဆဲရုပ်ကလေး မျက်စိထဲမှာ ပေါ်နေပါလားလို့ သိလိုက်ရတာပေါ့။ ဒါဟာ ယခုဖြစ်ဆဲ စက္ခုပသာဒရုပ်ကလေးပါပဲ။ အဲဒီရုပ်ကလေးကို ဉာဏ်နဲ့ ဘယ်လိုများ အကဲခတ်ရပါ့မလဲဆိုတော့ မျက်စိ အဆင်းတိုက်လို့ မြင်စိတ်ပေါ်တယ်။ မြင်စိတ်ပျက်တော့ မျက်စိအကြည်ရုပ်ကလေးလဲ ပျက်သွားပြီလို့ သိသိပေးနေလိုက်တာပေါ့။ စိတ်ဖြစ်စဉ်ထက်တော့ ရုပ်ဖြစ်စဉ်က အနည်းငယ် ပိုပြီး သက်တမ်းရှည်တယ်လေ။ ဒါပေမယ့် အခုမြင် အခုပျက်ဆိုတော့ ဒီအကြည်ရုပ်ကလဲ နောက်ကနေ လိုက်လိုက် ပျက်ပျက်နေတယ်ဆိုတာ ခန့်မှန်းသိ သိသိပေးနေလိုက်ရင် ရုပ်လေးတွေ ပျက်ပျက်သွားတာ သိမြင်လာနိုင်တာပေါ့။ မျက်စိမှာလာထင်တဲ့ အဆင်းရုပ်လဲ မမြဲသလို အထင်ခံရတဲ့ မျက်စိအကြည်ရုပ်လဲ မမြဲဘူးဆိုတာ မြင်စိတ်နဲ့အတူ ယှဉ်ပြီး အကဲခတ်လိုက်တော့ သိသိလာရပါတယ်။ ဒီအတိုင်းပဲ ကြားစိတ်ပေါ်ဆဲအခိုက် နားအကြည်ရုပ်နဲ့ အသံ၊ နံစိတ်ပေါ်ဆဲအခိုက် နှာခေါင်းအကြည်ရုပ်နဲ့ အနံ့၊ စားစိတ်ပေါ်ဆဲအခိုက် လျှာအကြည်ရုပ်နဲ့ အရသာ၊ ယားနာကောင်းစိတ်ပေါ်ဆဲအခိုက် ကိုယ်အကြည်ရုပ်နဲ့ တွေ့ထိစရာလေးတွေဟာ မမြဲဘဲ ပျက်ပျက်သွားတာကို ဆင်ခြင်ကြည့်ပေးနေရမှာပါ။

ရုပ်မှာ သိတတ်တဲ့သဘောမရှိ၊ နာမ်မှာသာ သိတတ်တဲ့သဘောရှိတယ်ဆိုတာလေးလဲ တစ်ခု မှတ်လိုက်တာပေါ့။ ရုပ်တရားတွေက ဘာကိုမှ သူသိမပေးနိုင်ပါဘူး။ မျက်စိအကြည်ဟာ အဆင်းရူပါရုံကိုပဲ သူ့ဆီမှာ လာပြီး ထင်ဟပ်လိုက်တာပါပဲ။ သူက ဖြူလား မဲလား ကောင်းလား ဆိုးလားဆိုတာ ခွဲခြားဝေဘန် သိပေးနိုင်တဲ့ အစွမ်းမရှိဘူးလေ။ သူတို့နှစ်ခု ပေါင်းဆုံမိမှ ပေါ်လာတဲ့ စိတ်ဆိုတဲ့ နာမ်တရားကသာလျှင် အကောင်းအဆိုး ခွဲခြားသ်ိပေးနိုင်ပါတယ်။ ဒါကြောင့် မသိတာက ရုပ်၊ သိတာက နာမ်လို့ တစ်ချို့ ပြောလေ့ ဟောလေ့ ရှိကြတာပေါ့။ တကယ်တော့ သိတတ်တဲ့ နာမ်သဘော မပါဘူးလို့ ဆိုလိုတာပါပဲ။ နောက်ပြီးတော့ အခိုင်းသမားက နာမ်၊ အလုပ်သမားက ရုပ်လို့ ကျေးဇူးရှင် မိုးကုတ်ဆရာတော်ဘုရားကြီးက မိန့်တော်မူလေ့ ရှိပါတယ်။ ဟုတ်ပါတယ်။ နာမ်က ခိုင်းလို့သာလျှင် ရုပ်တွေက လုပ်ကိုင်ရွေ့လျားပေးနေရတဲ့သဘောပဲလေ။ သွားချင်စိတ်ကြောင့် သွားတယ်၊ စားချင်စိတ်ကြောင့် စားတယ်၊ နားချင်စိတ်ကြောင့် နားတယ်၊ လှုပ်ချင်စိတ်ကြောင့် လှုပ်တယ်၊ ငြိမ်ချင်စိတ်ကြောင့် ငြိမ်ဆယ်စသည်ဖြင့် ဆင်ခြင်တွေးတောကြည့်မယ်ဆိုရင် သိနိုင်ပါတယ်။ သွားချင်တာက စိတ်ဆိုတဲ့ နာမ်တရား၊ သွားတာက စိတ်ကြောင့် ဖြစ်လာတဲ့ ၀ါယောရုပ်ရဲ့ လှုပ်ရှားမှု ရုပ်တရား။ ဒါကြောင့် လင်္ကာဆောင်ပုဒ်လေးတွေတောင် မကြာမကြာ ကြားဖူးကြမှာပါ။ သွားချင်တာက နာမ်၊ သွားဟန်က ရုပ်၊ ရုပ်နာမ်နှစ်သင်း အမြင်ရှင်း သွားရင်းအလုပ်လုပ်။ အိပ်ချင်တာကနာမ်၊ အိပ်ဟန်က ရုပ်၊ ရုပ်နာမ်နှစ်သင်း အမြင်ရှင်း အိပ်ရင်းအလုပ်လုပ်။ စသည်ဖြင့် စပ်ဆိုထားတာလေးတွေပေါ့။ လက်ကလေး ဆန့်တယ် ဆိုပါစို့။ ဆန့်ချင်စိတ်မပါဘဲ ဒီလက်က မဆန့်ပါဘူး။ ဆန့်ချင်စိတ်လေးကြောင့်သာ သူ ဆန့်ဆန့်သွားသလို ကွေးချင်စိတ်ကလေး ပေါ်လာပြန်တော့လဲ သူဟာ အလိုက်သင့်ကလေး ကွေးသွားတာပေါ့။ စိတ်က မောင်းနှင်အားတစ်ခုပါပဲ။ အဲဒီ စိတ်ရဲ့ မောင်းနှင်အားကြောင့် လက်ကလေးက ကွေးတာ ဆန့်တာလေးတွေ ဖြစ်သလို ကျန်တဲ့ ကိုယ်အင်္ဂါအစိတ်အပိုင်းတွေမှာလဲ ဒီလိုသဘောတွေ ဖြန့်ကျက်စဉ်းစား ဆင်ခြင်ကြည့်ပေးမယ်ဆိုရင် သိသာနိုင်တာပေါ့။ ဒါဟာ နာမ်က ခိုင်းလို့ ရုပ်က အလုပ်လုပ်နေရတယ်ဆိုတဲ့သဘောပါပဲ။

ဒါပေမယ့် ရုပ်ဆိုတာ ကံ စိတ် ဥတု အာဟာရ အကြောင်း လေးပါးကြောင့် ဖြစ်နေတာမို့ လှုပ်ရှားမှု မှန်သမျှ စိတ်ကြောင့်ချည်း ဖြစ်နေတာလို့လဲ တရားသေ မှတ်ယူထားလို့ မရတဲ့အခါမျိုးတွေ ရှိနေသေးတယ်လေ။ ကံကြောင့် ဖြစ်နေတဲ့ ရုပ်တွေမှာ စိတ်က ခိုင်းစေနေစရာ မလိုဘဲ သူ့အလိုလို ဖြစ်နေတာရှိသလို ဥတု အာဟာရကြောင့် ရုပ်တွေ ပြောင်းလဲ နေတာတွေကိုလည်း သေသေချာချာ ကြည့်မယ်ဆိုရင် သိသာမြင်သာ ရှိပါတယ်။ ဖောက်ပြန်တတ်သော သဘော ထင်ရှားလို့ ရုပ်လို့ခေါ်တယ်၊ ဒါပေမယ့် သူဖောက်ပြန်တာကလဲ အကြောင်းမဲ့တော့မဟုတ်ဘူးလေ။ ဆိုင်ရာ အကြောင်းတွေ ရှိနေလို့ ဖောက်ပြန်တာပေါ့။ ကံက ပြုပြင်လိုက်ရင်လည်း သူဟာ ပြောင်းလဲသွားရတာမျိုးတွေ ရှိသလို စိတ်ကပြုပြင်လိုက်ရင် ဥတုက ပြုပြင်လိုက်ရင် အာဟာရက ပြုပြင်လိုက်ရင် ပြောင်းလဲသွားတာတွေလဲ ရှိနေပါတယ်။ ကံကတော့ ရုပ်လှအောင် ရုပ်ချောအောင် ရုပ်ဆိုးအောင် ကိုယ်လက်အင်္ဂါ စုံလင်အောင်၊ ကျန်းမာရေးကောင်းအောင်၊ ကျန်းမာရေး မကောင်းအောင် သူ့သတ္တိအားလျော်စွာ ပြုပြင်မှာပေါ့။ စိတ်ထောင်းတော့ ကိုယ်ကျေ၊ စိတ်ပျိုတော့ ကိုယ်နု ဆိုတဲ့အတိုင်း စိတ်တိုင်းကျနေတဲ့အခါ ရုပ်ရည် အသွင်အပြင်ကတစ်မျိုး၊ စိတ်တိုင်းမကျတဲ့အခါ ရုပ်ရည် အသွင်အပြင်ကတစ်မျိုး၊ စိတ်ကြည်နေတဲ့အခိုက် အသွင်အပြင်နဲ့ စိတ် မကြည်မလင်ဖြစ်နေတဲ့အခိုက် အသွင်အပြင် မတူသလို ကုသိုလ်စိတ်ဖြစ်နေတဲ့အခိုက် ရုပ်ရည်အသွင်အပြင်နဲ့ အကုသိုလ်ဖြစ်နေတဲ့အခိုက် ရုပ်ရည်အသွင်အပြင်တွေလဲ မတူတာဟာ စိတ်ကြောင့် ဖြစ်နေတဲ့ စိတ္တဇရုပ်တွေလို့ ခေါ်ပါတယ်။ စိတ်နှင့်အတူ ရုပ်တွေ ပြောင်းလဲ ဖြစ်ပျက်နေတာကို သတိကောင်းစွာ ထားကြည့်မိရင် သိမြင်နိုင်ပါတယ်။ ဒါနကုသိုလ်ပြုနေစဉ် ကိုယ့်သန္တာန်မှာ ကုသိုလ်ရုပ်တွေ စုဖွဲ့ဖြစ်တည်နေသလို သီလကုသိုလ်ပြုစဉ် သီလကုသိုလ်ရုပ်တွေ ဘာဝနာကုသိုလ်ပြုနေစဉ် ဘာဝနာကုသိုလ်ရုပ်တွေ ဖြစ်နေတာပေါ့။ (ကုသိုလ်စိတ်ကြောင့် ဖြစ်တဲ့ရုပ်ကိုပဲ ကုသိုလ်ရုပ်လို့ နားလည်လွယ်အောင် ပြောလိုက်တာပါ။) ထို့အတူ သူတစ်ပါးဥစ္စာ ခိုးယူနေစဉ် ခိုးရုပ်တွေဖြစ်နေမှာပါပဲ။ ကိုယ့်သန္တာန်မှာ ဖြစ်ပေါ်နေတဲ့ စိတ်နဲ့အတူ ရုပ်တွေကလဲ ပြောင်းလဲနေတာကို သတိထားဆင်ခြင်ကြည့်မှ သိနိုင်ပါတယ်။ မေတ္တာပွားနေတဲ့အခိုက် မေတ္တာရုပ်၊ ဒေါသဖြစ်နေတဲ့အခိုက် ဒေါသရုပ်၊ ကိလေသာ ဖြစ်နေတဲ့ အခိုက် ကိလေသာရုပ်တွေ ဖြစ်နေတာပေါ့။

စိတ်ဆိုတာ ဟဒယ၀တ္ထုမှီပြီးဖြစ်နေတာလေ။ ဟဒယ၀တ္ထုဆိုတာကလည်း ကိုင်တွယ်ပြလို့ ရတဲ့ နှလုံးကို ပြောတာမဟုတ်ပါဘူး။ အဲဒီ နှလုံးထဲမှာရှိတဲ့ သွေးတွေနဲ့အတူ တည်ရှိနေတဲ့ သဘောရုပ်ကလေးတွေပေါ့။ လောဘဖြစ်ရင် လောဘတဏှာကြောင့် အဲဒီ ဟဒယ၀တ္ထုမှာရှိတဲ့ နှလုံးသွေးတွေက ပန်းရောင်အဖြစ်ပြောင်းသွားပြီး ဒီပန်းရောင်သွေးတွေကို သွေးလွှတ်ကြောမှတစ်ဆင့် ခန္ဓာကိုယ်အနှံ့ဖြန့်ကျက်ပေးလိုက်တဲ့အခါ အဲဒီအခိုက် တစ်ကိုယ်လုံး လောဘ တဏှာကြောင့် ဖြစ်တဲ့ ရုပ်တွေနဲ့ ရှင်သန်နေတဲ့အခိုက်ပေါ့။ ဒီအတိုင်းပဲ ဒေါသဖြစ်နေတဲ့အခိုက် ဒေါသကြောင့် သွေးတွေဟာ အနီရင့်ရောင်ပြောင်းသွားပြီး ဒီသွေးတွေကပဲ တစ်ကိုယ်လုံးရှိတဲ့ ရုပ်တွေကို ပြောင်းလဲစေတယ်လေ။ ထို့အတူ မောဟဖြစ်တဲ့အခိုက် နီကြဲကြဲ၊ သဒ္ဓါတရားလေးတွေ ဖြစ်နေတဲ့အခိုက် အ၀ါရောင်၊ ပညာတရားတွေ ဖြစ်နေတဲ့အခိုက် အဖြူရောင် အဖွေးရောင် စသည်ပြောင်းပြောင်းသွားစေအောင်လုပ်တတ်တာဟာ ကိုယ့်သန္တာန်မှာ ဖြစ်တည်နေတဲ့စိတ်ပါပဲ။ ဒါကြောင့် စိတ်ဟာ ရုပ်တွေကို ပြောင်းလဲသွားအောင်လုပ်နိုင်၊ ပြုပြင်ပေးနိုင်တယ်လို့ ဆိုရတာပေါ့။ ဒါကြောင့် ကိုယ်သန္တာန်မှာ ကုသိုလ်ဖြစ်ခိုက် ကုသိုလ်ကြောင့်ဖြစ်တဲ့ရုပ်၊ အကုသိုလ်ဖြစ်ခိုက် အကုသိုလ်ကြောင့်ဖြစ်တဲ့ရုပ်တွေ ဖြစ်နေတယ်လို့ အကြမ်းဖျင်းမှတ်လိုက်တာပေါ့။ ကျန်တဲ့ဝိပါက်စိတ်၊ ကြိယာစိတ်တွေဖြစ်ခိုက် အဲဒီစိတ်တွေကြောင့် ဖြစ်တဲ့ရုပ်တွေလာမှာပါပဲ။

ဥတုဆိုတာကတော့ အပူ အအေး အနွေး အအုံ့ အအိုက် စတာတွေကိုခေါ်ပါတယ်။ အဲဒီ ဥတုဆိုတာကိုက ရုပ်တရား။ အဲဒီရုပ်တရားကြောင့်လည်း ရုပ်တွေဟာ ပြောင်းလဲ ဖောက်ပြန်တတ်ပါတယ်။ ပူလွန်းရင်လည်း ရုပ်တွေက ညှိုး၊ အေးလွန်းရင်လည်း ရုပ်တွေက ခိုက်ခိုက်တုန်၊ နွေးလွန်းရင်လည်း ရုပ်တွေက ပျော့။ ဒါဟာ ကိုယ့်သန္တာန်မှာ အပူကြောင့် ဖောက်ပြန်ပြောင်းလဲနေတဲ့ ရုပ်တရားတွေပါပဲ။ ရာသီဥတုသာယာတဲ့အခါ ရုပ်တွေ လန်းဆန်းနေပြီး ရာသီဥတု မသာယာတဲ့အခါ ရုပ်တွေ ထုံထိုင်းနေတတ်တာတော့ လူတိုင်းသိ ဖြစ်ပါတယ်။ ဒါဟာ ဥတုကနေ ရုပ်တွေကို ပြုပြင်ပေးတဲ့ သဘောသဘာဝတွေပေါ့။ အာဟာရက ရုပ်ကို ပြုပြင်တယ်ဆိုတာက အထူး ပြောစရာတောင် လိုမယ်မထင်ပါဘူး။ အာဟာရပြတ်ရင် ရုပ်က တစ်မျိုး၊ အာဟာရ ပြည့်ဝရင် ရုပ်ကတစ်မျိုး၊ ကောင်းကောင်း စားသောက်ရခိုက်ပေါ်တဲ့ရုပ်နဲ့ ကောင်းကောင်း မစားရတဲ့အခိုက် ပေါ်တဲ့ရုပ် ဆင်ခြင်ကြည့်မယ်ဆိုရင် သိနိုင်ပါတယ်။ ကိုယ်ကြိုက်တာ စားလိုက်ရလို့ ရွှင်ပျနေတဲ့ ရုပ်နဲ့ ကိုယ်ကြိုက်တာ မစားလိုက်ရလို့ မှိုင်တွေနေတဲ့ရုပ်သွင် နှိုင်းယှဉ်ကြည့်လိုက်မယ်ဆိုရင် အာဟာရကြောင့်လည်း ရုပ်တွေ ပြောင်းလဲ ဖောက်ပြန်နေတာပဲဆိုတာ အလိုလိုသိလာမှာပါ။

ဒီလို ပေါ်ဆဲရုပ်လေးတွေကို ပေါ်ဆဲအခိုက် မြင်အောင်ကြည့်မယ်၊ သိအောင်လုပ်မယ်ဆိုရင် ရုပ်ဆိုတာ ကိုယ့်သန္တာန် ပေါ်ဆဲတရားလေးတွေကို ပြောနေတာပါလားလို့ သိလာတာပေါ့။ ဒါဆိုရင် ရုပ်ကို သိနေတဲ့ အဆင့်ရောက်နေပါပြီ။ ဒီလို သိသိနေပြီဆိုရင် မောင်ဖြူလို့ပဲခေါ်ခေါ်၊ မောင်နီလို့ပဲခေါ်ခေါ် အဲဒါတွေက အခေါ်ရှိ၊ အပြောရှိ။ တကယ်ရှိက နာမ်နဲ့ရုပ်-ဆိုတာ သိလာမှာပေါ့။ သမုတိနယ်ကနေ ခေါ်ဝေါ်ပြောဆိုနေတာတွေဟာ လောကမှာ ရှိနေတဲ့ အခေါ်ရှိတွေပေါ့။ ဒီအခေါ်ရှိတွေကို အခေါ်ရှိလို့သာ သိသိနေပြီး အမှန်တကယ်ရှိနေတာက နာမ်နဲ့ရုပ်ပါပဲလို့ ထပ်ဆင့်သိလိုက်တဲ့အခါ ပရမတ်ကို သိသွားတာပါပဲ။ သမုတိလဲ လက်ခံရမှာ ဖြစ်သလို ပရမတ်ကိုလည်း သိအောင်လုပ်ရမှာဖြစ်ပါတယ်။ သမုတိပယ်လိုက်ပြန်ရင်လည်း အဖေမရှိ အမေမရှိ သမုတိလုပ်ပြီး ပြစ်မှားမိမယ်ဆိုရင် အပါယ်သွားရတတ်တယ်။ ဒါကြောင့် သမုတိလည်း မပယ်လေနဲ့၊ သမုတိပယ်က အပါယ်ကျတတ်တယ်။ ပရမတ်ကိုလည်း မကွယ်စေနဲ့၊ ပရမတ်ကွယ်က နိဗ္ဗာန်လွဲတတ်တယ်လို့ မှတ်လိုက်ပါ။ သမုတိတင် လမ်းဆုံးနေရင်လည်း ကိုယ်လိုချင်တဲ့နိဗ္ဗာန်မရောက်နိုင်ပါဘူး။ ဒါကြောင့် သမုတိနဲ့ လမ်းဆုံးမနေဘဲ တကယ်ရှိဖြစ်တဲ့ ပရမတ်ထိအောင် အမြင်ပေါက်လာပါမှ အဲဒီပရမတ်ကို ၀ိပဿနာရှုလို့ ရပါတယ်။ ကိုယ်မြင်ရတဲ့ ရုပ်ပရမတ်၊ နာမ်ပရမတ်ကို ဉာဏ်နဲ့ တွေးတော ဆင်ခြင် စဉ်းစားလိုက်တဲ့အခါ ပူတာလဲ ပူပြီးပျက်၊ အေးတာလည်း အေးပြီးပျက်၊ လှုပ်တာလည်း လှုပ်ပြီးပျက်၊ ငြိမ်တာလည်း ငြိမ်ပြီးပျက်၊ ဧကန်မမြဲဘူးဆိုတာ သူတို့ ပျက်ပျက်သွားတာလေးတွေ မြင်လိုက်တိုင်း အသိတစ်ချက်တစ်ချက်တိုးတိုးလာမှာပါ။ အဲဒီ တိုးလာတဲ့အသိဟာ ၀ိပဿနာမဂ်ဉာဏ်ပါပဲ။

ဒေါက်တာအရှင်ပါရမီ

Thursday, September 20, 2012

ဒေါက်တာအရှင်ပါရမီ၏ ရင်တွင်းစကား အပိုင်းအစ အတွေးများ

နည်းယူရမယ့်ပညာ
ဒီလိုလေးစဉ်းစားပြီး ဒီလိုလေးလုပ်ဆောင်ခဲ့လို့၊ ကြိုးစားခဲ့လို့ ဒီလိုလေးဖြစ်မြောက်လာတဲ့အခါ ဖြစ်မြောက်လာတာလေးကိုသာ အများက သတိထားကြည့်လို့ရတယ်လေ။ ဘယ်လိုလေးစဉ်းစားလို့ ဘယ်လိုတွေလုပ်ဆောင်ခဲ့ရတယ်၊ ဘယ်လောက်ထိအောင် ကြိုးစားခဲ့ရတယ်ဆိုတာတွေက မြင်ကွင်းရဲ့နောက်ကွယ်မှာပဲ ကျန်နေခဲ့တတ်ပါတယ်။ ဒါကြောင့် သူလို ဖြစ်မြောက်အောင်မြင်ချင်ရင်တော့ သူလိုစဉ်းစား၊ သူလိုလုပ်နိုင်ပါမှ ဖြစ်မယ်ဆိုတာက တကယ်နည်းယူရမယ့် ပညာပါပဲ။

မရိုးတဲ့စိတ်ထား
မွန်မြတ်တဲ့စိတ်ထားသည် ဘယ်သောအခါမှ ရိုးသွားသည်ဟူ၍ မရှိ။

ကိုယ့်အရှိ ကိုယ်တိုင်သိ
ကိုယ့်ဒုက္ခ ကိုယ်သာလျှင် အသိဆုံးဖြစ်ပါ၏။ မိမိအခက်အခဲကို မိမိမှတစ်ပါး အခြားမည်သူက ပိုမို၍ နားလည်နိုင်ပါမည်နည်း။ ထို့ကြောင့် ကိုယ့်ရှိတဲ့ဒုက္ခ ကိုယ်ကိုယ်တိုင် သိအောင်ကြိုးစားနေရင်း သူတစ်ပါးဒုက္ခကိုလည်း ကိုယ်ချင်းစာတတ်လာကြမည်သာဖြစ်ပါ၏။

အဂတိတရား မလိုက်စားသင့်
ဆန္ဒ ဒေါသ ဘယ မောဟ ဆိုတဲ့ အဂတိတရား (၄) ပါး တစ်ပါးပါးလိုက်စားရင် မမျှတမှုနဲ့ မတရားမှုဆိုတာ ဖြစ်လာတာ။ ဒါကြောင့် ကိုယ့်ဆန္ဒချည်း ဦးစားပေးလွန်းရင်လဲ အဆင်ပြေမှာမဟုတ်ပါဘူး။ ကိုယ့်ဒေါသချည်း ရှေ့တန်းတင်ရင်လဲ ပြဿနာကြီးထွားလာတတ်တယ်။ အကြောက်တရားကြောင့် သူများခိုင်းတိုင်း အကောင်းအဆိုးမခွဲခြား မဝေဘန်ဘဲ လုပ်မိရင်လဲ ကိုယ်သာနစ်နာဆုံးရှုံးရတယ်။ ဒီထဲ အဆိုးဆုံးကတော့ အသိတရား ခေါင်းပါးခြင်းပါပဲ။ အသိဉာဏ် ဆင်ခြင်တုံ ကင်းမဲ့ပြီဆိုရင် ကောင်းကောင်း ဆိုးဆိုး ဘာမဆို အကုန်လုပ်မိတတ်တယ်။

ကုသိုလ်ကို မေ့မထားလိုက်ပါနှင့်
ကုသိုလ်ဒါနတစ်ခု ပြုလုပ်ပြီးရင် မေ့မေ့ပျောက်ပျောက် ပစ်မထားလိုက်ပါနဲ့။ ပြန်လည်သတိရတဲ့ အကျင့်လေး လုပ်လုပ်ပေးနေရတယ်။ ကုသိုလ်ပြုတုန်းက ဒါန၊ ပြန်လည်သတိရနေတာက စာဂါနုဿတိဘာဝနာပေါ့။ ပြန်လည်သတိတရရှိနေတာဟာ တကယ်တော့ ဒါနထက်မြင့်မြတ်တဲ့ ဘာဝနာတစ်ခုဖြစ်နေတယ်ဆိုတာကို ဘယ်သူမှ သတိမထားမိကြဘဲ ဖြစ်နေလေ့ရှိကြတယ်လေ။

မသိတတ်သူရဲ့ အသိ
မသိတတ်တဲ့သူ သိတာ တစ်ခုရှိတယ်။ အဲဒါဟာ သူလိုချင်တာ သူဖြစ်ချင်တာ သူလုပ်ချင်တာပဲ သိနေတာ။ ကျန်တာ ဘာမှမသိတော့ဘူး။ ဒါကြောင့် မသိတဲ့သူ သိနေတဲ့အသိဟာ သိပ်ကြောက်စရာကောင်းတယ်။

အဆိုးဓာတ်ပြောင်း အကောင်းဓာတ်စုဆောင်း
အတိတ်ကံတွေ ဘယ်လိုပင် ရှိနေစေကာမူ လတ်တလော ကောင်းနေဖို့အရေးကြီးတယ်။ အကုသိုလ် ပါပဓာတ်တွေ နဲနိုင်သမျှ နဲနေအောင် လေ့ကျင့်၊ ကုသိုလ်ပုညဓာတ်တွေ များနိုင်သမျှ များအောင် ပွားမြားထား။ ဒါဟာ မဖြစ်မနေ လုပ်ရမယ့်အလုပ်လို့ခံယူလိုက်ရင် အဆိုးဓာတ်တွေပြောင်း အကောင်းဓာတ်တွေ စုဆောင်းနေတာပါပဲ။

အရှုပ်ရှိမှ အရှင်းတန်ဖိုးသိမည်
အရှုပ်တွေ အရင်မြင်အောင်ကြည့်တတ်ဖို့ ကြိုးစား။ အရှုပ်တွေ ပိုနားလည်ထားလေ အမြင်ပိုမိုရှင်းလင်းလာလေ။ ကြောင်းကျိုးဆက်စပ်နားလည်လာတတ်တဲ့ အလေ့အထဖြစ်လာတာ။ ဒါကြောင့် အမြင်ရှင်းချင်ရင် အရှုပ်မြင်အောင် အရင်ကြည့်ရမယ်။ အရှုပ်ကို နားလည်မှ အရှင်းတန်ဖိုး ပိုသိလာတယ်။

ကံဆိုသည်မှာ
ကံဆိုတာ တိုက်ဆိုင်မှုတစ်ခုပါ။ ဒါပေမယ့် အကြောင်းမဲ့ တိုက်ဆိုင်မှုမျိုးတော့မဟုတ်၊ အကြောင်းနဲ့ တိုက်ဆိုင်မှုမျိုးသာ ဟုတ်၏။

မဂ္ဂင်ငါးအင် လူ့ကျင့်စဉ်
မှန်ကန်တဲ့ကြိုးစားမှုကို သမ္မာဝါယမလို့ခေါ်တယ်။ အပြစ်ကင်းတဲ့ ကြိုးစားမှုမျိုးပေါ့။ အပြစ်မဲ့ ရိုးသားတဲ့ကြိုးစားမှုမျိုးနဲ့သာ ပုံမှန်လုပ်သင့်တာလေးတွေ လုပ်သွားမယ်ဆိုရင် ကိုယ့်ဘ၀နဲ့ကိုယ် အောင်မြင်ကြတာချည်းပါပဲ။ ဒါပေမယ့်လဲ တည်ကြည်ဖို့ ဖြောင့်မတ်ဖို့ကတော့လိုအပ်ပါသေးတယ်။ အထူးတလည် ပေါက်မြောက်အောင်မြင်ချင်တယ်ဆိုရင်တော့ စဉ်းစားတွေးခေါ်တတ်မှုနဲ့ အမြော်အမြင်ကောင်းတွေ လိုအပ်တာပေါ့။

အလိုက်သိ
အလိုက်သိတယ်ဆိုတာ အသိလိုက်နေလို့ပါပဲ။ အရာရာမှာ အသိလေး လိုက်ပေးနိုင်မယ်ဆိုရင် အလိုက်သိသူတစ်ယောက် ဖြစ်လာတာပါပဲ။

အရမ်းဆိုတာ မကောင်းပါ
အရမ်းလဲ အထင်မသေးလိုက်ပါနှင့်၊ အရမ်းလဲ အထင်မကြီးလိုက်ပါနှင့်။ အရမ်းဆိုရင် ဘယ်အရမ်းမှမကောင်းဘူး။

ကံဆိုတဲ့ ကံ
ကံဆိုတာ အကောင်းချည်းရှိတာမဟုတ်ပါ။
ဒေါက်တာအရှင်ပါရမီ

Wednesday, September 19, 2012

ရုပ်နာမ်သိမှ ဒိဋ္ဌိကွာမည် (၁)


ရုပ်နာမ်မသိ လူဒိဋ္ဌိမှာ မိုးဖျားဗြဟ္မာ ဖြစ်တုံပါလည်း ခန္ဓာပြိုကွဲ ကုသိုလ်စဲက ဖောက်လွဲပါယ်ရွာ ရောက်တတ်စွာ၏။
ဝိပဿနာလုပ်လိုသူများအတွက် ရုပ်နာမ်ကို ရှေးဦးစွာ သိထားဖို့ အရေးကြီးပါတယ်။ ရုပ်ဆိုတာက ဖောက်ပြန်တတ်တဲ့သဘောတရားတွေပါပဲ။ အပူကြောင့်ဖြစ်စေ အအေးကြောင့်ဖြစ်စေ ဖောက်ပြန်တတ်တာ ရုပ်ပေါ့။ ရုပ်လည်း ဖောက်ပြန်တာပါပဲ၊ နာမ်လည်းဖောက်ပြန်တာပါပဲ။ ဒါပေမယ့် ရုပ်ရဲ့ ဖောက်ပြန်မှုက သိသာထင်ရှားလို့သာ ရုပ်ကိုမှ ဖောက်ပြန်တတ်တဲ့သဘော (ရုပ္ပတီတိ ရူပံ)လို့ ပြောရတာပေါ့။ ကိုယ့်သန္တာန်မှာ သုံးသပ်ကြည့်မယ်ဆိုရင် ရုပ်ရဲ့ သဘောတရားတွေ သိသိသာသာ တွေ့ရမှာပါ။ ခန္ဓာမှာ မာတဲ့သဘော ပျော့တဲ့သဘော နူးညံ့တဲ့သဘောလေးတွေ ရှိနေတာပဲ။ ဒါတွေက ပထ၀ီဓာတ်တွေပေါ့။ အစိုဓာတ် အထိုင်းဓာတ် အစီးဓာတ်လေးတွေလည်း ရှိနေပါတယ်။ ဒါတွေက အာပေါဓာတ်တွေပေါ့။ အပူဓာတ် အနွေးဓာတ် အအေးဓာတ် ဆိုတာလည်း ရှိနေတာပဲ။ ဒါဟာ တေဇောရုပ်ပေါ့။ လှုပ်တဲ့သဘော ငြိမ်တဲ့သဘော ထောက်ကန်တတ်တဲ့သဘောလေးတွေလည်း ရှိနေတာပဲ။ ဒါတွေက ၀ါယောဓာတ်တွေပေါ့။ ဒီဓာတ်ကြီးလေးပါးဟာ အထင်ကရ ရုပ်ဓာတ်တွေဖြစ်လို့ သူတို့ကို မဟာဘုတ်လို့ ခေါ်တယ်။ ဒီဓာတ်ကြီးလေးပါး တစ်ပါးပါးပေါ်တိုင်း ပေါ်တိုင်း ရုပ်ပဲလို့ သိနေရင် အရှိပရမတ်ကို သိနေပါပြီ။

ကျန်တဲ့ရုပ်တွေလည်း ရှိနေသေးတယ်။ ဒါတွေကို အသာထားလိုက်ပါဦး။ အစဦးဆုံး ဒီဓာတ်ကြီးလေးပါးရဲ့ သဘောလေးတွေ ကိုယ့်ခန္ဓာမှာ ရှိ မရှိ ကိုယ်တိုင် သိအောင် စမ်းသပ်ကြည့်ဖို့ လိုအပ်ပါတယ်။ စမ်းသပ်ကြည့်တော့ ပူတာလည်း တွေ့ရမှာပါပဲ။ တကယ်တော့ အပူဓာတ်ဟာ ရုပ်သက်သက်သာဖြစ်ပါတယ်။ ငါပူတာမဟုတ်၊ ရုပ်က ပူနေတာလို့သာ သိပေးနေလိုက်ရင် ရုပ်ကို ရုပ်မှန်း သိသွားပြီပေါ့။ အေးတော့လည်း ငါအေးတာမဟုတ်၊ ရုပ်က အေးနေတာ။ နွေးတော့လည်း ငါနွေးနေတာမဟုတ်၊ ရုပ်ကနွေးနေတာ။ လှုပ်တော့လည်း ငါလှုပ်နေတာမဟုတ်၊ ရုပ်ကလှုပ်နေတာ။ ငြိမ်တော့လည်း ငါငြိမ်နေတာမဟုတ်၊ ရုပ်က ငြိမ်နေတာ။ တောင့်တင်းနေတော့လည်း ငါမဟုတ်၊ ရုပ်။ နူးညံ့ပျော့ပျောင်းနေတော့လည်း ငါမဟုတ်၊ ရုပ်လို့သာ သိသိပေးနေရင် ရုပ်ဆိုတာ အစိုင်အခဲမဟုတ်၊ သဘောတရားစုမျှသာပါလားဆိုတဲ့ အသိ ကိုယ့်ဉာဏ်ထဲ ရောက်လာမှာပါ။

သာမန်အားဖြင့်ကြည့်ရိုးကြည့်စဉ်အတိုင်း ကြည့်နေကြမယ်ဆိုရင် ရုပ်ဆိုလိုက်တာနဲ့ အတုံးအခဲကြီးကိုသာ မြင်ယောင်နေ၊ ထင်ယောင်နေလေ့ရှိကြတယ်။ ဒီအစိုင်အခဲ အထည်ကိုယ်ဒြပ်ကြီးကို ရုပ်လို့ မခေါ်နိုင်ဘူးလားဆိုတော့လည်း ခေါ်နိုင်ပါတယ်။ ဒါက ရှေးရှေးရုပ်တွေနဲ့ နောက်နောက်ရုပ်တွေ ပေါင်းမိ စုမိထားလို့ အထည်ကိုယ်အနေနဲ့ ဖြစ်တည်နေတာပါပဲ။ ၀ိပဿနာရှုတဲ့အချိန်လေးမှာ သိနေရမှာက အဲလို အစုအပေါင်းကြီးကနေ လောလောလတ်လတ် ပေါ်ပေါ်လာတတ်တဲ့ ထွက်ထွက်လာတတ်တဲ့ အပူ၊ အအေး၊ အနွေး၊ အစေး၊ အကပ်၊ အလှုပ်၊ အငြိမ်၊ အတောင့်၊ အတင်း၊ အရွေ့၊ အမာ၊ အပျော့၊ အလျော့၊ အတင်း စတဲ့ သဘောစုသက်သက်လေးတွေကို ပေါ်လာလိုက်၊ သိပေးလိုက်၊ ပေါ်လာလိုက်၊ သိပေးလိုက်။ အဲလိုလေး သိသိပေးနေရင် ရုပ်ကို ဉာဏ်ကသိနေလို့ ရုပ်ကို ပိုင်းခြားသိတဲ့ဉာဏ်တော့ ဖြစ်နေပြီပေါ့။ အဲဒီဉာဏ်ကို ရူပပရိစ္ဆေဒဉာဏ်လို့ ခေါ်တာပါပဲ။ ရုပ်ကို ရုပ်မှန်းသိတော့ ဘာဖြစ်လဲဆိုတော့ တစ်သံသရာလုံးက ဒီအသိ ဒီအမြင်မရှိခဲ့လို့ ဒီရုပ်ကိုပဲ ငါ့ကိုယ် ငါ့ဟာ ငါ့ဥစ္စာထင်မှတ်နေတဲ့ အထင်တွေ အမြင်တွေ ပျောက်သွားတာပေါ့။ ရုပ်ကို ငါထင်တဲ့ ငါစွဲသက္ကာယဒိဋ္ဌိ၊ ရုပ်ကိုပဲ ငါ့ကိုယ်ငါ့ဟာ ငါ့ဥစ္စာထင်တဲ့ တဏှာစွဲတွေ လျော့ကျသွားတာပါပဲ။ ရုပ်ဆိုတာ သဘောတရားအစု သက်သက်မျှသာပါလားဆိုတာ သိသိလာတယ်လေ။ တဏှာစွဲ ဒိဋ္ဌိစွဲတွေနဲ့ စွဲလန်းစရာ မဟုတ်တော့ပဲ ဖြစ်ပြီး ပျက်၊ ပေါ်ပြီးပျောက်ပျောက်သွားတဲ့သဘောလေးတွေသာဖြစ်တယ်လို့ ကိုယ်တိုင် သိနားလည်လာပါတယ်။ ဒီသဘောလေးတွေကိုပဲ တဏှာ ဒိဋ္ဌိတွေနဲ့ စွဲလန်းနေတတ်တာကြောင့် ရုပ်ကို ဥပါဒါနက္ခန္ဓာမှာ ထည့်သွင်းဖော်ပြထားပါတယ်။ အပြည့်အစုံဆိုရင်တော့ ရူပုပါဒါနက္ခန္ဓာလို့ ခေါ်ပါတယ်။ ဒီ ဥပါဒါနက္ခန္ဓာကိုသာလျှင် ၀ိပဿနာရှုရမယ်ဆိုတာကိုလည်း မှတ်ထားရပါမယ်။ ဟို အတုံးအခဲ ကိုယ်ကာယ ရုပ်ခန္ဓာကြီးက ခန္ဓာမဟုတ်လားဆိုတော့ ခန္ဓာတော့ ဟုတ်ပါတယ်။ ၀ိပဿနာရှုရမယ့် ခန္ဓာတော့မဟုတ်ဘူး။ ဘာလို့လဲဆိုတော့ သူ့ကိုကြည့်ရင် အိုတာ မင်းတာ ရင့်တာ ရော်တာတွေလောက်သာ မြင်နေရပြီး ခဏမစဲ တစ်ဖွဲဖွဲ ဖြစ်ပျက်ပြောင်းလဲနေတာတွေကိုကျတော့ မမြင်သာ မထင်သာလို့ပါပဲ။ အတိတ်ရုပ် ပစ္စုပ္ပန်ရုပ် အနာဂတ်ရုပ် စသည်ပေါင်းစုဖွဲ့စည်းထားတဲ့ ကိုယ်ကာယကြီးဖြစ်နေတော့ ကလေးတုန်းကလည်း ငါပဲ၊ ငါ့ကိုယ်ပဲ။ အခုလည်း ငါပဲ၊ ငါ့ကိုယ်ပဲလို့ စွဲစွဲမြဲမြဲထင်မြင်ယူဆထားပြီး ဒီကိုယ်က မွေးကတည်းက ဒီအတိုင်းပဲနေလာပြီး အိုမင်းရင့်ရော် အသက်ကြီး၊ နောက်ဆုံး သေမှပဲ ပျက်စီးတော့တယ်လို့ ခံယူထားမိလေတော့ ရုပ်ပေါ်မှာ မပျက်မစီး တည်မြဲတယ်လို့ အထင်ရောက်နေတယ်။ ဒီအထင်မျိုးကို သဿတဒိဋ္ဌိလို့ခေါ်တာပေါ့။ တကယ်တော့ အဲလိုမှမဟုတ်ဘဲ။ လတ်တလော ဖြစ်ပေါ်နေတဲ့ရုပ်လေးတွေဟာ ဉာဏ်နဲ့ ကြည့်လိုက်တိုင်း ကြည့်လိုက်တိုင်း တစ်ဖွဲဖွဲတစ်သဲသဲ ပြိုကွဲ ပျက်စီး ကြွေကျနေတာမှလွဲလို့ ဘာမှမတွေ့နိုင်တာပဲ။ ဒီလို လတ်တလော ပေါ်ပေါ်လာတဲ့ ရုပ်လေးတွေကိုသာ မြင်အောင်လည်း ကြည့်လို့ရသလို သိသိပေးလို့လည်း ရတာပေါ့။ ဒါကြောင့် လတ်တလော ပေါ်ပေါ်လာတဲ့ ရုပ်လေးတွေကိုပဲ ၀ိပဿနာရှုရမယ့်ခန္ဓာ။ ဒီခန္ဓာမျိုးကို ဥပါဒါနက္ခန္ဓာလို့ ခေါ်ပါတယ်။

ဒါဖြင့် ဥပါဒါနက္ခန္ဓာကို ၀ိပဿနာရှုကြရမယ်ဆိုတာ ပေါ်လာပြီ။ ရုပ်ကို ရုပ်မှန်းလည်း သိနေပြီဆိုတော့ ဒိဋ္ဌိကွာလို့ ဒီလို ပေါ်လာတိုင်း ပေါ်လာတိုင်း ရုပ်လေးတွေအပေါ်မှာ အမြင်က ရှင်းလာပြီဆိုရင် ဒီလို ပေါ်လာတဲ့ရုပ်ကလေးတွေ ငါလားလို့ ဉာဏ်ထဲ မေးစစ်ကြည့်။ ငါ့ဥစ္စာလားလို့ မေးစစ်ကြည့်။ ငါလည်းမဟုတ်၊ ငါ့ဥစ္စာလည်းမဟုတ်ဆိုတာ အလိုလို အဖြေထုတ်ပြီးသားဖြစ်နေလို့ ဒီလို ရှင်းလင်းစွာ သဘောပေါက်နားလည်နေတဲ့ အဆင့်ကို ရုပ်ကို ရုပ်မှန်းသိနေတဲ့ အဆင့်။ အသိနဲ့ ဒိဋ္ဌိပြုတ်နေတဲ့ အဆင့်လို့ မှတ်လိုက်တာပေါ့။ ဒီအသိလေးနဲ့သာ နေလို့ ဒီအသိလေးနဲ့သာ သေနိုင်မယ်ဆိုရင် ဒိဋ္ဌိစွဲကင်းပြီး သေလို့ တစ်ဘ၀နှစ်ဘ၀တော့ အပါယ်တံခါးပိတ်တယ်။

ဒိဋ္ဌိအမြင်မရောတော့ဘူးဆိုရင် ဒီပေါ်တိုင်းပေါ်တိုင်းသော ရုပ်လေးတွေ မြဲလား မမြဲလား ဆက်ပြီး အကဲခတ်လိုက်ပါ။ ပူတာလေးပေါ်လာရင် ဒီအပူလေးက ပျက်လား မပျက်လား အကဲခတ်။ သူက မမြဲဘူး၊ ပျက်တယ်ဆိုတာ ပြောသွားပါလိမ့်မယ်။ ဒါက သူ့သဘောသူ ပြသွားတာပါပဲ။ သူကပြနေတဲ့သူ့သဘောကို ကိုယ့်မနောက သိသိပေးနေလိုက်ရုံပေါ့။ အေးတာလေးပေါ်လာတော့လည်း မြဲ မမြဲအကဲခတ်၊ နွေးတာလေးပေါ်လာတော့လည်း မြဲ မမြဲသာ အကဲခတ်။ လှုပ်တာလေးတွေ ငြိမ်တာလေးတွေ တောင့်တာလေးတွေ တင်းတာလေးတွေ မာတာလေးတွေ ပျော့အိတာလေးတွေ ခန္ဓာမှာ ထင်ရှားပြလာလို့ ရှိရင်လည်း မြဲ မမြဲသာ အကဲခတ်နေလိုက်။ သူ့သက်တမ်းစေ့တာနဲ့ ပျက်ပျက်သွားတာလေးတွေ တွေ့ပြီဆိုရင် ရုပ်တရားတွေဟာ မမြဲပါလား၊ ဖြစ်ပြီး ပျက်ပျက်သွားကြပါလားဆိုတာ သူများပြောမဟုတ်၊ ကိုယ့်ခန္ဓာက ပြောတဲ့အပြော။ ကိုယ့်မနောက ကိုယ်တိုင်သိတဲ့ အသိဖြစ်လာတာပါပဲ။ ဒီလို ပေါ်လာသမျှရုပ်ကလေးတွေ ကြည့်လို့ ဖြစ်ပြီး ပျက်၊ ပေါ်ပြီးပျောက်ပျောက်သွားတာလေးတွေ မြင်လာရပြီဆိုရင် ပေါ်သမျှရုပ်က ဖြစ်ပျက်၊ မြင်တာက မဂ်။ ရုပ်က ဖြစ်ပြီး ပျက်လို့ ဒုက္ခသစ္စာ၊ မြင်နေတာလေးက မဂ္ဂသစ္စာ။ ဒီလို သစ္စာသဘောလေးတွေ သိလာတာပါပဲ။ ဒါဟာ အပွားဉာဏ်နဲ့ သိနေတဲ့ သစ္စာသိ။

ရုပ်ကို ရုပ်မှန်းသိနေတုန်းက ဒိဋ္ဌိကွာနေတယ်။ ဒိဋ္ဌိကွာတော့ အပါယ်တံခါးပိတ်တယ်၊ ဒါပေမယ့် နိဗ္ဗာန်တော့ မရောက်နိုင်သေးဘူး။ ပေါ်ဆဲရုပ်ကို ဖြစ်ပျက်မြင်တော့ မဂ်ပေါ်တယ်။ မဂ်ပေါ်တော့ သစ္စာသိတယ်။ သစ္စာသိတော့ နိဗ္ဗာန်ရောက်တယ်။ ပေါ်ဆဲရုပ်လေးတွေကို ဖြစ်တာလည်းမြင် ပျက်တာလည်းမြင်အောင် ကြည့်နိုင်ပြီဆိုရင် ဖြစ်ပျက်နေတဲ့ ရုပ်လေးတွေဟာ ငါ့ကိုယ်လည်း မဟုတ်၊ ငါ့ဟာလည်း မဟုတ်၊ ငါ့ဥစ္စာလည်းမဟုတ်၊ ဖြစ်ပျက် အနိစ္စ၊ အနိစ္စလက္ခဏာ၊ ဒုက္ခသစ္စာသာ ဟုတ်ပါလားဆိုတာ ကိုယ်တိုင် သိမြင်လာတော့ အပွားဉာဏ်နဲ့ ဒိဋ္ဌိကွာနေပေါ့။ လှုပ်တာလေးပေါ်လာရင် လှုပ်တာရုပ်ကလေးပါလား၊ ငြိမ်တာလေးပေါ်လာတော့လည်း ရုပ်ကလေးပါလားလို့ သိသိပေးနေလိုက်တော့ လှုပ်တာကတစ်ခြား၊ ငြိမ်တာကတစ်ခြား။ လှုပ်တဲ့ရုပ်ကလည်း လှုပ်ပြီးပျက်၊ ငြိမ်တဲ့ဆီမပါ။ ငြိမ်တဲ့ရုပ်ကလည်း ငြိမ်ပြီးပျက်တော့ လှုပ်တဲ့ဆီ မပါ။ ဒီလို သီးခြားစီ မြင်လာရင်ဖြင့် မြင်ရတဲ့ရုပ်က ဖြစ်ပြီးပျက်လို့ ဒုက္ခသစ္စာ၊ မြင်နေတဲ့ဉာဏ်လေးက မဂ္ဂသစ္စာ။ ဖြစ်ပျက်မဂ် ကိုက်နေဆဲအခိုက် ဒိဋ္ဌိကိလေသာ မလာနိုင်ဘဲ သေနေတာက သမုဒယသစ္စာ။ သမုဒယသစ္စာချုပ်တော့ သမုဒယလုပ်မှ ပေါ်ရမယ့် နောင်ခန္ဓာ မလာနိုင်တာက နိရောဓသစ္စာ။ ဒါဖြင့် ရုပ်မှန်းလည်းသိ၊ ဖြစ်ပျက်လည်း မြင်အောင်ကြည့်တတ်လောက်ပါပြီ။ ဒီလိုကြည့်လို့မြင်ရတဲ့ ဖြစ်ပျက်တွေကို မုန်းလာအောင်၊ မုန်းဉာဏ်ရင့်တော့ ဆုံးအောင်သာလိုက်လို့ အရိယာမဂ်ဆိုက်ပြီဆိုရင် နောင်ခန္ဓာအပါယ်ဘေး စိတ်အေးရပြီပေါ့။

ဒေါက်တာအရှင်ပါရမီ

Saturday, September 15, 2012

လှူပုံလှူနည်း

အလှူဒါနတွေ လုပ်တဲ့အခါ အဆင့်မြင့်တဲ့ အလှူဒါနဖြစ်ဖို့အတွက် သစ္စာသိပြီးမှ လှူဒါန်းပါဆိုတာ မိုးကုတ်ဆရာတော်ဘုရားကြီးက ဦးစားပေး ဟောလေ့ ပြောလေ့ သွန်သင် ဆုံးမလေ့ရှိပါတယ်။ အလှူဒါနမှန်လျှင် မကောင်းဘူးဆိုတာတော့ မရှိပါဘူး။ ဒါပေမယ့် လှူတိုင်းလည်း ကောင်းကျိုး အတူတူ မရနိုင်ဘူးဆိုတာ အဘိဓမ္မာဒေသနာတော်က သက်သေခံထားပါတယ်။ ကုသိုလ်ဆိုတာ ဉာဏ်ပါမှ တော်ကာကျတယ်။
ဉာဏ်မပါဘဲနဲ့ ပြုလုပ်တဲ့ ကုသိုလ်ကောင်းမှုက အကျိုးပေးလိုက်မယ်ဆိုရင် အဲဒီအကျိုးပေးက သိပ်ကြောက်စရာကောင်းပါတယ်။  ဥပမာ- စေတနာမပါဘဲနဲ့ မဖြစ်မနေမို့၊ သို့မဟုတ် မကောင်း မကင်းလို့ လှူလိုက်ရတယ်ဆိုပါတော့။ ဒီကုသိုလ်ကနေ အကျိုးပေးလိုက်လို့ သုဂတိအဟိတ်နဲ့များ ပဋိသန္ဓေနေပြီး လူဖြစ်လာခဲ့ရင် အဲဒီလူဟာ လူစင်မမီတော့ဘူး။ လူ့အဆင့်အတန်းမီတဲ့ အသိဉာဏ်တွေ ကင်းမဲ့နေတော့ ရှေ့ကထားလဲမရ၊ နောက်ကလဲ ဖြောင့်ဖြောင့်မလိုက်တတ်နဲ့ ဘယ်နေရာမှ အချိုးမကျ၊ လူတောမတိုးတဲ့ဘ၀မျိုးဖြစ်သွားခဲ့ရင် သိပ်နစ်နာပါတယ်။ ဆွံ့အ နားပင်းစတဲ့ဘ၀ဆိုးမျိုးတွေလဲ ဖြစ်လာတတ်တယ်လေ။ ဒါဟာ ကုသိုလ်အကျိုးကြောင့် လူဖြစ်ရပေမယ့် လူဖြစ်ရကျိုးမနပ်တော့တဲ့ဘ၀၊ တရားအားထုတ်သော်လည်း တရားမရနိုင်တဲ့ဘ၀မျိုးပေါ့။ ဒါကြောင့် မကောင်း မကင်းလို့များ စေတနာမပါဘဲ၊ အသိဉာဏ်ဦးစီးမှုမရှိဘဲ မလှူလိုက်ပါနဲ့။ ဒီကံက ၀င်အကျိုးပေးလိုက်ရင် ကိုယ်ကျိုးနဲရတော့မယ်။ မဖြစ်မနေမို့လှူလှူ၊ မကောင်းမကင်းလို့လှူလှူ အနဲဆုံး ကံကံအကျိုး ယုံကြည်တဲ့ အသိဉာဏ်လေးတော့ ခြံရံပြီးလှူလိုက်ပါ။ တတ်နိုင်ရင် ၀ိပဿနာဉာဏ်လေး အခိုက်အတန့်ဖြစ်အောင် လုပ်ပြီးမှ လှူလိုက်ပါ။ အဲလိုမှ တစ်ခုခု မခြံရံနိုင်ရင် မလှူတာက ပိုကောင်းပါတယ်။ ဘာဖြစ်လို့လဲဆိုတော့ ဘာဉာဏ်မှ မခြံရံမိဘဲလှူမိထားတဲ့ကုသိုလ်ကံကို သေခါနီးမှာ ပြန်လည်သတိတရရှိနေလို့ နောက်ဘ၀အတွက် အဲဒီကံက အကျိုးပေးလိုက်ရင် လူလုံးမလှတဲ့ လူ့ဘ၀မျိုးရလို့ လူ့ဘ၀ ရကာမတ္တမျှလောက်သာ ဖြစ်ရင် အလွန်နစ်နာလှပါတယ်။
နောက်ပြီးတော့ စေတနာရှိလို့လှူတယ်၊ လှူချင်လို့လှူတယ်၊ ဒါပေမယ့် အခုပြောခဲ့တဲ့ ဉာဏ်တစ်ခုခုမှ မပါခဲ့ရင်လဲပဲ ကိုယ်လှူတဲ့အလှူဟာ ဉာဏ်ကင်းတဲ့အလှူ ဖြစ်လို့ ဉာဏ၀ိပ္ပယုတ်ကုသိုလ်ဖြစ်နေပြန်ရော။ ဒီလို ဉာဏ၀ိပ္ပယုတ်ကုသိုလ်မျိုးကလဲ နောက်ဘ၀အတွက် အကျိုးပေးရင် ဉာဏ၀ိပ္ပယုတ်ပဋိသန္ဓေပဲ ပေးလိမ့်မယ်လေ။ အဲလိုပဋိသန္ဓေကို ဒွိဟိတ်ပဋိသန္ဓေလို့ခေါ်တာပေါ့။ ဒွိဟိတ်ပဋိသန္ဓေနဲ့ ဖြစ်လာခဲ့တဲ့ လူဟာလဲ လူစင်တော့မီပါရဲ့။ ဒါပေမယ့် သူဟာ ဘုရားနဲ့တွေ့တွေ့ သာသနာနဲ့တွေ့တွေ့ ဘယ်လိုမှ ဒီဘ၀ တရားမရနိုင်တော့ဘူး။ ဒါကြောင့် ဒီလိုအဖြစ်မျိုးလဲ မတိုးရလေအောင် ကုသိုလ်လုပ်တိုင်း ဉာဏ်တစ်မျိုးမျိုးတော့ ပါဖြစ်အောင် ပါပါစေ။ ဒီလိုမှမဟုတ်ရင် မလှူတာက ပိုကောင်းတယ်လို့ပဲ ပြောရမှာပါ။ ဒွိဟိတ်လူသားဆိုတာ တရားမရနိုင်တဲ့အဖြစ်ဆိုးနဲ့တိုးတော့ ကိုယ်လှူတဲ့ကုသိုလ်ကြောင့်ပဲ ကိုယ်ကျိုးနဲရတတ်တယ်။
ဒါကြောင့် ကုသိုလ်လုပ်တဲ့အခါ ကမ္မဿကတာဉာဏ် သို့မဟုတ် ၀ိပဿနာဉာဏ် တစ်ခုခုတော့ ခြံရံပြီးမှ လှူတာဟာ အကောင်းဆုံးပါပဲ။ ဒီလိုကုသိုလ်မျိုးကိုတော့ ဉာဏသမ္ပယုတ်ကုသိုလ်လို့ ခေါ်တယ်။ ဒီကုသိုလ်မျိုးက အကျိုးပေးလိုက်မှ နောက်ဘ၀ ဉာဏသမ္ပယုတ်ပဋိသန္ဓေလူသား ပြန်ဖြစ်နိုင်တယ်။ ဒီလိုပဋိသန္ဓေကို တိဟိတ်ပဋိသန္ဓေလို့ခေါ်တယ်။ တိဟိတ်ပဋိသန္ဓေမှ လူ့အဆင့်အတန်း အပြည့်အ၀ မီပါတယ်။ ဒီလိုပုဂ္ဂိုလ်မျိုးက ဘုရားနဲ့တွေ့လို့ တရားနာ တရားအားထုတ်ရင်လဲ လွယ်လင့်တကူ ကျွတ်တမ်းဝင်သွားနိုင်ပါတယ်။ သာသနာနဲ့တွေ့လို့ တရားအားထုတ်ခွင့်ရမယ်ဆိုရင်လဲ ကျွတ်တမ်းဝင်စာရင်းမှာ ပါဝင်နိုင်ပါတယ်။ ကိုယ်ပြုတဲ့ ကုသိုလ်ကံရဲ့ ကောင်းကျိုးကို ပြည့်ပြည့်၀၀ ပြန်လည်ခံစားနိုင်ခွင့်ရှိတာပေါ့။
သေခါနီးပြီဆိုတော့ ကိုယ်ပြုတဲ့ကုသိုလ်ကံတွေ သို့မဟုတ် အကုသိုလ်ကံတွေ ပြန်လည်ထင်မြင်လာတတ်တာမျိုး၊ ကမ္မနိမိတ်တစ်ခုခု၊ သို့မဟုတ် ဂတိနိမိတ်တစ်ခုခု ထင်မြင်လာတတ်တာမျိုးဟာ ကိုယ်ပြုခဲ့တဲ့ ကံအားလျှော်စွာ ဖြစ်လာတာတွေပါပဲ။ ဒါကြောင့် ပါပဓာတ်ဖြစ်တဲ့ မကောင်းတဲ့ ကံတွေကိုတော့ မလုပ်ဖြစ်အောင် အထူးသဖြင့် ရှောင်ကြဉ်ပြီး ကောင်းတဲ့ ပုညဓာတ်တွေ များများဖြစ်အောင်တော့ စုဆောင်းကြရတာပေါ့။ ဒီလိုစုဆောင်းတဲ့နေရာမှာ အသိဉာဏ်လေး ဦးစီးပြီးမှ စုကြဆောင်းကြမယ်ဆိုရင် အကောင်းဆုံးပါပဲ။ ပါပဓာတ်အင်အားစု များတဲ့သူက သေခါနီးမှာ သူအလေ့အကျင့်များခဲ့တဲ့ ပါပဓာတ် အကုသိုလ်နဲ့ပတ်သက်တာတွေသာ လာရောက်ထင်မြင် သတိတရဖြစ်နေမိပြီဆိုရင်တော့ လူပြန်ဖြစ်ဖို့တောင် မလွယ်တော့ပါဘူး။ အရှင်လတ်လတ် ကိုက်ဖြတ် အစားအသောက်ခံ တိရိစ္ဆ္တာန်လို ဘ၀မျိုး၊ အပါယ်ဘုံသားအဖြစ်နဲ့ သံသရာအောက်တန်းကျဖို့သာ ရှိတော့တယ်။ ဒါကြောင့် ပါပဓာတ်တွေ နဲနိုင်သမျှနဲအောင် ကိုယ့်သန္တာန်မှာ ကိန်းဝင်ခိုလှုံခွင့်မပေးပဲ ပထုတ်ပေးတဲ့ အလေ့အကျင့်လုပ်ထားရတယ်။ ကုသိုလ်ဓာတ် ပုညဓာတ်တွေ များနိုင်သမျှ များအောင် ကိုယ့်သန္တာန်မှာ ကိန်းဝင်နေအောင် စိမ့်ဝင်ပျံ့နှံ့နေအောင် လေ့ကျင့်ယူထားရတယ်။ ဒီလို လေ့ကျင့်ယူထားမှ သေခါနီးအချိန်မျိုးတွေမှာ ကိုယ်အလေ့အကျင့်များတဲ့ ကုသိုလ်ပုညတွေ ပြန်လည်မြင်ယောင်လာပြီး အဲဒီကုသိုလ်က နောက်ဘ၀ပဋိသန္ဓေကျိုးကို ပေးလိုက်ရင် လူတော့ ပြန်ဖြစ်ခွင့်ရှိနေသေးတာပေါ့။
ဒီလိုဖြစ်ခွင့်ပေးတဲ့နေရာမှာ အကောင်းဆုံး ပဋိသန္ဓေကျိုးကို ဖြစ်စေနိုင်အောင် တစ်သက်တစ်ခါ မှတ်မှတ်ရရ ကုသိုလ်လေး အနဲဆုံးတစ်ခုလောက်တော့ သစ္စာသိတဲ့ဉာဏ်လေးနဲ့ဖြစ်စေ၊ ဒါမှမဟုတ်ရင် ကမ္မဿကတာ ဉာဏ်ကလေးနဲ့ဖြစ်စေ လုပ်ထားသင့်ပါတယ်။ အဲဒီကုသိုလ်ကိုလဲ ပြုပြီး မေ့ပျောက်ပစ်မထားဘဲ အခါအားလျော်စွာ ပြန်လည်သတိရနေအောင် လေ့ကျင့်ယူထားရတယ်။ ဒါမှ အဲဒီကုသိုလ်က ကိုယ့်သန္တာန်မှာ စိမ့်ဝင်ပျံ့နှံ့နေမှာပါ။ ဒီလို အမြဲတစေ အမှတ်တရ ရှိနေတဲ့ ဉာဏသမ္ပယုတ်ကုသိုလ်မျိုးက အကျိုးပေးလိုက်မယ်ဆိုရင် နောက်ဘ၀အတွက် အဆင့်မြင့်လူသားတစ်ယောက်တော့ ဖြစ်ခွင့်ရှိတာပေါ့။
နောက်ဘ၀ လူပြန်ဖြစ်ခွင့်တောင်မှ တကယ်တော့ လွယ်ကူလှတာမဟုတ်ဘူး။ ဒါကြောင့် ဒါလေးတွေ သိထားရင် ဘ၀မှာ နေရကျိုးနပ်သေးတာပေါ့။ ဒီလိုမှ မသိလို့ ဒီလိုမှ မလုပ်ထားဘူးဆိုရင် ရင်းစားပင် ပြန်ရဖို့ မလွယ်ပါဘူး။ အခုလူ၊ နောက်ဘ၀ ဂြိုဟ်ပေါက်တဲ့ နွား၊ ဆိတ်၊ ကျွဲလိုမျိုး မဖြစ်ဘူးလို့ ဘယ်သူမှ မပြောနိုင်ဘူး။ ဒီလို အဖြစ်ဆိုးတွေက လွတ်မြောက်နိုင်အောင် ကိုယ့်ကို ကယ်တင်စောင့်ရှောက်ပေးနိုင်တဲ့ အမှတ်တရ ကုသိုလ်လေးတစ်ခုလောက်တော့ သစ္စာသိတဲ့ဉာဏ်ကလေး ခဏဖြစ်စေ တဒင်္ဂဖြစ်စေ ဖြစ်အောင် ပွားမြားပြီးမှ လှူဒါန်းထားကြစမ်းပါ။ ဒါဟာ အလွန်အရေးကြီးတဲ့ ကိစ္စတစ်ရပ်ဖြစ်နေလို့ပါပဲ။ ဒီဘ၀ ဒီခန္ဓာနဲ့ ကျွတ်တမ်းဝင်အောင် သစ္စာကို မဂ်ဉာဏ်အစစ်နဲ့ သိတဲ့အဆင့်ရောက်အောင် ကြိုးစားနိုင်ကြမယ်ဆိုရင်တော့ အကောင်းတကာ့ အကောင်းဆုံးလဲဖြစ်၊ ကျေးဇူးရှင်မိုးကုတ်ဆရာတော်ဘုရားကြီးရဲ အလိုဆန္ဒနဲ့လဲ ကိုက်ညီသွားတာပေါ့။
ဒေါက်တာအရှင်ပါရမီ

Sunday, September 2, 2012

ဝါတွင်းကာလဗုဒ္ဓအဘိဓမ္မာသင်တန်း


(၂-၉-၂၀၁၂) ရက်နေ့ ဒုတိယအဆင့် သင်ကြားပေးနေစဉ်
မြကျွန်းသာမိုးကုတ်ရိပ်သာ (တရားစဉ်နှင့်လုပ်ငန်းစဉ်ပြန့်ပွားရေးဌာန)၌ ပဓာနနာယကဆရာတော် ဒေါက်တာအရှင်ပါရမီကိုယ်တိုင် ဖွင့်လှစ်သင်ကြားပေးသော ၀ါတွင်းကာလ ဗုဒ္ဓအဘိဓမ္မာသင်တန်းကို
၁။ စနေနေ့ (၁း၀၀)နာရီမှ (၃း၀၀)နာရီအထိ တတိယအဆင့်
၂။ တနင်္ဂနွေနေ့ (၁း၀၀)နာရီမှ (၂း၃၀)နာရီအထိ ပထမအဆင့်
၃။ တနင်္ဂနွေနေ့ (၂း၃၀)နာရီမှ (၄း၀၀)နာရီအထိ ဒုတိယအဆင့်ဟူ၍ အချိန်သုံးချိန်ပိုင်းခြားလျက် ၀ါဆိုပြီးကတည်းက အပတ်စဉ် စနေ၊ တနင်္ဂနွေနေ့တိုင်း ပုံမှန် သင်ကြားပေးလျက်ရှိသည်။ အသက်အရွယ်မရွေး မည်သူမဆို တက်ရောက်သင်ယူနိုင်သည်။ (မြန်မာလိုသာ သင်ပေးသည်)။
သတင်း